12月上旬港股表現

2019/12/04 21:23:26 網誌分類: 經濟
04 Dec

4/12 恒指周三收26062, 跌328點, 連跌兩天, 反彈在望

恒指慣性走勢每周通常係升2天或3天, 如今只係升左1天, 即係會有反彈

市弱最多跌1000~1200點就會有反彈, 由26/11高位27227跌到落今日低位25995, 累計跌幅1232點, 達標

滬港通老外及大媽都掃貨

上証昨日低見2857(上月低位2858), 今日收2878, 如上証破位但冇深潛, 港股亦不會落地獄, 又或者一插即彈, 因港股的中資股佔比高

恒指今日低見25995(上月低位26204)

國指今日低見10232(上月低位10282)

過去幾個月恒指主波動區間26000~27000, 上下爆邊都企唔穩, 短炒就要睇位食胡炒波幅, 要有強烈利淡或利好消息才會收穿26000或企穩27000

29/11(周五)下跌裂口(26705~26763)(10478~10530)有待回補(後記: 已於13/12全數回補)

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

10/12 周二恒指收26436, 跌58點, 連跌兩天, 部署屠熊

人民幣強==>港股強, 人民幣弱==>港股弱

11月初港股高見27900/10960, 皆因當時中美貿易談判進行順利, 推動人民幣走強見6.9880, 惟隨著傳出貿談觸礁, 人民幣彈散轉弱, 在7.04反覆, 中港股市隨即掉頭向下, 展開尋底之旅, 4/12港股低見25995/10232, 上証低見2857後齊齊跟隨人民幣止跌回升, 代表中港股市及人民幣同步重拾升軌, 反覆尋頂, 只要人民幣強勢持續, 中港股市有望向前頂進發

26498是星期五(6/12)周收市位

26514是星期一(9/12)競價開市位

過去兩日好淡大鱷在上述水平角力, 如本周收升, 就會在周四或五創本周高位, 本周恒指已連跌兩天, 未升過, 下試26355獲支持, 震牛養熊, 反彈在望, 因為按照慣性走勢, 每周通常升2~3天, 如能上破29/11下跌裂口阻力(26705~26763)(10478~10530), 上望26800.27000.27227.27500.27800.28000.28300....目的係擴大周/月波幅及屠熊挾淡

12月初港股反艇皆因人民幣連日急跌, 但隨著人仔於5/12反彈, 呢兩日港股就一插即彈, 人仔止跌利好中港股市, 老外及大媽亦齊齊掃貨, 係向好先兆, 代表大市係反覆向上, 所以中港股市收市升跌幅度不大, 上証四連升, 咬住2900水平, 而港股亦守住26300/10300水平

目前本周波幅未達標(26355~26618), 等爆邊來擴大周波幅, 成交細, 操控易, 雖然連續兩日港股都沖高回落, 但不要盡信技術指標, 目前牛熊都非常貼價, 如果好友想守住26300, 就要向上推進來擴大周及月波幅

本星期一二恒指都係收跌, 在26500窄幅穿梭, 企26000~27000的中軸, 唔湯唔水, 散戶買上買落就會十五十六, 其實唔識技術分析都可以估市, 睇每周升跌日數的話, 今日就不應造淡, 因為本周恒指已跌了2天, 按照慣性走勢星期三四五可能會有2~3天升市, 代表今日造淡坐艇機會大

{#icono0_51}{#icono_72}{#icono0_51}{#icono_72}{#icono0_51}{#icono_72}{#icono0_51}{#icono_72}{#icono0_51}{#icono_72}{#icono0_51}{#icono_72}{#icono0_51}{#icono_72}{#icono0_51}{#icono_72}{#icono0_51}{#icono_72}

港股大成交急升, 高開高收呈陽燭, 大舉屠熊, 向250天線進發

12/12 周四恒指收報26994, 升348點(最多上升403點)

人民幣強==>港股強

股市跟經濟相關性非常高, 係指中長線, 短線多數跟消息及匯市, 日前我已分析人民幣走高及老外/大媽掃貨, 人仔強大市就會向上走, 今日港股就爆升, 因為上証已守穩2900水平達5天, 港股亦得以企穩26500/10300水平

今日港股有大成交配合升勢, 強勢畢現, 連弱股都見資金掃貨, 極為反常, 皆因聯儲局議息後資金流有變, 港匯急升, 匯市專家說可能係有資金流入, 推高港元及港股, 如果有熱錢, 就會上企27000, 向250天線進發

