職業與業餘粵曲

粵曲演唱會, 有分賣飛及𣎴賣飛两大類ｏ不賣飛, 巳經告訢了大家, 我地唔係想揾捧塲客D錢ｏ（但又未必唔專業噃！）ｏ看看 黄SIR  D師妹, 曲友, 人人都很努力, 唱好隻歌, 扮得靚靚見人, 一則娛已, 二則娛人ｏ（但你閣下娛不娛, 都冇乜相干, 冇人迫你聽, 又冇收你錢, 嘈乜？到時一定要多两錢肉緊ｏ大力鼓掌可也！）

但市塲上卻有D掠水人仕, 掠水音樂社,揾埋成班業餘唱口ｏ（當然收足佢地演出費用ｏ）揾D大老倌拍D亞太（又係D亞太出錢）, 例如（慶）賢仔呀, （貫）天天呀, （飛）燕姐呀, （鳳）女姐呀, 得一边職業, 就賣飛收錢ｏ（當然大部份都係自己友包塲告終！）, 有D仲搞到水準狂低添（個D亞太多數唔得也！得, 就叫龟秀唱家啦！）！

弄到粵曲演唱會, 始終不能令大家認為是, 應該收費的娛樂節目, 俾錢去聽都應份ｏ

你睇吓, 譚校長有冇叫佢老婆同佢整番支歌吖？學友有冇揾個徒孫玩番支吖？收得人錢, 就要物有所值！唔係自己友私家派對也！

一边就收晒D買唱人仕錢, 一边就妄想有D盲毛街客買飛, 或者屈D唱口買飛送人, 形成此類演唱會難登大雅之堂也！（係D儍瓜至買飛！）

一個唔該（两隻眼盲咗三隻）, 買錯咗呢類無良演唱會飛, 真係喊都無謂, 台上D亞太甩曲甩到亞媽都唔認得！老倌就連尊嚴都賣埋！慘不忍睹也！

（超伯一定又媽义我得罪人矣！）

我率直嘛！