5/3 股災月~死貓彈完再尋底

2020/03/05 20:58:28 網誌分類: 經濟
05 Mar

 【水星逆行】2020年第一次水逆:2月17日至3月10日, 水逆期間多數係消息紊亂, 金融市場立立亂, 多次股災都是在水逆期發生, 通常水逆結束但災難卻未完

港股受制於26800關鍵位, 大成交沖頂冇好下場

5/3 周四恒指收報26767, 大升545點, 重上10天線, 秒殺肥熊即回

沖完頂再試底來擴大月波幅

今日一如所料作出反彈, 市弱氣氛差該周多數係3跌2升, 甚至係4跌1升, 如今係2升2跌, 尚欠1日跌市, 加上明日恒指季檢調動, 周末沽壓效應, 所以明日衰多, 今日大反彈可能係吻別10天線的後抽, 市弱彈600~800點, 目前已彈767點, 達標, 通常大升後翌日跌市機會大, 由1月下旬起恒指周四五未試過連升2天, 今日升, 所以明日應收跌

過去3日恒指競價都係高開, 好友出手, 港股反覆上升, 今日或已見周頂, 如果明低開, 代表淡友已奪回主導權, 踏入3月份, 國指連續3日跑贏恒指, 推動大市向上, 但今日國指已轉弱, 跑輸恒指, 代表領漲的中資股動力不繼, 回吐壓力大

如果是健康的反彈, 正路今日上到26600附近就應抖一抖, 但呢個水平未食到肥熊, 結果升幅比預期大, 一步到位, 單日上到26805反而不妙, 升過龍, 948張肥熊陣亡, 大鱷夾硬伸多一腳上去殺埋26800熊, 挾淡味濃, 熊死牛命危

以恒指周波幅通常有800~1000點計, 目前周波幅767點已勉強達標, 水逆風高浪急, 短炒好友可能已食胡, 26800係關鍵大位, 阻力非輕, 肺炎在外國擴散加劇, 港股好難一路衝上去, 沖頂回落再試底, 後市反而要小心或會插穿26038來擴大月波幅, 牛熊分佈係牛多熊少利下殺, 26000係好淡角力大位, 26000樓下有肥牛

就算本周守得住26000都冇用, 久守必失, 恒指每周通常有800~1000點周波幅, 偶爾會有近1500點周波幅, 底頂下移的話, 下周就要向25800.25500.25300.25000進發, 跌穿頸線的話, 就要下殺3000點, 29000~26000~23000, 幾時落地獄就要問阿爺, 因為大部份港股成份股都係中資股

