郭志仁 - 婚後事 | 九宮格

　　朋友推介電視劇《婚後事》，欣賞編劇導演說故事能力，由不同涉事者視覺看世界。每集內容簡介都說明由那一位主角視點出發，例如第一集由男主角羅仲謙視點看離婚，下一集轉換女主角陳自瑤視點。同一場景，轉換了視點，演員在打扮語調情緒也有別，突破過去香港電視劇傳統敘事手法。

　　兩人離婚後，男主角在大雨晚上到舊居取回個人物品，劇集中段簡短1分鐘交代女主角視點：穿上普通日式家居服，對前夫語調平淡。10分鐘後重演同一場景，換來男主角視點: 前妻穿上吊帶背心，打扮性感誘人，語調顯得關心。相距10分鐘，觀眾差點記性及觀察力就會走漏眼。

　　重溫節目，想起早前在Tiffany's New York Bar6人威士忌酒聚的真實對話：

　　女生：喂，聽講你想追S小姐喎!

　　男生：吓，雖然佢係又靚又叻，做兵條隊尾都唔知排到邊，但我真係冇諗過追佢。

　　女生：佢親口同我講，覺得你有啲嘢喎。上個禮拜一個活動之後，你哋咁啱一齊等車，佢預約架車到先，你幫佢開門，叫人記住扣好安全帶，之後仲WhatsApp問人返到屋企未，好緊張人咁喎。（女主角視覺）

　　男生：當日接佢嗰架係跑車，司機又車手咁嘅樣，我真係擔心佢有危險。換轉係你上車，我一樣會問你有冇事。（男主角視覺）

　　「情願你有讀心的超能力，能發現我的心計提早阻止」

　　林家謙－—時光倒流一句話

郭志仁