溫書邊到先係最好?

相信大家係考試季節，

都會見到朋友係網上post自己去自修室溫書。

但與此同時，

亦都會有好多人選擇係屋企溫。

今日我就想分享下

係屋企同自修室之間何者較佳。

1.屋企有無安靜空間

筆者係到所指嘅安靜空間，

最起碼要自己係屋企有一間房，

而且係房入面係要絕對安靜。

我諗係溫書果陣，

見到屋企人行黎行去；

開個電視睇下；

得閒又聊你講兩句嘅話，

其實係無可能進入到溫書嘅狀態。

如果達唔成呢個條件，

咁恭喜你！

可以plan定去邊間自修室先。

2.交通耗時

交通耗時黎講，

假如你來回坐一個鐘車

（未計金錢成本），

去到坐低又淨係溫一個鐘嘅話。

其實係絕對唔抵嘅，

因為交通耗時係固定成本，

你應該要溫耐啲書去補償番佢。

筆者希望各位同學唔好係自修室

用文具擺陣之後就自拍、打卡一輪先開始，

第一，溫書唔值得炫耀。

第二，慳番啲時間考好個試再炫耀啦。

3.伙食

係自修室如果肚餓，係出面食飯嘅話，

其實係幾浪費時間嘅事

（同樣，未計金錢成本）。

出街食飯好多人會

行下、睇下、諗下食咩，

咁已經哂左好多時間，

二黎，出面食飯嘅份量

係預左大家食飽，

咁又可能令到大家飯氣攻心，

導致溫書效率又下降。

所以，係出面食飯嘅話，

最好就速戰速決，同埋控制食嘅分量。

其實最理想嘅飲食情況，

反而係係屋企少食多餐。

一，慳時間；二，唔眼訓。

(原文: 溫書好地方)

此文章純屬 Tutor Circle Blogger 個人分享，並不代表本網誌立場。