陸羽仁
陸羽仁
陸羽仁

無自由,失自由

2018/06/27 08:38:57 網誌分類: 經濟
27 Jun

美股大跌後喘定,油價上升,帶動能源股造好,但美股反彈乏力,杜指收市微升30點,升幅0.1%

傳媒爆料,話美國總統特朗普會於本週晚一點時間公布禁止中資持股25%或以上的企業收購美國的高科技企業,並會收緊對中國輸出與工業有關的重要科技。美國政府高層的回應口徑不一,美國財長姆欽說,政策不只針對中國,而是所有試圖偷取美國高科技的國家,白宮經濟顧問納瓦羅卻說無計劃,而白宮發言人就話相關聲明,好快就會發布。訊息一片混亂,等咗一日仍未見清楚訊息,投資者當然會先做住塘邊鶴,採取觀望態度。

就算美國經濟近來表現不錯,但在貿易戰的陰霾籠罩下,已經沒有人注意基本因素了,無人敢投資,股市就好難彈得好高,由於要到星期尾至見真章。

美股昨日之所以頂得住,全靠能源股的支撐。標普能源板塊升1.4%,係11個板塊中表現最好,主要受惠於紐約期油昨日大升3.6%至每桶70美元樓上,最新報70.53美元。

此前估特朗普單方面撕毀伊朗核協議之後,就會恢復制裁伊朗。果然,美國國務院昨日宣布,所有企業必須在11月前完全停止向伊朗購買石油,否則將面臨華府的強力制裁,消息刺激油價向上。相信美國下一步就會通知全世界,不准向伊朗買石油。不跟從會有何後果?中興通訊有樣你睇啦。

特朗普依家真係惡得交關,他有強大民意在背後支持,但你又奈他不何。作為美國的對手,甚至盟友,固然被特朗普打得不似人形,就算係美國企業,亦冇啖好食,由於美國向歐盟開徵鋼鋁關稅,歐盟向美國製造電單車開徵重關稅報復,每部輸往歐洲的電單車的成本大漲了2200美元!搞到這個美國著名的老牌電單車公司Harley-Davidson昨日宣布計劃將部份生產線移到歐洲以減輕稅務負擔。

對此,特朗普昨日在Twitter發文追打Harley-Davidson,用詞也極端嚴厲說「Harley-Davidson 永遠不應該在其他國家製造!永不!他們的員工和顧客已經非常憤怒。如果Harley-Davidson搬動的話,等著瞧,這將是他們末日的開始他們將會被賦以從來未見過的重稅!」美國作為全球的民主國家龍頭及自由經濟典範,原來美國的企業是沒有自由的。美國公司也要唱兩句:「無自由,失自由....」

Harley-Davidson股價在兩星期內由46.79美元,大插至昨日的41.32美元,大跌了11.7%

呢個故事教訓我哋,短期內買貿易相關股的風險很高,要炒就炒油股吧。

陸羽仁

回應 (15)
我要發表
陸羽仁
陸羽仁 2018/06/28 15:03:15 回覆

明:

 國內現時為壓抑房價上升,收緊對發展商的信貸,搞到佢哋資金好緊張,逼佢哋將樓賣出去。

最近話暫停棚屋改造,亦都係減少,那些收到賠償的棚屋戶,去買新樓。

政策環境不利,加上大市下跌,所以來上,內房股就跌。

 深圳控股本則冇大問題,當然打壓樓價,對他們的銷售有些影響。但估計影響不是太大,現價只是4.3倍市盈率,6.6厘息,可以長揸。

越秀房託本質和深圳控股不同,深圳控股是一間發展商,上落較大,越秀房託係房產信託,等於買樓,上落較少。

我一般不贊成溝貨,因為會有越溝越跌的痛苦。若手上已有很多內房股,不一定需要再增持。

大灣區樓市長線向好,主要是我覺得未來他們仍然可以維持較高的經濟增長,特別是珠江西部,長遠有較多新基建打通,長線可以睇好

Rets
Rets 2018/06/28 07:45:41 回覆
@明...

