陸羽仁
陸羽仁
陸羽仁

散戶反應慢

2019/02/21 09:24:49 網誌分類: 經濟
21 Feb

週三美股收市無大變化,杜指收市升63點,升幅2.4%;標普500指數升0.2%;納指靠穩,微升2點。

杜指低開之後橫行,下午一點多炒上全日最高位,但在兩點後15分鐘內跳水140點,之後一個深V反彈,在30分鐘內反彈140點,完全收復失地,然後橫行到收市。走勢就像過山車一樣,膽汁少些都會嚇暈。

美股在日中大上大落,主要與聯儲局公開1月份的議息會議記錄有關,記錄當中強調了經濟正在下行的風險,指出「全球經濟增長有機會出現顯著慢過市場預期的狀況,特別是中國和歐洲,會出現財政政策刺激的迅速衰退或金融市場狀況的進一步收緊。」嚇到投資者趕緊沽貨離場。

不過,聯儲局官員暗示今年可能停止縮表,差不多所有的與會官員都覺得,在今年稍後時間公布停止減少聯儲局手上的資產會比較適宜。早一些公布可以明確地提供市場關於聯儲局完成聯儲局資產負債表正常化的信息。

在聯儲局1月會議紀要公布後,高盛預計,聯儲局將在3月份的會議上宣布,在三季度末時停止縮表。

但高盛對美聯儲加息的預期保持不變,仍預計2019年加息一次,並且在這一次後,還存在加息「0.6次」的可能性。

在市場眼中,縮表與收緊貨幣政策無異。聯儲局態度越來越鴿,自然提振市場的入市氣氛,美股迅即收復失地,股票恐懼指標VIX指數昨日回落近6%至只有14.02。議息會議記錄公布後,股市反彈,而美元匯價一度跌至全日低位,反映美元兌6隻主要貨幣匯率的美元指數由早上的96.65下滑至96.29,之後跟著股市回升,收96.5

美股自去年1224日平安夜之後開始強勁反彈,至今已經連升第8個星期。不過睇最能反映整體市道的A/DAdvance/decline)線(即每日的股份上升數量減去下跌股份數量),在這段時間內差不多天天都在是正數,美股股價創新高的顯示美股整體走勢正面,另外,有越來越多的股份創出新高,市場沽壓不大。

再看板塊表現,由去年的平安夜至今,工業股升了25.3%;能源股升了22%;科技股升了20.6%;金融股亦升了18.2%,而落後的股份都是防守性股份,其中醫療股升了14.9%;必需消費品股升11.6%;而公用股只升了7.6%。在在表示股市的強勢,但交易員卻表現得十分謹慎。

紐約交易員相信,雖然目前有不少的好消息,例如中美談判有進展、聯儲局暫停加息,以及強勁的市場動力,但被全球經濟增長放慢的憂慮蓋過了,主因係歐洲及中國上週都報出令人失望的製造業數據,美國零售數也很弱,而美企對今年的盈利預期非常悲觀所致。

投資老手、QMS DirectexPeter Tuchma指出,後市還會升得更高,他說,「沒有人會料到美股在平安夜之後會反彈得這樣急勁,忽然間大升了接近兩成,人人都有一堆股票想買,但只能望股興嘆。很多人在12月股市低迷時出了貨,現在明顯跑輸了大市。」散戶反應慢未及入市,也利好後市。

目前對後市最大的利好因素應該是中美談判達成協議,但大家也不能抱有太大的期望,按瑞銀的紐交所交易總監Art Cashin的估計,股市現價已反映了這個有利因素的四成至五成,貿易即使有協議,預期標普500指數最多也可能升上2840點至2850點,連3000點也未必去得到,現價為2784點,再上升的空間有限。

陸羽仁

回應 (26)
我要發表
animal666
animal666 2019/02/22 06:15:49 回覆

國泰甩難 太古一身鬆
2019年02月22日

  中美貿易談判繼續,《路透社》昨日爆料,指中美正草擬六項諒解備忘錄,涉及強逼技術轉移及數碼盜竊、知識產權、服務業、貨幣、農業以及非關稅貿易壁壘。

  睇番六項諒解備忘錄其中一項係貨幣,傳聞美國要求中國唔好再畀人民幣下跌。阿爺唔會好似1985年日本簽廣場協議咁傻,令貨值大幅炒高,但最後雙方有協議唔好畀人仔再跌機會不低。若然係咁,雖然對中國出口有壓力,但對資產市場卻係好事,人仔未來都可以睇高一線,外資都會更夠膽入中國炒作。

