4/3 水逆波動市好淡通殺

明日驚蟄預示有大變

4/3 周三恒指收報26222, 跌62點, 連跌2日

本周恒指2跌1升, 升市日數及周波幅都未達標,  通常連升跌2~3日就轉向, 兩連跌後, 明日反彈機會大, 因為周二沖高見26527打回頭, 再試底26077, 今日低見26038即彈, 按照慣性走勢試完底就會再沖頂, 沖頂打回頭又會再試底, 不斷兩頭飆來擴大月波幅, 呢兩個月閒閒地都有2000點月波幅 如果上唔到27000就要小心落去見25000

收升周會在周四或五創該周高位, 所以明日有望會升穿26527來擴大周波幅, 今日一跌, 反而令本周收升機會增加, 因為釋放了沽壓, 淡友已入局, 如外圍股市再插, 後市亦可彈上去屠熊後再落去殺牛, 好淡通殺, 股災市底頂下移, 彈完都要繼續尋底

多國陸續宣布減息, 水浸金融市場, 美國減息令港元拆息回落刺激地產股爆升, 地產板塊強弱係港股升跌關鍵, 人民幣大幅爆升477點子, 報6.9331兌一美元, 創1月23日以來最高, 港股三大測市指標都向好, 貼價熊大幅下移至26600~27000水平, 10天線在26565, 以內地股市連升3天做後盾, 要上破10天線不難, 不過26800係關鍵大位, 阻力非輕, 如受阻而回又要再尋底, 26000樓下肥牛會拉住港股後腿, 而且牛牛正不斷上移

人民幣/大媽手影/上証三大測市指標最關鍵係人民幣, 今日人仔係爆升, 所以利好中港股市, 連續兩日恒指收市只係小幅下跌, 反映有人睇場, 震完倉就會再上攻, 今日雖然創本周低位26038, 仍守得住前底25989, 所以後市仍有機會上26500, 近日恒指明顯跑輸國指及上証, 有條件追落後, 挑戰26600.26800.27000, 如受阻而回, 就要插穿26000, 向25500.25000進發, 否則唔夠月波幅

恒指連跌兩日, 跌幅不大, 似係消化沽壓, 儲力向上, 本周收市好友一直力守26130水平, 只要周五收於其上, 本周就收升收陽, 明日轉節氣驚蟄預示又大變, 跌咗兩日即係反彈時辰到啦! 因為港股慣性走勢, 觸底反彈首先係弱彈, 然後再出大陽燭彈高, 上周五暴跌648點低見25989, 本周一弱彈161點, 跟住兩日橫行消化沽壓養牛熊, 加上大鱷已連續3日冇開餐, 所以明日就係彈高屠熊的時間窗口

上証咬住3000大關唔放, 成為港股的後盾, 所以今日低見26038即彈, 保得住26000大關就要向26527進發, 恒指連跌兩日, 但恒指恐慌指數卻是連日急跌, 係利好訊號,

今日恒指競價已是連續兩日高開, 現貨創本周新低, 不過期指並沒有創新低, 係利好訊號, 代表好友已出手, 以每周多數係800~1000點周波幅來看, 後市有望衝上26600.26800來擴大周波幅, 因為到今日為止周波幅只得489點, 只要上証升穿1月高位阻力3059, 有助推高港股, 今日上証收3011, 按照一月表現, 上証企3000樓上, 港股應上試26800/10800

港股呢幾日彈唔起係因為26000樓下肥牛拉住港股後腿, 一係殺左佢地, 一係震走佢地, 又或者引熊下移, 港股才有動力向上, 所以呢幾日恒指就在26300附近游走, 靜待時機重上26500, 今日熊熊飛撲入市, 快高長大, 利反彈

【水星逆行】2020年第一次水逆：2月17日至3月10日, 水逆期間多數係消息紊亂, 金融市場立立亂

港股受制於26800關鍵位, 大成交沖頂冇好下場

5/3 周四恒指收報26767, 大升545點, 重上10天線, 秒殺肥熊即回

沖完頂再試底

==========================

5/3 陸羽仁: 聯儲局減息0.5厘後，美股雖然出現好消息出貨的現象，但加拿大央行跟隨減息，相信未來全球的央行都會放水，美國亦可能在減息，在宏觀寬鬆的預期下，股市較易反彈，不過大市是否能脫險，就要看美國新冠疫情爆發的後向。港股都會跟住玩吓過山車，先反彈一下，但大形勢仍未脫險

5/3 拜登在「超級星期二」的 14個州的民主黨總統初選中至少贏得8個州，媒體雖然估計拜登的對手、佛蒙特州參議員桑德斯將會在加州勝出，但看目前形勢，拜登的勝算還比較大。美國華爾街一直以來都擔心桑德斯會勝出，因為桑德斯一直以來倡導「全民健保」。

4/3 陸羽仁: 海通證券宏觀債券研究員姜超認為，美國減息令中國匯率更穩，寬鬆空間打開。美國降息、美元走弱，有利於人民幣匯率。另一方面，與其他國家相比，中國疫情控制更早、措施更有力，隨著經濟開始逐步復工，基本面有望改善也對匯率有支撐。另外，減息後中美10年國債利差重新走擴至1.6厘以上，也給國內寬鬆打開空間，可通過SLF、MLF、OMO及普惠金融定向降准等釋放資金，甚至直接減息。聯儲局打嚮第一槍，代表寬鬆時代來臨