建議你@下陸sir, 可能佢有提示易D 見到你D問題

animal666
animal666 2018/06/28 06:33:23 回覆

內航股中雙錘
2018年06月28日

  美股反彈,但港股唔跟。美股反彈主要係受科技股帶動,以及油價上升造好,美國官員出口術奏效,紓緩咗市場對限制中國投資科技公司的憂慮,美股企番穩。但香港和內地市場似乎驚特朗普繼續出招,中港股市雙隻腳軟,港股大插525點,上日單日轉向的氣勢無晒,再見近期低位。

  港股深度踩穿250天線29332點,令人害怕熊市再來。我認為即使唔理牛熊,大市走勢咁弱,點都要轉打守勢波。首要不要不斷溝貨,以防愈陷愈深。其次若買股要作長線準備,買派息較好的大股,唔好買講概念的中小型股,因為萬一睇錯市,長揸都有息收吓。

  特朗普呢排行運一條龍,佢民望大升,更在限制伊斯蘭移民的官司勝訴,氣勢大盛,想佢收手真係唔易。但中國領導人習近平亦唔係遇難就縮的人,成為兩大經濟體的正面博弈,習主席見美國商家就講明,中國人不是俾人打完一巴,會畀另一邊臉俾人打多一巴。

  究竟中國仲有乜招數可以出,去化解美國連番施壓呢?投資銀行高盛認為,中國應對美國貿易衝突惡化時若容許人民幣貶值,將較出售持有的大量美國國債對中國更好。高盛分析團隊模擬計算,若人民幣貶值5%,將拉動中國經濟增幅0.4個百分點,認為這個做法遠較拋售美債更容易被接受。

  油股板塊成逆市奇葩

  高盛做呢個分析,唔係坐而論道,而係有實際操作價值的投資參考。如果佢哋估中國會大量拋售美國國債,最明智策略當然係搶先沽空,飲其頭啖湯,若然佢哋覺得人仔會跌,咁可以沽空人仔等低位平倉,同時仲可以沽埋人仔貶值不利股。高盛團隊覺得大陸沽售自己大量持有的美債,因為自己手上持有美債仍多,咁做等同拆自己台,係雙輸做法,反而讓人民幣貶值仲好,推低匯價幫番自己出口。睇番離岸人民幣跌至6個月低點,本月以來人民幣兌美元已下挫2.3%,跌幅超過2015年8月匯改時近2%的一次性貶值。

  內地以貶值應對貿易戰,呢個唔係高盛獨有觀點。睇番上世紀八十年代日本冒起,美國係廣場協議迫令日圓大幅升值,結果一鋪打殘日本,令佢衰退咗30年。有咗前車之鑒,O依家中國唔肯再接受美國的城下之盟,美國加徵關稅兼施加其他限制,必然影響大陸增長,北京容許人仔貶值,令佢持有美債匯價上得益,同時紓緩加稅對中國出口貨的影響,可以話係合理發展,所以人仔匯偏軟係目前的正常預期,中美如果傾得掂,到時人仔匯價先至會企穩甚至上升。

  係人仔匯價暫時唔樂觀下,有外債的公司難免受壓,內航股係當中突出類別,因為佢哋買飛機借落好多外債。匯價不利加上油價上升,令內航股中雙錘,幾隻主要內航股都迭創一年低位,國航收報7.42元,再挫5.5%,同一年高位12.86元比,回調幅度達42%。另外南航跌6%,收報6.32元,高位回落幅度同國航相若;東航收報5.54,跌咗2%,高位回落咗25%,反映佢基本業務較佳。內航股如果高位無走,O依家有啲走避不及之感,好多人都會選擇死坐。不過,有貨死坐唔代表無貨要入貨,皆因內地大陸公司係唔會做期油對沖,油價高佢哋多數要硬食,所以唔排除要捱價。

  美股唔跌,A股就再瀉,上證綜指跌2800點,當中消費股成為重災區,油股板塊就成為逆市奇葩,最後上證收報2813點,跌咗31點,深成指數收報9168,下挫170點。A股唔得,港股下午跌幅擴大,恒指收造28356,急插525點;國企指數收報10879,跌239點,成交1213億元。騰訊(700) 股價及相關新聞 大跌2.2%,收報377.4元,內房股都受人仔匯價壓力,碧桂園(2007) 股價及相關新聞 挫7.4%,收報12.74元;融創中國(1918) 股價及相關新聞 急插8.7%,收報25.3元。同大陸一樣,中海油(883) 股價及相關新聞 逆市升3.2%,收報12.98元。

  太和有前一哥坐鎮

  喺跌市下只有特別情況的股份能夠上升。冷股太和控股(718) 股價及相關新聞 計劃向母公司出售持有大酒店(045) 股價及相關新聞 11.5%持股,每股售價12.8元,較大酒店上個交易日溢價12.5%,料可獲得收益約2.2億元,所得用作派特別息,消息刺激和昨早大漲,曾高見0.84元,飆25.4%,收市報0.81元。由於大股東持有近75%股權,安排等同公司將大酒店股份轉畀大股東,過程中小股東都有啲着數,不過呢類派資產唔會安全反映派發價值,所以想炒除淨最好等回落返啲先。

  陸羽仁

.