  港股受中美正草擬六項諒解備忘錄消息刺激,一度衝高,但晏晝一點幾跟隨內地股市回落,等三點A股收市後,港股再反彈,最後升115點收場,個別股份跟住消息炒作。

  貿談入肉 好事快近

  大股中以太古A(019) 股價及相關新聞 表現較突出,噚日升1.6%,收報93.85元,彈上一年新高,係少數突破33000點高位時股價嘅藍籌。太古能夠有咁嘅表現,主要係上個升浪股價大落後,太古A歷史高位係2010年創出嘅137元,當時公司幾瓣業務都強,但之後開始踏入反覆期,最近幾年受旗下核心業務之一國泰(293) 股價及相關新聞 不振影響。

  傳統上,太古業務係靠地產同航空兩大支柱帶動,再加上其他實業部門。國泰受經營效率下降同期油虧損困擾,股價喺過去三、四年長期低迷,甚至反覆向下,貢獻畀太古盈利大減,所以就算地產部門表現唔錯,太古股價都難以振作,喺舊年年頭股市牛氣沖天,太古股價仍然遠離歷史高位。

  太古股價喺舊年下半年開始好轉,終於能夠造出一年高位,主要係國泰衰足幾年後,開始有見底跡象。國泰成績表見紅後,開始推行瘦身計劃,同時高位買落嘅期油合約逐漸期滿,最新情況顯示衰日子開始過去。

  國泰日前宣佈,預期舊年純利約23億元,扭轉2017年虧損12.59億元嘅局面。客運成績主要由於能維持客運率同提升收益率。貨運業務亦見表現強勁,貨運量、貨運率同收益率都有增加。至於為人詬病嘅燃油對沖,國泰早年所定合約都喺今年到期。截至舊年上半年,公司對沖虧損跌至6.53億元,按年減82.6%。

  如果以預期賺23億元計,國泰目前市盈率約22倍,由於國泰主要對手香港航空近期陷入財務困擾,有利公司競爭,估計業績仲有改善空間。國泰唔再成為包袱,太古自然一身輕,所以股價就彈上。如果將國泰同太古比,太古資產淨值有168元,股息有2.2厘,應該比國泰穩健。

  人仔走強 內航受惠

  睇番大市喺26000點時,太古跌到去75、6元,現時反彈近三成,顯示股價正在轉強。太古本身最吸引係地產業務,但主要用作收租投資,利錢深嘅起樓業務幾乎停頓,所以公司比較靜態,唔會大幅爆上,股價近日都係升兩日、跌一日,比較啱愛穩陣人士買入,但就不宜高追,如果有貨可以先用作收息。

  國泰發盈喜後,股價收市升逾4%,報13.58元。其實係受中美草擬貿易協議綱要消息推動,人民幣在岸同離岸價雙雙升穿6.7關口,內航股表現更突出,因為佢地買飛機欠美元債,國航(753) 股價及相關新聞 升7.7%,報8.5元;南方航空(1055) 股價及相關新聞 報6.09元,升6.8%;東方航空(670) 股價及相關新聞 亦揚4%,報5.17元。

  陸羽仁

子龍 (kaka就是大叔的契哥)
子龍 (kaka就是大叔的契哥) 2019/02/21 16:43:31 回覆

大戶兄: 大叔話食 色  性也...... {#icons_dog5}

大戶終結者 ( 等人齊 )
大戶終結者 ( 等人齊 ) 2019/02/21 16:36:22 回覆
@子龍 (kaka就是大叔的契哥)...

