外圍喘定
土耳其里拉週一朝早跌至1美元兌7.24里拉的歷史新低,拖累全球股市繼續下跌,內地A股跌0.3%,港股跌1.5%;歐股平均跌0.3%;美股亦不能倖免,杜指再跌125點,收報25187點,跌幅0.5%;標普500指數跌0.4%;納指跌0.3%。土耳其里拉急挫風暴對金融市場的影響,略為喘定。
拖低美股的主要是金融股、原材料股和能源股,齊跌逾1%。股市恐懼指標VIX指數14.78,係7月初以來最高。
土耳其里拉上週五一度大瀉20%,昨日朝早跌勢未至,一度創了有史以來的新低,新興國家的股市及貨幣亦跟住倒霉,安碩MSCI 新興市場ETF午後一度跌1.9%,收市跌1.7%。其中印尼股市大插3.6%。
有分析指出今次土耳其的問題有點棘手,相於其他因為債務引發金融危機的國家如希臘、塞浦路斯、阿根廷和巴基斯坦等,造成的金融危機大部份都會留在國內,對國外以至全球的影響始終有限,她們透過國基會(IMF)的基金救援,問題基本上就可以解決。然而,土耳其債務問題主要不是來自國家,而是士耳其公司和金融機構,有資料顯示,這些公司和機構欠下的外債達到2200億美元。由於問題涉及土耳其整個金融市場,投資者對土耳其的銀行尤其驚恐,睇安碩MSCI土耳其股票基金在危機爆發至今勁挫超過10%成,可見一斑。
Gluskin Sheff的首席經濟師David Rosenberg話,「這與信貸有關,過去幾年,全球的央行都在鼓勵投資者追逐回報,土耳其更係全球資本市場最大的債仔,而見超過一半的債務都是外國貨幣,特別美元債,當里拉匯價下跌,債務風險自然大幅飆高。」而最大的問題是,由於涉及危機的不是政府而是私人部門,就很難給予IMF一個合理的理據去伸出援手。國基會的基金由會員國共同承擔(其中有17.5%來自美國),使用基金去救援私人公司,在道德上說不過去。
Rosenberg補充,「全球投資者現時正在密切注視著那些正面對經常賬赤字大幅膨脹、高通脹壓力或者外幣債務比較高的國家,首要的包括巴西、墨西哥、印尼、南非。上述國家近日都面對股匯雙殺的慘況。
不過,也有分析對今次土耳其的危機睇得比較樂觀,認為最終可以得到解決,而不至於造成全球性災難,畢竟,比較大的全球性風險還是意大利或者其他地緣政治。意大利及德國兩地10年期公債收益率差額由上週五尾盤時的268基點走闊至275個基點,為5月底以來最闊水準,意味市場注意到意大利風險。意大利亦債臺高築,市場正在憂慮意大利可能會重蹈希臘債務問題的覆轍。
搞出土耳其危機的始作蛹者是美國總統特朗普,而他的慣常手法是當對對手實施幾輪大力打壓之後,如果對手投降,就算口頭上的,他一般都會鳴金收兵。而最近的消息是涉嫌被土耳其政府拘禁的美國牧師已由監禁改為軟禁,特朗普可能也會歇一歇,而土耳其政府亦全力出手干預匯價,睇土耳其里拉兌美元昨日由低位反彈企穩於7以下,最新報6.95,股市亦只跌1%,可能都到一個初步喘定位,問題係企唔企得穩啦。
至於本地,今趟內地股市強過港股,可能同阿爺發功有關,可留意內地指數股。
陸羽仁
2018-08-14
Dow Jones Industrial Average (^DJI)
25,299.92 +112.22 (+0.45%)
加息期要防抽水陷阱
2018年08月15日
恒指昨日再插183點,但跌幅唔算全面,只係高估值板塊輪流爆破,周一插完教育股,昨日掉轉槍頭再插科技股同高估值嘅手機股,大市雖然喺午後跌幅收窄,呢批股份回頭已是百年身。
新一輪大插股份有兩個焦點,一隻係手機設備股舜宇光學(2382) ;另一隻係股王騰訊(700) 。大插到標晒血的舜宇光學,死因係中期業績唔靚仔,公司期內收入按年增19.4%,至119.76億元人民幣,表現被指遜於市場預期;純利僅增1.8%至11.8億元,每股盈利1.08元,無中期息派,結果咁就出事,股價公佈當日微跌,到翌日股民如夢初醒,股價最低去過86.6元,收報91.9元,狂跌24.1%。一隻原本有1328億市值的巨股,可以一日唔見咗近1/4市值,單日蒸發咗超過300億元。
閱文光大插幅驚人
舜宇爆災,其實都無乜好講,過去半年陸羽仁不斷重申,手機股估值嚴重偏高,無理由佢哋靠蘋果搵食,市盈率高過蘋果幾倍。O依家佢嘅盈利近乎無增長,高估值無法支撐好合理,所以佢哋大跌唔係異常,而係撥亂反正。舜宇一隻純利無乜增長的股份,跌完仲有28.7倍市盈率,睇落仍然係貴。蘋果股價呢排屢創新高,舜宇就背道而馳,說明咗邊個係莊,邊個係閒,大浪一沖,買貴股的投資者就無褲着。
