21~24/6 消化沽壓

港股結束四連升, 高開低收呈陰燭, 秒殺小熊即回,

21/6 周五恒指收報28473, 跌76點(最多下跌191點)

恒指升抵28600附近升勢斷纜, 結束連升4日的勢頭, 連升斷纜利淡, 代表恒指升抵28500買盤不繼, 沽盤大增, 導致大市先高後低, 單日轉向, 倒跌收場, 短炒博反彈見大市升近二千點都食胡啦!

夏至果然下跌, 結束四連升, 小心轉節氣的威力, 上次立夏後港股反艇, 唔好見恒指連升3周就看輕佔鐘遊行示威的殺傷力, 香港正受內憂外患夾擊, 大市有暗湧, 每當我見到測市指標出現多個利淡訊號, 通常後市走不遠就掉頭向下

睇盤路習特會前大鱷.大戶.基金正在趁反彈食胡, 大鱷推高港股目的係派貨, 有臨危托沽味, 恒指由低位26672已反彈近二千點, 足夠水位俾大鱷轉身, 大鱷係高位或會再部署淡倉, 今日跌股數目多, 股份跌幅大, 指數小幅下跌只係假象

上周反修例示威時, 港股在低位27200附近, 上有肥熊, 所以照升可也, 但本周末再示威, 港股卻是在高位28500附近, 今日再創新高, 已由月內低位反彈了近二千點, 肥熊已陣亡, 港股反應未必好似周一17/6當冇事, 而且反對派已贏一仗, 今次係乘勝追擊, 變本加厲, 竟然說要中國倒台, 簡直係不知所謂, 反對派癲到上腦, 不但會影響香港經濟, 亦會嚇走外資,

散戶短炒博反彈不要博得太盡, 因為大鱷最陰毒就係高開創新高, 一開即插, 又或者係即市無啦啦飆升, 但高位一瞬即逝, 就算買中都冇得食

18/6賤人特朗普宣布競選連任, 夾硬推高美股來造勢, 我敢寫包單係狂人幕後做市, 不過狂人撐埋本周都夠皮啦! 如下周美股腳軟亦會拖低港股, 因為中港美三地股市通常係同步見底頂

24/6周一收市~恒指收28513, 升39點, 收復50天線, 秒殺小熊即回

居安思危.疑似聚頂.暗湧.利淡訊號

今日高見28634(26672底+2000點月波幅=28672), 由低位反彈近二千點, 升抵反彈目標範圍沽壓明顯增加, 因而未能上破28700, 今日雖然收復50天線, 不過想企穩殊不容易, 因為港股連日走勢有聚頂味, 要有好消息才能爆頂, 大鱷或會預留多些上升空間俾7月, 當29000熊養肥大鱷就會出手, 6月份大部份收市U盤都係踢高, 反映6月份係由好友主導

如港股作出調整, 小回吐500~800點, 大回吐就會超過1000點, 試完底就會再沖頂, 當完成調整通常會破頂而上

回顧過去幾日恒指高位28634.28581.28563.28224會有啟示, 反映兩棍大陽燭爆上28200後頂部上移幅度明顯收窄, 大鱷刻意每日都小幅破頂目的係營造利好氣氛, 日日創月內新高就會有升勢未完的錯覺, 不但可以嚇到股民唔敢造淡, 亦可吸引股民入場高追, 大鱷就奸計得逞, 以往大鱷佈局完成後就會失驚無神玩轉勢大插

近日測市指標已出現多個利淡訊號, 踏入6月下旬港股尋頂屠熊以來日日都係高開, 但今日卻是低開, 唔係好現象, 夾硬伸多一腳上去28634可能係做頂, 如明日大跌就可確認, 好友要小心淡友出手了, vhsi恒指恐慌指數結束3連跌, vhsi止跌回升, 即係港股升到大戶都驚驚啦!

