29/4 見頂訊號

2020/04/30 09:21:41 網誌分類: 經濟
30 Apr

港股高位沽壓湧現, 恒指24800得而復失, 假期前後例牌大龍鳳

長假期前夕港股沖高回落呈陰燭, 秒殺肥熊即回

29/4 周三恒指收報24643, 升67點(最多上升280點, 一度下跌26點)

國指收報10040, 升57點(最多上升125點), 國指大幅跑贏恒指

烏雲蓋頂利淡訊號

港股連升3日並創新高, 但技術指標卻出現利淡訊號, 多隻指標股都係高位一瞬即逝, 沽壓沉重, 近日QQ成交持續縮減, 今日高見$419, 不但未能突破前頂$419.6, 收市更倒跌報$417, 為本周首度收跌, 利淡, QQ見頂等如恒指見頂, 港股如欲向上突破必需要QQ再爆上, 但今日已出現見頂訊號, 代表港股要落山, 賴朗普出口術針對中概股, 阿里巴巴連日下跌,

今日恒指收24643, 高見24855, 不進則退, 如下周港股復市恒指未能再上24800, 以周波幅通常有800~1000點來看, 就要再下試23800~24000水平, 再落就係23500.23200, 如失守不秒, 港股升跌關鍵在人民幣表現,

長假期中美股市開市, 禍福難料, 持倉過周末風險大, 本周雖然上升, 但每周升跌未必持續, 可能變盤, 一如日前所說的應市策略, 今日彈上去24855創本月新高, 一度急升280點, 穩陣計應走貨減倉, 因為假期前後例牌大龍鳳, 企錯邊會屎人, 今日多隻指標股例如QQ.長和.新地.平安成交卻縮減, 港股今日升亦不代表繼續爆上, 小心大鱷好淡通殺, 殺完淡友殺好友

香港時間明早美聯儲局公布議息結果, 每逢聯儲局議息後匯市都會大幅波動 , 中國休市冇得參考在岸人民幣,但離岸人仔弱,下周港股沽壓可能會增加, 想全數回補(24657~25140)的大裂口殊不容易, 要人仔強才能成事,

按照兩連升例牌斷纜, 以及每周不會全升或全跌的慣性走勢, 今日港股理應收跌, 但呢兩日卻不斷谷高股價, 港股出現三連升,大鱷似乎怕夜長夢多, 想拿拿臨推高大市食胡鬆人, 我有些懷疑今日收升並非真強, 只係受黑期及基金月結做數影響, 因為今日成交並不配合升勢, 唔似資金市, 按照慣性走勢下周一應收跌, 明日五一勞動節, 日曆寫 [諸事不宜], 下周二轉節氣立夏, 小心大市轉勢向下

昨日收24576, 今日畫圖一定要收24503之上, 即係就算收跌也不能跌多過73點, 但又不能收得太高, 最終收24643, 升67點, 不多不少, 大鱷數口好準, 埋月結24643, 全月升1040點, 港股連升3日呃左唔少好友入局, 樓下牛牛愈養愈肥

~~~~~~~~~~~~~~~~~~~~~~~

全球陸續解封, 港府公務員亦將於周一(4/5)復工, 21~22/5阿爺開兩會, 月中或會有資金炒政策, 不過無論美企抑或中港企業公布業績都唔慌靚仔, 或會出現盈警潮, 業績期必定會令市況大幅波動

早前期油跌至負數, 油市爆煲禍及不少金融機構及投資者, 有分析推算, 如果油價今年一直維持在20美元一桶, 將會有140家美國油企倒閉, 牽一髮動全身, 期油好友全面損手牽連甚廣, 會有骨牌效應, 可能要沽出其他投資工具來填數, 5月金融市場 會否再起風雲呢? 今日港股沖高回落, 唔排除呢幾日大鱷/基金於高位派貨散水

庚子病鼠年是差勁的年份, 每逢庚子年都出事, 未來幾個月香港將不得安寧, 黑暴死心不息, 市面商舖十室九空, 旅遊旺區名店紛紛結業, 失業率急升, 外資撤離香港, 百業蕭條, 香港沉淪, 跌落萬劫不復之地, 以全球疫情以及經濟狀況, 債務危機, 油企倒閉拖累金融機購, 今次港股彈上50天線只係玩吻別

普遍分析指目前只係熊三反彈, 由於港股由3月低位已累積龐大升幅, 小心5月風高浪急, 估計都係好淡通殺的月份,因為利淡因素一大籮,而利好因素於4月已反映了大部分,可能輪到利淡因素發酵

華爾街「新債王」之稱的雙線資本創辦人岡拉克於27日警告,美股可能會再次遭遇拋售, 再下試3月的低位, 即係呈W走勢, 岡拉克認為標普不會上300點, 並表示已趁指數反彈至2863點時出手做空, 並認為標普不會上3000點, 如果美股真係一如新債王所說做W走勢, 港股亦難以獨善其身, 都要跟住落山做第二隻腳, 不過有大媽睇場, 阿爺推出救市政策, 估計港股不會好似3月直插冇水花, 會係跌下彈下, 因為不同3月, 目前全球央行放水, 熱錢充斥市場, 未見誘因落去做第二隻腳

