蘋果入熊
週三油價反彈,美股續插,杜指再跌205點,收報25080點,跌幅0.8%;標普500指數亦跌0.8%;上日稍為喘定的納指,在蘋果大跌拖累下,跌0.9%。
蘋果公司昨日被大行唱淡,股價大跌2.8%至186.8美元,較10月3日創出的高位233.47美元,跌幅19.99%,技術上踏入熊市區域。由10月高位下跌至今,蘋果市值由1.13萬億美元大幅縮水至8860億美元,在大約40日內,市值蒸發了2440億美元!抵得上17條港珠澳大橋的建造費用!
近日,蘋果公司可謂禍不單行,繼其臉容識別器的供應商 Lumentum爆出其最大客戶(市場一般相信係蘋果公司)要求減少出貨量之後,又有多家大行唱淡蘋果,高盛週二下調iPhone銷量預期又把蘋果目標價由222美元下調至209美元,昨日,券商Guggenheim昨日把蘋果評級由「買入」下調至「中性」,並取消此前的245美元目標價;另外,瑞銀(UBS)把蘋果的目標價由240美元下調至225美元,並調低iPhone的銷售預期,由7500萬部下調至7350萬部。蘋果有點四面楚歌,股價不插才奇怪。
蘋果大跌亦拖累Netflix及亞馬遜大跌超過2%,杜指成份股微軟和思科亦跌1.4%和1.8%。標普500指數科技板塊跌1.3%,領跌大市。
美股昨日跌幅全面,11個板塊當中有10個下跌,即使紐約期油在石油出口國組織和俄羅斯等產油國暗示可能合在12月6日會議上推出每日減產140萬桶石油的計劃,終於結束連跌12日的跌勢,反彈0.7%至56美元,無奈大市太弱,能源股還是要跟著大市下跌。唯一勉強企得穩的是地產板塊,主要係避險資金由股市跑到債市,令到債息回順,當中美國10年期國債債息再跌20個點子至3.12厘。利息壓力舒緩,有利房市。
標普500指數連跌5日,已抹去中期選舉以來的逾一半的升幅。標普500指數由10月3日的2940點高位回吐,至10月29日的2603點,回調超過11%,已跌入調整區域,之後特朗普打出「中美電話會議牌」和中期選舉結果符合預期,標普500指數反彈上2815點之後無力再上,造成一個小雙頂。有分析統計自1981年至今的資料,美股期間出現過21次從高位回調超過10%,即所謂的進入調整,當中有七成的時間大市會從新下試此前的低位,美股目前正循著這個模式走,意味著標指還要回試2603點位置。
不過大市跌到2603點是否能止跌回升,尚要觀察,正如圖表派策略師Carter Worth的分析,標普500等權重指數(S&P 500 Equal Weight Index)其實已做出了兩個完美的雙頂,美股處於一個「牛市陷阱」(bull trap)。估計標普500指數會跌到2月時低位2580點,由於美國的經濟狀況不差,變成熊市的機會不至太大,所以,標普跌至2580點,形成一個三底之後,會有很大的支持,轉勢回升機會很大。
至於時間方面,據過往經驗,美股進入了調整區域,調整時間平均要三至四個星期,標普於10月底跌入調整區域,所以估計美股要到11月底至12月初才會有轉機。
陸羽仁
2018-11-15
Dow Jones Industrial Average (^DJI)
25,289.27 +208.77 (+0.83%)
金融High Tea——白宮水暖豬先知
金融High Tea - 陸羽仁 2018-11-16 列印 文字大小
美股跌開有條路,相反港股升開唔肯停。杜指隔晚再跌205點,港股開市唔肯跟跌,下午上揚,最後靚仔高收,港股勁彈448點,頗有吐氣揚眉嘅感覺。
美股跌,港股升,呢種反向關係同10月明顯唔同,除咗因為10月美股造好,港股超跌形成估值差距外,選後形勢中美關係改變都有影響。如果用番特朗普邏輯,邊個股市跌,代表邊個喺貿易問題上有讓步需要,美股呢排出現「選後疲憊症候群」,咁美國就大有需要同中國傾成貿易協議提振股市,令市場對兩國至少短暫達成協議日漸樂觀,香港股市就由超跌中反彈,形成美股跌、港股升嘅新現象。
萬洲股價11月神奇見底
美國總統特朗普喺中選前夕開始少打中國牌,最近更加少提,外界估計會唔會係佢下邊嘅官員正在密密做嘢呢?正如之前拆局,美國O依家同中國打貿易戰,徵稅既增加通脹,又影響美國人消費,計落唔係幾着數,反而見好即收,留力日後再玩方為上算。O依家美國股市大跌,對特朗普更加多咗個考慮,因為中美若然鬧翻,美國要加辣對付中國,對股市點計都唔係好消息,萬一搞到美股再插,豈不是弊傢伙?所以佢用股市來衡量貿易談判嘅金句,O依家用番喺自己身上都應驗嘞。
中國對貿易談判嘅立場,一向都係希望達成協議,噚日國家商務部發言人高峰喺例行記者會上表示,中美兩國元首通話後,經貿領域已經恢復通話同溝通,中方期待通過對話,妥善解決中美貿易摩擦問題。佢仲透露工作團隊正在保持密切接觸,以認真落實兩國元首通話達成的共識。中國向來無問題,所以白宮願意合作,雙方就有機會停火。
有中環茶友留意到,美國國會「美中經濟與安全審議委員會」發表報告,引用特區政府取締提倡港獨的香港民族黨、拒絕香港外國記者會(FCC)第一副主席馬凱工作簽證續期、高鐵西九站實施一地兩檢、回歸後首次拒絕美國引渡逃犯要求等例子,形容香港言論自由持續受壓。報告認為,北京政府持續侵蝕香港政治制度,要求美國商務部檢視美國對港科技出口政策。喺中美貿易談判前夕,又會唔會有負面衝擊呢?
