陸羽仁
陸羽仁
陸羽仁

又放鴿

2019/07/11 08:26:22 網誌分類: 經濟
11 Jul

美國聯儲局主席鮑威爾放鴿,刺激美股三大指數昨日一度創出歷史新高,之後回順。杜指朝早最高升勁升200點至26983點的歷史高位,之後反覆回順,收市報26860點,升76點,升幅0.3%;標普500指數朝早一度突破3000點大關,高見3002點,收市回順至2993點,升幅0.5%;納指繼續跑贏大市,最高見過8228點歷史高位,收市報8202點,升幅0.8%

鮑威爾昨日朝早出席眾議院金融服務委員會的聽證會,說目前的貿易緊張狀況和疲弱(muted)的經濟活動已經挫傷了美國經濟前景,「逆流(crosscurrents)已經重現。」美國的商業投資隨著不明朗的經濟前景,近期已「明顯」(notably)地放緩。他又話,「多位聯儲局公開市場委員會的官員已經見到推出更寬鬆的貨幣政策的需要已經增強了」,不過,他亦補充,美國經濟仍然穩健(solid)。

E-Trade的投資策略部門副主席Mike Loewengart表示,相信鮑威爾戴上鴿派帽子是比較安全的做法,唯一叫人有點意外的是鮑威爾會這樣快就支持美國經濟正在走弱的講法。因為實際上美國經濟不見得很差勁,上週的強勁就業報告就是一個清晰的例證。

市場普遍相信聯儲局7月將會減息0.25厘,正如Bleakley Advisory Group的首席投資官Peter Boockvar所講的,鮑威爾昨日的證詞,不但沒有企圖把市場從減息的期望拉回,甚至「為7月減息全面背書。」鮑威爾雖然沒有提到7月議息會議後的動向,不過,Peter Boockvar推斷,「7月以後出現一些較弱的經濟數據,表示聯儲局很大可能將會在往後的會議上有更大的動作。」

昨日表現最好的股份係能源股,標普500指數能源板塊升1.4%。其中雪佛龍和艾克森美孚分別升1.7%1.4%,係表現第一及第三好的杜指成份股,主要係受到紐約期油昨日大升4.5%60.43美元一桶,係7個月以來首次突破60美元推動。美國能源資訊署昨日公佈最近一週的美國原油庫存大幅下滑950萬桶,跌幅遠大過市場預期的310萬桶。另外,天氣預告墨西哥灣將會受到風暴吹襲,令到很多油公司都停止了石油開採工作,由於墨西哥灣產油區佔了全美石油出產的17%,預計美國石油每日產量會減少204萬桶,供應下滑,便推高了油價。

不過港股最近的問題是處於回調軌道當中,成交收縮,冇乜好消息可炒,所以對升市反應不足,對跌市反應敏感,恐怕要等內地股市回復動力,港股成交回升,才會比較有睇頭。

陸羽仁

回應 (24)
我要發表
 animal666
animal666 2019/07/12 23:09:55 回覆

有人話//之前兩次遊行,有科學數據指出大約係二十至四十萬人…//

我相信科學數據,撐警大遊行盡地一煲最大型的-次,從佔地面積計,人數遠不及兩次大遊行其中較小型-次的十分一,即不足二萬人,比夠你兩萬人好了,根據某些人的邏輯思維,應該有超過七百萬港人不撐警,我相信數不是這樣計,這是因為我唔夠叻還是唔夠普通呢?…

寶礦力慳番D廣告費,形象正面左之餘又做到宣傳效果,難怪其他廣告客戶有樣學樣…

愛國之士口講抵制,但有揀,他們會選擇國產還是進口產品呢?…為什麼連大國科技巨臂華為老闆都用死敵的產品呢?_

SIGH...

Tony Leung
Tony Leung 2019/07/12 12:23:29 回覆

https://www.am730.com.hk/column/新聞/香港民心背向的根本原因-180250

毛澤東曾這樣說過:「人類的歷史,就是一個不斷從必然王國走向自由王國的歷史。」人類在發展初期,對外在世界認識好少,所以在生活上處處要接受必然的制約,沒有太多的選擇自由。由於不懂得用火,就必然要生食,必然要「日入而息」。由於不明白天為甚麼不下雨,就只能以童男童女去祭天,巫師選中了自己的孩子也必然要接受。

人類的生活,不但會受到自然力量的制約,亦會受到社會力量的制約。如中國女性以前要纏足,要從父母之命出嫁。就在不遠之前,中國人也不可以自己找工作,非要國家安排不可。即使到了今天,中國人在生活上的自由空間依然不及西方的自由民主社會。

原因是西方社會重視個人的價值;而中國則較重視集體的利益。西方的社會制度對政府的權力有較大的制約,個人的私有產權與基本人權都有較大的保障;但在中國個人利益要服從集體利益,而集體利益的解釋權卻在政府手裏。
 

