8月港股+香港大禍臨頭

2019/08/01 23:55:26 網誌分類: 經濟
01 Aug

8/7~1/8 水星逆行災難未完.港股+香港大禍臨頭

股市及經濟密不可分, 反映經濟的波羅的海乾散貨指數 BDI 早前升到彭彭聲, 亦已見頂回落, 但近日卻接連下挫, 走勢向下, BDI形勢不妙, 種種跡象顯示港股有暗湧, 同香港一樣, 大難臨頭

8/7~1/8 水星逆行, 期間有中美貿易談判, 有聯儲局議息, 業績期, 港獨暴力示威, 7月第二周開局第一天(8/7)就踏入水逆時段, 港股即插, 揭開災難的序幕, 水逆期間香港沉淪, 水星逆行真係好邪, 有分析指水逆尾聲通常係特別危險, 巧合地, 陸蛇亦曾經講過小心月尾港股會大幅回吐

陸蛇說過去幾個月港股好硬凈是外資唔想放生淡友, 要擔心的是假如香港的暴亂幕後黑手是英美, 外資伸埋今日呢腳上去逼死淡友, 好友食胡, 托埋結算, 加上過去兩個月反對派亦已累積足夠民意支持(如暴動初期港股插, 市民就會對港獨派反感, 所以一直力撐), 托市誘因消失, 就可以玩大插插, 股樓齊跌就可逼政府就範, 想起都令人心寒,

香港遊行及暴力示威已成常態, 每周一大鑊, 暴力不斷升級, 擺陣挑戰警方/政府, 經濟於股市密不可分, 經濟差港股必死, 小心大鱷撐埋結算就縮手, 我對香港及港股後市極度悲觀, 正股早已沽清, 目前只持有淡倉

香港今次死得, 反修例只係煙幕, 來誤導民眾上街, 黃絲志不在此, 真正目的係搞港獨, 港獨成敗對於幕後黑手來說都冇所謂, 因為香港都已千瘡百孔, 成為戰場, 沒有外資來的地方就會變死城, 香港係美國打倒中國的棋子

投資者趁反彈沽貨鬆人皆因港獨派玩遍地開花, 禍及香港經濟, 百業蕭條, 怎可能沒有影響! 港獨派沒完沒了地搞事, 政局混亂, 人心不穩, 勢必拖跨經濟, 香港前景堪虞, 假如你係大戶投資者, 會否來香港投資呢? 假如你係大鱷, 會推高港股派貨散水抑或咬住高位接晒散戶的蟹貨呢? 留意地產板塊強弱會有啟示

~~~~~~~~~~~~~~~~~~~~~~~~~~~~~~~~~~~~~~~~~

水逆災月.暗湧處處.熊死牛命危

大鱷用緊拖字訣來養牛熊, 部署日後的殺戮, 28800封了頂, 要擴大8月波幅就只能向下走, 19/6上升裂口已全數回補, 係強烈利淡訊號, 牛牛要小心, 

要留意中港美三地股市多數係同步見底頂, 當中美股市掉頭回落, 港股沽壓亦會增加, 道指於16/7高見27398後不斷上試仍無法更上一層樓, 美元走強, 連日於97之上高企不下, 人民幣跌勢持續, 資金流利淡港股

地產股沽壓大增, 一直強勢的新地洗倉式大瀉, 走勢極不尋常, 大鱷咬住QQ來掩護出貨, 托沽味濃, 因為QQ不受香港暴動影響, 但就算係強勢股早晚都會捱沽, 早前港股無論點震, 收市位都係在大戶開倉水平28276/10732之上, 如今已失守代表好友已鬆人,

~~~~~~~~~~~~~~~~~~~~~~~~~~~~~~~~~~~~~~

1/8周四恒指收27565, 跌212點, 失守200.250天線, 形勢進一步惡化

資金流利淡港股

香港人縱容暴力衝擊香港法治, 自作自受, 外資撤退, 股樓災將會陸續有來, 今日唔少股份都破位而下, 有濃濃的洗倉味, 而且成交突然明顯增加至$800億(昨日$603億), 為一個月以來最大成交, 港匯走弱, 如果係撤資, 就不會沽一日就完, 洗倉走鬼盤將會陸續有來, 27000也不會是底, 真係冇眼睇, 過去幾日老外不斷沽出A股, 滬深股通都出現資金凈流出, 真係散水咖!

