20~21/1 港股見頂回落

2020/01/20 16:13:39 網誌分類: 經濟
20 Jan

人民幣轉弱.中港股市見頂回落

20/1 周一轉節氣大寒, 人民幣沖高回落, 倒跌收場, 人仔見頂, 港股亦同步見頂回落, 測試指標出現多個強烈利淡訊號, 恒指已連升7周, 回顧2018年1月亦係連升7周後見頂回落, 牛牛飛撲入市並上移至28700水平, 28000~28700有肥牛約3500隻, 熊死牛命危, 牛多熊少利下殺, 牛熊分佈嚴重失衡: 10453牛 VS 6917熊, 按照港股慣性走勢, 沖頂打回頭再尋底, 向月初低位27857進發, 只要插穿就可擴大月波幅

21/1 周二港股暴跌, 遺留下跌大裂口28492~28795, 11227~11330, 阻力非常大, 消息面極淡, 月初低見27857是震倉, 一插即彈再破頂, 但今次係見頂回落, 係真跌, 要落山尋底, 恒指已連升7周, 本周轉勢周線收低已無懸念, 市弱不會由頂回吐千點就收工, 月尾會繼續深潛來擴大月波幅

港股插到落哪個水平關鍵在武肺擴散情況/上証及人民幣表現, 因武肺潛伏期過後確診個案會急增, 加上春運人口流動大, 病菌易擴散, 如武肺惡化中港股市死貓彈完都要繼續尋底, 既然已見頂就要插穿前底27857才能擴大月波幅, 過去幾個月恒指月波幅有1500~2400點, 收跌月通常會在該月下旬或月中才造大底, 可用頂部29175減1500~2400點來估算1月底部, 只要落到27700水平就進入月波幅達標範圍(29175-1500~2400=27675~26675), 月尾結算, 以消息面來看, 1月不會是細波幅, 最惡劣情況會插穿27000

港股升跌主要重點在大媽及人仔, 春節長假期前會有獲利沽壓效應, 今日大媽及及老外都走貨, 人民幣見頂回落, 港匯回軟, 都係利淡訊號, 大市縱有後抽,尋底市因為沽壓大, 好難連升, 月尾結算, 如今個月收跌, 恒指就會收28189樓下, 1月份恒指期貨大户加權平均開倉水平在28153, 係好淡大鱷角力水平, 目前消息面淡友佔優勢

原定4/1(年三十)至30/1(年初六~當天港股結算)內地春節假期金融市場休市, 但受武漢肺炎影響, 內地股市增加一天休市, 將會在3/2(周一)才復市

最新回應

美味雞煲
美味雞煲 2020/02/24
@裙甩褲甩...

謝謝分享 要沽 QQ $420 真係靚位 有時指數停滯不前或者裂口高開裂口低開 無乜肉食 我就會 沽 QQ 

明天大家加油💪🏾

裙甩褲甩
裙甩褲甩 2020/02/23

結算周一定難玩,個市chok上chok落頭都暈,咁大戶先可以平即月期指倉和開下月期指倉。

2月11日至20日共八個交易日,指數徘徊在27500至28000的五百點波幅內,有足夠時間俾大戶平好倉(2月初大戶開倉價大約在26300,食胡有1500點)。上周四及周五淡友明顯佔上風,並睇住肥牛嚟食。

上周五港股和A股背馳,係一個相當偏淡嘅信號,預計本周對比上周,本周的高位及低位都會下移,做陰燭機會較高。28055是短期高位,本周不應該升穿此位置。港股雖偏淡,但又不至於非常淡要即刻落地獄,估計有得彈高才做周低位。

唔估咁多啦,都係要睇周一早上的各個指標及外圍表現,再作判斷。

美味雞煲
美味雞煲 2020/02/23

我發覺結算就最難玩

我測試指標多數用黃金比率 + 睇六個月到一年圖 aastock,元帥平時講外資掃 A股,錢流入A 股 大媽掃貨 ....我好少睇滬港通, 我書嘅理由之一

今次見到 28,000係短頂 睇多日 已跌幾百點但都唔夠膽開淡倉 信心 5 夠 怕企錯邊 其實過夜最怕 試過好多次第二日夾扁 😤 所以永遠都食唔到個浪

C6 - 我日日在家睇YouTube 學整好多嘢食 😂 大家加油💪🏾 

睇上證圖 強得 5 尋常 😤 港女無乜力

試下學下
試下學下 2020/02/23

門兄你果個食蘋果。點解我搵吾到 {#iconb_310}