騎虎難下
華為太子女孟晚舟在溫哥華過境時被捕，消息令投資者擔心此事可能破壞兩國的貿易談判計畫。，全球市場重挫，美股上週四因為聯儲局加息步伐可能減慢，重挫後反彈，以微跌收場，但到了上週五，仍難逃一大跌，杜指大插558點，收報24388點，跌幅2.2%；標普500指數跌2.3%；納指更慘淡，跌3.1%。
中國在周末開始將反制行動升溫，先在周六晚召見加拿大駐華大使麥家廉，指加拿大把溫哥華轉機的中國公民孟晚舟拘押，性質極其惡劣。中方強烈敦促加方立即釋放被拘押人員，否則必將造成嚴重後果，加方要為此承擔全部責任。
到周日中國外交部副部長樂玉成緊急召見美國駐華大使布蘭斯塔德，就美方無理要求加方拘押在加拿大溫哥華轉機的華為公司負責人提出嚴正交涉和強烈抗議，強烈敦促美方立即採取措施糾正錯誤做法，撤銷對中國公民的逮捕令。中方將視美方行動作出進一步反應。
中國對加拿大的措詞極強硬，直指「必將造成嚴重後果」。而對美國寛鬆一點，話「中方將視美方行動作出進一步反應」。美國總統特朗普似乎想和中國達成貿易協議，如今搞出孟晚舟事件，有點騎虎難下。但無論如何，中國傳召美國大使也是一個不好預兆，意味中美雙方就盈晚舟事件私下講唔掂數。估計事件對本地股市有壓力。
上星期，美股可謂血流成河，杜指大跌4.5%，標普500指數跌4.6%，納指重挫4.9%，杜瓊運輸指數重挫8%，係逾7年以來最大單周跌幅，小型股羅素2000指數下跌5.6%，係2016年1月以來最大單周跌幅。
納指就更醜樣啦，與年內高位相比，大跌超過14.3%，已跌入深度調整區域。上週五，美國科技大股深跌， Google母公司Alphabet跌超過3%，蘋果跌3.6%，亞馬遜、思科及Intel都跌超過4%，Netflix更重挫6.3%，多家科技巨頭都在熊市中掙紮。
標普500指數收2633點，較年內高位2940點，累跌10.4%，再次跌入調整區域，要小心的是標普500指數的50天線跌穿200天，形成「死亡交叉」，一個繼續走弱的強烈信號。
上週五公佈的美國經濟數字麻麻，11月非農就業新增職位只有15.5萬個，差過市場預期的19萬個，而樓市資料、企業設備投資不理想、貿易逆差猛增至10年高位等，再加上美國2年期及5年國債息出現倒掛，令市場對美國經濟擴張開始減慢的擔憂加劇，畢竟美國經濟擴張已經持續了九年，為史上第二最長。
Capital Economics駐多倫多首席經濟學家Paul Ashworth指出，美國就業數據仍算得上穩健增長，特別是工人平均薪資按年增長了3.1%，是2009年4月以來的最大增幅，沒有明顯跡象表明經濟會出現突然的下滑。
看美國整體經濟表現，第三季GDP年化增長3.5%，雖然差過第二季，但仍好過預期的3.3%，仍然穩健，未至於會突然出現衰退甚至崩潰，美股調整或許會更深一些，但不至於會演變成熊市，但標普500指數最近一次的反彈，其實一個「牛市陷阱」而不是突破，估計要跌返去大約2580點，造成一個三底破至見到支持。標普500指數現價2633點，其實離這個位置只有約2%。
另外，隨著經濟大環境變得比較差，聯儲局在加息態度亦變得比較「鴿派」，美國加息速度將會放緩，這從美國聯邦利率期貨最新的交易數字都可以見到，市場現在賭明年三月加息0.25厘的機會不足25%，可能連一次息都不會加，甚至今年12月加息的機會，已由上月高過80%，現時已下跌至只有72%，美國減緩加息，對股市又有番一定的支持。
陸羽仁
2018-12-10
Dow Jones Industrial Average (^DJI)
24,423.26 +34.31 (+0.14%)
發展商有樓先賣無蝕底
2018年12月11日
美股上周大插，港股難免低開，但大市見完低位25570點後反彈，開始浮浮沉沉，收市跌311點，收在25752點。
華為太子女孟晚舟被捕，中國星期日傳召美國駐華大使抗議，拋下一句「中方將視美方行動作出進一步反應」，等如話「你唔放人有下文」。雖然美國談判代表萊特希澤話，孟晚舟事件唔影響中美貿易談判。問題係內地對事件群情洶湧，咁嘅形勢下，副總埋劉鶴是否可以當無事照去美國談判都係一個問題，孟晚舟事件成為中美談判一個變數。雖然香港個市跌到咁上下又唔想再跌，但未來將會隨著事件變化快速上落。