上証落到2900邊, 仍有可能下試上月低位2879, 而且跌穿28000量度跌幅可見27000, 即係要有心理準備27000附近的牛過夜可能會遭暗殺,

牛熊分布方面, 昨日收市27000~27300只得瘦牛, 所以今日大鱷咬住27500扮跌唔落, 其實係想引多些牛入局, 結果好友真係中伏, 今日27000~27400牛大幅增加, 牛熊分布: 5607熊 VS 9076牛, 如明日插到落27000就可殺牛約4000張, 通常大鱷見四千張就會出手

現水平博反彈值博率低, 因為以27500計, 27800~28000係阻力大位, 向下會隊穿27000, 即係下跌空間比上升大, 一如我上周所說, 賤美想整死香港, 就會係股市玩插水, 托埋結算就會出手, 所以不會這麼快跌完, 水逆尾及結束幾日特別危, 所以未來幾日仍然係高危, 目前係中港美的業績期, 無論業績好壞, 業務前景預測肯定不會好, 如仍有持貨真係危

收跌周多數會在星期四或五創該周低位, 27000~27400有肥牛, 小心有周末沽壓效應, 而且周日例牌有暴亂, 美元強勁見98.93的26個月高位, 人民幣弱雞, 資金流利淡港股, 買牛係逆勢操作, 過夜係高危, 除了短炒熊做淡外, 看淡倉底可持有逆向 ETF #7500等大插, 一如上周所說, 香港及港股大難臨頭, 所以正股我早已清倉, 只係買賣逆向ETF及炒個股及指數牛熊,

~~~~~~~~~~~~~~~~~~~~~~~~~~~~~~~~~~~~

繼續尋底冇眼睇

向下方面, 月初第一日不會見全月低位, 所以周四低位27495不會是底, 每次落到關鍵大位窒窒步跌係引牛牛好友入局

以量度跌幅及一般1500點月波幅計, 都要下試27000水平, 甚至更低, 幾時插水就要視乎牛量

7月低位27701已跌穿, 6月低位是26672, 如出現股災, 就要進一步下瀉, 回補9/1上升裂口25960~26192, 500點一級向下, 28000.27500.27000.26800.26500.26000.25500.25000......目前27000~27500有逾四千張肥牛, 要買定官才

如正常市況, 31/7下跌裂口27939~28059就會回補, 如因為香港政局動盪,撤資大市續瀉, 呢個裂口就不會回補, 就可以用呢個頂來推算8月低位在哪個水平

根據k98網誌所述, 水逆結束後內地股市表現:

2011年8月25日水逆結束,其後兩個月創業板指數下跌21%。
2014年7月2日水逆結束,隨後三週創業板指數下跌12%。
2015年6月11日水逆結束,6月15日開始正式拉開股災序幕。

2019年8月2日 美國總統特朗普宣布,將對餘下總值3000億美元的中國貨品,加徵10%關稅,9月1日生效。

19/6 恒指上升裂口 27584~28022
19/6 國指上升裂口 10538~10717

{#icono0_54}{#icono_64}{#icono0_54}{#icono_64}{#icono0_54}{#icono_64}{#icono0_54}{#icono_64}{#icono0_54}{#icono_64}{#icono0_54}{#icono_64}{#icono0_54}{#icono_64}{#icono0_54}{#icono_64}{#icono0_54}{#icono_64}{#icono0_54}{#icono_64}

6/8 恒指收25976, 跌175點, 連跌5天

今早道期先插後揚, 刺激港股V彈收窄跌幅呈陽燭, QQ及盈富有多宗大手成交, 係今次跌浪首度出現, 美元回落, 失守98, 上日人民幣兌美元匯價跌至12年的低位, 今日人民幣有阿爺護盤, 人民幣亦先插後倒升, 連日多個裂口急瀉後, 港股嚴重超賣, 不過中美日韓爆發貿易戰, 香港出現顏色革命, 經濟斷崖式下挫的話, 港股後市不妙, 只會有死貓彈, 陸蛇說彈一兩日又會再尋底, 往後會再下試前底25397, 博反彈轉身要快, 向上阻力26100~26250, 5/8下跌裂口26502~26868阻力更大

美國將中國列為滙率操控國家, 人民幣弱雞破七, 老外日日沽貨走鬼, 大媽就日日掃貨, 今日低見25397/9832, 肥牛已清場, 今日港股V彈可能係想再養過牛牛, 由7月結算後起累計殺牛16067張, 飽到上心口, 可以玩下反彈先, 今日成交急升至$1226億, 大成交殺跌, 如明日恒指收升, 就係見短底訊號, 要拖到牛牛養肥才破底

今日港股有夾硬殺跌的味道, 大鱷分明係借港獨暴亂玩大插插, 由於中港美三地股市多數係同步見底頂, 只要中美股市反彈或者冇創新低, 就可穩住港股, 上証低見2734後收窄跌幅, 連跌5天, 等上証反彈, 以及弱雞的地產板塊造好, 港股就能重上26000, 港股日日低開日日瀉, 如明日高開, 就係好友反擊訊號

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

7/8周三恒指收25997, 升20點, 七夕結束五連跌

今日七夕(七月初七), 愛.回家, 連跌斷纜利好, 明日轉節氣立秋 = 立抽, 日前已說短炒做淡要在立秋前食胡止賺, 然後博反彈, 連陸蛇都話現水平不宜追沽, 今日人民幣先插後收窄跌幅, 美元走軟收97.5之下, 踏入8月份港股日日低開, 今日高開, 係好友反擊訊號, 盈富基金連續兩日錄得多宗大手成交, 港股成交急降至$801億(昨日$1226億), 沽壓暫緩

港股已是連續兩天收26000之下, 如好友反擊, 就不會容許三天收於其下, 港股嚴重超賣, 過去幾年RSI跌到現水平都會急彈, 本周高低位25397~26502, 周波幅1105點已達標, 上証連跌6天, 反彈在望, 今次港股的大跌浪, 遺留多個下跌裂口, 點都要補一兩個吧! 26042~26086, 26502~26869(阻力大位)

==========================================


2019年8月8日 18:20 十六間地產發展商聯署譴責暴力示威升級

<匯港通訊> 港澳辦及中聯辦昨日在深圳舉辦香港局勢座談會。據《香港01》引述與會人士稱,中聯辦主任王志民在會上提到,林鄭月娥會在10月《施政報告》中出招,大手筆政策,強調措施「含金量很高」,且能解決多年積聚下來的民生問題。

16間地產發展商,以地產建設商會成員名義聯署發聲明,指近日香港社會因為一少部分暴力人士的行為而蒙上陰影,已偏離眾多和平示威者的原意,工商團體以至市民大眾亦深受困擾,商會強烈譴責日益升級的暴力,希望香港盡早回歸安寧與法治,人人安居樂業。

