騰訊大插
全球股市又再全面見紅,歐洲股市整體跌1.4%,美股仍然比較頑強,杜指跌137點跌幅0.5%,標普500指數跌0.8%,最弱的納指,也只不過跌1.2%。
美股下跌,先受到外圍大股市,特別係歐洲股市下跌影響,還有油價顯著回調,能源股大插,另外梅西百貨業績唔得,股價大插水16%,拖累零售股向下之外,更重要的是美元繼續爆衝,令到美國多家國際巨企如波音飛機、Caterpillar及3M等股價受壓有關。
納指昨日表現跑輸大市,標普500指數科技板塊跌1.1%,當中幾大科技巨頭(FAANG)除了蘋果靠穩之外,其餘全部向下,跌幅也不小,其中亞馬遜跌1.9%、Google母公司Alphabet跌2.2%,Netflix重挫3.3%,主要原因係受到香港股王騰訊(0700)拖累。騰訊昨日公佈今年上半年業績,罕見地出現大倒退,第二季盈利178.67億元人民幣,按年下跌2%,出現盈利倒退;期內營收736.75億元,按年增30%,係2015年以來最低,騰訊盈利長升的神話被打破。最叫市場關注的是騰訊第二季的網絡遊戲業務,按年升6%,但按季卻大跌12%。有消息指,阿爺留意到網絡遊戲出現暴力及賭博成份,內地監管機構凍結了網絡遊戲版號審批,對騰訊這個王牌業務造成衝擊。
騰訊股價昨日大跌3.6%,收336元。騰訊股價今年1月23日創出歷史高位474.6元之後,每況愈下,至昨日收市已累跌了29.2%,反映投資者由「只要信,不要騰」,變得「好騰雞」。騰訊昨日公佈業績後,在美國預托證券繼續大插,曾低見314港元,之後跟美股反彈,收市323.81港元,仍較香港收市再低3.6%。今天開市,騰訊繼續有壓力。而港股在美國ADR港比指數亦跌370點。
不過,相比騰訊,更值得關注的是美元強勢,反映6隻主要貨幣匯價的美元指數昨日升上14個月高位,收96.7。港匯指數亦再次跌至7.85元的弱方保證,金管局繼5月入市幹預之後,昨日多次出手承接港元沽盤去穩定匯價,昨日共買入117.67億港元,半夜再買入50.24億港元,截至今晨,金管局兩日共買入167.91億港元。自今年4月12日首度入市買港元,已經係第22次出手。共計買入870.77億港元,目前的香港銀行體系總結餘已經跌破1000億元大關,只有904.56億元。
市場普遍預計,隨著市場的避險情緒繼續升溫,美國繼續加息,美元繼續走強已經成為大概率事件。港元將持續受壓,金管局也只好繼續買港元去穩定匯價,結餘減少銀行就加息,屆時樓市都有壓力。
油價方面,美國能源諮詢署(EIA)昨日公佈美國原油大升680桶,市場原本預期庫存會減低250萬桶,而中美貿易戰持續,未有平息的跡象,令到投資者擔心全球經濟增長將會放慢,最終令石油需求縮減。從經濟合作與發展組織(OECD)涵蓋了西方已發展經濟和中國、印度、俄羅斯、巴西、印尼、南非等綜合領先指標可以見到,該指標於今年1月升上高位之後,一路向下走,5月、6月跌勢更有加速的狀況。而全球貿易總量增長在1月時也是處於高峰期,較去年同期增長5.7%,5月的增長率卻不足3%,貿易量增長正在大幅放慢。
其中,中國的石油進口商,就因為怕政府可能會把美國原油納入徵關稅名單內,所以減少了買美國的原油。紐約期油昨日大跌3%至65.01美元,係超過2個月以來的低位,並且未能止血,已失守65美元關口,最新報64.9美元。能源股跌幅顯著,整個板塊大跌了3.5%,其中雪佛龍大跌3.8%,係表現最差的杜指成份股。港股今日繼續捱沽。
陸羽仁
2018-08-16
Dow Jones Industrial Average (^DJI)
25,558.73 +396.32 (+1.58%)
阿爺擇日放老外入市
2018年08月17日
騰訊(700) 周三收市後公佈較預期差的業績,市場嚇到面青,夜期一度急插近500點,港股明顯低開後反彈,一度倒升,但市場人心始終虛怯,最終大市都跌223點,跌近27000點收市。
