油價大插插
昨日外圍主角是油價不是美股,紐約期油昨日大插7.8%,跌至2017年11月16日以來最低的55.28美元,更係連續12日下滑。
如果你話美股跌得多,但相對於油市,跌幅其實只係濕濕碎。標普500指數與紐約期油都在10月3日創出高位,截至昨日,標普500指數累跌了6.9%,油價卻勁插超過28%!油價跌得非常急勁,在短短的6星期,就抹去了一年以來的升幅。
油價跌得這樣急,反應市場對原價未來的基本因素的看法有變,猶記得在幾個月前,由於特朗普於5月單方面撕毀伊朗核協議,並表示會於11月初重啟對伊朗的石油出口以至經濟制裁,還大大聲聲話會把伊朗石油出口量最終壓至零桶。由於避免受到美國的狙擊,日本及南韓等國早早已停止購買伊朗油,伊朗石油日均出口由4月約為250萬桶,到9月已下降至160萬桶,10月原油出口量繼續下降,迄今日均出口量為大約133萬桶。
油價亦一路攀升,至10月初,紐約期油升上每桶76.9美元的4年新高。不過,在最近的幾星期,油價起著急劇的變化,由喜到悲、由牛轉熊。當中主要有幾個原因,首先係美股在10月出現大幅調整,投資者對包括原油期貨等高風險資產望而卻步,油價與股市在那段時間內少有地出現同步的走勢。
其次為了回補伊朗石油受到制裁而出口減少的缺口,全球三大石油出產國,包括美國、沙特和俄國都加大產量。美國更係瘋狂泵油,每日產量最近已達到1100萬桶,成為全球最大石油生產國,而沙特也不遑多讓,產量也達到1060萬桶,至於俄國,也達到前蘇聯時期的生產水平。
不過,在全球瘋狂泵油的同時,特朗普卻在宣佈正式制裁伊朗的同時,提出容許包括中國、印度等8個國家及地區可以從伊朗買油的豁免權。特朗普此舉,正如能源對沖基金Again Capital的創辦合夥人John Kilduff所講的,「一下子搞串了個party」。全球產油國大幅增產去補回伊朗石油出口減少的缺口,卻變油價下調的壓力。
而雪上加霜的是,在供應大幅提高的同時,需求預期方面卻因為貿易戰、利息上升和新興市場貨幣崩潰對全球經濟造成衝擊而大不如前。上月,石油出口國組織及國際能源機構就下調明年初原油需求的預期。供應大幅增加而需求卻在減少,當中疊加了特朗普各種招數,油價當然無運行啦。
石油出口國組織以及俄羅斯等石油生產口在過去的兩年多以來一直努力減產以去除石油過多的庫存,和推高油價。但如今油價又走回頭路,據聞石油出口國組織以及俄羅斯等產油國正在考慮新一輪的減產措施,以避免石油過度供應,而在剛過去的周日會議,產油國組織重新這個論點,週一,沙地阿拉沙特石油部長相信產油國聯盟正在籌劃每日減產100萬桶石油的減產計劃。不過,油價昨日再度深插,主要係特朗普催促石油出國出口國組織及沙特要維持目前的生產安排,而俄羅斯能源部長亦對減產的做法表示懷疑,因為這樣做會把石油市場讓予美國這個石油最大出口國。減産意見不同一推跌油價。
另外美股杜指本週一大插602點,昨日早段曾經反彈125點,但最終都係守不住,午後反覆回落,收市倒跌100點,收報25286點,跌幅0.4%;標普500指數倒跌0.2%,而納指平收離場。
值得留意的是標普500指數失守200天線,當中有65%的股份已跌入調整區,以至更差的區域,另外,羅素2000隻中小型股指昨日收1514點,跌0.3%,只差1點,就造成「死亡交差」(即50天線跌穿200天線)。狀況認真麻麻。資金紛紛跑到更安全的美國國債避險,令到短中長期債價上升、債息下跌,其中的美國10年期國債債息回落至3.141厘,10月30日前的低位。不過近日大陸股市好硬,頂得吓。
陸羽仁
2018-11-14
Dow Jones Industrial Average (^DJI)
25,080.50 -205.99 (-0.81%)
金融High Tea——富智康大縮水的教訓
金融High Tea - 陸羽仁 2018-11-15 列印 文字大小
美國中期選舉過後,資產市場大執位。美股出現選後症候群,杜指隔晚再跌100點,但同油價單日急插7.8%相比,就真係小兒科,以呢個跌幅嚟講,真係可以一日就跌死人。油價急劇波動,顯示資產市場高度敏感,無論玩乜,一不留神就會損手爛腳。
油價大力下插,不但下墜力度出人意表,同時市場亦有點掉轉來炒。油組日前先放出消息,話研究緊減產,市場以為至少會有短暫提振作用,點知就喺呢個時候,特朗普大力反對油組減產,淡友順勢踩多一腳。炒油如果唔炒孖展,等如行路上廣州,若然用槓桿投資,如此波幅好多人都一棍出局。
資產市場閃跌頻現
油鱷出手噬好友一啖,有點趁住美國中選後施襲的味道。美國總統特朗普喺選舉期間,高調表明想油價下跌,佢咁講唔止出口術,而是在制裁伊朗的措施上最後大打鬆章。係特朗普放水下,油價已經陰陰哋跌,跌兩跌市場信心轉弱,結果誘發雪崩式下跌。