~~~~~~~~~~~~~~~~~~~~~~~~~~~~~~~~~~~

8/8 周四立秋=立抽,

轉節氣踏入秋天, 希望天氣降溫, 人的戾氣也降溫

2014年佔中暴亂, 四大地產家族飛撲出來譴責民運暴徒, 但今次黑曱甴癲左兩個多月, 幾位大孖沙鬼影都冇隻,近日港澳辦頻頻發聲, 今日地產建設商會就突然聯署發表聲明譴責暴徒, 絕不會是巧合, 班富豪係唔係俾阿爺打 pat pat 呢?

如果是的話, 佢地會否作出回購股份又或者出手整治黑曱甴? 如果有佢地幫手, 香港就有一線生機,亦有傳呢班大孖沙係幕後黑手, 如果是真的話,佢哋肯收手關水喉亦有助平亂

市傳肥漢奸黎及索羅屍幾個月前合謀亂港, 所以5~6月趁港股上29000~30000時做淡等食大茶飯, 部署香港淪陷時獲利, 8月初低見25397, 兩隻走狗食左胡未呢? 抑或分注吃呢? 即係港股未見底啦! 燈神唱好未來幾日, 明天係破日, 好友小心港股會反艇, 因為市弱每周都會有新低

周二大插低見25397後V彈是誰幹的? 彈上去是養牛嗎?  聽聞有於高位沽了貨的基金經理趁插水補貨,不過陸蛇說彈一兩日又會再尋底, 往後會再下試前底25397(250周線(25520)), 博反彈轉身要快, 向上阻力26100~26250, 以及5/8下跌裂口26502~26868阻力更大, 港股升跌關鍵在上証及權重A股表現

