老子

2008/04/16 01:50:58 網誌分類: 文化

16 Apr

老子李耳先生寫了一本道德經, 五千多字, 千古以來能讀得通之人, 真是屈指可數, （黄SIR乃一讀書破万卷之人, 但對於此一卷都是一知半解）其思想利害之處, 乃用於軍事戰爭, 引發孫子兵法, 用於君王统治之術, 引發儒家, 法家ｏ用於被人统治應变之術, 又引發陰陽權變之鬼谷, 以至道家, 成為一種宗教. 一本書能觸動各才智之士的心靈, 真的十分偉大也ｏ

所以老子李耳先生, 在道教中被尊為太上老君, 乃因此道德經所言乃人類靈魂深處之智慧也ｏ

老子先生講求清靜無為, 但又不完全無為, 因為你閣下能夠無為, 結果你就可以無所不為了ｏ好似黃sir 咁, 清清靜靜, 退了休, 吃喝玩樂, 在網上無為, 也就是冇乜作為！結果是講什麼都引來一班擁躉的支持, 吩咐黃SIR可以亂吹一通, 咁就等於無所不為了ｏ利害啩？

老子先生又講過上善若水, 意思是做人最妙之處就係好像水一樣, 水是设有固定形態的, 可以成為氣態, 所以有黃sir吹水的說法, 又可以是液態, 即水就水啦！你吹得我漲？（呢個就是黄SIR的生活態度！）又可以是固態, 即所謂冰就是！所以黃SIR D靚師妹同黃SIR玩得两玩, 有時搞到黃SIR固（故）態復萌, 成鬼日冷冰冰,嬲咗全村人咁！就是因為黃SIR水得滯, 玩乜都水皮過人, 又鍾意吹水, 所以就是落得如斯下塲矣！