回購大改革
美國又玩減稅。美國眾議院共和黨人計劃本周開展新一輪的減稅方案,減稅消息蓋過了對貿易戰憂慮,刺激美股昨日高開,杜指高開123點,重上26000點大關,但隨即回落,一路走低,以全日最低點收市,倒跌59點,走勢肉酸。主要受到波音飛機跌2.1%和聯合醫療跌3.2%所拖累;標普500指數及納指比較硬淨,收市仍有約0.2%進賬,結束了4日的跌勢。
共和黨人在臨近美國11月6日舉行的中期大選提出「稅改2.0」的新一輪減稅計劃,他們亦希望能夠在本月底前落實,其「買票」的意圖,不講自明。不過,對大市的助力並不太大,特別係杜指,根本企唔住腳。
如果不是半導體股昨日出現大插後反彈,半導體股AMD和博通(Broadcom)分別大升9.2%和3.5%,帶動科技股回升0.3%,納指及標普500指數可能都頂不住。
近日讀到一則有關中國證監會的新聞,可能會令到內地股市未來會起死回生。內地傳媒報道,中國證監會在9月6日會同財政部、人民銀行、國資委、銀保監會等部門,研究起草了《中華人民共和國公司法修正案》草案,提議修改《公司法》中涉及上市公司股份回購的有關規定,將修改主要涉及增加股份回購情形、完善實施股份回購的決策程式和建立庫存股制度。
報道指證監會認為,現行《公司法》規定的股份回購情形的範圍較窄,決策程式不夠簡便,缺乏庫存股制度,公司回購股份的積極性不高。而股份回購制度可以推動公司優化資本機構等。「特別是當市場出現短期非理性下跌、股價普遍被低估時,通過實施回購計畫提升每股價值,促進增量資金入市,有利於減少市場恐慌情緒,維護市場穩定健康發展。」
截至8月17日為止,已回購和已提出回購股份的內地股份的總價為206.2億人民幣(約等於30億美元),當中最大的回購計劃是美的電器,將回購上限40億元人民幣,回購市場上限1.3%的股票;而第二的是分眾傳媒,金額是30億元,回購4.4%的股票。
為什麼說如果放寬公司回購制度和庫藏股制度獲得中央通過,將會令到內地股市起死回生?大家看看美股這幾年為什麼風生水起的主要原因就知道。其實我之前已經提過,推動美股造好的主力不在於美國經濟如何好,美企盈利如何得,其實在於美企不斷回購(buy back)公司股票,在2017年,美股總共回購了5300億美元的股票,而且愈買愈多,今年至今,已回購了6700億美元,頂住美股向上的最大買盤,其實來自公司本身。由於中國股市沒有公司隨時可以回購股份的制度,市場上籌碼分散在散戶手上,股價就很難頂得住。
比較美國和中國市值最大的銀行股富國銀行和工商銀行,就更加清楚回購股份所起的作用,富國銀行市值2839億美元,而工商銀行14370億人民幣(約2083億美元),而前者盈利103億美元,後者1604億人民幣(約232億美元)。工商銀行比富國更能賺錢,但富國今年股價由49.52美元升至59.52美元,而工行卻由6.03元跌到最低的4.84元,呈相反走勢,主要原因還是富國今年有245億美元股份的回購,富國的回購行動非常兇狠,去年才回購了114億美元。
其實,美股無論是科技股、銀行股、能源股都是這樣做,當中最勁的是蘋果,由2009年第一季至今年年一季,就回購了1962億美元股份,艾克森石油排第二,回購了1110億美元;排第十的輝瑞,也回購了550億美元。
市場預計,如果落實《公司法》的修改,隨時會有過萬億元人民幣的股份被公司回購,會遠比外資買盤為多。至於什麼股份最受惠?當然係手上有最多未分配利潤和自由資金流的公司。有資料顯示,排第一的是貴州茅臺,之後的是洋河股份、海螺水泥、步步製藥和格力電器,而青島啤酒和廈門航空都在十名之內。由於缺乏投資機會,她們的錢其實多到不知放在那裡。回購股份,支撐股價就最為理想啦。
不過,大家又不要對消息太興奮,因為修改仍在草案階段,估計要到明年三月的「兩會」,才可能會通過落實。即係話,中港股市還有一段日子要挨。
陸羽仁
Dear 陸 Sir,
這次熊市大約會跌到幾點,時間持續多久?