大叔開圍色 !  {#iconb_626}

子龍 (kaka就是大叔的契哥)
子龍 (kaka就是大叔的契哥) 2019/02/21 16:18:42 回覆

林之兄: 子龍人又老, 錢又無, 熊仔又被屠...... {#icons_dog5}

門徒
門徒 2019/02/21 13:58:40 回覆

人生是用來懷疑,是上天父母俾你創造及享受的 {#iconb_25},我就輸得很痛快 {#iconb_625}

wingzero
wingzero 2019/02/21 13:52:11 回覆

個市升到自己懷疑人生

門徒
門徒 2019/02/21 13:40:44 回覆

恕小門假設牛來了 {#iconb_54}破頂在望

門徒
門徒 2019/02/21 13:38:20 回覆

仲沽? {#iconb_268}這止熊二反彈吧

kaka422617
kaka422617 2019/02/21 13:04:31 回覆
@林之...

{#iconb_272}好友大將軍=愛情二等兵

林之
林之 2019/02/21 13:00:38 回覆
@子龍 (kaka就是大叔的契哥)...

唔係啩,將軍邊方面輸俾大叔?

子龍 (kaka就是大叔的契哥)
子龍 (kaka就是大叔的契哥) 2019/02/21 12:44:33 回覆

林之兄: 大叔已大小通吃了....... {#icons_dog5}

林之
林之 2019/02/21 12:11:33 回覆
@子龍 (kaka就是大叔的契哥)...

將軍:美少女不是還有個靚細妹嗎?有機會轉移目標嗎?

子龍 (kaka就是大叔的契哥)
子龍 (kaka就是大叔的契哥) 2019/02/21 12:04:35 回覆

林之兄: 噢....因為情場失意, 子龍要任性一下...... {#icons_dog5}

林之
林之 2019/02/21 11:58:22 回覆
@子龍 (kaka就是大叔的契哥)...

咁將軍何解提早出手?

大戶終結者 ( 等人齊 )
大戶終結者 ( 等人齊 ) 2019/02/21 11:54:35 回覆

287 紅己經  {#iconb_211}

子龍 (kaka就是大叔的契哥)
子龍 (kaka就是大叔的契哥) 2019/02/21 11:50:01 回覆

林之兄: 噢...升市莫估頂..... {#icons_dog1}

林之
林之 2019/02/21 11:35:44 回覆
@子龍 (kaka就是大叔的契哥)...

等佢上29樓陪將軍沽下 {#icons_dog1}

子龍 (kaka就是大叔的契哥)
子龍 (kaka就是大叔的契哥) 2019/02/21 11:30:47 回覆

林之兄: 噢....1注瘦熊, 何足掛齒......救我..... {#iconb_67}

林之
林之 2019/02/21 11:25:15 回覆
@子龍 (kaka就是大叔的契哥)...

原來係咁,將軍已有1⃣️注在手?

子龍 (kaka就是大叔的契哥)
子龍 (kaka就是大叔的契哥) 2019/02/21 11:20:12 回覆

林之兄: 噢....子龍只想追沽呢, 破280就是大軍進場之時呢...... {#iconb_62}

林之
林之 2019/02/21 11:18:44 回覆
@子龍 (kaka就是大叔的契哥)...

將軍又沽過?

林之
林之 2019/02/21 11:18:20 回覆
子龍 (kaka就是大叔的契哥)
子龍 (kaka就是大叔的契哥) 2019/02/21 11:11:34 回覆

大戶兄: 紅死紅還在, 但290是繼250天線後一重要位置呢..... {#iconb_62}

大戶終結者 ( 等人齊 )
大戶終結者 ( 等人齊 ) 2019/02/21 11:09:40 回覆
@子龍 (kaka就是大叔的契哥)...

肥紅仔去到 290  {#iconb_65}

子龍 (kaka就是大叔的契哥)
子龍 (kaka就是大叔的契哥) 2019/02/21 10:51:14 回覆

大戶兄: 救我....... {#iconb_67}

大戶終結者 ( 等人齊 )
大戶終結者 ( 等人齊 ) 2019/02/21 09:34:12 回覆

{#iconb_62}

user

最新回應

animal666
animal666 2019/03/24

香港今次加息週期...

會唔會破咗有史以來加得最少嘅紀錄???

2028...

