DSE同分嘅情況下邊位考生會有優勢?
DSE作為香港嘅公開試,
每年有數以萬計嘅學生為自己嘅未來步入考場,
係呢個情況下,自然就有好多人同分,
咁究竟,係同分嘅情況下,
邊個先可以突圍而出,入到心儀科目呢?
1. 就算無加權,英文都可能係最重要嘅科目
第一屆文憑試有傳聞話指英文加埋無8分就好難入大學,
咁當然,依家好多科,
好似Engine咁已經打破呢個傳聞;
而好多院校都唔太重視中文科,
但係咁樣都唔足以忽視英文嘅重要性。
即使部分科目無列明邊科有加成,
係面對兩個同分嘅考生嘅時候,
撇除其他因素,
英文科取得較高分嘅考生好多時都會有優勢,
(例如: 45*4443>534454)
主要原因係大學係教學語言主要係英文,
學生英文差明唔哂教授講咩嘅話,
係學習上就有好大困難。
除左聽之外,講都係好重要
用英文講番十幾分鐘其實係好正常嘅事。
而睇番英文較好嘅學生,
無論係溫書,做功課黎講,
效率都會快好多,
咁自然成績都會好好多。
所以,英文水平高而佔優唔係無可能嘅事。
留意番以上並唔係官方講法,
請大家自行判斷。
2.相關科目優勢(無加權)
有部分大學科目,好似BBA咁,
雖然係商科,
但係無咩大學對高中商科有加權。
但當同分果陣,
如果一位學生有讀商科,
一位無嘅話,
邊位有優勢相信大家都心裡有數。
而大學第一年都好有可能讀番高中相關科目嘅知識,
所以高中有讀相關科目嘅話,
其實就已經領先左其他學生好多,
係學業上就比較容易拎到高分。
咁呢個因素就唔係絕對嘅,
純屬個人推測。
3.相關科目優勢(有加權)
如果考生有讀同大學科目相關嘅科果陣,
係加權上黎講會有絕對差距。
例如科大生物科技與商學系,
會將英數乘2,生物乘1.5。
咁英數叻又有讀生物嘅同學,
自然就係分數領先好多。
呢部分相對簡單,
相信大家都好清楚。
此文章純屬 Blogger 個人分享,並不代表本網誌立場。
(原文: dse計分)
此文章純屬 Tutor Circle Blogger 個人分享,並不代表本網誌立場。