還有再降準空間
阿爺星期日都開工宣布降準，美股上週五亦迎來反彈，杜指結束8連跌，回升119點至24580點，升幅0.5%；標普500指數微升0.2%；納指微跌0.3%。外圍有好消息，對股市有支持。
帶動美股反彈的主要係能源股，能源板塊大升超過2%，係標普500指數11個板塊中表現最好的，美國兩桶油艾克森美孚和雪佛龍齊漲超過2%。
油組（OPEC）上週五在維也納結束會議，宣佈要把減產幅度回下降至2106年底同意的水準，但沒有說明具體數字，尼日利亞則表示每日70萬桶。—則是油組增產力溫和，二則消除了不確定因素，紐約期油上週五大升超過3%，最新收68.58美元。
S&P Global的全球石油分析部門主管Gary Ross所說的，「世界上沒有很多的閒置產能。如果第四季度少了來自委內瑞拉和伊朗的100萬桶/日石油供應，要如何彌補這一缺口？油價將會在更長的時間內繼續上漲。」
油價大漲，對經濟不利。美國、中國和印度在油組開會前敦促油組提高石油供應，以防止石油供應短缺損害全球經濟。而特朗普上週五在油組會議剛結束後在Twitter上發文「希望OPEC大幅增產。需要讓油價保持在低位！」無他，油價上漲，對美國中期大選不利也。
在中美貿易戰陰霾下，中港股市比美股更弱雞，特別係上證綜指，全星期累跌4%，深圳創業板正大插6%。上週五反彈，亦無甚力水。摩根史坦萊的亞洲及新興市場證券首席策略師Jonathan Garner表示，除了中美貿易糾紛，一堆有關全球經濟增長的預測數字都在惡化，再加上美元逐步轉強，並不看好區內未來股市走勢，下調了多個亞洲股市指數，其中恆指12個月目標由此前的30350點下調至27200點。外資唔睇好，解釋了股市的弱勢。
阿爺顯然不想見到股市跌得太慘怕影響經濟，放水救市，昨日公佈由7月5日起，下調銀行人民幣存款準備金率0.5個百分點；鼓勵五家國有大型商業銀行和12家股份制商業銀行支持“債轉股”專案，另外亦放水支持中小微企。預計可釋放資金約7000億元人民幣。這次的定向降準，已經係今年以來第三次，放水量亦比此前兩次的大。第一次是在2018年1月，釋放約4000億元資金；第二次是在4月25日，降准兼置換部分存量MLF（中期借貸便利），釋放約4500億元資金。值得留意的是今次從宣佈到實施，時間也較此前兩次短促，一宣布就要下月初實施。
雖然央行在聲明中再次強調要實施穩健中性的貨幣政策，但內地分析普遍認為結構性寬鬆正陸續有來，但亦強調阿爺今後放水的方式，不會再像以往般的「大水漫灌」，而是藉著定向寬鬆措施精准調控放水方向，借放水去解決一些經濟問題，例如中小企資金不足的難題。
中信證券固定收益首席分析師明明表示，「因為去槓桿，近期信用違約事件頻發， 引燃市場悲觀情緒，小微企業融資難、融資貴的問題也愈發凸顯，結構性寬鬆的貨幣政策更合時宜。」目前，中國銀行的存款準備金率然在15%左右，處在相對較高的水準，在利率市場化改革和縮細資產負債表的過程中，預計存準率會回到較合理的區間，市場預計可能還有0.5至1個百分點的下降空間，換句話說，未來還可能再降準兩次，再會有7000億至14000億元資金投到市場。水多咗，對股市至少心理都會隱定啲。
陸羽仁
陸sir你好,
請問點解內房跌不停?
尤其係604? 我係長線投資, 平均價係$3.38, 最近3.08已經溝過一次, 我覺得佢地賣樓係少左, 但PE已經好低 4.6倍, 息率又有6%, 公司好似冇大問題, 究竟係我睇錯定係市場唔buy?
另外我仲有405, 不過604:405既比例係約 4:1
而家仲可以再入貨:
1 )我應該係入52周低位既604?
2) 定係分散到405?
3) 定係唔好再溝?