油價跌幅好得人驚,大家要小心呢個未必係個別市場事件,因為杜指早兩日都試過單日大插600點,之前試過更大跌幅,其他美債、外匯都有可能出現呢個狀況。因為從大氣候講,美國結束量寬,跟住進入加息時期,呢個情況好似地下水流失,突然就會引發地陷,所以買入資產要小心,限住注碼高沽低揸,不要不斷加注,先係自保之道。
國際油價周二重挫逾7%,「三桶油」繼續受壓。中石油(857)收跌3.57%,報5.67元;中石化(386)收跌2.25%,報6.51元;中海油(883)插4.66%,收報12.7元,為「三桶油」中表現最差。油價下跌利好航空股,國航(753)收漲4.2%,報7.69元;南航(1055)上揚4.42%,收報5.2元;東航(670)收升1.84%,報4.97元。
港股連升兩日後高開低收,恒指高開81點,報25874點,午後沽壓轉強,尾市一度跌303點,見25489點,跌穿20天線(25543)。其後跌幅收窄,恒指收報25654點,跌138點,成交金額約794億元。
喺咁唔穩定的市場情況下,有啲投資者仍然鍾意博反彈。有中環茶友講起手機設備股,佢話好似隻瑞聲科技,一年高位見過182元,日前低位跌到49元,夠膽去撈的話,O依家佢上番52元樓上,已經夠水位食胡。不過,呢類撈底動作成功機會細過一半,失手就可能被綁。有人以為佢跌到咁低,若然被綁最多咪死坐,皆因佢假假地都係恒指成份股,係藍籌股。
對於藍籌工業股係咪唔怕坐,我就舉左個例,就係同樣做代工生產的富智康(2038)。呢間公司喺2005年以3.88元上市,之後因為業績靚仔,被當成增長股炒,喺短短年半間股價暴漲,2006年高位股價達27.7元,比招股價勁升6.13倍,總市值一度高達1880億元。
高增長工業股風險大
但到2007年,富智康業績表現未符預期,屋漏偏逢連夜雨,公司近500名富智康高層跳槽至比亞迪,將技術及大筆定單帶到比亞迪,全年獲利僅7.21億美元,較前一年度的7.18億美元,輕微增長0.5%。雖然公司仍有增長,但已被摘去高增長股的光環,之後一直無運行。
就算唔睇高峰期的股價,只係睇過去三年,富智康曾經炒過一輪反彈,股價彈上3.5元,但跟住反覆回落,昨日收報0.77元,股價又蒸發咗接近八成。富智康的經歷,係咪會喺瑞聲身上再度出現,無人有水晶球可以批死,因為做廠間間都有啲竅妙唔同,只不過從富智康小股東的經歷,可見炒高增長工業股的風險,實際上比想博反彈的小股民預期大。喺市場驚濤駭浪中想執平貨,就要先計值博率,唔係話見佢跌得多,就一定等同扺買嘅。
陸羽仁
DLLM...
SIGH...
拒做蠱王
大戶真係無點我,夜期爆升中。
今朝平好倉建淡倉,食了兩巴,很爽
股鵝急升,將軍救淡友
大戶真係無點我,贈我左一巴時右-巴,巴巴有力,好爽呀
陸羽仁,你分析油價錯成這樣,時到如今還意圖找各種藉口去掩飾你的問題,你對得住長期的讀者們嗎。
https://blog.stheadline.com/article/detail/936728
(請複製連結文字再自行貼上)
以上是我在9月6日有關油價的留言,陸羽仁今日所講的所謂原因我在9月時早就已提及,絕不是什麼新鮮新聞,尤其是美國豁免8國進口伊油公佈日期是11月5日,但油價是由10月初就開始下跌的,而且豁免并唔係無跡可尋,早在9月美國國務卿訪問印度,日本時已表示會考慮豁免放鬆有關進口國的禁令,再者美國要豁免8國的原因在於特朗普不希望油價上升,特朗普早在5月時就已經表明此點了,還說什麼貿易戰影響需求,全球經濟放緩,都是陳腔舊調,早在8月時OPEC與IMF就已經每月下調明年油需與全球經濟增長了。所以為什麼陸羽仁當時選擇性失明,這才是問題,而其餘的什麼什麼原因一堆都是用來忽悠讀者的,別再被陸羽仁的語言偽術給騙了。
另外早兩天陸羽仁在油價$60左右時說油價再跌便要止蝕,大家都知道定止蝕位是需要技術分析,但我想問問$60以下再跌止蝕是什麼操作?真的要止蝕早就應該在$66左右就要止(紅圈),現在跌到這樣已經到達第一波跌幅滿足和此波段的起漲點(55~56),分分鐘你賣或放空完佢可能就反彈,到時真是左一巴完右一巴。
港女股鵝硬唔起
我都一早硬晒......拳頭硬晒
噢....噢....噢.....
將軍硬唔起…
SIGH...
會唔會新一代蠱王誕生?
KaKa兄,你指我住個度大D就明將軍點解硬唔起?
SIGH...
666兄,到您個度大d您就會明架啦...SIGH
將軍硬唔起
SIGH...
將軍,好友已大難臨頭
666兄: 大市仍然受制258. 無變. 全世界等緊700呢.....
將軍,照睇係好友定淡友有難呀?
SIGH...
子龍同意袋鼠兄所言, 2018是樓市的轉角市, 未來將會跌到你唔信.......
噢....今早唔見kaka? 掛住數錢.......
—於跟陸Sir反向入油股啦!
First...
SIGH...