======================================

本周收市U盤日日都係走低

假如8月恒指月波幅做2700~3500點,

向下方面: 27754頂 - 2700~3500月波幅 = 25054 ~ 24254

向上方面: 5/8下跌裂口26502~26869有待回補

14/8周三公布業績: 香港交易所.騰訊控股.中國聯通, 留意QQ業績, 是周三四港股升跌關鍵

港股已累積龐大跌幅, 今次反彈會抽到上哪個水平呢? 今日高見26317已見沽壓, 雖然恒指連升兩天已達標, 但國指只係升了一天, 升市日數未達標, 無論個股抑或指數仍嚴重超賣, 不過炒個股好過炒指數, 升市成交縮, 買盤弱, 好友要食得晒明日的周末的例牌沽壓才能穩住大局,

今日收26120, 短線來說, 好友向下守25800~26000, 如收26000樓下3天利淡, 向上攻26300(今日高位26317), 26500~26800是超級阻力大位, 大媽入QQ可能係炒業績(14/8周三), 要上証重上2800水平, 好友才有藉口出手, 港股後市要看弱雞的地產板塊以及上証表現, 周末街頭例牌立立亂, 下周一港股禍幅難料, 好友淡友都要小心, 本周收市U盤日日都係走低, 25900附近牛牛明日出世

14/8周三公布業績: 香港交易所.騰訊控股.中國聯通, 留意QQ業績, 是周三四港股升跌關鍵

阿爺一再開腔撐警捉黑曱甴, 看招: {#icono0_41}

警隊罕有安排前警務處副處長劉業成回巢,出任新開設的「臨時警務處副處長(特別職務)」,即警隊破天荒同時有三名副處長在任, 嘿...嘿...嘿...大龍鳳即將上演, 你懂的! 不要信梁政棍說暴力可以解決問題, 不要做炮灰, 珍惜生命, 收手啦! 難道真係要有大量傷亡才肯罷休?


恒指低開低收呈陰燭, 繼續屠牛尋底之旅

12/8 周一恒指收報25824, 跌114點~收市U盤最低位, 一度上升130點

過去幾日港股高開, 大市跌勢喘定, 窒窒步跌, 扮跌唔落目的係養牛引好友, 今日低開已知不妙, 因為低開多數低收, 代表死貓已彈完, 今日再吻別26000, 指數跌幅不大只係假象, 唔少股份都洗倉式下跌, 上周插到落25400水平有基金經理入貨短炒, 呢幾日見港股彈散, 連地產股都一併沽出, 拖累恒指以全日最低位收, 尾市跌勢加劇, 走鬼味濃,

上証今日收升40點(+1.45%), 報2815, 但港股竟然唔跟上証升, 可想而知沽壓有多沉重, 今日低位25824, 周一的低位通常不是周底, 要落去做第二隻腳, 前底在25397/24896, 會插幾深就要視乎牛量, 目前最肥牛在25300水平, 25000樓下只得瘦牛, 當牛牛死得七七八八, 熊熊大幅下移, 就係轉向之時, 今日港股成交急降, 係大龍鳳先兆

阻塞港鐵的加強版, 今次港獨派想引起國際輿論逼阿爺埋牆角, 今日下午以幾千人癱瘓了機場, 呢招成本細, 收效大, 又係逼政府跪低及引阿爺出解放軍的毒招, 港獨派軍師策略高明, 港府官員廢, 高下立見, 香港及港股今次死定了, 港獨派沽了期指等緊食大茶飯, 大媽就慢慢吸納中資股, 國指得以收升4點, 跑贏恒指, 其實大媽一直入緊貨, 買QQ炒業績, 不過都唔敢大力推高港股, 所以港股雖然超賣作出技術性反彈, 但往往一彈就散, 要收市升超過200點才能穩住大局

 {#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股低開低收呈陰燭, 繼續尋底屠牛之旅

13/8 周二恒指收報25281, 暴跌543點(最多下跌554點)

