圖破《阿凡達》最高票房紀錄 《復仇四》加料 重映勢做一哥
2019/06/21 04:12:18 網誌分類: 生活
漫威總裁早前同海外傳媒放風，話會喺《復仇者聯盟四》約三個鐘嘅正片後面加上被刪同致敬片段，仲話要安排重新上映。目前官方就未確定消息上映地區同時間。
外界話，漫威咁做係想打破《阿凡達》保持長達十年嘅全球票房約廿七億八千八百萬美金（二百一十七億四千萬港元）最高紀錄，目前《復仇者聯盟四》仲落後《阿凡達》約四千四百萬美金票房（約三億五千萬港元），再上映嘅話，好大機會後來居上，唔使做阿二變一哥。
《復仇者聯盟四》喺過去四月上映時大收旺場，不但係城中熱話，仲成為香港史上票房最高嘅電影。若果香港都有份重新上映，相信又會重現「搶飛」場面，甚至連早場都爆滿。但《復仇者聯盟四》成三個鐘咁長，若果加埋新片段，唔知大家會坐定定將套戲睇多次，定臨結尾先入場呢？無論大家選擇咩方案，Kelly都要提醒一句，唔好劇透呀！
Kelly Chu
■《復仇者聯盟四》喺過去四月上映時大收旺場。
■《復仇者聯盟四》上映時吸引粉絲瘋狂撲飛。
回應 (0)
我要發表