人以老為尊

物以罕為貴  人以老為尊（呢句係小弟加溉, 有D文采啩！）

吾父超伯, 以九十二高齡, 榮登香港最老的搏客稱號, 一時間超伯網頁被點擊二万次以上, 榮登人氣榜, 人人都留言讚美吾父, 令全家都以佢為榮！

搏客其實是近年網上興起的平台, 早前在互联網已有網頁的設立, 要用特別的軟件編寫, 如FRONT PAGE 之類, 又要揾地方上載, 十分麻煩ｏ但自從YAHOO呀,  頭條網呀, 建做了搏客的平台, 使到大家上載相片, 文字, VIDEO, 十分容易, 大冢就有機會在網上發表自已的生活點滴, 言論, 感受等等！自娛娛人, 十分方便！

超伯在未寫搏客之前, 一早已能編寫私人網頁, 將自己的沙龍名作, 及文章上載,可算早着先鞭（黄SIR當時尚未退休, 冇咁多時間玩ｏ）後來仲見佢去學埋砌機, 連高登D賣電腦零件的老細, 都發覺這個電腦的發燒友ｏ可能教佢的老師, 都唔知佢個仔係電腦專家ｏ（𣎴過佢從來冇麻煩過我！佢有佢玩, 我有我玩！）

到了今時今日, 傳媒突然間發覺香港有此人物, 在佢八十多歲時, 港台的流金歲月已介紹過佢, 後來連英文台也有介紹, 一些雜誌也有訪問過超伯ｏ

先前在本港台新聞出了分零鐘, 超伯已有一大班FANS, 後來在電台又接受訪問

超伯, 又引來一大班FANS, 今次TVB新聞, 效力更大, 可見電視宣傳幾犀利！

其實超伯攝影大把心得（佢攝影己達評相水平！）, 粵曲鑼鼓（掌板師父級！）,活力鼓也是師傅級, 唱歌, 吹口風琴, 得獎無數, 太極氣功（己可教人）, 十八般武藝（件件皆能！）

至於佢個仔KC（亦即在下）, 亦屬天下無敵之一代奇才也, 能歌（粵曲）善舞（社交舞）, 超伯所有優點都傳了給我, 至於缺點嘛………我冇收倒！

超伯有個女, 也是網上活躍的人物, TT代號是也！

假以時日, 一定能天下無敵！（夠老就出名啦！嘻嘻！）