底頂下移

港股做左第二隻腳(25271/25397), 肥牛已陣亡, 不過25271未必係大底, 只會有技術性反彈, 待牛牛養肥又會再插過, 因為香港形勢急劇惡化, 會削弱港股反彈動力, 乞衣連續兩日在機場搞事, 繼續謀殺香港, 非法禁錮旅客和執行私刑, 以及用十字鎖企圖謀殺內地男子, 禁錮昏迷男子四小時, 並阻止救護員將傷者送院救治, 該男子生死未卜, 暴徒所作所為人神共憤, 港獨派的惡行只會向全世界發出一個訊息: 港獨派係暴徒, 不過其後港獨文宣幫年輕人發出道歉聲明, 目的係扮後悔博好感, 心軟的市民又中伏了

貿易談判阿爺企硬, 特朗普跪低, 宣布將增加關稅日期由9月延後至15/12, 當天狂人宣布9月加關稅時我已經話佢係一時衝動, 阿爺不會輕易讓步, 如今狂人果然縮手,

本周收市U盤日日都係走低, 走鬼味濃

 {#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股高開低走呈大陰燭, 形勢進一步惡化, 繼續尋底屠牛之旅

14/8 周三恒指收報25302, 升21點(最多上升436點, 一度下跌84點)

港股又彈散, 沽壓沉重等破底, 收市U盤例跌, 該時段成交增加, 有走鬼味, 今日低位25197, 前底在24896, 後市只要跌穿就可擴大年波幅, 周四五通常係創周低位的時間窗口, 窒窒步跌係想養牛引好友, 亦可引熊下移至25800水平, 當食飽肥牛反彈時就可好淡通殺, 目前25300樓下牛牛已經養到肥肥白白, 係時候開餐, 因為破大位必需要有肥牛陪葬, 只要插多一兩棍淡友食胡大市就可回穩, 港股仍處於嚴重超賣, 長線雖然利淡, 但短線會有技術性反彈

全靠大媽今日大手掃貨港股才得以收升, 港股通(滬)資金凈流入為3月初以來最多, 有護盤味, 上次插到落25397亦有基金經理入貨短炒, 25200市盈率約10倍, 可能係大媽及基金入貨的其中一個原因, 由於香港玩完, 因此, 當大市反彈大幅拋離呢個水平就要小心會有一股拉力推番大市落黎

QQ剛公布業績市場收唔貨係明日港股的升跌關鍵, 要QQ造好才能穩住港股, 港股嚴重超賣仍彈唔起, 皆因股災超賣可以在超賣, 25000肥牛未清場亦令大市無法彈高, 期指未平倉合約大幅縮減, 誰食胡呢? 港獨派已宣布狙擊香港金融體系, 周五會玩大擠提, 周末港獨派例牌搞事, 加上周末沽壓效應, 要慎防沽壓增加, 如能收升, 利好, 有望挑戰25800水平

-------------------------------------------------------

犯民表示就算核爆也不與示威者割蓆, 是代表同歸於盡嗎? 我一直覺得犯民議員的態度好像有必勝的把握

港獨派這邊廂為了於機場所作出的惡行扮後悔道歉, 另一邊廂卻於網上呼籲阻塞前往機場的主幹道, 以及去機場購物, 欲再度阻撓機場的正常運作, 亦計畫未來幾日在各區搞事, 你信暴徒是真心作出道歉及悔改嗎? 不聽其言, 只看其行動可知一二

道歉

暴徒非法禁錮兩名內地人, 虐打及語言暴力, 用受害人信用卡購買手機, 盜用其錢財, 其後作出道歉, 市民應否接受?

假如一班警察非法禁錮兩名港獨青年, 虐打及語言暴力, 盜用其錢財, 其後作出道歉, 市民應否接受?

林鄭政績差劣, 其後作出道歉, 市民應否接受?

==================================

15/8周四收25495, 升193點, 連升兩天, 牛死熊命危

今日探底24900拗腰反彈的動力好過上次探底25397, 可能今日有淡友食胡及補倉, 以及有基金經理入貨, 問題係明日有周末沽壓效應, 亦係港獨派號召的擠提日, 如今恒指已連升兩天, 過去一個月只係試過一次三連升, 如能連升四天, 就打破了慣性走勢, 向上關鍵阻力大位25800, 如有好消息或周末示威冇出事, 下周就有望挑戰26000