同日大插仲有騰訊,市場喺佢公佈業績前,借住有遊戲下架的消息,股價一度大插近20元,收報348.6元,下跌12.4元,跌幅3.4%。不過更加值得一講的係,佢同下屬閱文(772) 的交易,閱文上半年收入為22.83億元人民幣,按年上升19%,純利按年大增1.39倍至5億元,每股盈利58分。閱文公佈業績同時宣佈,以現金加股份代價155億元,向騰訊(700) 收購影視製作業務。交易公佈後閱文股價急插,而且無乜反彈,以接近全日低位55.6元收市,大跌11.4元,跌幅14%。
閱文今次交易以部份現金作價,牽涉52億元,是上市集資額的70%,有點削肉還母的味道。本來閱文上市集資,外界估計係用作投資,現在反過來支持母公司,因而令股價大跌。騰訊最近股價雖然跌得多,但由於過去一年升得勁,O依家仲未去到一年低位,閱文則已經見掛牌後新低,除了抽新股中籤的股東,基本上掛牌後買股者都中招。
騰訊要閱文削肉還母,有可能係預先計劃,但亦有可能係反映咗美息向上,同市場資金漸緊情況。科網巨頭雖然現金流勁,同時市值驚人,但無論喺投資發展影片娛樂同乘車服務,樣樣都要燒錢,戰線好長,而且對手全部都係同級巨企,所以「家用」都唔少,當家者都要諗吓點樣可以搵銀撐住,所以有水抽時就要抽,做呢啲公司的小股東,就要明白今時唔同咗往日,要做好心理準備。
受不利交易影響的股份仲有光大國際(257) ,集團建議27供10,發行16.6億股,每股供6元,較公佈前收市價8.75元折讓31%,集資淨額99億元,擬用於落實現有及日後的垃圾發電項目;發展其他環保業務,包括技術研發、裝備製造、垃圾分類與管理以及大氣治理與檢測服務,當中唔知有無機會日後向阿媽買嘢。消息公佈後光大國際急插到6.9元,大跌21%,由於供股比例大,若然個市再差啲,都唔知會唔會迫近供股價。由於美國息口仲會上調,內地資金緊張,公司抽水可能成為股民陷阱,投資者入市時要加倍留意。
公用股升大市未到石底
喺資金避險意識大增下,恒指一度下插逾400點,收報27752點,跌幅收窄至183點;國指收報10744點,下滑22點,成交1024億元。手機股全線下挫,瑞聲(2018) 創逾一年低,收挫7.15%,報85.75元;高偉(1415) 挫7.14%,收報1.43元;丘鈦(1478) 挫5%,收報5.74元。科網股金山軟件(3888) 發盈警,股價創逾兩年低位,插19%,收報13.18元。
跌市中有穩定收入兼唔會抽水的股份,反而成為避風港,滙控(005) 逆市升0.35%,收報72.35元;更明顯嘅係公用股,中電(002) 大升3%,收報93.2元再創新高;煤氣(003) 升1.6%,收16.18元,連最近連爆輿論炸彈的港鐵(066) 都升0.8%,收報39.8元。公用股有得升,反映資金仲未完全撤離,但亦可能代表個市仲未跌到去石底。
陸羽仁
多啲人跳樓減少建築物負荷...
沉降應該會慢啲...
2018...
SIGH...
响歐羅區之中,意大利係一個相對貪污嚴重嘅國家。
Italy bridge collapse: Dozens feared dead as major Genoa highway gives way
唔知响而家嘅香港,呢單嘢可以要嚟借題發揮,定係一個事前警告。
我都有跟,超正超爽呀!
SIGH...
跟陸羽人買相反真係正!
不過係高難度動作。
SIGH...
將軍,受教了。經驗、股感是也。聽日繼續等您指示,之後睇股鵝出業績
kaka: 只可意會 不能言全......
將軍,要懂得盡快認錯,但避免反應過敏,好難拿捏 係咪譬如今日晏晝既反彈,似乎只係市場過度悲觀既情緒有所好轉,但大市向下既動力,包括士耳其、美元、人民幣等,基本方向未見明顯轉好,所以可以繼續做淡水龍,繼續留在場內
kaka: 投機者要有自己的想法 但必須不斷修正 當市場出現與個人想法有出入的事件, 必須認錯要快, 但又不可過於敏感呢.....
將軍,受教了,不要被市場牽著走
kaka: 市場會行自己的路, 不會因為你做淡而跌, 亦不會因為你做好而升. 市場只是人為的賭局而矣.......
將軍,受教了。淡軍小隊未離場,要食天糊大四喜?
kaka: 噢..這是很正常的, 勿慌.....
將軍,Deep V,救我
大戶兄,275未穿
將軍一做淡水龍, 就可以換新車!
27500攻防戰
有
喘氣!
SIGH...
27500 係上次低位, 守唔住就小心的, 個人感覺追沽唔似有太多水位, 提防浸浸出口術就大反彈, 始終美股唔算跌太多, 上星期批美債剛又賣光,而A股已在低位, 又唔多跌得落咁
想穿想穿咁了
將軍,等唔等埋股鵝聽日出業績先離場?
喘定? 有咩
各位早