雖然大市氣氛咁弱,但都唔係無好消息,內地公佈修改後的《證券登記結算管理辦法》和《上市公司股權激勵管理辦法》將於2018年9月15日起正式施行,同時中國證券登記結算有限公司,將出台有關外國人開立A股證券帳戶的實施規則。證監會早前公佈擬增加兩類人員的A股開戶資格:一是在境內工作的外國人;二是A股上市公司中,在境外工作並參與股權激勵的外籍員工,呢個措施O依家落實有期,明顯見到阿爺想托市,對A股有利。不過人民幣持續弱勢,市場對好消息反應遲鈍啲,所以滬深股市繼續下滑,上證指數收報2705點,跌18點;深成指數收報8500點,下滑80點,當中滬指再創近兩年半新低。阿爺擇定好日子,落實放寬措施,看來有托市意圖,但好消息都要等適合時機先發揮到作用。
中美傳將重啟貿易談判,加上沃爾瑪次季季績勝預期,帶動美股昨晚升番不少。杜指中段曾升三百九十一點,見二五五五四點;納指升六十三點,報七八三七點。
人民幣趁勢反彈
另外,市場憧憬中美重啟貿易談判,人民幣中午升幅擴大,離岸價午後兌每美元升越6.88,高見6.8741,單日勁升逾700點子或1%;在岸價亦曾升近6.88關,高見6.8811。
股市呢輪咁波動,陸羽仁有機會同中環股樓女強人飯局,問起前景佢點睇?女強人話佢最關注係美息上升,呢個因素仲緊要過樓市辣招或其他政府措施,所以早排佢已經大減磅,呢排主要係吃喝玩樂,仲安排咗隻私人飛機接載成班老友去玩,皆因沽貨套現後都唔心急入貨。既然唔入市住,不如唔好睇咁多,去消費散吓心,好過日日望住個市波動。
股樓女強人︰樓市跌緊啦
女強人大把錢,早幾個月先掃咗批寫字樓,但佢坦言對住宅樓市有戒心,直言「住宅樓市跌梗啦!」佢講完,喺佢身邊嘅助手就加多句,呢排龍頭發展商喺九龍西推出個住宅盤,價單就調低咗一成左右,雖然發展商強調唔係同一批單位,價錢唔可以直接比較,但發展商開價唔敢咁進取,已經係對市況一個證明。
另一個證據係日前開標的港鐵油塘住宅地,結果由中資保利(119) 以33億元中標,屬市場下限價,同時係近期九龍地罕有呎價跌破一萬元。女強人話,雖然O依家本地銀行未加最優惠利率,但銀行間的拆息同按息已經上調。
如然按息升到四厘,咁對樓市就會有明顯衝擊。O依家市場仲未有強烈感受,主要係好多業主用拆息供樓,但同時有用最優惠利率做基準的封頂條款保障,所以拆息O依家升咗,供樓人士負擔仲未直接加重,若然稍後最優惠利率上調,咁就心理同實質影響都會出嚟。
女強人提到保利置業力壓其餘九個財團奪得地皮,項目為港鐵通風樓上蓋,中標價等同樓面呎價9257元,稍低於市場預期;但相比兩年前,同區一帶的觀塘茜發道用地,當時由會德豐地產以呎價7729元奪得,是次樓面呎價則高出約20%;若相比同樣在兩年前,五礦地產以樓面呎價7068元奪得油塘崇信街地皮,更高出約30%。聽熟悉呢幅地嘅招標人士解釋,項目雖然係地鐵項目,卻只係附屬設施用地起樓,唔係上蓋物業,前往港鐵油塘站須約10分鐘步行路程,而且起樓有啲特別要求,成本較高,加上有通風口,都影響咗標價。
雖然係咁,呢幅地本來有兩個賣點,一是屬區內可「即買即起」的住宅地,二是項目可建約500至600伙,並主打中小型單位,呢類特殊因素項目風險高啲,行情上落大啲,回報好睇開售時市場氣氛。所以今次結果唔可以話好差,但都唔係好靚仔。
盈富中企佔沽空榜首
睇番港股連番下跌,主要都係跌啲高估值股,磚頭股暫時仲未有好大影響,好似太古B(087) 仲繼太古A後創出新高,但咁反而要小心。
昨日恒指收報27100點,跌223點;國企指數收報10479點,下滑55點,成交1245億元。同時沽空金額有164億元,沽空比率13.18%,當中盈富基金(2800) 沽空有11.15億元,佔6.8%;恒生中國企業(2828) 沽空8.27億元,佔5%。騰訊喺績前連日被質,壞消息公佈後股價一度再跌5%,收市挫3%,收報325.8元,同系閱文(772) 收報49.85元,再插5%。
另外,萬洲國際(288) 股價急挫7.5%,收報6.08元,內地媒體報道,萬洲國際旗下鄭州雙匯食品的屠宰場,發現有豬隻感染非洲豬瘟死亡,結果肉價上升,佢由得益者變成受害者。
陸羽仁
老散未乖,股市難升
將軍,今日係老散泥足更陷,亦都名為淡水鱷不滿足
kaka: 噢....子龍老了, 無用了. 話時話今日枝是什麼足呢???