QQ業績後捱沽, 由於地產股嚴重超賣, 所以好友就推高地產股來抵消QQ的沽壓, 俾時間QQ回氣, 上証連升兩天, 收2815, 咬住2800唔放, 今日低見2756(月初低位2734), 如明日續升, 利好港股, 因為中港美三地股市通常係同步見底頂, 只要中美股市造好, 亦有助好友反擊, 港股超賣, 升勢有望延續, 港股能走多遠就要留意地產版塊強弱及牛熊分布, 目前25800~26000有肥熊,

==================================

16/8周五收25734, 升238點, 連升三天, 底頂上移, 肥熊命危

向上阻力: 5/8下跌裂口26502~26869, 10200~10324

港股已連跌四周, 如下周收升, 下周五(23/8)就會收25734甚至26000樓上, 目前25800~26000有肥熊, 26000~26200有半肥瘦熊, 今日大鱷冇食肥熊, 皆因本周已做夠周波幅, 所以留番多些上升空間俾下個星期, 今日高低位25314~25798, 底頂上移的話, 就會升穿25800殺上去屠熊, 留意熊熊每日成長情況就會知港股能走多遠, 如能守26000, 500點一級上望26500

每逢周一都係大龍鳳的日子, 大市仍超賣, 今日恒指升238點, 為自從跌穿28000以來首度收市升超過200點, 代表好友已出手, 大媽繼續掃貨亦幫到手, 中資股大落後, 有望重上10000水平, 5/8下跌裂口10200~10324有待回補, 繼續買阿爺博反彈, 港股連升三天, 有挾淡味

地產股強爆係利好訊號, 只要QQ止跌回升, 港股上升動力就會增強, 唔少股份仍嚴重超賣, 只要周末香港示威冇出事, 好友就有藉口出手, 阿爺宣布深圳建先行示範區, 利好內地股市, 上証連升3天收2823, 今日成交憎加, 下周如能重上2850, 有助推港股上26000/10000, 黃屍經過機場一役失分, 黃屍文宣玩和理非扮乖, 暴力衝突暫緩的話, 有利市場氣氛

==================================

19/8 周一恒指收報26291, 升557點(最多上升622點), 連升4天, 收復10天線

向上阻力: 5/8下跌裂口26502~26869, 10200~10324

向下: 19/8上升裂口25798~25994反彈完就會全數回補

上証連升4天, 過去一個月四連升就斷纜, 如上証明日收跌亦會拖低港股, 恒指亦已連升4天, 過去四個月多數四連升就斷纜, 小心明日沽壓會加劇, 留意牛熊分布, 係港股的指南針, 星期四或五係創周內高低位的時間窗口, 由於下周二(27/8)MSCI調動, 要減港股比重來增加A股份額, 小心QQ.內銀.內險等權重股高位沽壓會加劇, 要留意每逢周五都有避險沽壓效應

地產版塊連續三日急升, 係推動恒指上26000的功臣, 如地產版塊或QQ見頂回落就要小心, 如外圍冇特大利淡消息就有可能炒上落市, 未來幾日25994~26356一定要爆邊來擴大周波幅, 如全數回補今日的上升裂口25798~25994不妙, 下周四期指結算, 要留意大媽會否繼續護盤

香港淪陷, 前景不妙, 今日港股急升只係技術性反彈, 亦可能係挾淡, 美元強爆企98樓上, 港元及人民幣弱雞, 資金流利淡港股, 不過十年期美國債孳息率止跌回升, 可能係今日港股反彈的原因之一, 25950牛/26400熊, 愈養愈肥, 亦愈來愈貼價, 上落都有得開餐, 大鱷月尾多數玩好淡通殺, 要留意牛熊每日成長情況, 中港美三地通常係同步見底頂, 好友淡友都要睇路

今日午後國指沽壓特別大, 因為人行改革貸息機制被視為變相減息, 內銀受壓利淡後市, 內房受追捧, 而由於恒指已由低位24900急彈近1500點, 累積龐大升幅, 已夠水位俾大鱷轉身, 26500/10200阻力位前獲利沽盤亦令升幅收窄, 不進則退, 未來幾日如未能突破今日高位26356/10149, 就要插穿26000來擴大周波幅

按照慣性走勢如該周收升通常不會在周一見頂, 如大市未見頂, 只會作出即市調整或小幅收跌, 亦不會連跌多天, 如收市跌超過200點及連跌就要小心或要下試25800, 大媽日日掃貨係護盤功臣, 要留意大媽手影以及未來幾日企業公布業績或會影響股份表現, 周五聯儲局主席發表講話, 當天轉節氣處暑, 或會令港股大幅波動,

