美企開始受累
環球小股災燒唔死美股，中日韓股市齊插超過2%，歐股平均跌1.6%，跌浪去到美國，杜指開市即插近550點，失守25000點水平，但之後觸底反彈，跌幅逐步收窄，全日跌126點，收報25191點，跌幅0.5%；標普500指數跌0.6%；納指跌0.4%。羅素2000隻中小型股指跌0.8%，完全抹去了今年以來的升幅。
油價大跌，拖累能源股，投資者又擔心中國以至日本經濟放慢、意大利財政預算風波開始有點燶味，再加上美國總統特朗普向中國開打貿易戰、加懲罰性關稅，對美企盈利的衝擊逐步顯現。投資者見到外圍股市跌到四腳朝天，嚇到美股早上跳崖式下滑，股票恐懼指標VIX指數昨日再升5.5%，重返20上方。
有不少資金轉移到比較安全的債市避險，推升債價、推低收益率，美國10年期國債債息就由3.2厘回落至3.171厘。
Caterpillar 及3M昨日公布業績，盈利差過市場預期，兩家美企都提及成本上升，Caterpillar表示製造成本正在攀升，而3M則話見到中國經濟有放慢跡象，而明年1月1日開始，美國將會把對2000億美元的中國貨品加徵的關稅由現時的10%加到25%，勢將持續推升原料價格。
Caterpillar昨日勁挫7.7%，創出52週新低，今年以來，Caterpillar市值已經縮水三份一，股價累跌超過10%，已經跌入調整階段。而3M大跌4.4%，係杜指第二大的負累，標普500指數工業板塊跌1.6%，係表現第二差的板塊。
有分析指出，看Caterpillar及一些即將公布業績的周期股份的表現，反映市場對成本上升的憂慮，貿易戰和美元上升帶來的影響，已經在業績報告中顯示出來。這意味著市場對於今年美企第四季的盈利預測已經過高，有調整的需要。
昨日表現最差的板塊後受到油價大跌拖累的能源股，大跌2.7%，跌幅遠遠拋離大市。雖然美國及沙特關係因卡舒吉事件惡化，但油價未有預期中飆升，反而大插，主要因為原油是風險資產，昨日小股災令風險資產受累，紐約期油昨日就大跌4.3%至每桶66.28美元。紐約期油在過去幾個星期內由76美元下滑10美元，跌幅超過13%，非常驚人。
油價大插主要原因係沙特能源部長Khalid al-Falih過去兩日重一再強調，沙特傾向增加產量。這與此前沙特官媒大聲痴呼，如果美國因卡舒吉事件制裁沙特，沙特會把油價提高至100美元，甚至200美元報復，大相徑庭。從油價的反應，可以見到美國同沙特有「偈傾」，沙特正向美國示好，美國中期選舉臨近，高油價會影響特朗普的支持度，在美國總統心中，一名記者的性命，又算什麼呢？
陸羽仁
俾隻雞點到佗佗儜...
SIGH...
Totally agreed...
SIGH...
2018-10-24
Dow Jones Industrial Average (^DJI)
24,583.42 -608.01 (-2.41%)
子龍無Ｌ用
SIGH...
脫歐搞散英資銀行股
2018年10月25日
杜指前晚開市急插逾500點，收市拗腰只係跌百零點，但港股反彈無力，雖然一度回升超過300點，但收市前又再跌過，銀行地產股帶動跌勢，個別大股再創今年低點。
美國利息向上，對銀行息差應有好處，但今個月銀行股表現開始轉弱，滙控(005)
由近70元反覆回軟，噚日又插左1.3%，報收61.6元。滙控偏弱，主要係市場對佢月底公佈嘅業績有疑慮。大行估計佢盈利將會下調，第三季業績關注點是財富相關收入同匯兌，擔心佢貸款增長放緩。
文翠珊有逼宮風險
其實，大行睇淡大笨象仲有兩個原因，一個係佢經過多番回購後，未來仲有無閒資可以回購。若然無左回購支撐，喺股市轉弱下，佢股價所受壓力比其他股份大。另一個就係擔心英國脫歐對集團構成不明朗因素，有英國媒體報道， (口依)家英國首相文翠珊提出嘅方案理論上需要一段好長「實施期」。按照文翠珊上周對國會議員傳達嘅講法，過渡期最遲會喺2022年底，即本屆國會任期屆滿之前，就會結束。但媒體爆出一份官方內部文件，明顯與文翠珊嘅講法有好大出入，過渡時間更長。由於英國明年三月前要就脫歐達成協議，否則就可能喺無協議下硬脫歐，外界估計，文翠珊仍有可能面對被逼宮，引發政治風險。呢個成為滙豐股價不明朗因素之一。