大戶終結者 ( 等人齊 )
大戶終結者 ( 等人齊 ) 2018/06/28 00:33:51 回覆

德國啤收工 ..... {#iconb_625}

明
2018/06/28 00:22:31 回覆

sir你好,

請問點解內房跌不停?

尤其係604? 我係長線投資, 平均價係$3.38, 最近3.08已經溝過一次, 我覺得佢地賣樓係少左, PE已經好低 4.6, 息率又有6%, 公司好似冇大問題, 究竟係我睇錯定係市場唔buy?

另外我仲有405, 不過604:405既比例係約 4:1

而家仲可以再入貨:

1 )我應該係入52周低位既604?

2) 定係分散到405? (405 ---$5.1買入價)

3) 定係唔好再溝?

(我唔一定要買內房股, 因為已經有38833380蟹貨)

 

另外可唔可以講下你對大灣區樓股既睇法? 604仲可以你講咁買入睇10年?

謝謝

大戶終結者 ( 等人齊 )
大戶終結者 ( 等人齊 ) 2018/06/27 20:17:47 回覆

邊個玩野?   {#iconb_625}

(鍾意玩野可以玩, 唔鍾意都照玩, 相當自由)   {#iconb_374}

大戶終結者(等齊人)
大戶終結者(等齊人) 2018/06/27 19:54:06 回覆
@居里...

條友成日ALL IN & OUT...

係咁抽插...唔射就先至怪...

SIGH...

.

子龍 (kaka就是大叔的契哥)
子龍 (kaka就是大叔的契哥) 2018/06/27 18:17:40 回覆

kaka: 老散吃完彈散. 子龍大軍正在吃花生...... {#icons_dog1}

子龍 (kaka就是大叔的契哥)
子龍 (kaka就是大叔的契哥) 2018/06/27 18:16:29 回覆

大戶兄: 勿慌. 都未破280. {#icons_dog1}

大戶終結者 ( 等人齊 )
大戶終結者 ( 等人齊 ) 2018/06/27 17:38:54 回覆

沽凶將軍!   {#iconb_65}

子龍 (kaka就是大叔的契哥)
子龍 (kaka就是大叔的契哥) 2018/06/27 16:10:54 回覆

子龍不出  誰與爭瘋....... {#icons_dog1}

大戶終結者 ( 等人齊 )
大戶終結者 ( 等人齊 ) 2018/06/27 15:32:58 回覆

TC 主席,  救我 ..... {#iconb_67}

居里
居里 2018/06/27 15:16:11 回覆
@小貓愛情觀...

好彩射唔入乍,否則你要負責任架 {#icons_boy2}

大戶終結者 ( 等人齊 )
大戶終結者 ( 等人齊 ) 2018/06/27 09:57:05 回覆

咁快蛋完?  {#iconb_626}

大戶終結者 ( 等人齊 )
大戶終結者 ( 等人齊 ) 2018/06/27 09:39:10 回覆

{#iconb_62}

user

最新回應

子龍 (kaka就是大叔的契哥)

馬爺: 子龍也很少看新聞呢. 只看RSI, MACD, DAY HIGH, DAY LOW, TURNOVER..... {#icons_dog9}

幪面馬仔
幪面馬仔 2021/03/08
@子龍 (kaka就是大叔的契哥)...

將軍

我吾知點解沽得咁狠,我好少睇財經新聞。

子龍 (kaka就是大叔的契哥)

大戶契哥: 發婆今日一插, 頭肩頂成形. 破頸線. 一個字講晒---->完. {#iconb_62}

大戶終結者 ( 等人齊 )
@子龍 (kaka就是大叔的契哥)...

將軍,

馬爺話發婆跌就要跌! {#icons_dog1}