很明顯,生活在自由社會,人會覺得更有保障,更自由舒暢。即使是內地官員與富商,如果有得選擇的話,他們也會選擇去自由社會生活。因為這是人類歷史的發展趨勢。

在必然王國走向自由王國的路上,西方走得比中國快,香港亦走得比大陸前。所以大陸要拉香港回歸就十分困難。若是中共承認自己不足,願意急起直追,香港一定十分歡迎。在改革開放初期,中國再走向自由的步伐邁大了,港人對北京的取態就曾出現過大幅度的改善。

kathleen
kathleen 2019/07/12 10:56:09 回覆

2019-07-11

Dow Jones Industrial Average (^DJI) 

27,088.08 +227.88 (+0.85%)

前收市價 26,860.20
開市 26,950.16
成交量 252,304,479
今日波幅 26,916.32 - 27,088.45
52 週波幅 21,712.53 - 27,088.45
平均成交量 278,491,612
k-i
k-i 2019/07/12 09:22:01 回覆

王綱瓦解的自由,直指的是天下大亂。

沒有智慧和真理指引的自由,只不過是欺世盜名。

k-i
k-i 2019/07/12 09:17:43 回覆

Sun兄:香港若能沽空寶礦力,有機會賺到些錢。

用來食番餐自助餐都好。

西方有名句,大話講一百次就會成為真理。

之前兩次遊行,有科學數據指出大約係二十萬至四十萬人。

 animal666
animal666 2019/07/12 07:43:57 回覆

在某些國家永遠祇有極少數人一定啱,其他人不可能有自己想法,真正精叻既人唔會祇懂服從毫無立場,真係叻既人又唔會經常話自己有幾叻...

精神有問題既人會經常話自己無病,會話自己係普通正常人…

有二百幾萬人上街,要衆籌幾百萬買廣告有幾難?? 每人十蚊已經二千萬了…還有沒有上街的支持者呢…

很多大商家生意人都是真正精叻既人,面對極權敢怒不敢言,即使表面支持,背後又會捐款支持他們覺得對營商環境真正有利的事…

SIGH...

玩能完
玩能完 2019/07/12 06:26:00 回覆

香港玩完,攪到好似以前大陸咁

普通正常人
普通正常人 2019/07/12 06:09:17 回覆

唉...人多聲大就等如啱,就要聽?呢個世界唔知係蠢人多,定係精人多呢?全民運動?無大台?又唔知邊個俾咁多錢去全世界賣反中廣告?邊個供應一式一樣的頭盔口罩?制服上沒有姓名識別的防暴隊就係唔正義(唔知點解全世界的反恐特警都蒙面呢?),載口罩打警察、掟磚頭的「和平示威者」才正義?唔知道自認笨(或者大笨)的人,滿口歪理,是真的笨,還是假的笨,去古惑人心?

其實
其實 2019/07/12 04:29:56 回覆

其實自己無買樓唔可以賴人哋 {#icons_boy2}

大笨袋鼠
大笨袋鼠 2019/07/12 02:53:02 回覆

與其話而家有成5個訴求,單講撤回,啲示威者都未必收貨,不如話未搞大龍鳳之前,最初只係1個訴求,假如當時肯聽民意,就算係講「暫緩」,相信好多人都會「袋住先」。

問題核心係,嗰一個星期(6/9-6/16),林鄭每步都行錯,政府已經失去好多香港人嘅信心。

時機已過,而家做幾多文宣都無可挽回呢個失去的信心,只係繼續將香港人分化成藍絲同黃絲啦

大笨袋鼠
大笨袋鼠 2019/07/12 03:10:25 回覆

順便講吓禮拜初,盧社長寫《烏合之眾》,都幾萬能key。

雖然前題係反送中示威,但係寫到嗰段「…在愛國主義鼓動下,放低了理性,自以為正義,履行光榮的愛國主義任務…」,袋鼠腦海即刻浮現出某強國(一小撮)留學生

PS 或者無帶冧巴嘅警察都係正義

大笨袋鼠
大笨袋鼠 2019/07/12 02:20:01 回覆

任得你話呢個運動,標籤為政治化,甚至乎顏色革命,以便對推論到對香港無好處。但係呢啲論者,又有無檢討一吓,絕大多數香港人,生活情況有乜改善。

過去藉口話反對派阻頭阻勢,但係可以DQ嘅DQ晒,再有大把嘢俾得到你政府通過,由觀塘個5千萬大白象噴水池,到佢超資高鐵、超資港珠澳大橋、超資沙中線加沉降兼搬龍門,有邊場好戲做過先?

