中國經濟無事
美國與加拿大之間的貿易協商恢復，有可能在本周達成協議，美國股市週三溫和上漲。亞馬遜與 Alphabet 股價上漲，亦推升了股市。標普500指數及納斯達克指數連續第4日齊創新高。
杜指數反覆上升，最多升過百點，收市報26124點，上升60點，升幅逾0.2%。標普500指數觸及2916點即市新高，收市報2914點，上升16點，升幅近0.6%，再創收市新高。
納斯達克指數升穿8100點，高見8113點歷史新高，收市報8109點，上升79點，升幅1%，持續創收市新高。
美股創新高，但內地股市上證綜指只得2769點，仍然接近兩年低位。
美國國家經濟顧問庫德洛（ Larry Kudlow)早前在美國內閣會議說，中國經濟狀況「十分可怕」，美國政府經常因中國股市低迷，唱衰中國經濟。然而，美國金融界對此不以為然。
內地股市在貿易戰爆發以來，走勢疲弱，跑輸環球股市。上證綜指近日反彈，然而未升破2800點的心理關口，上證綜指自今年1 月高位至今，下跌25%，按西方的傳統智慧，股市反映實體經濟，既然股市跌了25%而無反彈迹象，則實體經濟自然是急劇下挫，瀕臨崩潰。
不過，熟悉中國經濟及投資市場經濟分析師和投資銀行家並不這樣想，大部份投行估計中國2018年經濟增長維持6.5%水平，雖然這不表示中國經濟沒有隱憂，關稅將導至企業成本飆升，因此人民銀行近期頻向經濟實體「放水」。
瑞銀交易老手Art Cashin說 :「我想我們親愛的朋友庫德洛完全搞錯了。在好像美國那樣有效的市場，股市反映實體經濟，不過在中國，兩者幾乎全無關係。」
DataTrek Research市場分析員Nick Colas完全贊同Art Cashin的說法，他在給客戶的簡報中指出，中國股市反映經濟的情況非常小，更不反映國民的富裕程度，這跟美國很不同。他更提出論據: 上證綜指現水平不及2007年高位的一半，但這11年裏中國國民生產總值大增逾3倍至13萬億美元。
上證綜指2014至2015年曾倍升，但其後即崩潰，現水平較2015年低45%。但Nick Colas說，過去3 年的跌市，對中國消費支出及企業投資毫無影響。
中國股市八成是散戶，消息及與基本因素無關的原因，可以令個別股份大幅波動。Nick Colas贊同: 中國的股市並不很有效，也不反映經濟現實。中國家庭僅把4%財富投放在股市，而美國是23%。中國人大部份持有現金（20%，美國是4%）及樓宇（65%，美國為45%）。超級富豪又如何? 他表示超富裕的，會投資在私募基金，或投資初創企業，其核心持有不會是股票。
睇完呢啲分析，雖然唔代表中國股市已經可以見底回升，但係至少不用對中國經濟有太大擔憂。
陸羽仁
若果中國經濟真的無事, 都唔好買A股住, 正如陸Sir所引述的, A股市場散戶為主, 消息主導股價, 中國的股市並不很有效, 就算經濟真的頂得住, 並不代表A股會彈升。
2018-08-30
Dow Jones Industrial Average (^DJI)
25,986.92 -137.65 (-0.53%)
港視網購突圍唔易
2018年08月31日
新興市場貨幣風暴未停。阿根廷經濟已經差咗一段時間，隨著資金撤出，阿根廷貨幣呢個星期明顯受壓，政府向國際貨幣基金會求救，期望可以加快提供美元貸款。阿根廷同印尼點解會喺呢個時間出現匯價危機，一大原因係美國九月會進一步加息，銀根再度收緊，喺收水之下，影響最大自然係淺水區域，即刻變咗「塘底突」暴露出來。如果美息持續上調，新興市場危機仲會繼續。
1997年嘅亞洲金融危機，先係泰銖出事，跟住風暴一路吹咗成年，去到1998年5月香港政府入市到達高峰，當時香港同大鱷惡鬥，捱到俄羅斯貨幣暴挫，觸發美國對沖基金「長期資本」冧檔，美國減息救市先告一段落。由此可見，美息向上係風暴之源。