呢位茶友係政治發燒友,但我話要明白美國O依家外交政策叫做「美國優先」,即係利益最緊要。《華盛頓郵報》記者懷疑俾沙特皇儲派人喺領事館肢解,特朗普都預先講明唔會停止對沙特售武,皆因呢單係大買賣,所以本月「習特會」最重要係講實利同政治好處,如果保持目前港美關係無着數,咁香港咪有問題囉,如果有着數,咁就乜嘢問題都無,關鍵係點畀着數美國而已。
澳門派錢沖喜銀娛
茶友要觀察中美關係,可能要去睇隻豬肉股萬洲(0288)。呢隻豬肉股去年成為新貴,本來表現唔錯,無啦啦因為特朗普打貿易戰,集團喺美國業務可能受影響,怕出口返中國要畀貴稅,於是股價率先下插。不過,到咗11月美國選舉臨近,萬洲股價就見底,之後雖然內地有豬瘟負面消息纏繞,佢股價都唔再下跌,之後仲大幅反彈,昨日收報6.47元,大升逾4%。佢嘅股價表現直頭係跟住美國中選嚟走,你話神唔神奇?呢啲可以叫做「白宮水暖豬先知」,賣豬肉嗰個可能知得快的。特朗普玩乜好難估,所以政治市係大戶賺錢專利,好似萬洲呢啲政治敏感股份,買佢要膽大心細兼消息靈通,但唔炒佢都可以觀察佢走勢,可能準過好多政治分析家。
中港股市昨日齊升,但港股升幅仲跑贏少少。人仔都造好,中國外匯交易中心公佈,人民幣兌美元即期升破6.94元關,全日收市揚150點子,報6.9359兌1美元。內地股市率先高收,上證指數收報2668點,升咗35點,升1.4%;深成指數收報8002點,漲93點。港股跟隨向好,恒指收報26103點,升448點,升1.8%;國企指數收報10555點,漲150點,成交863億元。大市向好,騰訊(700)藉佳績大反攻,股價急升5.8%,收報288元。澳門特首派錢加碼到一萬,可能有沖喜效應,銀娛(027)急升5.7%,收報46.95元。同主席聯手投到啟德地的高銀金融(530)午後升幅擴大,收升14%,報3.37元。
陸羽仁
將軍要做新一代網紅!
將軍,3年圖,頸線21.5k,右頸仲畫緊?
PS 袋鼠'無話講'緊頭肩'底'…
紅軍夠唔夠國家隊硬?
將軍,好少見您做紅人 子龍紅軍聽日進場?
kaka: 噢....子龍以為紅一未完. 還有終極一跌呢. 子龍大軍準備做......紅軍.....
將軍,政治市,好難捉摸。岩岩英國個邊傳來脫歐壞消息,外圍同英鎊都急回
666兄: 噢...子龍是或然派. 根據或然率模型選股, 股感抄其.
子龍以為大市會受制258后急速回落. 但今天大市突破, 令子龍很疑惑呢. 只能繼續觀察呢.
將軍屬於邊派?點睇後市?
SIGH...
kaka: 噢....那頸線在那呢???
將軍,圖表派話係頭肩底
叮噹....全日大市升近5舊, 成交863億.
大市突破258后, 相信會吸引圖表派進場, 因而推升大市.
大戶兄,紅易
大戶對我真好,今日已食了兩巴,好飽呀!
將軍救我
B 浪來臨?
259 破
將軍,受教了
kaka: 大市破258........
如收市仍然企於258, 証明子龍錯了, 要止損呢.
子兄: PCLL.......你.....你是朱千雪......
將軍,唔破258,好友仍在鳳嗚山?
軟唔落…
SIGH...
硬唔起
是咁的,我今年要考PCLL畢業試!
你下年要呈分試嗎?
SIGH...
睇市我真係識條鐵咩,只係覺得外圍唔掂,香港唔會好得去边。今早阿爺升,港女都跟下,但又無藉著700好業績而大升,到阿爺收市,港女又要諗下昨晚美股了。
感覺如果市強今朝應該藉700再推,但咁樣都夾唔爆高開即回經驗係強烈利淡。
但阿爺明顯強左,港女對老美下跌近期抗跌力明顯反映,好似容易跟阿爺上多過再試低位,始終已經跌到呢個位。
純粹感覺,唔識睇。
收市必倒跌!
淡友已大難臨頭?
將軍,救淡友
將軍,蘋果可以令美市跌,點解鵝鵝唔可以令港股硬起來呢?
SIGH...
投機者需要的是理性分析呢. 而不是嘩眾取寵呢.
好友已大難臨頭了......
將軍,今日繼續軟?-鵝不能救全市嗎
SIGH...
一隻700可以改變整個大勢嗎???