英國脫歐究竟是否可達協議，目前正處敏感最後階段，通常呢類艱巨談判，往往係爭持到最後一刻，期間有隨時拉倒嘅可能，現時講法係有95%嘅內容已經完成，尚有少量條文要解決。牌面睇唔以話好樂觀，但亦都唔算太悲觀，但呢排英鎊就因此受壓，亦成為推低滙控股價的理由之一。
英國脫歐氣氛不利大笨象，但拉闊啲睇其他銀行股表現都係一般，同樣屬於英資嘅渣打(2888)
股價都受壓跌左2%，報53.3元。渣打雖然係英資公司，但在英國的業務只有幾個百分點，按理脫歐對佢無乜實際影響，從公司股價一樣受壓，只能講係大市氣氛咁弱下，無論有乜消息都會被理解為壞消息，正如周二港珠澳大橋通車，本來有利三地交通，但結果濠賭股就係呢啲日子畀人沽低，令散戶猝不及防。
嚴格來說，呢排銀行股跌得多，主要係經濟前景睇唔通，市場擔心影響貸款需求同資產質素，加上原先跌得少，現在實行補跌，所以連無特別壞消息嘅恒生(011)
日前都跌穿左200關口，到噚日彈番去198.6元，回升0.9%，但暫時仲未升番200元嘅心理關口之上。
滙控同另一隻本地金融股友邦(1299)
呢排成為拖低大市嘅孖寶，友邦尾市跌勢加劇，收市報60.7元，跌1.5%。
科技股亦都無力，多隻科技股受壓，舜宇(2382)
早段曾大插10%，收跌4.6%，報78.5元，係跌幅最大藍籌；瑞聲(2018) 
創逾兩年低，見63.2元，收跌1.24%，報63.75元。半新科網股美團(3690) 
尋底，見52.25元，全日跌4.2%，報52.75元；眾安(6060) 
亦創新低，收跌3%，報25.85元。
本地科技股續有沽壓
喺銀行同科技股無力下，恒生指數雖然最多反彈過306點，曾高見25,653點；但午後由升轉跌，恒指收市報25,249點，跌96點；國企指數收報10,226點，微跌8點，兩日累挫903點。大市全日成交額912.3億元。滙控成為空軍頭號襲擊目標，全日沽空金額11億元，佔沽空總額7%。反而內銀股噚日表現勝一籌，建行(939)
業績符預期，收報6.22元，升0.3%；工行(1398) 
升1%，報5.29元；招行(3968) 
升0.8%，報30.2元；交行(3328) 
升0.72%，收報5.58元。但如果大市氣氛無改變，唔知內銀升勢可以維持到幾耐。
陸羽仁
聞說 so 亂時代, 最後殺着, 射核蛋去兩極
SIGH .....
同歸於盡...
SIGH...
否則，响金融海嘯時，普京有同中國講過，拋美債囉 (七傷權嚟架)
要整死美國… 特朗普唔帶套，再以泄漏形式向美國人傳達訊息
(十分有效) 被控機上胸襲前座女乘客 佛州男辯稱特朗普說可以
中國唔可以再咁軟弱...
SIGH...
其實中國可以諗下嗰日點樣整死美國...
SIGH...
kaka兄，袋鼠繼續睇緊啲新聞
雖然陰謀論咗啲，但似乎一視同仁與及國進民退，都係同一個銀仔嘅兩邊。
雖然早知個氹唔係細，但沽唔到呢啲以前股市死得最快嘅最老套嘅玩意（而家啲新玩法、新死法，睇今年二月個老美市 — 雖然某程度上大同小異，只係犯案武器唔同），响大陸市咁普遍。睇嚟最終行政干預多，國家隊唔可以咁去擔沙填海。
獸人bro，10月29日點睇，DJI沉降89週年紀念，SIGH唔SIGH？
話唔定沽貓主席會去佢老美拜祭吓李維摩
袋鼠兄，最近內地新聞係咁宣傳，阿爺要幫民企，民、國一視同仁，唔係搞國進民退。
乜唔係企錯邊，已經係被套住、挾實咩？
將軍玩還玩記住帶套...
SIGH...
thanks, kaka!
反而內地新聞網站有報，袋鼠以為上頭講過要報多啲正面嘢… 會唔會係香港自我審查得好啲？
當然，呢位仁兄自己GFC有份去排隊，結果都無報導到
范冰冰愛國鳥？
啲豪宅會唔會係連鎖反應下一扣？
袋鼠兄，您講跟A股大股東質押股票，地方政府出資入股去救？香港新聞唔多提及，可能係因為近期股市表現差，無乜新聞價值。而內地財經網站有提及。
香港啲中文報紙有冇提及過，中國啲上市公司用股票作為抵押嘅情況？
見外國網站多講咗，所以想睇吓香港嗰頭點報導。
大市咁chok法Kaka兄都不動如山，
林之兄，仍有一注在場內呢。
今日期指三十萬張成交
暴風雨即將來臨 
25125 25125 25125 25125 25125 25125 25125 25125 25125 25125 25125 25125
Kaka兄仍在場？
SIGH...
各位早