唔信最少200萬香港人嘅擔心,都應該信吓嗰幾千個黑衣遊行嘅律師嘅專業意見吧?唔聽民意,唔依照程序公義去立法,先至係將呢個逃犯問題政治化,係佢林鄭呀!

三年前有齣電影《十年》,呢度話齣戲拍得無特別,攞獎只係出位啲、扮有藝術,etc去踩。但係當時袋鼠話,套戲攞唔攞獎根本唔係重點,而係究竟一般香港人有無共鳴。

呢一次根本係全民運動,無大台,當中有好多係中產專業人士,從多個和理非行動可以睇得到。傘運時係學生做大台,佢哋多數係啦啦隊旁觀者,點解呢次佢哋會直接參與?

標籤呢啲係顏色運動、政治化對香港無好處,只係可以維繫藍絲陣營團結,但對香港社會上嘅擔憂及民怨,一定毫無建樹。

 animal666
animal666 2019/07/12 00:51:10 回覆

有人話 //葉劉和湯家驊,我覺得ok//

亦有人會話希特拉和金日成係偉人…何君堯做特首,應該都有人覺得ok...

我相信,真係乜L野人都有…

Sigh...

Wa
Wa 2019/07/11 22:49:14 回覆

{#iconb_610}

木子
木子 2019/07/11 20:50:21 回覆

{#icono0_45}

Sun
Sun 2019/07/11 15:15:02 回覆

非常同意香港政治化冇好結果,全世界顏色革命都冇好結果。

反對派要奪權最終,否則唔會罷休。奪唔到權就要保持香港亂,保持香港多爭拗,咁至能令佢哋長期存在。如果香港冇爭拗,佢哋就冇存在價值。"要香港好"從來都唔係反對派嘅目標,所以"試圖同反對派傾掂數",呢種諗法係非常愚蠢可笑。

至於反對派嘅支持者,我相信佢哋好多人真心為香港好,不過佢哋"好"嘅定義係西方價值全盤接收,唔會揀優勝嘅棄劣質嘅,認為普選係萬能及唯一嘅"好"方案。為咗爭取呢個"好"方案,就任何壞嘅手段都可以用,並以"制度邪惡"嚟合理化所有邪惡唧所謂"抗爭"手段。

睇透呢啲,對投資及炒股好有好處。

大戶終結者 ( 等人齊 )
大戶終結者 ( 等人齊 ) 2019/07/11 13:47:50 回覆

{#iconb_62}

將軍, 救我 ..... {#iconb_67}

地星非常危險 ! {#iconb_65}

子龍 (kaka就是大叔的契哥)
子龍 (kaka就是大叔的契哥) 2019/07/11 12:39:44 回覆

大戶兄: 救我...... {#iconb_67}

k-i
k-i 2019/07/11 12:32:54 回覆

sun兄:現時香港太政治化,非香港之福。

k-i
k-i 2019/07/11 12:27:41 回覆
Sun
Sun 2019/07/11 12:13:29 回覆

今時今日炒股都要避開果啲玩政治嘅機構, 例如寶礦力,pizzahut(當然佢喺香港冇上市, 呢個只係舉例)。

至於無可避免一定同政治有關嘅傳媒股/傳霉股,就要視乎佢嘅立場受唔受大眾歡迎(如果你只撐錢唔撐立場,呢個同賺錢有關),或佢嘅立場受唔受你歡迎(如果你只講立場唔講錢),或者堅決唔掂佢,費事睇多瓣。當然,如果係短炒狙擊手,就乜股都炒得。

其實
其實 2019/07/11 09:55:13 回覆

盧生的社評,提到量寛同樓價的關係,還記得十年前前,當樓價剛回昇20%-30%時盧生的評論,實在是落後於形勢,還在用傳統樓價週期來分柝,其後在10年至12年,還陸續發表樓貴的言論,這種囿於固有觀念,包括他自己提到97時他的經驗,而對新形勢的誤判,實在高估了自己的能力,需知道他只懂股票(或什至不懂?),憑什麼去評論樓價,實在害苦了大眾讀者!

以上只是個人(受害者)的意見,不吐不快!支持他的人不用回復。

子龍 (kaka就是大叔的契哥)
子龍 (kaka就是大叔的契哥) 2019/07/11 09:17:09 回覆

{#iconb_62}

user

最新回應

wa
wa 2019/07/19

殺君馬者道旁兒

爆
2019/07/18

「低級白恤衫」自白:特區政府高官們,夠了,請放過我們-http://s.nextmedia.com/realtime/a.php?i=20190718&s=6996647&a=59837309&utm_source=email&utm_medium=email&utm_campaign=hkad_article_share&utm_content=share_link

子龍 (kaka就是大叔的契哥)

大戶兄: 一個兩制其實是很好的概念. 等同一個太極, 陽中有陰, 陰中有陽. 才會產生平衡呢.