老萊子
2008/04/14 22:38:31
網誌分類:
文化
老萊子是春秋戰國時一個人物, 係春秋, 定戰國都唔緊要, 有D人好鬼執着, 有小小唔順耳, 佢就當你吹水, 當你輸鬼咗馬!估三估四, 其實吹水又點可以咁認真呢?
呢個老萊子係楚國人, 佢成世做咗一單嘢, 令佢名垂千古, 就係 係佢七十歲時(黃SIR尚未夠班)就身穿綵衣(小丑衣服)去引雙親笑(都怕成百歲矣)o就係咁咋!楚王覺得佢孝順, 俾個官佢做, 佢都唔做, 日日去咗唱粵曲 (楚國在南方, 一定係唱南音嘞!)同埋日日跳社交舞, 快活過神仙!呢個就係老萊子彩衣娛親的故事了o
你以為黄SIR講呢個故事, 係有意學佢, 咁你又錯嘞!因為佢個名有個老字而已,有時黄SIR吹水靈感, 來自黄SIR搏學多才, 諗倒乜就吹乜, 根本不費吹灰之力, 有D人用佢自已的標準去度人, 問黃SIR: 咁咪嘥(!)咗好多時間?
唉!做人𣎴作無益之事, 又怎遣有生之涯呢?(黃SIR係咪有D文采呢?)
有D人學養唔夠, 咪言語無味囉!又難溝通, 老萊子佢就誤解咗, 三從四德之老來從子, 講笑講古变咗講人生大道理!
大佬(姐)吹水之馬, 啱聽咪日日捧場囉, 而家相信黃SIR都有幾百FANS日日睇!一定唔夠超伯多嘞!黄SIR有两個BLOG嫁!http://www.hkheadline.com/blog/list_blog_edit.asp?f=27CLE86OS653709
http://hk.myblog.yahoo.com/kcwong-cantoneseopera
難得有人欣賞, 咪日日寫囉!出SHOW要俾錢, 呢度SHOW D QUALI 唔駛俾錢噃!你話幾頂癮嘞!啱冇?
黃sir講得無錯,吹水,吹牛,吹乒乓,有得吹咪得囉,呵呵!
黃sir,yahoo成日死server架,我已經無係果邊寫!