(我唔一定要買內房股, 因為已經有3883同3380蟹貨…)
謝謝
2018-06-25
Dow Jones Industrial Average (^DJI)
24,252.80 -328.09 (-1.33%)
阿爺放水 美國放火
2018年06月26日
內地降準抗股市逆流，初頭都頂得兩嘴，但消息多少喺市場已預先反映，加上美國再傳針對內地科技公司投資消息，中港兩地股市下午跌勢加劇，恒指終於插穿29000點心理關口。
總理李克強上個星期喺內部會議中提出，要放水支持中小企業，市場周六都仲未聽到聲氣，以為可能要再等等。結果人行喺周日出招，宣佈調低存款準備金率0.5%。縱然時間有啲刁鑽，市場亦都有預期。雖然係咁，但中港兩地股市開市向好，恒指彈高超過100點，但上升幅度本來已經唔大，升勢其後更被扭轉，主要係市場關注《華爾街日報》引述消息指，美國總統特朗普計劃禁止很多中國企業投資美國科技公司，同時阻止對中國額外技術出口，措施將會針對新交易。
又傳針對中資科技公司
根據報道，美國財政部正起草規定會限制中資持股至少25%企業，收購涉及對行業影響重大技術的美國相關企業，投資禁令不會差別對待中國國有企業及私營企業。
有傳特朗普會再針對中資科企投資美國，應該唔係空穴來風，因為早喺今年三月，美國國會曾經舉行聽證會，當時包括美國參議院共和黨黨鞭科尼恩(John Cornyn)在內的議員，就提出設立一份「特別關注國」(Country of Special Concern)名單。呢個法案被理解成係為中國度身炮製，目標針對中國政府通過「中國製造2025」等政策，鼓勵中國企業在未來關鍵技術領域在美大幅投資。美國呢個政策起因，係上世紀八十年代日本經濟起飛，不但挑戰美國霸主地位，仲殺入美國收購，目標包括矽谷科技公司，當時美國通過修正案，授予美國總統在出現「可信證據表明外國利益控制會損害美國家安全」時，有權阻止外國企業收購美企。今次提出設立特別關注國就係一個加強版，當時有說法指今年八月會完成立法程序，屆時方案就會擺喺美國總統特朗普桌上。
《華爾街日報》講限制中資公司係咪同呢個法案有關仲要查探，但有跡象顯示特朗普想玩嘢，美國針對內地的鷹派就不斷幫佢調校炮口，轟向自己本來想向內地開刀的地方，喺內地未搵到高效反制措施，又或者同美國佬斟掂數前，日子都會幾難捱。
另外人仔下跌令股市受壓，人行宣佈定向降準後，人民幣昨天繼續下挫。在岸人民幣兌美元跌幅擴大，較上一交易日官方收盤價跌近400點子，離岸人民幣兌美元跌破6.54關口，日內跌超300點子，創1月10日來新低，連續八日下跌，創2016年以來最長連跌紀錄，八日內人民幣貶值超過1%。人仔下跌顯示資金無興趣留在區內。
阿爺放水暫時不敵特朗普放火，內地A股低開後收跌，上證指數收報2859點，跌30點，跌1%；深成指數收報9324點，跌85點或0.9%。恒指收市跌穿29000關，收報28961點，挫377點，跌1.3%；國企指數收報11208點，跌130點，成交1073億元。騰訊(700)
跌2.2%，收報388.8元；中國平安(2318) 
下滑1.5%，收報74.5元。代表中資股的恒生國企基金(2828) 
跌1.12%，收報114.5元。人行降準後，人民幣顯著下跌，借了大量外幣債務的航空股受壓，國航(753) 
下挫7%，收報8.08元；南方航空(1055) 
跌9%，收報7.01元；東方航空(670) 
跌6%，收報5.68元，人行將來仲有可能會再降準，內航股股東都要小心啲。藍籌中唯獨中海油(883) 
受惠油價回升，逆市急升2.4%，收報12.64元。個市跌到呢個位都有啲尷尬，因為氣氛咁弱唔排除再插吓，但佢穿低位隨時會有技術反彈夾番高。
同股不同權頭炮小米掛牌，撞正中美兩個大隻佬拗手瓜，首日招股市場反應麻麻。由於佢集資額大，雖然只有5%會公開認購，數目都有番咁上下，點樣搞熱氣氛都有啲考功夫。
小米要加把勁催谷
近年市場興玩用孖展抽新股，O依家部份經紀行佣金好低，全靠借孖展賺錢，所以逢抽新股都會催谷，好似小米呢啲有知名度的公司招股，正係搵食好時機，所以大家都想佢旺場，可惜佢招股前夕美國加息，拉高咗利息成本，大家都唔敢唱得太好。抽新股遊戲係旺者愈旺的遊戲，大家覺得中籤比例低，加大孖展率增加機會，就會谷到超額倍數愈高。相反，若然大家覺得中籤易，唔想買到成手係，咁就會減低入票。小米市值大，認購中籤比率高，就跌入咗呢個反向螺旋。通常呢啲市況基金都會借機壓價，對小米嚟講，上到市就係好漢，價錢多少可能都係次要，所以未來幾日都要繼續催谷，總之過咗海先可以做神仙。
陸羽仁
.
大市今日最低28,895，同計算的28,898只差3點😂😂😂😎✌🏿
將軍，日日四舊，一個月就八十舊
由今年高位跌咗40舊 .....
再40舊就 .....
kaka: 勿慌, 跌個4舊, 又不是40舊......
期指帳面+1800點
未到四點, 我啲哥哥真係唔知點
大戶兄: 勿慌. 未到4點. 不過跌左4舊......
股災到幾點？
kaka話破要破, 290......穿了.......
跌穿29,000，完了吧...如無意外🤦♂️
跌的升不了
將軍唔係繼續睇波？
kaka: 子龍有同你講過....有變嗎???
各位早晨
唔係以為降準就會升呀........
早呀~
估唔到大戶對我咁好~期指倒跌