29~30/1 港股偷步下挫

2020/01/30 20:39:42 網誌分類: 經濟
30 Jan

29/1初五(周三)復市, 收市暴跌789點,鼠年黑盤, 低見27101點穴扮跌唔落養牛震熊, 結果熊1407走, 牛1921隻入局, 大鱷奸計得逞, 好友博反彈中伏了, 22/1武漢封城起計3個星期是病發高峰期, 確診個案會急增, 未來消息偏淡居多, 係淡友推低大市的良機,不過如果插穿26500食埋呢口肥牛後,老牛就死得得七七八八,又要再養過

明日恒指如跌300點 可殺牛930隻
明日恒指如跌700點 可殺牛2615隻

30/1周四期結日港股再插水, 恆指收26449, 再插711點,連跌兩天,大舉屠牛, 雖然超賣, 不過RSI未到見底區, 可能留番2月再繼續尋底, 因為按照慣性走勢, 月尾最後一天通常不會創新低, 去年月尾6天有7個月係3升3跌, 市強就升4~5天, 市弱升2天,依家係2升3跌

A股休市,港股今日偷步再插, 唔知下周一阿爺會否救市,明天(周五)或會有淡友於A股復市前食糊獲利,因為出現三個下跌裂口後如淡友補空倉大市壓力會減輕, 26000大位附近只得小牛, 欠缺吸引力,要養肥才會落去食牛扒, 港股有冇得彈高關鍵在世衞的言論以及阿爺的救市護盤力度

大家唔好俾黃絲的謠言所迷惑, 要冷靜應對疫情, 政棍黑醫護黃絲文宣想營造恐慌情緒目的係反政府, 嚇到市民半夜去排隊買口罩, 想激起民憤, 其實今次武肺雖然傳播力強, 但死亡率遠遠低於2003年沙士, 以中國目前的人力財力物力及科技, 必定能戰勝惡菌, 不過未來兩周是武肺病發高峰期, 外遊的港人或會染病返港, 令香港疫情惡化, 甚至會出現死亡個案, 市場氣氛差, 避險情緒高漲, 金融市場會大幅波動, 

聯儲局議息後美元回落, 留意在岸人民幣能否守住七算大關,以及國指10000,上證2850/2800/2750水平的支持力, 老外於內地復市沽A股抑或趁大插低吸, 大媽會否掃貨護盤

===================================

陸 Sir 分析: 恒指31/1收報26312, 較去年4月造出的高位30280,下跌13%。單計新型肺炎疫情衝擊,恒指在過去的七個交易日,便下滑超過2700點。美股接近高位,港股則接近低位。港股可能已經跌了很多,所以上周五在美國預託證券沒有像美股跌得那麼多

內地金融市場復市, 阿爺出手, 中國人民銀行將開展1.2萬億元公開市場逆回購操作投放資金,確保流動性充足供應,銀行體系整體流動性比去年同期多9000億元。阿爺放水1.2萬億假後撐市,A股跌幅會比原先估計少。

港股現價距一年低位還高1400點左右,很多股份的投資價值已開始浮現,特別是一些派息高的股份更加吸引。如果現時入市的話,就要賭新型肺炎疫情可以在短期內控制得住。若情況比較差,疫情還要拖幾個月話,恐怕港股要跌至一年低位,甚至要穿底,所以現在入市可能要捱價。

最新回應

美味雞煲
美味雞煲 2020/02/24
@裙甩褲甩...

謝謝分享 要沽 QQ $420 真係靚位 有時指數停滯不前或者裂口高開裂口低開 無乜肉食 我就會 沽 QQ 

明天大家加油💪🏾

裙甩褲甩
裙甩褲甩 2020/02/23

結算周一定難玩,個市chok上chok落頭都暈,咁大戶先可以平即月期指倉和開下月期指倉。

2月11日至20日共八個交易日,指數徘徊在27500至28000的五百點波幅內,有足夠時間俾大戶平好倉(2月初大戶開倉價大約在26300,食胡有1500點)。上周四及周五淡友明顯佔上風,並睇住肥牛嚟食。

上周五港股和A股背馳,係一個相當偏淡嘅信號,預計本周對比上周,本周的高位及低位都會下移,做陰燭機會較高。28055是短期高位,本周不應該升穿此位置。港股雖偏淡,但又不至於非常淡要即刻落地獄,估計有得彈高才做周低位。

唔估咁多啦,都係要睇周一早上的各個指標及外圍表現,再作判斷。

美味雞煲
美味雞煲 2020/02/23

我發覺結算就最難玩

我測試指標多數用黃金比率 + 睇六個月到一年圖 aastock,元帥平時講外資掃 A股,錢流入A 股 大媽掃貨 ....我好少睇滬港通, 我書嘅理由之一

今次見到 28,000係短頂 睇多日 已跌幾百點但都唔夠膽開淡倉 信心 5 夠 怕企錯邊 其實過夜最怕 試過好多次第二日夾扁 😤 所以永遠都食唔到個浪

C6 - 我日日在家睇YouTube 學整好多嘢食 😂 大家加油💪🏾 

睇上證圖 強得 5 尋常 😤 港女無乜力

試下學下
試下學下 2020/02/23

門兄你果個食蘋果。點解我搵吾到 {#iconb_310}