數字人生

講開數字, 好多人都覺得很頭痛ｏ其實大家加D聯想力, 很多數字的組合是充滿了奇趣的, 君不見政府D車牌, 有D組合賣成百万嫁！

有D儍瓜, 亂鬼咁買, 連1663都話好嘢, 話係一路路生, 黄SIR就掩咀而笑嘞！1663, 一碌落山就真！仲唔大吉利是乎？

例如163 , 162, 168 就好好多嘞！一路生, 一路易, 一路發也ｏ

黄SIR以前去親澳門狗場, 差不多次次都嬴, D人都唔知黄SIR有乜招數, 其實好鬼簡單, 以前跑六隻狗, 我就買one two six （温 吐 食）即係揾倒食咁解！次次多數揾倒食ｏ

其實揾倒食, 都有D理論根據溉, 跑狗係跟籠位排序, 一同二係內欄, 冇遮冇檔, 梗係佔先D啦, 而六號大外檔, 如果隻狗夠快就頂住三四五, 係唔係三四五下風D呀？可能狗會怕咗我, 後來改跑八隻, 打斷了我條財路！而家只係間中得一两場六隻, 黄SIR就冇玩囉！

上周日, 頭五塲馬都有一號, 非WIN即Q, 黃SIR最鍾意買一號, 通常一號隻馬質數係果塲最高（成組馬最高分！）不過要孭重磅（磅最重！）一旦果日重磅馬啱跑果日D塲地, 嬴開就嬴！黃SIR係咪好有腦呢？

黄SIR就係靠D數字, 生活充滿了奇趣了ｏ

好玩啩？