踏入12月，本來好快就聖誕節，即住年尾收爐，仲有兩個星期就放長假，過往假期氣氛慢慢會轉濃，但今年消息特別多，市況仍然頻繁波動。樓市雖然回調，但發展商歲晚仍未收爐，信和(083)
繼續推出觀塘大盤，仲令一手市場氣氛升溫。信和今次推出嘅大盤，係同市建局合作嘅重建項目。觀塘屬於舊區，有唔少上咗岸嘅廠商，加上規劃轉型，對住宅需求唔弱，呢次開盤被視為有指標性。
大盤低開再定加價幅度
重點大盤開售，信和不容有失，結果首批單位每呎開售係定喺17,000元，市場形容為低於市價。外界本來估計個盤要開20,000元一方呎，現時稍低價開盤相信係考慮到外圍市況波動，希望打穩陣波，先用一個震撼價吸一批人入票，然後加推加價。睇番公司跟住再出嘅價單，加推單位調升幅度唔大，估計發展商想先沽出部份套現，往後先再視乎情況加大調升價格力度。
年近歲晚，信和呢個時候力推大盤，背後有無行情玄機呢？陸羽仁請教地產界人士，信和近年賣樓多，買地少，負債不斷下降，現時手頭資金應該好充裕，為何o依家要以低過市場價賣樓呢？地產界覺得，呢個盤全部起好有成2000個單位，咁大個盤無可能一開就賺盡，用低於市價開盤唔出奇，正路做法係先引一大批人入票，然後加推加價，若然反應熱烈，加價加得快，咁低開吸客就可以搞熱氣氛。呢個盤係信和幾年前投得，成本價唔高，就算以開售價計利潤都已經相當可觀。
退一步嚟講，現時外圍市況唔明朗，美股喺高位回調，未來唔知聯儲局玩邊科，若然美息向上，美股插得多，咁市場氣氛就會變，再加上中美貿易談判唔會一帆風順，呢啲因素都唔係發展商能夠控制，所以先求去一批貨絕對無壞。地產界人士話，發展商都無水晶球，唔可以百份百準確預測後市，開盤都係要睇市場氣氛，既然現時市況波動，有樓點解唔賣？明智辦法係隨行就市，有樓先賣套現先落袋，點計都無蝕底，就算中美談判將來一天光晒，樓市大升，都已經係將來嘅事。
好似特首林鄭月娥都開腔講樓市，佢引用差餉物業估價署數據指，8月初至今樓價有下調趨勢，跌咗3.7%，但跌幅仍未能抵銷過去17個月嘅升幅。佢話若有人幻想樓價下跌時，特區政府會出手救市，「可以慳返」，表明政府唔會考慮推出「救市」措施。特首講得咁決絕，似乎對樓市調整唔覺得係壞事，甚至係好事，醒目發展商都會自求多福。
睇番信和股價，噚日收報13.5元，跟隨大市回調1%，與一年高價14.48元相差不遠，皆因公司負債唔多，派息手鬆，以去年派息計算，全年派息53仙，另外派特別息45仙，息率7.2厘，相當慷慨。由於公司水頭充足，雖然今年唔知有無特別息派，但維持一貫股息應該無難度，喺護城河作用下，股價可以守得住。其他本地地產股表現偏弱，上周五股價創新高嘅領展(823)
跌3.3%，收報76.7元；恒隆地產(101) 
挫3.4%，收報15.16元。
銀行水多依然唔想加息
外圍吃緊，內地A股低開，最多跌1.1%，但最後只跌0.8%。港股跌幅有1.2%，但都比美股杜指跌2.2%少。自內地政府公佈醫藥帶量採購投標結果後，上周醫藥股經歷大幅調整，周一仍未止跌。藥明生物(2269)
沽壓重，一度瀉近兩成，見九個月低位，收市仍插15%，報49.9元；石藥(1093) 
跌3.5%，收報12.76元；復星醫藥(2196) 
、金斯瑞(1548) 
都挫逾3%。
港元拆息噚日普遍上升，同供樓利率相關嘅1個月拆息連升10日，如今升至約2.18厘，續創9月28日後、超過兩個月高位；3個月拆息由上周五(7日)2.23724厘，升至近2.29厘水平，創超過10年高。
滙豐銀行亞太區顧問梁兆基出席活動時預料，美國會如預期加息，但香港會否跟加仍係未知之數。佢認為香港未有全面加息條件，即使美國聯儲局12月決定加息，仍要視乎本地情況、市場同競爭對手嘅決定。最近港元拆息上升，因接近年結及季結因素，每次年結資金都會緊張，尤其年尾較多公司會埋數，銀行資金需求較高，但年結過後，拆息會慢慢回落。睇嚟銀行(口依)家大把水，所以仲係唔想加息影響做生意。
陸羽仁
老尾穿240
話時話，為國捐軀嘅何志平，被捕時中國外交部反應係點，有無人記得？而家聯邦法院等判刑，算唔算係美方『要為此承擔全部責任』（供食供住）？
遲Ｄ佢會唔會用自己既方式進入美國呢…
SIGH...
