不自量, 唔照鏡

見新聞訪問梁振英先生, 很高調話自已有份做聖火跑手, 並謂自己正在學如何去拿住火炬跑接力, 又話拿火炬與賽跑的接力握捧大不相同, 一定要學跑靚D, 真係講到紅番酋長排隊去厠所！（正是: 語無（羽毛）倫次！乃此君寫照也ｏ）

握住火炬走, 真係易過借火, 未曾聽過有什么, 什么聖火傳送班,叫黄SIR去跑, 一D都唔駛學,半點難度都冇！ 跑到好似跳tango咁有型都得也ｏ

全香港據聞有份傳聖火有一百二十人（倫敦都只得八十人而已！可見特區幾多閒人！）鬼有人留意你梁先生的跑姿咩？係都留意李麗珊啦, 佢風帆就叻, 跑陸地就唔知得唔得了, 一唔係就黃金宝啦！唔知准唔准踏單車傳聖火呢？吓？仲有乓乒孖宝, 都起碼係體育界, 至於梁先生, 雖然係行政局召集人, 未知體育有幾威噃？

又話奥運同政治無關, 咁揾曾蔭權跑, 梁振英跑做乜？黄SIR就覺得體育盛事應揾D體育界跑至啱, 人地北京第一捧都揾劉翔啦！又唔見温總, 胡主席爭住跑, 可見香港特區水平唔夠也ｏ一個唔該, 特首, 振英哥扑低咗, 就 抬棺材佬 甩褲矣！（唔明？失禮死人也！）

一陣D人大惠珠姐又跑, 肉騰騰！有乜睇頭呢？吓？