市傳中美貿易首輪協議有望達成, 因中美雙方都作出讓步, 15/12加關稅或會取消, 今日港股升勢全面, 互聯互通都見老外及大媽掃貨, 係升市功臣,

27000得而復失, 窒窒步扮升唔上, 可能係大鱷嫌樓上熊唔夠肥, 想磨多一陣,結果大鱷震牛養熊奸計得逞, 牛牛食胡撤退, 熊熊大舉湧入, 要買定官才喇! 因為恒指周三已突破月初高位26618, 今日更進一步收26800關鍵大位之上, 以500點一級來推算, 上望27300.27800.28300.... 不過當RSI 9/14升穿70就要留神, 11月見頂27900時, 恒指14 RSI 是72, 9 RSI 是79, 

恒指月波幅未達標, 今日高位27048不會是12月頂, 假如25995是12月低位, 如跟上月約1700點月波幅, 可見27700, 如做2000點月波幅可見28000, 做2300點月波幅可見28300, 11月高位在27900

每當港股急升或急跌, 我首先會睇互聯互通老外及大媽的手影, 人民幣表現, 其次是睇上証表現, 如果呢D指標都係向好, 就不宜造淡, 中港美三地股市多數係同步見底頂, 只要外圍造好, 港股多數跟, 由於港股內的中資股佔比高, 阿爺好.人仔強.港股好, 人民幣強弱係港股升跌關鍵,

匯市表現會影響中港股市即時走勢, 立竿見影, 但技術指標就慢幾拍, 所以周初散戶睇技術指標就話港股反彈乏力, 當時港匯報7.8269, 但周三港匯突然轉強報7.8081, 散戶忽略了匯市, 單睇技術指標就以為彈上26600都企唔穩, 結果周四再爆升, 上企26800, 作勢收復27000

 

13/12 周五恒指收報27687, 升693點

遺留太多上升裂口是後患, 如有回吐, 只要不回補整個上升裂口, 上升勢頭不變, 通常要食飽肥熊才會大幅回吐, 呢兩日期指未平倉合約明顯增加, 在向上突破的期間出現係利好訊號:

(26660~26838) (27049~27405)

(10517~10580) (10650~10744)

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

16/12 周一恒指收報27508, 跌179點, 消化沽壓, 儲力向上

按照慣性走勢每當連升2~3天就回吐, 今日果然結束三連升, 收跌, 不過跌幅少過200點, 只係回氣, 消化沽壓, 儲力向上, 往後會收復失地(今日跌幅179點)並升突及創月內新高, 近日見換馬及追落後盤, 因為港股已收復所有平均線, 處於上升勢頭, 睇大市成交買盤略多過獲利沽盤

今日雖然收跌, 但近恒指底頂上移趨勢仍在運行, 今日高位27716不會是頂, 因為何時見頂係跟中美股市, 外圍股市上升勢頭仍佳, 滬深股市創三個月以來最大成交, 上証收升有大成交配合, 而且按照慣性走勢星期一不是港股見頂的日子, 所以本周仍會有新高, 大媽及老外繼續掃緊貨, 隔夜息連升7日, 地產股見沽壓, 不過今日的利淡訊號只得一兩個, 並不全面, 只係要開始提高警覺, 而阿里巴巴完成調整, 重拾上升動力, QQ上破多個阻力位, 大媽大手掃貨, 只要QQ未見頂, 港股有力再上

今日港股下跌代表有獲利沽壓, 出現食胡盤, 亦有可能係壓住大市引熊入局, 由今個月低位25995升到今日高位27716, 累計上升1692點, 月波幅仍有上升空間, 短線上望27900(前頂).28000.28300... 國指下一站11000, 上証過去幾個月高位在3008/3043/3048, 3050關鍵大位,

港匯強爆, 可能有熱錢流入, 市傳中美將於明年1月簽署首階段貿易協議, 利好投資氣氛, 基金經理順勢推高股市來粉飾櫥窗埋年結, 陸 Sir說港股可以候回吐時吸納, 與我的看法不謀而合, 因為熱錢流入, 資金市特徵係不問價掃貨, 近日股市上升動力增強, 作勢推動港股重返暴動前的水平, 一如我日前所說, 港股已收復所有平均線, 勢頭仍佳, 大漲小回格, 順勢買上, 睇唔通寧願觀望或減磅, 因未見頂前造淡係逆勢操作, 只能快閃,

今日低位27473/10760, 剛好守住上升裂口頂27405/10744, 大媽/大鱷力守裂口及250天線, 可能仍想屠熊, 未食飽所以守住大位, 要吃飽才會補裂口

