老生常談

可能有D心水清的網友, 會發覺呢幾日黄SIR成日繞住個老字做文章ｏ有D靚師妹可能鬧緊黄SIR, 撞鬼你牙！成日提住個老字, 唔鬼同你玩嫁！

你知啦, 日日網上吹水, 边有咁多話題呀, 講政治, D靚師妹又話悶ｏ講宗教, 又驚得罪人ｏ講人生大道理, 又驚你地晤明ｏ 講唱粵曲, 果D唔唱歌嘅, 都唔知你噏乜ｏ講跳舞, 得個講字有鬼用咩？去舞池跳至過癮也ｏ講文學, 講科技, 仲悶啦！講得两講, 容乜易江郎才盡！冇嘢寫, 咪要收檔ｏ

不過各位看官, 你地又唔駛驚噃, 你睇吓剩係一個 老 字, 黃SIR都可以寫它十日八日, 都唔憂冇話題啦！

何况中國文字, 多不勝數, 又點會話冇嘢寫呢？

人地話D人, 講來講去三幅被, 就係叫做 老生常談, 黃SIR好明就老啦, 唔老又點會退休呢？生 就一定係 生, 唔會係旦嘅ｏ唱粵曲, 男嘅一定叫做生, 有所謂文武生, 小生, 鬚生, 丑生, 而旦呢, 有所謂花旦, 老旦, 鴨旦, 窩旦！

至於常談, 即講嘅嘢, 冇乜新意！係人都係咁嫁嘞！差不多任何人, 講任意嘢, 你都加句, 冇乜新意, 相信都唔會點錯矣！

太陽之下無新事！狗咬人就多, 有幾何人咬狗吖！所以黄SIR  D嘢, 都係老生常談之馬！明冇？