陸羽仁
陸羽仁
陸羽仁

又玩制裁

2019/04/25 07:49:16 網誌分類: 經濟
25 Apr

歐亞股市週三個別發展,美股上日創歷史收市新高後,昨日略回。美股三大指數齊跌0.2%,杜指收報26597點。

能源股係拖低大市的主力。標普500指數能源板塊跌1.6%,遠落後於大市。其中艾克森美孚跌1.9%,雪佛龍跌3.1%,係表現最差的杜指成份股。

能源股下跌,主要受到油價回軟拖累。由於美國能源信息署公布,截至419日的一週,原油庫存上升了550萬桶,高過市場預計的130萬桶。不過,有分析指出,庫存增加的主要原因係美國對上一週的原油進口大幅上升,平均每日710萬桶,按週每日平均增加了110萬桶,令到庫存增加了。

睇同期的汽油庫存下跌了210萬桶,減幅高過預期,就知道原油庫存上升與需求無關。受庫存上升的消息影響,紐約期油昨日跌41美仙至65.89美元一桶。

美國週一表示將不會延續購買伊朗石油的豁免權,市場預計伊朗油出口跌至零,將出現每日100桶原油缺口。而最有能力增產補上這個缺口的沙地,昨日表示預計5月該國石油產出會與之前幾個月的產量差不多。沙地對油價上升樂見其成的態度,令市場對原油價格看高一線,Commerzbank的商品分析師Carsten Fritsch表示,由於推高油價的因素很多,油價(布蘭特)升上80美元的機會,遠大過跌穿70美元。

昨日拖低杜指的另一隻股份是全球最大建築設備製造商Caterpillar,股價下跌3%,倒數第二。Caterpillar昨日公布季度業績,今年第一季每股盈利2.94美元,高過市場預期的2.85美元;營收134.7億美元,亦略高過市場預期。但股價不升反跌。Caterpillar行政總裁Andrew Bonfield 昨日表示,中國市場今年在建造的需求有增長,但Caterpillar在中國市場的銷售卻持平(flattish),反映Caterpillar在中國市場的份額下降。Caterpillar和波音飛機一樣,都被視作可以反映中美關係的寒暑表,中美關係,特別是貿易關係有什麼風吹草動,都會影響到投資者對Caterpillar前景的看法。昨日,路透社報道,美國國際貿易委員會認定中國卡車鋼制輪殼生產企業在美國市場傾銷,並接受政府不公平補貼,給美國同類企業造成損害,決定對所有中國鋼制輪殻生產企業徵收321%的反傾銷關稅和457%的反補貼關稅,為期五年。報道指這些卡車鋼制輪殻主要用於中型和大型卡車以及其他商用車輛。

美國在2017年進口這類產品約值3.88億美元,金額不大,但在中美貿易談判正進入關鍵時刻,美方搞出對中國企業這樣辣的制裁,不免讓人擔心中美貿易談可能會有些阻礙。

港股在回調型態中,預計要跌深少少打底,才可再上。

陸羽仁

回應 (23)
我要發表
kathleen
kathleen 2019/04/26 09:14:36 回覆

2019-04-25

Dow Jones Industrial Average (^DJI) 

26,462.08 -134.97 (-0.51%)

前收市價 26,597.10
開市 26,426.40
成交量 296,727,634
今日波幅 26,310.28 - 26,536.48
52 週波幅 21,712.53 - 26,951.81
平均成交量 302,403,548
animal666
animal666 2019/04/26 06:24:00 回覆

小心買貴樓
2019年04月26日

  港股繼續調整,雖然美國總統特朗普話中美貿易談判進展良好,有風聲話協議已斟到尾聲,都無助改變消化格局。

  美股好港股未必好

  美股向好,特朗普向記者示威,聲稱美股挑戰新高,未來仲會更好,但他提振股市的說話,未能幫助港股,皆因美股好,美國利率回調機會下降,影響同內地停止放水降準效果相似,對港股未必係太好。A股上證指數上破3200點後又要整固,午後跌幅逾2%,再失3200點,深證指數亦失守一萬大關。上證指數收報3123點,插77點;深證指數收報9907點,瀉328點。

  A股下跌,內地券商股都無運行,中金(3908) 股價及相關新聞 挫4.7%,報16.96元;海通證券(6837) 股價及相關新聞 挫4.4%,報10.04元;華泰證券(6886) 股價及相關新聞 跌3%。港股開市後跌幅擴大。恒指收報29549點,急跌256點;國企指數收報11502點,下滑161點,成交金額975億元。個別大股跌幅都幾大,騰訊(700) 股價及相關新聞 跌2.6%,收報382.8元;平保(2318) 股價及相關新聞 跌2%,收報92.15元,兩股質低恒指115點。5G概念股中國鐵塔(788) 股價及相關新聞 急挫5.7%,收報2.15元。