(仮)獸人bro，根據報導，佢係以自己方式進入加拿大
我相信孟晚舟無罪，有罪的話加拿大應該公開孟某人的認罪影片，由孟某人親自講述犯罪過程並表示深切悔疚才對，現在連認罪片段也沒有，不乎合我國人民〈被拿下了，有罪當認〉的傳統美德…
SIGH...
騎虎難下？中國外交部叫加拿大放人，咪即係干預緊人哋加拿大內部司法程序？連人哋掌握咗乜嘢證據都唔知（抑或外交部其實知得仲詳細清楚？！），正常外交言詞應該係講『關注事件、跟進了解事件、為當事人提供外交援助、其他暫時不作評論』
不過咁急召大使要求放人，其實只係依照剛剛通過嘅國家情報法，履行中國對國民嘅責任呢？
其實如果唔係件事揚咗出嚟，放咗人都或者無乜事、無乜人知… 或者係美加啲執法人員特登報料，封咗呢個外交後門。不過外交上一旦使用強硬言詞，無乜落台階，除咗依從法律程序，好難有第二條路行。
當然，有無內鬼想整死當事人，所以先至要攪大件事，亦唔可以排除呢個可能。
以上全部只係根據已公開資訊而所作出嘅揣測。
年尾粉飾橱窗 ..... 紅軍
要大插多少，大市才有救呢？如大插要清淡倉？
SIGH...
將軍，如明天後抽，好友就要小心？
666兄: 噢....如明天大插, 大市有救了......
就聽從將軍指揮啦
好友已經大禍臨頭了嗎？
666兄: 噢....明日大插好嗎???
可唔可以抽番－日先插呀？
SIGH...
ANN CHOI，寫幾句自己意見啦，剩係轉載嗰段雞腸，唔係咁多人知你想講乜政策…
藥物公司係繼金融業之後，最巧取豪奪嘅行業。
藥物科研巨企啲R&D，絕大多數係只係買入用公費嘅大學研究（收購費係俾唔足），有時就係收購啲就嚟有臨床嘅細小公司，但係就當係自己投資收足版稅—甚至收到突；另一個問題係大學資源有限，所以用藥科目，藥公司係十分積極同主動去出錢教呢一科。幾年前個Medical Journal of New England有提及過呢方面啲道德問題。
唔好同袋鼠講市場效率，呢個根本係半壟斷局面；而家最普遍政府對策，係用藥物名單採購，多番啲討價還價能力（但亦因此藥物生產商都多咗一樣嘢去遊說政府）。
呢個係常見例子 Huge price hikes by drug companies are immoral (Opinion)
簡單而言，除咗唯利是圖，唔好諗住藥物生產商會有乜為社會大眾利益嘅理想（有理想嘅只係啲科學家）
抽番高Ｄ先插得唔得呀
SIGH...
唔抽唔加 唔插唔平
1723 22/11入@2.67 13日 +66% 去邊到搵 haha
kaka:后抽的出現, 修正了市場過份的情緒反應. 但如受制, 即是反映市場情緒傾向了悲觀呢.
又再說一次12月份的策略---->唔彈唔加 唔插唔平.......
將軍，受教了。後抽好像出現了
kaka: 噢....重未夠肥呀???
258支持變成阻力, 又可能出現后抽, 如受制必大插......但, 25125又是另一支持區呢.
將軍，248 快唔快落？
258話破要破 這叫勢........
各位早
SIGH...