小市民黃絲被利用了仍懵然不知, 港獨派根本並非為了爭取五大訴求, 只係為了奪權, 自從24/11區議會選舉港獨派大勝後, 踏入12月, 持續半年的暴動隨即降溫, 街頭暴亂減少, 被破壞的店鋪開始拆圍板, 外出消費人流增加, 每晚十時黃絲叫口號, 每日學校築人鏈都明顯收斂, 因為港獨派已取得所需, 得到區議會議席後轉為暗戰, 例如於各行業成立工會, 部署明年1/10的立法會選舉

{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}

恒指沖高回落, 收窄升幅呈陰燭, 大舉屠熊

18/12 周三恒指收報27884, 升40點(最多上升127點, 一度下跌68點)

上証及道指冇創新高, 但港股卻獨自去偷歡, 夾硬創高位秒殺肥熊, 由於中港美三地股市通常係同步見底頂, 加上本周港股只係跌左1天, 未達標(通常跌2~3天), 9 RSI升穿70, 美元反彈, 人民幣上升乏力, 英鎊連日下跌, 與樓按相關的1個月拆息第3日走高,大媽出緊貨, 走騰訊.招商銀行.平安

港股去到28000/11000整數關鍵大位, 基金亦有誘因趁高位沽貨來鎖定利潤埋年結, 亦會有配股活動, 測市指標顯示港股將會回吐, 如市強買盤勁, 單日跌幅會少過200點, 只會作出即市調整或小幅收跌

周五(20/12)如能收關鍵位27530/27687之上, 好友勝, 當天富時指數調動, 成交會增加, 係好淡角力的大日子, 10月份恒指每周最多跌3天, 11月份恒指每周最多跌2天, 隨後都能收復失地並升突, 只要等埋權重成份股及地產板塊回氣後, 港股就會破頂而上, 4/12見底後恒指每周都有新高, 只要中美股市破頂, 港股多數會跟, 港股主要跟上証, 由於月尾有聖誕假期以及半日市, 加上熱錢流入股市, 市場風險胃納上升, 恒指可能會打破尾月3天3跌的慣性走勢, 港股已企穩所有平均線, 勢頭向上, 陸Sir建議趁回吐買上

12月份恒指期貨大户加權平均開倉水平在26979, 國期在10649, 由於12月份由好友主導, 結算前港股縱有回調也不會深, 當大鱷食飽肥熊, 而新貼價牛登場, 就係港股大幅回吐之時

 

最新回應

美味雞煲
美味雞煲 2020/02/24
@裙甩褲甩...

謝謝分享 要沽 QQ $420 真係靚位 有時指數停滯不前或者裂口高開裂口低開 無乜肉食 我就會 沽 QQ 

明天大家加油💪🏾

裙甩褲甩
裙甩褲甩 2020/02/23

結算周一定難玩,個市chok上chok落頭都暈,咁大戶先可以平即月期指倉和開下月期指倉。

2月11日至20日共八個交易日,指數徘徊在27500至28000的五百點波幅內,有足夠時間俾大戶平好倉(2月初大戶開倉價大約在26300,食胡有1500點)。上周四及周五淡友明顯佔上風,並睇住肥牛嚟食。

上周五港股和A股背馳,係一個相當偏淡嘅信號,預計本周對比上周,本周的高位及低位都會下移,做陰燭機會較高。28055是短期高位,本周不應該升穿此位置。港股雖偏淡,但又不至於非常淡要即刻落地獄,估計有得彈高才做周低位。

唔估咁多啦,都係要睇周一早上的各個指標及外圍表現,再作判斷。

美味雞煲
美味雞煲 2020/02/23

我發覺結算就最難玩

我測試指標多數用黃金比率 + 睇六個月到一年圖 aastock,元帥平時講外資掃 A股,錢流入A 股 大媽掃貨 ....我好少睇滬港通, 我書嘅理由之一

今次見到 28,000係短頂 睇多日 已跌幾百點但都唔夠膽開淡倉 信心 5 夠 怕企錯邊 其實過夜最怕 試過好多次第二日夾扁 😤 所以永遠都食唔到個浪

C6 - 我日日在家睇YouTube 學整好多嘢食 😂 大家加油💪🏾 

睇上證圖 強得 5 尋常 😤 港女無乜力

試下學下
試下學下 2020/02/23

門兄你果個食蘋果。點解我搵吾到 {#iconb_310}