將軍,您才多身子弱? 保重身體
kaka: 噢...話時話又夠鐘食藥.
今日大市跌2舊幾, 成交1245億. 老散還未學乖........
將軍,如果股鵝要作出估值調整,老美科網四巨頭 FANG 可以獨善其身嗎?
kaka: 根據回歸均值理論, 任何高估值的股份, 都有回歸均值的傾向. 當市場預期股份未能做出高增長時, 估值會由高走回均值呢. 這個過程可能維時數月呢....
將軍,洗唔洗幫您搵定林寶、賓利既訂購熱線?
kaka: 三舊??? 太樂觀了. 舊半還可以呢......
將軍,股鵝咁咪要破三舊
kaka: 根據鐘擺理論, 市場會由一極端走向另一極端. 極端的出現必然會伴隨很多不利的消息. 直至市場人士麻木了. 連對好消息也沒有反應了.
將軍,破268後,下一站係262?
kaka: 噢...重點是今日未破268, 市場未出現足夠的恐慌.
將軍,想買多架GTR?
大市不要再扮升了, 子龍大軍是不會離場的......
跌的升不了
將軍,大戶兄,旗指就快變高水,救禾
大乘膠
將軍,好多人撐股鵝
kaka: 一日廁男 一世廁男......
叮噹....半日大市跌舊幾, 成交737億....咁多......
將軍,毒男最忌太多幻想
kaka: 同美少女一起騎單車才有益身心......
林之兄: 噢...子龍想學獨孤求敗, 讓我一次錯過夠, 給大市所有......
將軍已袋袋平安,何來等死?
將軍,騎單車多運動,有益身心
林之兄: 噢....子龍識條鐵咩. 只知道子龍大軍仍在場內......等死.....
將軍:今個月跌完未?
kaka: 噢....今天架GTR給大市共享了.......
將軍,BMX都係好野黎,大陸既共享單車唔洗買車,用app解鎖就可以騎,$1騎一個鐘
林之兄: 噢...老散作為食物錬的最下層, 一定有其存在價值的......
kaka: 噢...搏一搏, 摩托變單車, 有BMX的訂購熱線嗎......
將軍:大戶玩曬啦!可憐的老散任由宰割
將軍,洗唔洗幫您搵個比亞滴訂購熱線既電話?
kaka: 噢....GTR可以取消訂單了......
將軍,子龍第二小隊可以再次進場
kaka: 倒升......救我.......
倒升 熊彈
將軍,應無所住,受教了
kaka; 噢...這是很正常的, 勿慌......
重上27000,唔通真係有陽粥?
將軍,想唔想換架特斯拿電動車
kaka: 噢....暫時未有想法呢.
將軍,噢,即係您最後一注唔想平倉住了?子龍淡軍想繼續追擊鵝仔 食埋另外半隻燒鵝脾
kaka: 噢....出陽足??? 怎麼可能 太戲劇性了.....
將軍,受教了。睇埋今日會唔會大成交出陽祝
小牛牛上哂天國
kaka: 子龍只是一名廁男, 真係識條鐵咩......
不過可以留意今日收市位呢.....騎騎.....
將軍,268破完後,會否否極泰來?
kaka話破268, 就破268....子龍真的服了......
將軍,食面未?