  而在跌市中,地產發展股表現曾經相當突出,收市雖然升幅收斂,仍能逆市進帳,新地(016) 股價及相關新聞 逆市升1.5%,收報135.2元,信和(083) 股價及相關新聞 升0.6%,升13.94元。賣樓股表現好,估計同稍後又有樓盤推售,市場預期反應不俗。自從覓地小組報告公佈,明言短期難增供應,點燃樓市勢頭後,一直高溫不退。

  唔少大行認為今年樓價會由跌轉升,滙豐證劵研究最近發表報告,指由於加息周期結束、中期土地供應減少、樓市獲銀行按揭政策支持、正面財富效應等影響,預計本港樓市調整期完結,復甦速度比預期快,預測今年住宅樓價上升10%,超越去年高位。之前滙豐原本預期今年樓價會下跌5至10%。不過要留意嘅係,預測的滙豐證券本業係炒股,炒股今日話升,明日話跌,認真有時就會輸了。

  新盤亂象惹政府關注

  樓市氣氛轉變,但有中環茶友就奉勸,買家呢個時候入市要睇真,因為一唔小心就會買貴樓。茶友話,o依家新盤開售招式繁多,好似之前連中小樓盤都搞招標,托到個價高一高。有人後來發覺自己買的單位,實際價錢同上層招標單位仲貴,本來驚遲買會蝕底,點知即時畀多一筆。現時新盤有各種回贈,發展商又會支付高佣金給代理用來回贈,個別樓盤有時佣金高到接近一成,所以市場透明度好低,一唔小心就會中招。

  以前新盤都有擠牙膏賣樓手法,後來政府成立銷監局規管一手樓銷售,但個局一直似乎都有點不作為,無點打過大老虎,新盤賣樓包裝愈搞愈複雜,加上透過代理銷售,消費者如墮五里霧中,現時樓價又被人潑到紅紅哋,買家入市心急,咁就有機會上咗貴車。由於新盤亂象惹起社會關注上升,當局都開始覺得有點形勢不妙,或者會諗諗點應對。不過,政府做事向來慢幾拍,想置業者最好都係自求多福,不可隨便一擁而上,或者只係聽人講。

  另外,金管局與證監罕有聯合發表通函,稱內地金融機構連串複雜交易,有機會隱藏交易帶來的金融風險,獨立股評人David Webb在網站發表文章,稱監管機構所指的交易,有可能是早前他所講及的華融——民行26隻謎網股。

  陸羽仁

sampang
sampang 2019/04/25 22:52:03 回覆

仲係個句、恒指熊市三期、最少萬八

animal666
animal666 2019/04/25 19:37:14 回覆

Breaking news...

//

有線裁員102人...

//

2028...

SIGH...

wingzero
wingzero 2019/04/25 17:48:33 回覆

政客本來如此

kaka422617
kaka422617 2019/04/25 17:13:29 回覆
@子龍 (kaka就是大叔的契哥)...

將軍,各司其職需要安份守己、不濫權,談何容易呢。唔通真係中國特色既計劃型資本主義先係最佳制度?但內地既資本權貴既壟斷、甚至造成跟跨代壟斷,長遠都係會加劇貧富懸殊呢。貧富懸殊加劇,若做不到安份守己,社會豈能不亂,亦係野心家最開心既時候呢

子龍 (kaka就是大叔的契哥)
子龍 (kaka就是大叔的契哥) 2019/04/25 16:56:40 回覆

叮噹....全日大市跌2舊半, 成交975億, 波幅314點...... {#iconb_62}

kaka: 如果每人都可以各司其職, 這個世界相信會更美好呢....

kaka422617
kaka422617 2019/04/25 15:59:26 回覆
@子龍 (kaka就是大叔的契哥)...

將軍,受教了。西方選舉式民主,民客變得越黎越投機,嗌下口號,靠下包裝、宣傳,都係諗住玩返一兩屆選舉四、八年就算 {#icons_dog1}

子龍 (kaka就是大叔的契哥)
子龍 (kaka就是大叔的契哥) 2019/04/25 15:47:08 回覆

kaka: 噢...跌極都只是區間上落者. 轉倉大過天.......

大戶兄: 唔係大戶點會咁身光頸靚, 咪全靠牛熊大軍呢.....

kaka: 民主的極端變成民粹, 討好選民變成政客的首要任務. 可惜沒有信念的領導, 最終只會順得哥情失嫂意. 左右做人難呢. 老百姓得了小利, 失了大益.

大戶終結者 ( 等人齊 )
大戶終結者 ( 等人齊 ) 2019/04/25 15:39:31 回覆
@子龍 (kaka就是大叔的契哥)...

