台灣簽證 香港 網上 – 台灣簽證記住搞 去台灣玩仲有咩要注意？

台灣一向係香港人去旅行嘅熱門地點之一，無論係春夏秋冬，一年四季，放長假定黎個快閃，都會有朋友揀去台灣玩。一黎台灣語言又通，地理位置又近，飲食口味同香港人都相似，而且消費仲唔貴tim！所以真係成日都聽到有人話要去台灣架～而家就等Tutor Circle尋補話比大家知去台灣玩有咩要注意，中意去台灣玩嘅你一定唔可以錯過喇！

1. 台灣簽證

香港人去台灣玩係需要簽證架，如果時間充足而屋企又有printer的話，搞網上簽證就最好喇。如果你係係香港出世嘅話，你就可以去搞網上簽證喇，費用全免，而且仲要係即時批核嘅tim，半夜先醒起要搞都唔怕啊！但如果你並唔係係香港出生嘅話又係第一次入台灣境嘅話就麻煩少少喇，需要親身去到金鐘嘅臺北經濟文化辦事處進行書面申請，記得要預返少少時間。另外，香港出世或者曾經去過台灣嘅朋友仔都可以搞「落地簽證」，即係係台灣嘅機場先即時搞簽證，不過就要收費台幣300蚊～

2. 台幣兌換

去旅行梗係洗錢架啦！所以唱錢換番當地貨幣係唔少得嘅環節，根據以往經驗，一般都係事先係香港嘅ATM開通左香港境外提款嘅功能先，去到當地再搵可以提供國際銀行服務嘅ATM撳錢就最抵喇，不過就記住要事前預計好大約會洗幾多，因為手續錢係逐次計嘅，所以係旅程嘅開頭一次過撳晒需要嘅錢就最著數啦～

3. 上網問題

智能電話普及左之後，相信都冇乜人會再成日打電話，取而代之嘅都係WhatsApp較多，所以電訊計劃亦都由以前鬥sell多通話分鐘，變左係數據供量嘅鬥爭。去到當地機場再出卡都有好多選擇，各家電訊商提供嘅plan都大同小異，而家主打都係無限上網，價錢亦都差唔多，諗住出電話卡嘅朋友仔到時可以睇下邊間條隊冇喧長就買邊間。

4. 天氣問題

台灣嘅天氣同香港都大致差唔多，夏天都係咁熱，冬天都係唔太凍，而且雨季嘅月份都差唔多時間，五至六月係梅雨季，七至九月就會間唔中打下風，所以執行李嘅時候帶返平時係香港著緊嘅衫就ok喇！

計劃緊去台灣旅行嘅朋友仔，記得check清楚，執好晒野搞掂晒啲野先出發喇～祝大家度過愉快嘅時光

完整版本：台灣落地簽證

1分鐘為你配對過萬好評上門補習平台