全部炒得

2020/05/22 04:12:58 網誌分類: 生活

22 May

        　　有位民選議員，口諸筆伐立法會秘書長陳維安同法律顧問馮秀娟嘅行事方式，指不政治中立，又無按照議事規則辦事，偏袒保皇黨。聲言一旦九月選舉，泛民得過半議席，回到立法會第一件事，就係將兩人「炒魷」。同時批評保安組只聽從主席裁決，到時一併解散保安組，或由泛民議員親自動手，把違規被逐建制議員抬出會議廳。其實上述人等只係服務制度，維護議會尊嚴，至於能否不理制度，炒掉陳、馮二人；又或親自動手抬人，會否如講般容易。相信連講呢番話嘅人亦冇認真諗過。重要係表態「呃到like」。

        　　其實建制議員真係唔抵爭。此君出言，雖然未必嚇怕陳、馮二人，但對秘書處、法律顧問及保安組等工作人員，會否造成「寒蟬效應」呢？泛民經常批評別人製造「寒蟬效應」同「秋後算帳」係可恥，原來聲稱支持民主嘅代議士，亦做相同行為同主張，大家為何視若無睹？

        楊振耀