新仔:7300南方恒指,全名叫東英恒生指數每日反向(-1x) 產品,唔係俾你長揸,只用來短期對沖持倉風險或短炒。
按佢自己的介紹,呢隻產品是以期貨為基礎的產品,主要沽恒指期貨,使產品和恒生指數有反向表現 (-1x)。
它和傳統的交易所買賣基金不同,市升佢有損失,遇上牛市,單位持有人可能蒙受全盤損失。(佢地自己有此警告)
佢地自己話此產品不宜作長期投資,更聲明「此產品並非為持有超過一日而設,因為此產品超過一日期間的表現可能偏離於指數在同一期間的槓桿表現而且可能並不相關。」
現實上你短炒揸一兩個星期,食一段大市跌幅可以,但不宜長揸,更重要佢係炒作產品,要定止蝕,如現價5.89元,近期無穿過5.4元,可以此位作止蝕。以近期計,已上穿高位,等到2000億制裁出籠,再升一升就可能較大幅回吐,不宜在此時追入,即日鮮例外。
2018-09-11
Dow Jones Industrial Average (^DJI)
25,971.06 +113.99 (+0.44%)
陸sir,
7300ETF可唔可以長揸?係咪無收回價或收回時間?假設個市爆升都可以死揸等返家鄉?
塊輪插先忍手
2018年09月12日
港股表現繼續不濟,本來以為個市有得彈一彈,但中段稍為回升後,下午指數再跌過,恒指收報26422點,跌190點;國企指數收報10333點,下滑100點;紅籌指數收報4176點,跌38點,成交金額845億元,沽盤繼續輪流轟炸。睇嚟喺美國制裁2000億美元中國貨生效前,個市仲在等壞消息面世。
大行唱淡濠賭股急跌
藍籌昨日被炸災區係濠賭股,大行唱淡下,銀娛(027)
急跌5.7%,破關收報48.1元,同業如美高梅(2282)
同澳博(1928)
,全部都跌近半成或以上。濠賭股淡風,藉口之一係大行德意志銀行發報告唱淡濠賭股,認為澳門博彩業開始向下,並將澳門2019年博彩毛收入(GGR)增長預測,由11%下調至4%,大削濠賭股目標價逾半。該行仲下調銀河娛樂(027)
評級,由「買入」下調至「沽售」,目標價由82元大劈至45元;金沙中國(1928)
由「買入」降至「持有」,目標價由52元降至39元。喺市況弱不禁風下,濠賭股一吹即倒。老實講,德銀本來睇銀娛82元又高咗少少,見個市腳軟,自然要削目標價,反正濠賭股O依家仲值錢,叫啲客沽佢套現得多啲,相信呢個係大行唱淡背後另一個理由。
唔同板塊輪流調整的格局未變,繼水泥股後,鋼鐵股又出現板塊大跌現象,主要係有內媒報道,話中央派官員巡查,了解鋼鐵業漲價情況,令市場擔心行業面臨政策風險增加。鋼鐵業係全球貿易爭拗風眼,令相關股價特別脆弱,一有壞消息即刻跪低。
鋼鐵行業過去一年其實相當好景,主要係內地去產能,令產品價格上調,毛利增加,鋼鐵公司盈利普遍上升,喺跌市中原本好硬淨,O依家就要面對市場逆流。以馬鋼(323)
為例,股價一開即插,之後跌幅略為收窄,但午市再跌過,結果收市大跌14%,報3.56元;鞍鋼(347)
亦挫9.34%,收報6.5元,一日就跌到入肉。
馬鋼上半年業績增長逾倍,現價市盈率不足六倍,息率超過五厘。業績公佈靚仔,過去幾個月大市下插,佢股價玩上落,已算優於大市,但沒法跑贏大市,反映市場擔心好景難以持續,主要係美國掀起貿易戰。鋼鐵係個惹起爭端的行業,就算係美國鄰居的加拿大都無面畀。特朗普係老式經濟人,成日想恢復鋼鐵行業,認為咁樣對佢選票有幫助,喺呢個大氣候下,鋼鐵股前景不明朗,隨即就喺估值上反映出來。
呢一輪鋼鐵股急插,主要係跟隨內地有官員去調研鋼材加價,外界擔心政府會限制價格,A股回調,香港鋼鐵股即時跟隨。鋼鐵本身係循環性行業,價格跟起落循環波動,利潤波動大,O依家大氣候無論係內地汽車業,以至國際貿易環境,對呢個板塊唔係太有利,所以估值雖然低,撈底都要小心。
水泥鋼鐵無事打三錘
同鋼鐵有啲相似嘅就係水泥股。水泥股早排公佈業績唔錯,但股價上唔到,呢個星期就掉頭向下。今年上半年水泥行業續好,下半年行業仍然對維持價格有信心,主要係內地加強環境監管,對維持整體供應平衡有利。呢一輪水泥股回調咁急,有啲股價走喺行業之前,相信亦係擔心未來政府可能會出手,加上水泥價格高位運行咗好耐,有可能出現調整。海螺水泥(914)
再挫3.9%,收報41.75元;金隅(2009)
再創52周低位,低見2.45元,收跌3.5%,報2.49元;中建材(3323)
跌2.75%,收報6.37元。
有中環茶友手持中國建材(3323)
,用來高沽低揸。中國建材早前公佈中期業績,整體盈利升1.4倍,雖然併購攤薄每股盈利,但都有0.45元人民幣。業績雖然對辦,但股價無力上升,呢個星期插落今年新低。茶友估計,呢個走勢反映市場調低呢類循環性股價的估值,雖然以估值同息率計幾吸引,但都唔敢加倉溝淡,皆因弱市之下,無事都會被人打三錘,有事就直情會內傷。
陸羽仁
股平樓貴難永續(大結局)
2018年xx月xx日 (xx:xx AM)
陸羽仁
金融High Tea——
股平樓貴難永續(下集)
2012-07-16
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。
不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。
大戶操控詮釋權
股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。
上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。
第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」
投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857) ,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。
股神都要順勢買
又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211) ,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。
投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。
第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。
這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。
散戶買股難長獱
當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。
前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。
第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。
有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。
靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。
陸羽仁
金融High Tea——股平樓貴難永續
2012-07-09
中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。
股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。
網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」
沽樓買股受重創
「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」
他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」
「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。
第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?
