奥運聖火
2008/04/06 12:23:21
網誌分類:
時事
奧運聖火開始全球傳遞, 展開了奧運活動之序幕, 此事偉大之處乃火種來自奧林匹克山, 由幾個白衣神職女士用科學聚焦方法取得, 有機會傳遞之人都似有神聖任務也o
希臘神話乃多神之世界, 宙斯先生乃主宰天庭之神,佢老婆係HERA,亞波羅就係太陽神(唔係雪糕!), 又有智慧之神雅典娜, 又有愛神(丘彼得?)o以前讀希臘神話都覺得希臘佬D想像力, 都有黄SIR咁堅也o仲記得會考有考金羊皮的故事, JASON就係主角也, 但記D神名就記到頭都爆埋!
這個奧林匹克運動會四年先玩一次, 已成了全球盛事矣!可憐歷史上有很多次, 被醜惡的人類用來作政治斗爭之用途, 又玩杯葛, 又玩示威!令一項開心競技的聚會, 搞到蒙上陰影o通常D人係唔識珍惜美好的事物, 總想無事生非!要令到好事多磨至安樂o
黄SIR退休後吃喝玩樂, 見盡不少呢類人,永遠不會與人為善o黄SIR有時見有D人係背後猛搞小動作, 小事化大, 大事更弄到一發不可收拾, 以為這個世界冇咗佢實冧o
唉!
點知個天一光, 太陽咪又重新升上來, 車!
回應
(0)
我要發表