首場展覽開幕 花牌藝術彰顯港特色 「設計光譜」進駐茂蘿街7號
2019/07/23 04:12:29 網誌分類: 生活
首場展覽「壹物——現代設計力」喺呢個周五起至九月八日喺「茂蘿街7號」舉行，聚焦亞洲設計如何運用自然物料嘅創新性為主題。「壹物」展品透過改進竹、木、紙三種傳統且常用嘅設計物料，具前瞻性地打破色彩、風格及物料應用的限制，從設計中改進傳統文化並帶來創新，探索現代化社會中亞洲設計嘅視覺文化及語言。
小妹知道，呢個展覽邀請到曾獲多個國際設計獎項並獲選為「2017中國設計年度人物」嘅本港著名建築師、空間設計師及藝術家林偉而（William Lim）特別為「壹物」選用竹枝來打造一個大型花牌藝術裝置。林偉而話，竹是一種既環保又富靈活性嘅物料，常用於香港建築行業，最能代表香港的物料之一；而花牌喺香港文化中極具代表性，經常出現於傳統節日嘅慶祝活動。因此，佢受「設計光譜Design Spectrum」委約所創作嘅作品「花牌」以竹作為花牌裝置的設計物料，將兩者合二為一，向傳統竹棚紮作藝術及本土風俗文化致敬。
「設計光譜」同時為設計愛好者及設計業內人士準備一系列免費工作坊及分享會，鍾意設計嘅朋友，一定唔可以錯過。
Kelly Chu
■用竹枝來打造的大型花牌藝術裝置，極具香港文化特色。
■展品打破色彩、風格及物料應用的限制，相當有特色！
回應 (0)
我要發表