~~~~~~~~~~~~~~~~~~~~~~~

為何長周末前要減倉?

這是風險管理, 30/4內地開市, 港股休市, 下周一(4/5)港股復市, 當天除了要反映內地股市表現外, 亦要反映29/4, 30/4及1/5這3天美股的表現, 以及受匯市波動, 人民幣升跌所影響, 還有五一黑暴重臨, 所以持好倉過周末風險極大, 同樣地, 持淡倉過周末亦有風險, 假如出現利好消息, 又或者中美股市造好, 淡友亦要被挾

恒指打破了4月的慣性走勢出現三連升(通常兩連升就斷纜收跌), 亦要慎防下周一復市補跌, 今日港股不跌反升, 有可能係被黑期結算及基金月結所扭曲, 下周一才見真章

放長假期前少做少錯, 入市收細注碼, 減少重倉過夜, 要慎防市況突然逆轉, 下周二轉節氣立夏會有大變, 禍福難料, 通常大節氣一天前已會有影響, 今年首季恒指試過1次三連升, 1次四連升, 今次暫時係三連升, 根據慣性走勢, 下周一或二會收跌,

今個月港股收陽收升, 好友大勝, 日前曾與網友討論今日要收哪個水平幅圖才靚仔, 收24380或24503之上, 大家得出的結論係收24503(上周一頂部)之上較佳, 今日收24643, 叻叻, 不過今日港股收升好大原因係受月結畫圖影響, 港股三連升大舉屠熊, 亦吸引牛牛大幅上移, 24130樓下每百點都有牛牛

上証表現欠佳, 但昨晚道指創即月新高, 由於中港美三地股市通常係同步見頂, 所以港股就跟隨道指創新高, 上証在近日波動區間底部2800附近游走, 向上空間大, 所以走本地股份換入A股並收細注碼

大市升抵12/3下跌裂口區域(24657~25140)淡友擋路, 今個月多次突破24500大位都未能收於其上, 反映阻力非輕, 一如早前所分析, 暫定今個月反彈目標在24800~25000, 而24657~25140要有強烈利好消息才能突破, 今日高見24855回補少許裂口就打回頭, 做好就梗係先行食胡, 不應冒風險博未必有的最後一浸升幅, 日前已說小心明明升得好地地都會突然大插, 持倉過夜要小心

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股低開低收呈陰燭, 失守10.20.50天線, 大舉屠牛

4/5 周一恒指收報23613, 暴跌1029點(最多下跌1059點)

國指收報9599, 暴跌441點(最多下跌460點), 國指大幅跑輸恒指

賴朗普一句打算加徵中國新關稅, 全球股市應聲倒下, 港股大成交下挫, 投資者爭相走鬼, 不問價沽貨, 大鱷真係奸險, 大裂口低開748點, 開市後續瀉, 一跌到尾, 好友不得不投降止蝕, 今日港股暴跌構成「島形頂」強烈利淡訊號,進一步確認上周三升穿50天線係假突破, 只係為了結算夾硬推高大市, 肥青等技術派所說的25000~25500已成泡影, 希望消化沽壓後, 5月尾再闖關啦!

