獨自怎生得黑？

有D人終日無無聊聊, 獨自怎生得黑？（李清照詞, 即一個人怎才可以等到天黑睇無線劇集呢？）

但有D人日日一起身, 練呢樣, 練果樣, 又去呢度玩, 又去果度玩, 又諗呢又諗路, 又寫BLOG, 又唱歌, 又跳舞, 根本上忙到死, 呢個就係黄SIR的生活照了ｏ有人以為我會關心政治, 其實我都係無無聊聊媽义吓D政客, 過吓日辰而已, 根本唔會上心ｏ

有時見有線電視的賽馬評論員（方俊輝, 章名）ｏ每次做賽馬結果節目, 都好勞氣, 話D騎師唔識走位, 冇腦, 亂跑一通ｏ（咁所以佢地就估錯晒, 輸佐錢！）黄SIR就睇得十分開心, 因為見倒两個蠢材, 居然會以為賭馬係運動, 好鬼公正公平ｏ 唉！十賭就十騙！馬仔局即係老千局, 又點可以咁認真呢？（可能佢两位都知, 不過做吓SHOW, 大家開心吓之馬, 同黃SIR一樣ｏ）

做人𣎴談馬仔局, 不談政局, 只談唱局和舞局, 一樣會無聊也ｏ所以黄SIR的人生觀就是, 不作無益之事, 又怎遣有生之涯呢？所以咪成日做埋D無聊嘢囉ｏ

有人以為黃SIR會特登講D嘢去針人, 特登寫D嘢去吹漲人, 呢D事係就係周不時發生, 但都係吹水嘢, 有乜踩親碰親踢親, 只係閣下唔好彩, 想叫黄SIR特登就住你, 好難矣！

我做人日日都係度胡吹一通啦, 你地嬲得幾多吖？ 吓？

大家都係無無聊聊過吓日辰好啦, 千析咪鬼認真為要也！