貨幣風吹 板塊輪跌
O依家美國總統特朗普打開口牌，叫聯儲局唔好加息，若然聯儲局肯聽佢話，咁新興市場就執番身彩。不過，特朗普做到咁出面，聯儲局就算想畀面，都要整色整水一輪，所以下個月加息機會仍高。至於未來加息機會係點就難估啲，如果共和黨中期選舉勝利，特朗普氣勢如虹，咁都唔排除儲局會側側膊收韁，12月唔加息。不過，呢啲已經係後話，股市係睇眼前三日，新興市場貨幣有壓力，A股又急挫1.1%，恒指喺連升三日後無力再上，收報28164點，跌252點；國指收報10967點，下跌115點，成交只有786億元。
大市繼續出現板塊輪跌，飲食股借住內需概念撐咗一輪，終於開始面對沽售。中期盈利倒退逾17%的周黑鴨(1458)
股價創新低，低見4.08元，收市瀉9%，報4.5元；康師傅(322) 
五連跌，挫4.5%，收報14.18元；華潤啤酒(291) 
跌3.3%，收報34元。其他內需股亦向下，波司登(3998) 
挫5%，收報1.15元；江南布衣(3306) 
下滑4.6%。另外重磅醫藥股再現沽壓，復星醫藥(2196) 
挫4.6%，收報33.3元；藍籌新貴中生製藥(1177) 
挫3.2%。
轉營網購的香港電視(1137)
公佈中期業績，港視雖然市值唔大，但可能因為老闆王維基有知名度，好多人對呢間公司有興趣，久唔久又有人炒吓。睇番港視上半年定單總商品交易額8.17億元，按年升80%，相當於去年全年交易額約76%。日均定單量8900張，平均定單值505元，按年分別升74.5%及2.9%，五月起日均定單量超過一萬張。
公司指，今年將大部份資源集中於吸納更多新客戶、拓展倉儲執頜及物流派送容量，令業務得以持續增長，預計第四季開始逐步增加毛利及佣金率，期望兩至三年內做到整體營運收支平衡。
送一張單要91元
雖然公司管理層發放樂觀估計，但上半年股東應佔虧損就有1.4億元，每股虧損17仙；不派息，2017年同期虧損9620萬元。港視去年二月斥資521萬元收購Groupon香港業務，搞到營業額大咗七、八成，但生意做多咁多，唔見搵多咗錢，虧損大幅增加，走勢相當唔靚仔，收購後做唔到有協同效應。
如果睇啲細數，公司其他營運開支由去年同期的2.48億元，增至3.36億元，當中44%的其他營運開支，是1.484億元的配送成本，較去年同期增加3970萬元，主要由於物流服務的員工人數增加，以應付期內定單量增長，以及在今年三月第一期自動化執貨及倉儲系統投入服務以前需要的額外外判服務。
粗略按上半年日均定單量8900張計，平均計每單運送成本差不多要91元，似乎搵順豐送就無咁貴。或者公司預期未來有增長，不如自行投資。
不過，咁樣亦都增加咗經營壓力，若然生意上唔到，平均成本減唔到下來，咁就長期負重磅嘞。總的來說，隻股唔係幾買得落手。
陸羽仁
DLLM, 胡言亂語
中國經濟無事，唉，有時我真係唔想吐嘈陸羽仁，但佢分析成日都偏離現實，分析又唔做功課羅唔出實質理據，最鐘意就係借某某分析師某某大行文章來表達自己觀點，我懷疑陸羽仁每日寫文之前就只係睇下大行呀分析師報告就寫
Totally DLLMCFH...
SIGH...
冇事個股市都咁既樣，如果有事會點？
幾個月前提議去幾次美圖，依家叫人唔好買，唔該你講野負下責任！
Space animal666...
DLLMCFH...
SIGH...
央媒又廢話 》》等運到 》》中國經濟無事 》》？？？
SIGH...
咁就真係問真啲陸蛇啦！
SIGH...
經濟冇事, 蠱市有冇事？
中國經濟無事，快快入貨等爆升
SIGH...