SIGH...

animal666
animal666 2019/03/23

RE

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大,杜指跌66點,趁住市靜少少,我又無咁忙,答一答問題。

      近日經常有人貼我在2012年的舊文,質疑我在當年話樓貴,他們問我兩個問題,1. 點解「股平樓貴難永續」(當日文章的題)?  2. 2012年樓市是高還是低?

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升,兩者不會出現這麼大的差價,差價終將拉近。邏輯上之後會出現三種可能,第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況,2012年樓價,以中原城市領先指數計,當年年中上升到110,比97年高位還要高。但當日恒生地產分類指數只有25000點左右。到今天中原指數升到159,地產分類指數升到36326點,中原指數升咗44.5%,地產指數升了45.3%,兩者升幅相當接近。

        唔買樓買地產股一樣升。你可以駁我買樓有槓桿,買股唔借錢無槓桿,呢樣確實係。你又可以駁我細價樓升幅比大價樓多,中原指數不完全反映現實。呢樣亦係,不過若你咁唔好彩走去買豪宅,或者新樓貴貴單位,而家比2012年跌了要蝕讓的大有樓在。

        我當日想講兩個觀點,第一是2012年樓價是高(這是第二個問題的答案,今天仍然覺得如此,不是今天更高,當日便不是高,樓價高低從租金收益率可以看到)。第二是有其他替代投資。

        第一點針對「自住的我」,第二點針對「投資的我」。先講第二點「投資的我」,這個世界有很多投資目標,不買本地港島樓去投資其他東西,可以買股票,也可以買其他地方的樓,如大陸樓,這就是所謂替代投資。最笨的如買我經常講的越秀房地產(405),每年派7厘息,2012年中3.6元,如今5元,賺價39%,加埋每年7%息,夾埋5年有70%以上回報,唔係好失禮。

        其餘如2008年、2009年我都幾經常講在大陸買樓,在2008年廣州市區天河樓1000元人仔一呎,即使到2012年也是1200、1300元人仔一呎,如今是5000元一呎,當然亦唔係咁多人買咗,我唔好講咁多,費事俾人媽我。不過對唔住,我自己過去幾年無在香港買樓,不過在大陸在倫敦買了樓,回報也不俗。所以覺得香港呢度樓貴,唔買有乜咁出奇。

        講番第一點針對「自住的我」,雖然我當日主要針對投資者,無叫人自住唔好買,我對自住用家買樓的問題都通常答案是「量力而為」,但如果你當日追問我,我會認為自住其實亦都唔太建議買。原因好簡單,我當日已覺得樓價貴,若財力唔夠夾硬去買,咁就咪制啦。

        我的心只想叫大家「控制風險」,自住樓也是長線投資,咁貴買風險幾高(今天係好高,明天可以係極高)。我見過1997年、2003年樓價大跌,好多人買了樓輸身家的慘況,有人被銀行斬倉,有人收入高頂得順,也供了20年貴樓,到今天才剛剛供完,20年收入主要拿了去供樓,特別是下跌之初頭5年,供貴樓搞到自怨自艾,搞到家嘈屋閉。所以我就扮晒巴菲特,叫大家不一定要買貴嘢。我年紀大啲,乜都見過,難免保守。

        講多兩句巴菲特,佢投資的基本點是不買貴嘢。但不冒風險不買貴嘢,貴嘢繼續升,提建議者會俾人鬧。巴菲特係芬佬,佢話試過唔買貴嘢,佢的巴郡表現跑輸大市,俾客戶日日鬧,又要沽佢隻股贖回投資,佢壓力好大,搞到電話都唔敢聽,捱幾年先至捱得過。

       都係唔好扮晒股神,我同巴菲特唔同,佢叻啲,我蠢啲。但佢搞基金怕客戶沽貨,我只係在免費網站吹吓水,無咁大壓力。我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由

//

2012年樓市是高還是低?

2028...

SIGH...

大戶終結者 ( 等人齊 )

唯一取勝法, 及早(比享C兄早)離去 .....  {#iconb_65}

 animal666
animal666 2019/03/23
@亨仁(已經離去了)...

亨仁兄,好久不見了,月供股票不是在進行中嗎?何時停了下來?…

SIGH...