===============================

20~23/8收市

好友部署本周五收25734樓上, 本周埋單收升, 結束連跌四周的走勢, 周五收26179, 本周好淡通殺, 周一屠熊4037張, 跟住掉頭, 周五屠牛687張, 上升是為了下跌鋪路, 港獨派及大鱷推大市上去, 擴大了波動空間, 夠水位又再沽過, 人民幣本周續挫, 中美貿易戰兩國宣布互加關稅, 貿易戰升級, 皆利淡中港股市

自從周一高見26356之後, 每日都係底頂下移, 代表反彈已完結, 繼續尋底

向下: 19/8上升裂口25798~25994有待回補, 恒指250周線(25538), 25200(10倍PE), 前底24900/24896, 後市要破底來擴大年波幅, 不過由於8月已做夠月波幅, 要看會否留待9月才破底,

恒指不斷受制於20天線, 該線正不斷以每日約100點的速度下移, 8月尾就會落到26000水平, 會成為強大阻力

周二(27/8)MSCI調動, 要減港股比重來增加A股份額, 小心QQ.內銀.內險等權重股高位沽壓會加劇, 27/8有買盤掃A股, 當天上証收升居多

周四(29/8)期指結算

留意大媽會否繼續護盤, 由於有多隻成份股於本月除息, 會拖低期指, 中移29/8(周四)除息

======================================

28/8恒指收報25615, 跌48點, 連跌3天, 秒殺小熊即回

轉倉高峰期.港股連續兩日底頂上移部署結算位

今個月大媽日日掃貨撐市, 25500樓下亦見資金入貨, QQ.長實.匯控及多家企業都回購股份, 加上8月恒指波幅已達標, 阿爺推出刺激經濟措施, 弱雞的人民幣先跌後回升, 所以恒指得以守住周一低位25249, 拋離月中低位24900, 點都要撐埋結算

月尾大鱷愛玩好淡通殺, 今個星期牛熊陣亡, 周一殺肥牛, 周二三屠小熊, 未來兩日上落都有得開餐, 由於市場氣氛差, 短炒博反彈都係快閃, 所以港股彈散連日下跌, 因而吸引熊熊大幅下移, 目前貼價係熊肥牛瘦, 不過向上25800~26000阻力大, 當中有島頂及10/20天線, 而25500附近有貼價小熊, 月尾大鱷要追數, 通常係上攻下殺, 牛熊都要死

今日高位25830/10096, 26/8急瀉的下跌裂口(25692~25940) ~ 只要上25940全數回補裂口就能打破島頂形態, 如未能回補, 利淡, 周一低位25249/9850有待考驗, 只要收25500樓上, 仍有望殺上25940回補裂口, 不過目前26000樓上只得瘦熊, 要養肥才有誘因再上攻

26/8急瀉的下跌裂口(10014~10079) ~ 已全數回補

恒指50天線剛跌穿250天線, 出現終極死亡交叉, 代表中長線不妙, 但出死叉同樣代表大市已跌了好一段時間, 通常會有技術性反彈, 彈完才繼續尋底, 明日期結, 今日係結算前夕, 港股先高後低呈陰燭, 不過連續兩日都只係小幅收跌, 似有人守關, 可能係因為明日結算,

按照慣性走勢, 月尾6天不會全升或全跌, 多數係3升3跌, 就算市弱都會升2天, 如今係3跌1升, 月尾升市日數未達標, 換句話說, 未來兩天不會全跌, 有望作出反彈, 市弱升1天, 市強升2天, 因為要慎防香港暴動經濟衰退高位會見沽壓, 中移明日除息$1.527, 未來幾日有多隻成份股公布業績(建行.工行.中海油.中石油.北京控.中國光大控股), 或會影響市況

====================================

29/8恒指收報25703, 升88點, 結束3連跌, 秒殺小牛即彈, 牛死熊命危

今日港股一插即彈, 貼價牛已死, 即係輪到上26000, 26/8急瀉的下跌裂口(25692~25940)有望回補, 如能回補就破壞了島頂的利淡形態, 一如昨日收市總結所分析, 25500樓下見買盤, 而大媽今個月係日日掃貨, 上証冇再創新低, 在2900穿梭亦利好港股, 所以短線港股應該會反彈來俾大媽出貨, 否則大媽就會全艇,

