郭志仁 - 人造緣份 | 九宮格

　　06年電影《傷城》，男主角梁朝偉為了殺女主角徐靜蕾爸爸報仇，於是刻意接近女主角，設計緣份，令她以為兩人相識之前，「曾經去過同一間戲院睇同一套戲、去過同一間餐廳點同一道菜、坐過同一班飛機去同一個地方旅行」女士們要小心，別盲目相信緣份，背後隨時經過精密計算。

　　奢侈品界H先生，早前在朋友婚禮認識了廣告界J小姐。兩人有共同工作朋友共同話題，甚為投契，但沒有交換電話或社交媒體。

　　婚後朋友相約飲酒，H乘機了解女生背景，朋友打開IG：「你自己慢慢睇，佢成日都出post」H不斷翻閱女生IG，記下她喜歡的手袋品牌、飲品、電影類型，又發現女生逢星期三都到金鐘上瑜伽班。

　　星期三晚，H在商場等J小姐扮偶遇，8點左右終於見到J，H裝作看電話，走近她：「Hello，咁啱嘅，你做完運動？」

  J：「Hi，又會咁啱，你又嚟做瑜伽？」

  H：「唔係呀，我煩緊買咩手袋俾朋友賀佢升職。撞到你就好，你有冇少少時間陪我揀？」

　　做足功課，H帶她到名店，指着店內J經常用的手袋款式：「我覺得呢個袋好襯你」之後到酒吧：「呢度嘅Espresso Martini好出名，你有冇興趣?」

　　J曾經在IG提過自己最愛Espresso Martini。離開時女生跟H說：「好似同你識咗好耐咁」，H知道計劃成功。

　　社交媒體年代，甚麼緣份怎樣邂逅，都未必是天意。

　　「地下鐵碰着她，好比心中女神進入夢。地下鐵再遇她，沉默對望車廂中」陳百強--幾分鐘的約會

郭志仁