全球肺炎急劇擴散拖垮全球經濟, 傳聞有個案市民超過14天才病發, 隱形肺炎患者隔離結束後或會於社區播毒, 情況極不樂觀, 聯儲局突然急於減息反而係利淡訊號, 匯市債市油市大幅波動會拖累股市

~~~~~~~~~~~~~~~~~~~~~~~~~~~~~~~~~~~~~~

金融市場有災味, 當有救市消息就炒上, 有利淡消息就殺跌, 舞高弄低, 大方向趨勢向下, 頂部下移炒波幅, 溫水煮蛙式派貨, 牛牛正不斷上移, 波動市牛熊都要死, 美股頻頻暴跌急彈, 金融市場立立亂, 水逆股災市持好倉過夜係高危動作, 順勢應造淡, 博反彈炒即日鮮超才能減低風險

今日港股爆升全靠大媽, 昨日大媽走QQ, 但今日滬大媽買少少QQ, 而深大媽就大手掃QQ, 未見過深大媽買這麼多QQ, QQ要減比重應利淡, 點解掃QQ? 明日成份股調動會影響市況, 港股表現就要睇大媽手影, 亦要留意地產板塊及上証表現,

中港股市多數係同步見底頂, 上証連升4天亦高處不勝寒, 如上証今日高見3074已見頂, 代表港股亦彈完, 而地產板塊強弱會影響港股升跌幅度, 當地產股大跌, 港股就會急跌

匯市出現利淡訊號, 美元跌勢持續, 人民幣先升後回, 收跌94點子,報6.9425兌一美元, 下午港股升幅比預期大, 可能係大鱷怕夜長夢多, 夾硬推上去拿拿臨殺埋26800熊趙完鬆, 恒指恐慌指數VHSI雖然收跌, 但當午後港股爆升時, VHSI卻急彈, 利淡, 代表港股位高勢危

日圓上升, 近來日圓轉強唔係好現象, 避險情緒升溫, 港股最忌匯市波動, 港股係提款機, 月波幅未達標, 港股下殺危機未除, 本周初人人都以為港股會先插落去25800殺牛才作出反彈, 不過上証急升, 估計大鱷係順勢先挾淡殺26800熊才落山, 近日收市U盤都係走低, 而且成交大, 代表沽壓沉重,

港股低處未算低, 市弱沽壓大就會在低位反覆, 高位一瞬即逝, 所以造淡勝算較高, 博反彈只能快閃, 恒指已連續9日收27000之下, 大市長時間在低位徘徊代表沽壓大買盤弱, 後市不容樂觀,

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

6/3 周五恒指收報26146, 暴跌621點, 失守10天線,

尋底市每周創新低

年初屢次插穿26500即彈, 但今次卻反彈乏力, 想必是時移世易, 投資者認為港股企26000估值不便宜, 仍有下跌空間

26805(3月頂) - 2100~2900點月波幅 = 24700~23900

過去兩年恒指試過5次超級大月波幅, 高達3100~3500點, 睇下今個月股災會否歷史重演, 希望阿爺大媽護盤托市

26805(3月頂) - 3100~3500點月波幅 = 23700~23300

=====================================


2020年3月10日 07:28 努欽指特朗普承諾為了經濟 將使用一切工具

<匯港通訊> 據美國財長努欽表示,他正與美聯儲局主席鮑威爾進行每日會談。他稱,美國總統特朗普承諾為了經濟,將使用一切工具。將會與需要流動性的小型企業進行合作,正與議員對不同的替代措施進行商議。特朗普表示,將要實施的經濟措施將會是「重大的」。周二將就經濟措施召開新聞發佈會。

中民證券–黃偉豪: 以估值來看,目前恒指大約在10.5倍市盈率,相當於過去10年平均值以下水平,亦與金融海嘯10倍以下的距離不遠

最新回應

c6
c6 2020/03/28
@soho*...

  大元帥竟然如此

【我的技術分析係低B班】

   大元帥你都低B班???

   誰都不可以升上高班🥰

👍大元帥你就是財經博士👍

c6
c6 2020/03/28
@soho*...

大元帥晚安

謝謝你的財經分析🙏🙏

C6 今天無出街無事做

睇了一下財經新聞報道

就繼續努力加油打機🎮

疫情好多人都受影響在家

謝謝你照顧大家日日寫評論

 

soho*
soho* 2020/03/29
@小粉絲...

今個月5/3見頂26805,

13/3跌至低位22519(第一隻腳)後反彈,

16/3反彈見高位23631後再度下挫,

19/3跌至低位21139(第二隻腳)後反彈,

27/3反彈見高位23791,

我的技術分析係低B班, 斷估未必正確, 可能只係大跌浪當中的小W形反彈, 有分析師認為19/3低位21139才是第一隻腳, 當大反彈結束就會再做第二隻腳,

以目前形勢來看, 我也認為今次股災冇理由這麼快就造了大底, 20/1創今年高位29175, 19/3創今年低位21139, 兩者相距只係兩個月, 年度高低位太接近, 所以21139未必係今年的大底

慶幸的是, 我早前以W形反彈估算, 猜中了今次彈上23791, 剛好升穿16/3高位23631, 成功減磅執倉

==========================

買上買落恒指ETF受追捧

20/1恒指見頂29175, 由翌日(21/1)起, 買跌的逆向 ETF 南方恒指 #7500 成交突然急增, 春江鴨有眼光賺到開巷, 呢種大成交趨勢一直到目前仍未休止, 投資者博大市見頂回落所以買跌, 亦有投資者買#7500來對沖持倉, 選擇#7500 ETF 不用擔心回收的問題, 所以我認為博股災經濟衰退可趁反彈分注向上買#7500, 好過買熊

28/2恒指首度插穿頸線26000, 低見25989, 唔少人以為守得住26000, 買上博反彈的ETF #7200就係由這天起成交突然急增, 呢種大成交趨勢一直到目前仍未休止, 反映投資者博大市見底但又怕睇錯市遭打靶回收, 亦擔心未見大底, 所以買#7200死坐等大市彈高, 可惜23700樓上買#7200的股民全部坐艇了

睇下牛熊分佈, 就會發現大波市炒牛熊過夜的股民有所顧忌, 股民學精左, 轉炒不會回收, 可以死坐的#7500及#7200, 周伯通就係成功的例子, 激屎大鱷 {#icono0_3}

依家恒指急升或暴跌500~1000點, 大鱷竟然只係殺牛或熊一千幾百隻, 極為反常, 以往呢種升跌幅度大鱷閒閒地殺幾千張, 由於股民將炒牛熊的資金轉投ETF, 所以大鱷無可奈何連瘦牛熊都殺, 亦令以重倉牛熊來做測市指標失效

soho*
soho* 2020/03/28
@試下學下...

星期五炒一周期權的大鱷要食胡, 市況波動好難炒, 不宜入市,

我唔鍾意周五炒作, 因為萬一買錯方向走唔切就要持倉過周末, 而今年周一多數低開, 所以買上過周末係高危

我認為炒得密係大忌, 因為以散戶的能力好難連贏幾舖, 特別是一天內炒幾轉不可能全中, 應見好就收, 俾時間抽離冷靜下來

而家匯市.疫情及救市措施令股市波動性增加, 所以超短炒係半日鮮, 已經唔可以即日鮮, 因為半日已變天

一如我回覆水滴兄所說, 回顧3月中恒指在24000水平, 當時人民幣在6.99附近, 上証在2900, 但周五人仔收報7.0928兌一美元, 上証收2772, 並不配合, 所以博突破23800~24000係高危, 要有天大利好消息才能上企