由於收升周不會在周一見頂, 本周後期如能升穿28634, 本周就係收升居多, 如無法再創新高就代表本周有可能收跌, 6月份大部份收市U盤都係踢高, 反映6月份係由好友主導

今年結算周恒指周波幅約440~870點, 不進則退, 那麼未來幾日就會跌穿今日低位28358來擴大周波幅, 如果做大幅波就會插穿28000, 今日港股成交急降, 係大龍鳳先兆

~~~~~~~~~~~~~~~~~~~~~~~~~~~~~~~~~~~~~

慎防後抽回補上升裂口

明日(周二25/6)工交民三行除息, 除凈後沽壓通常會增加, 會對大市構成壓力, 明日港股低開居多, 如收市跌超過200點不妙, 因為自從做第二隻腳26825展開大反彈以來, 從未收跌超過200點, 大跌就代表好友食胡鬆人, 不過好友可能會守住裂口及28000, 因為目前28000樓下貼價牛唔夠四千張, 撐埋結算, 托市就可順道養肥牛熊, 部署日後的殺戮,

20/6裂口高開遺留小型上升裂口28224~28258回補機會大, 如進一步下殺全數回補19/6的大型上升裂口28022~27584, 代表今次升浪結束, 如好友力守28000, 可能玩上落市, 好淡通殺

牛熊分布方面, 28600~29000有熊, 但唔夠四千張的勁肥水平, 削弱上升誘因, 大鱷未必會吃光貼價熊, 加上29000熊一直養唔肥, 欠缺吸引力, 而牛牛就快高長大, 拉住港股後腿, 當牛牛上移並養肥就係港股掉頭向下之時,

21/6恒指升抵28600附近升勢斷纜, 結束連升4日的勢頭, 連升斷纜利淡, 代表港股升約二千點後買盤不繼, 沽盤大增, 導致升勢放緩甚至收跌, 近日配股活動明顯增加, 都係升到水尾的訊號, 以往月尾6天通常係3升3跌, 不過今年已改變, 到目前為止係1升1跌, 月尾仲有4天, 相信會拋到失暈, 令股民無所適從企錯邊, 回顧今年月尾恒指升跌日數反映市弱的月份收跌日數較多, 市強就係升市日數多

四.五月2升4跌

一.三月5升1跌

二月3升3跌

~~~~~~~~~~~~~~~~~~~~~~~~~~~~~~~~~~~~~

老外大媽沽貨鎖定利潤

雖然港股近來升到彭彭聲連環上破幾關, 收復多條平均線, 不過都唔好凈係向上望, 28800阻力非輕, 現時大市已進入28600~29000頂部區間, 就要有隨時見頂回落的兩手準備,

老外(買A股)及大媽(買港股)由6月上旬狂掃貨, 出現大額資金凈流入, 但近日卻變為出緊貨, 出現資金凈流出或只係小量資金凈流入, 滬深港通幅即市圖好明顯睇到班友仔係托沽

小心資金流有變會拖累中港股市, 日圓走強, 人民幣連跌兩天, 老外大媽積極沽貨獲利, 今日滬深港通出現資金凈流出, 大媽老外食胡, 係利淡訊號

既然今次大反彈浪係受肥熊及老外大媽掃貨所推動, 如今重倉熊已死, 老外大媽齊撤退, 大市就失去了上升動力, 炒習特會有成果只係藉口, 根本就係為了挾淡.殺熊.派貨, 所以由第一天爆升703點我就話唔好信係真升, 當大鱷食飽就會失驚無神玩插水

月尾半年結, 近日有粉飾櫥窗換馬味, 憧憬減息地產股表現亮麗, 要留意地產板塊, 係港股溫度計, 當大市扭轉底頂上移的走勢就係見頂訊號, 由於中港美三地股市多數係同步見底頂, 要密切留意中美股市表現, 上証連升6天, 創今年最長連升記錄, 不過成交明顯縮減, 釋出利淡訊號, 小心明日升勢斷纜就會拖累港股, 我會繼續沽貨獲利.部署做淡, 炒波幅, 短線回吐目標28000, 候低再買上

6月初港股止跌回升展開大升浪以來, 今日係首度出現牛多熊少, 代表肥熊已死得七七八八, 後知後覺的好友入場, 小心大鱷變臉殺好友,

牛多熊少利下殺: 6895熊 vs 7727牛