老尾一定會變成歷史 ..... 

kaka422617
kaka422617 2019/04/25 15:36:29 回覆
@子龍 (kaka就是大叔的契哥)...

將軍,歐洲佬無飯開,民粹主義係意大利、法國抬頭,會否為未來歐盟歐羅解體種下伏線?

大戶終結者 ( 等人齊 )
大戶終結者 ( 等人齊 ) 2019/04/25 15:35:09 回覆

牛紅係用來食, 唔係用來炒 .....  {#iconb_31}

kaka422617
kaka422617 2019/04/25 15:34:15 回覆
@子龍 (kaka就是大叔的契哥)...

將軍,阿爺呢幾日大大插,港女算跌得好少 {#icons_dog9}

子龍 (kaka就是大叔的契哥)
子龍 (kaka就是大叔的契哥) 2019/04/25 15:23:47 回覆

kaka: 何解今日幅圖咁樣衰??? {#iconb_252}

老美通過qe, 成功將問題轉移給其他國家, 經濟回覆增長, 問題是歐洲仍然窮過鬼, 日本已進入老人之家, 阿爺又唔知貿易傾成點, 最後會否變成老美話點就點呢. 伊伊如變成零出口, 咁咪無飯開, 又會否發動聖戰呢??? 最後老美會否從此消失, 美元變成歷史, 噢.....

kaka422617
kaka422617 2019/04/25 15:07:39 回覆
@子龍 (kaka就是大叔的契哥)...

將軍,受教了。會唔會係美國經濟無歐洲、澳洲、日本咁差,市場預期老美唔會再QE住,咁美元咪升囉 {#icons_dog10}

大戶終結者 ( 等人齊 )
大戶終結者 ( 等人齊 ) 2019/04/25 14:46:25 回覆

{#iconb_62}

子龍 (kaka就是大叔的契哥)
子龍 (kaka就是大叔的契哥) 2019/04/25 14:32:36 回覆

kaka: 問題是牛人太多, 大市要升都要先插下呢. 當然牛人咁有信心, 可能以為大戶會抽高結呢. {#iconb_268}

子龍唔明白美匯何解重可以抽高??? 避險? 石油因素? 息口因素? 真是木宰羊...... {#iconb_238}

kaka422617
kaka422617 2019/04/25 13:58:57 回覆
@子龍 (kaka就是大叔的契哥)...

將軍,受教了。 {#icons_dog1}高手會唔會期結後抽上305? 美元指數到高位、阿爺寬鬆預期減弱,港女都頂住高位,但成交日日縮,散戶除左買牛熊仔,又唔見好積極買貨入市

子龍 (kaka就是大叔的契哥)
子龍 (kaka就是大叔的契哥) 2019/04/25 12:37:40 回覆

叮噹....半日大市小跌, 成交447億, 波幅213點..... {#iconb_62}

kaka: 噢...轉倉期係咁, 大市給鎖著了...... {#iconb_240}

kaka422617
kaka422617 2019/04/25 11:19:11 回覆
@子龍 (kaka就是大叔的契哥)...

將軍,插唔落 {#icons_dog5}

子龍 (kaka就是大叔的契哥)
子龍 (kaka就是大叔的契哥) 2019/04/25 09:38:05 回覆

大戶成功引牛, 跟住咪又係插....... {#iconb_226}

kaka422617
kaka422617 2019/04/25 09:25:55 回覆

296有支持 {#icons_dog5}

kaka422617
kaka422617 2019/04/25 09:05:02 回覆

各位早

user

最新回應

爆
2019/07/19
@大笨袋鼠...

個人可以做到嘅嘢好少,唯一做到嘅就係儘量廣傳訊息等大家小心,同埋每個禮拜出嚟支持下,不過今次真係要小心

大笨袋鼠
大笨袋鼠 2019/07/19
@爆...

連登嗰邊啲五毛分化post、帶風post,今晚質素高好多。

仲要好多係你講過嘅細冧巴。

爆
2019/07/19
@animal666...

聽完個YouTube,覺得恐怖之餘亦唔意外,呢啲陰毒嘅手段咁警察就可以甩身,又有名正言順可以拉示威者。

話時話美國領事館今日出咗個示威警示,我都覺得奇怪嫁啦,之前咁多次都唔出但係偏偏今日出,睇嚟佢哋都收到風。

另外,西環總動員文宣,證明我講得沒錯吧?係咪覺得好恐怖,嗰啲人可以潛伏咁耐

支持咁樣嘅政府嘅人,喺邊一種「人」?嗚呼哀哉

animal666
animal666 2019/07/19

Breaking news...

//

早禱會情報 林鄭不退讓 部署全面反擊

//

More blood please...

2028...

SIGH...