有口難言

鈴鈴….. 鈴鈴…..喂…..先生, 呢個唔係SELL嘢嘅電話……丁！收線ｏ （即係三唔識七啦！冇計傾！）

鈴鈴….. 鈴鈴…..喂…..先生, 我係乜原地產的陳小姐……. 丁！收線ｏ（地產？又冇樓買, 又冇樓賣, 嘥時間！）

鈴鈴….. 鈴鈴…..喂…..先生, 我係乜乜咭….為咗酬謝閣下…..有個保障到八十五歲……丁！收線ｏ（即係賣保險啦！嘥時間！）

鈴鈴….. 鈴鈴…..喂…..先生, 我係有線電視……. 丁！收線ｏ（再嘈CUT埋你添,服務差到死！）

鈴鈴….. 鈴鈴…..喂…..先生, 我係…….. 丁！收線ｏ

周不時收倒呢D無厘頭電話, 真係嘥時間！嘥精神, 一於斬腳指避沙蟲, 一

聽見就收線, 你話黄SIR冇禮貌都係咁話嘞！

最近收倒有線電視月結單, 發覺銀碼大咗, 再查埋上一個月, 都係！即打電話去佢地條熱線, 又係按一按二, 辛苦一輪, 終於揾倒個似人声的東西, 質問佢何以收多咗錢, 條友冇我咁好氣咁話（因為我就好勞氣！）先生, 我地D職員揾過閣下好多次啦！（吓？就係俾我丁線D友仔！）想俾番個優惠你！你而家要唔要吖？（吓？乜唔要呀！）嗱！俾多個两個月就冇得退嘞ｏ再簽十八個月優惠價送部DVD機！制唔制！

唉！可以唔制咩？

而家D友咁做生意嘅！

冇計啦！