要留意明日會有周末沽壓效應, 因為周末香港例牌立立亂, 短炒獲利沽壓會增加, 美元急升, 港元及人民幣弱勢持續, 資金流利淡港股, 會削弱反彈動力, 目前熊多牛少利上攻, 不過要小心彈完就要繼續尋底來擴大9月波幅

周一(2/9)香港開學日, 當天美股假期休市, 港股自由行, 今個月大部份時間國指都跑贏恒指, 皆因香港經濟斷崖式下挫, 本地企業不秒, 大行唱淡地產股, 拖低恒指, 但A股回穩有助撐住國指, 資金可能換馬中資股, 不過8月5日下跌裂口10200~10324阻力大, 如能突破, 有望挑戰10500, 另外9月有大量股份除息, 除凈前或會吸引好息之徒, 不過通常於高位或除息後沽壓就會湧現

===================================

30/8 周五恒指收25724, 升21點, 連升兩天, 港股沖高秒殺肥熊即回

今日補完26/8下跌裂口後收大陰燭, 超樣衰, 9月有大量成份股除息, 會拖累期指呈大低水, 貼價肥熊已死, 又要再養過, 要26000樓上的熊養肥才有誘因再上攻, 大媽日日掃貨撐住港股, 如果唔想港股潛行凶間, 想守住前底24900, 就要再挑戰25800~26000來擴大9月波幅, 如能收25800或收升超過200點, 代表大市回穩, 好友反擊

今個星期大鱷超陰毒, 兩日屠牛.兩日屠熊, 早已說月尾大鱷會牛熊通殺來追數, 睇昨晚ADR表現今早競價不應大幅高開308點, 理應升約百點才合理, 大鱷擺明係想秒殺埋26000肥熊趙完鬆, 縮番落黎又可再繼續養牛熊, 如力守25500, 代表大鱷仍想屠熊, 目前熊多牛少, 26000樓上有超肥熊, 所以大鱷唔想玩深潛

今日高開308點太多不合理, 因為今日目標係上25940補裂口, 高開見26011已超標完成, 加上美股連日大彈高, 下周一係美國假期, 長周末前美股亦會有沽壓, 所以港股今日見獲利盤大增亦係正路, 由於msci調動已完成, QQ沽壓會減輕, 留意QQ及地產股表現就會知港股點走, 要密切留意每日牛熊變化, 以及上証能否守住2850, 只要上証咬住2900, 好友就有藉口推高大市

26/8急瀉的下跌裂口(25692~25940)已全數回補, 打破了島頂的利淡形態. 9月就要25500~26000等爆邊, 頸線26356, 5/8上升裂口26502~26868有待回補

當年佔中玩左兩個半月, 今次動亂由6月9日開始的計, 即係9月時辰到, 形勢將會改變, 由於9月開學係大日子, 9月13日是中秋佳節, 所以估計8月尾政府及警方會開始強硬出手平亂, 黃營宣傳會轉炒持久戰, 港人有排捱, 日日在戰場生活, 不過只要香港亂局紓緩, 亦會利好港股, 因為近日港股因自身問題跑輸外圍股市, 隨著被捕的暴徒/示威者增加, 以及開學亦會少了學生參與違法活動, 罷課及暴力升級令市民不滿, 感覺上近日民意有轉向味道, 都有助警方平亂, 只要動亂紓緩, 好友就有藉口推高港股, 市傳今次暴動其中一個幕後黑手係大孖沙, 要留意佢地會否再出手為動亂降溫

最新回應

試下學下
試下學下 2019/11/20

美兄,我開買上賺番食飽,你有收穫呢 {#iconb_31}

警兄,跟你7500一開就食,算是賺番茶錢,去支持下本地經濟

試下學下
試下學下 2019/11/20
@soho*...

見到你連出6個post.個班想食哂老散的大🐊比丫爺夾,磨下磨下將會一無所有。令人痛快

美味雞煲
美味雞煲 2019/11/20
@門徒...

我想快 d 見 24000 可以嗎?😂

謝謝元帥分析 😄👍🏾

soho*
soho* 2019/11/20

連續幾日都有胡食, 加上新一哥及江蛇強勢出擊, 型爆, 所以好開心, 寫下留言