若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。
第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。
長揸平貨是正道
第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。
第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。
最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。
陸羽仁
SPACE animal666...
DLLMHKC...
SIGH...
支持實名登記,抗議冒牌A字頭撩事鬥非
SIGH...
SPACE animal666...
DLLMCFH...
SIGH...
支持實名登記,反對冒牌 A 字頭撩事鬥非…
SIGH...
講吓實名制就要D .....![{#icons_dog4}](http://img2.stheadline.com/headline/blog/images/smile/dog4_50.gif)
DLLM...
SIGH...
將軍,得不到、失去的,才往往是一生摯愛![{#icons_dog5}](http://img2.stheadline.com/headline/blog/images/smile/dog5_50.gif)
將軍明白了
kaka: 又真是差不多, 你真聰明......![{#icons_dog1}](http://img2.stheadline.com/headline/blog/images/smile/dog1_50.gif)
將軍,美少女係咪同富察皇后同類型?![{#icons_dog10}](http://img2.stheadline.com/headline/blog/images/smile/dog10_50.gif)
林之兄: 噢...只限日間呢. 夜期大低水有古怪.![{#iconb_215}](http://img2.stheadline.com/headline/blog/images/smile/2/15.gif)
將軍:夜期262已破?大軍破263止損是只限於日间跌破止損嗎?
kaka: 噢...not my cup of tea.....![{#icons_dog9}](http://img2.stheadline.com/headline/blog/images/smile/dog9_50.gif)
將軍,唔鐘意瓔珞?![{#icons_dog1}](http://img2.stheadline.com/headline/blog/images/smile/dog1_50.gif)
TC主席大人: 主因是富察皇后已死, 無心戀戰. 另大市跌破265底部, 與預期想法出現明顯偏差. 即是想法錯了, 用200點作為止損, 只是基本操作呢.![{#iconb_58}](http://img2.stheadline.com/headline/blog/images/smile/5/8.gif)
將軍大人為什麼是263?照計算26,2xx好大機會會彈
林之兄: 噢...大軍仍在場內
TC主席大人: 噢...大市破263即斬, 絕不手軟.......![{#iconb_215}](http://img2.stheadline.com/headline/blog/images/smile/2/15.gif)
將軍係穿263止定見263止?
將軍:還在戰場看風雲嗎?
263...可能轉頭到了...
將軍,受教了。263 應該聽朝裂口一開就到![{#icons_dog5}](http://img2.stheadline.com/headline/blog/images/smile/dog5_50.gif)
kaka: 大市又插....咁絕....![{#iconb_374}](http://img2.stheadline.com/headline/blog/images/smile/3/74.gif)
皇后死了, 我的心很亂. 不過任何時候都要假設自己有錯, 止損位定....263. 到價即斬, 絕不手軟.![{#iconb_374}](http://img2.stheadline.com/headline/blog/images/smile/3/74.gif)
將軍,不動如山,不撤也不加?
將軍,
各位好
噢...富察皇后已死, 今天不動如山.![{#icons_dog5}](http://img2.stheadline.com/headline/blog/images/smile/dog5_50.gif)
回應數量快創新低,不如大家灌灌水,增加呢度回應量,當作是回購啦![{#iconb_218}](http://img2.stheadline.com/headline/blog/images/smile/2/18.gif)
SIGH...
實名制,你制佢唔制…
SIGH...
將軍:高水又變低水,搞乜?![{#iconb_61}](http://img2.stheadline.com/headline/blog/images/smile/6/1.gif)
不如頭條改革搞實名制