港股慣性走勢/升跌模式

2020/01/30 21:02:31 網誌分類: 經濟
30 Jan

港股的慣性走勢/升跌模式

人民幣強==>港股強, 人民幣弱==>港股弱

沖頂打回頭再試底, 觸底反彈多數能破頂, 如假突破就再試底, 試完底再沖頂, 不斷跌下彈下

尋頂市每周都會有新高, 如見頂周線升勢就會斷纜, 當貼價牛出世就要小心, 下跌誘因就會增加

留意人民幣及上証表現就知港股何時見頂, 港股與中美股市多數係同步見底頂, 齊上齊落, 

尋頂時當rsi升穿70就要小心

尋頂期間恒指通常每周最多跌2~3天, 隨後都能收復失地並升突,

如恒指該周收升, 就不會在星期一見周頂, 如收跌, 亦不會在星期一見周底

按照慣性走勢, 如恒指該周收升, 通常會在周四或五創周高位, 如該周收跌, 通常會在周三~五創周低位,

港股好少全周5天都日日升或跌, 通常3:2, 就算市特別強/弱, 都會係1:4, 如該周有假期, 只得3~4日市, 就唔跟呢個慣性走勢

通常沖頂受阻會試底, 當BB牛已上移至屠殺範圍大市就會急跌, 試完底就會再沖頂, 每個500.1000點整數關口都是阻力大位, 要有肥熊才有誘因向上突破,

=======================================

要留意月尾3升3跌的走勢模式

周五通常有周末沽壓效應, 長假期前後例牌大龍鳳, 波動性會加劇

除非有特大利好/利淡因素, 否則恒指連升/連跌2~3天就轉向

1月尋頂期間友多數於收市U盤踢高大市, 1月份收市U盤只得3天向下走, 當收市U盤頻頻向下走就要小心好友鬆人

如市強只會作出即市調整或小幅下跌, 如單日下跌超過200點, 代表大市已見短頂, 會反覆向下尋底, 1月份兩連跌例彈, 如三連跌不妙

要留意中港股市通常係同步見底頂, 如市強就不會在低位徘徊, 低位會係一瞬即逝, 如長時間在低位反覆, 代表沽壓大

市強跌600~800點即彈, 市弱最多跌1000~1200點就會有反彈, 當上証及QQ見頂, 港股就見頂

當肥牛或肥熊陣亡, 大市就會轉向

由於港股的中資股佔比高, 所以港股係身不由己, 多數會跟住上証波動, 見底頂時間亦相若, 要上証破頂或有肥熊, 港股才有力爆頂

上証由8月中起, 每次連跌3天就會反彈, 只係試過一次4連跌, 未見過5連跌

收升月通常會在月初見底, 在該月下旬或月中才造大頂, 可用月波幅來推算大頂, 收跌月通常會在該月下旬或月中才造大底,

如恒指低位在上午出現, 代表買盤比沽盤強, 當即市低位在午後出現, 代表沽壓大, 係利淡訊號

=======================================

散戶見大市去到阻力位通常會造淡, 見落到支持位就造好, 呢種手法多數艇, 每當港股急升或急跌, 我首先會睇互聯互通老外及大媽的手影, 以及人民幣表現, 其次是睇上証表現, 如果呢D指標都係向好, 就不宜造淡, 當呢D指標都係向淡, 才可造淡,

中港美三地股市多數係同步見底頂, 只要外圍造好, 港股多數跟, 由於港股內的中資股佔比高, 阿爺好.人仔強.港股好, 人民幣強弱係港股升跌關鍵,

市強掉頭落山吃一兩口牛就會急彈, 如吃3日牛就係見頂尋底格

香港暴亂導致經濟衰退, 屋漏更兼逢夜雨, 武漢肺炎人傳人, 令港股經濟雪上加霜, 亦會對港股構成壓力

最新回應

美味雞煲
美味雞煲 2020/02/24
@裙甩褲甩...

謝謝分享 要沽 QQ $420 真係靚位 有時指數停滯不前或者裂口高開裂口低開 無乜肉食 我就會 沽 QQ 

明天大家加油💪🏾

裙甩褲甩
裙甩褲甩 2020/02/23

結算周一定難玩,個市chok上chok落頭都暈,咁大戶先可以平即月期指倉和開下月期指倉。

2月11日至20日共八個交易日,指數徘徊在27500至28000的五百點波幅內,有足夠時間俾大戶平好倉(2月初大戶開倉價大約在26300,食胡有1500點)。上周四及周五淡友明顯佔上風,並睇住肥牛嚟食。

上周五港股和A股背馳,係一個相當偏淡嘅信號,預計本周對比上周,本周的高位及低位都會下移,做陰燭機會較高。28055是短期高位,本周不應該升穿此位置。港股雖偏淡,但又不至於非常淡要即刻落地獄,估計有得彈高才做周低位。

唔估咁多啦,都係要睇周一早上的各個指標及外圍表現,再作判斷。

美味雞煲
美味雞煲 2020/02/23

我發覺結算就最難玩

我測試指標多數用黃金比率 + 睇六個月到一年圖 aastock,元帥平時講外資掃 A股,錢流入A 股 大媽掃貨 ....我好少睇滬港通, 我書嘅理由之一

今次見到 28,000係短頂 睇多日 已跌幾百點但都唔夠膽開淡倉 信心 5 夠 怕企錯邊 其實過夜最怕 試過好多次第二日夾扁 😤 所以永遠都食唔到個浪

C6 - 我日日在家睇YouTube 學整好多嘢食 😂 大家加油💪🏾 

睇上證圖 強得 5 尋常 😤 港女無乜力

試下學下
試下學下 2020/02/23

門兄你果個食蘋果。點解我搵吾到 {#iconb_310}