收跌周多數在星期一二見周頂(可能會受內地休市而影響慣性走勢, 要看會否周三彈上去才創周頂), 周三四五見周底亦未必跟, 明日關鍵在能否升穿今日高位23897來擴大周波幅, 因為今日港股一棍插得太過份, 跌勢過急, 淡友似乎想趁內地休市, 冇A股制肘, 港股亦冇大媽護盤, 乘機偷雞殺跌, 大鱷就順勢大舉屠牛, 上証長假期前急升, 突破關鍵位2850, 收2860, 淡友亦會有顧忌, 可能呢兩日食快餐趙完鬆

如明日反彈, 就要用今明兩天(或周三)的最高位來減一般周波幅(通常有800~1000點), 就可估算本周底部, 明日關鍵在QQ能否守住$400, 建行能否守住$6, 淡友會否在內地後日(周三)復市前, 明日拿拿臨食胡回補空倉, 今日港股看似極淡, 但就算市弱每周都會有1~2天收升, 由上周高位24855跌至今日低位23585, 跌幅1271點, 已夠水位俾短炒大鱷轉身, 因為通常嘔1000~1200點就會反彈, 24000大位亦不會一去冇回頭, 會有吻別, 反彈阻力24000/24176, 要收於其上大市才回穩

收跌周不會在周一開市造底, 亦不會在星期一見底(但可能受內地休市影響, 已一步到位創本周低位, 本周會否破底就要看未來幾日彈上去能否做夠周波幅), 一如早前預測5月市況, 將會是風高浪急, 大上大落, 期指呈低水部份是受了成份股除息影響, 見期指低水現貨亦未必低開, 港股本周會否創新低要看美元會否上破100, 人民幣能否守住7.1, QQ能否守住$400, 最關鍵係睇周三內地復市表現, 如上証企定定冇插就利好港股, 當然亦要睇互聯互通老外及大媽的手影,

股神畢菲特投資旗艦巴郡公佈首財季業績,由盈轉虧,期內虧損497.46億美元(約3880.2億港元)遜預期,去年同期賺216.61億美元, 連股神都虧蝕, 怪不得其他基金經理及大鱷都輸到嘔

大鱷操控港股的手法係好淡通殺, 好友淡友都不能獲利, 盈利未袋穩就會嘔突, 連環大插插殺好友(3月中股災), 然後止跌回升, 拗腰接連爆升殺淡友, 淡友於股災大賺的盈利嘔番晒出來, 當3月尾展開一個月的反彈浪, 好友滿心歡喜大賺, 但4月中就失驚無神掉頭大插殺好友, 好友由賺變蝕, 今日果然歷史重演, 今日港股大插, 熊熊下移, 大鱷食飽牛牛隨時可彈上去屠熊

港股低開低收呈陰燭, 失守10.20.50天線, 大舉屠牛

4/5 周一恒指收報23613, 暴跌1029點(最多下跌1059點)

國指收報9599, 暴跌441點(最多下跌460點), 國指大幅跑輸恒指

賴朗普一句打算加徵中國新關稅, 全球股市應聲倒下, 港股大成交下挫, 投資者爭相走鬼, 不問價沽貨, 大鱷真係奸險, 大裂口低開748點, 開市後續瀉, 一跌到尾, 好友不得不投降止蝕, 今日港股暴跌構成「島形頂」強烈利淡訊號,進一步確認上周三升穿50天線係假突破, 只係為了結算夾硬推高大市, 肥青等技術派所說的25000~25500已成泡影, 希望消化沽壓後可以再闖關啦!

最新回應

裙甩褲甩
裙甩褲甩 2020/06/02
@中國加油...

中兄,你的#7500數據資產淨值及基金收市價有相當參考價值喎,我直覺認為喺金融市場無咁大隻蛤乸隨街跳,大鱷邊有咁好死質錢入散戶袋呀。

咁筍價,一係淡友今日被夾到心慌慌監平監賤平倉,一係明天仲會繼續夾死淡友(筍價係請君入甕)。

明天開估。

中國加油
中國加油 2020/06/02

今天#7500,收市7.545,淨值7.662,差不多有2%的折價?咁大只蛤姆隨街跳?驚過籠?搞唔明!

  日期 最新 變動 變動 (%)
每基金單位資產淨值 - 港元 2020年06月01日 7.6627 -0.4687 -5.76
港元買賣基金單位收市價 2020年06月01日 7.54 -0.63 -7.71
美味雞煲
美味雞煲 2020/06/02
@裙甩褲甩...

牛熊 2:8 買上 23900 好多肥熊丫!

TC 支持&阻力位又返尼啦 😅

支持 = S, 阻力 = R

S 21978, 23284, 22591

R 23203, 23510, 23816

c6
c6 2020/06/01

裙甩褲甩高高手

感謝 感謝再感謝

你的🐂🐻表肥美

大🐊🐊唔食浪費

咁明天或後天食呢

唔諗😴😴先明天見