聯想力 2

有人問點樣黄SIR唔講埋拾吓拾吓（我答因為俾佢專用咗！）當然係講笑啦！原因是 一 至 九 先至係單位數, 拾是一加個零係雙位數ｏ中文字拾代表十全十美ｏ即冇水可吹也ｏ

中國人係以九為最大, 有所謂九五之尊也ｏ事實上在中國河圖洛書中（知唔知係乜呀？）, 就包含了 一 至 九的九個格ｏ每行打橫打直打斜加埋都係十三, 係一個數學上很有名的個案（想識？俾D心機讀多D書啦, 唔止讀, 仲要明解至得！黃SIR就係又明, 又識（亂）解之人嘞！）

剩係玩由 一 至 九, 都有排玩啦！

例如 亞一 同 亞二 同 亞三 成鬼日要係埋一齊嘅, 唔明？一不離二, 二不離三吖馬！仲唔係要係埋一齊呀？

四就多數結倒婚, 亞五就惨嘞, 有個家要分裂開嘞！四分（婚）五裂吖馬！

亞七就要去表演脫衣舞至揾倒食, 亞八成鬼日借大耳窿錢, 一定會俾人折骨也！唔明？七 除 八 折 吖馬！

亞六 用 亞九就一齊約埋去勾男人！﹝九 六 两頭勾 吖馬！﹞

咁又得囉！

好易？

你又照辦煮碗俾我睇吖！

你地得咩？吓？