【中文說話】4大技巧令你係小組討論站於不敗之地？

中文卷四嘅小組討論除左內容同埋論述能力之外，其實都有各種基本說話要注意嘅技巧同細節，只要好好把握每個微小嘅位，刻意練習，就可以助你係中文說話考試中立於不敗之地啦！Tutor Circle尋補今日就同大家講下中文小組討論既貼士，希望幫助到各位應付DSE同校內試！

1.攞足印象分

印象分對口試都非常重要，老師都係人，人都主觀既。

中文小組討論考試嘅分數「一錘定音」，考官個一下點諗你就會點俾分。而當佢地聽過十幾廿萬組之後，佢地真係無心機再逐粒字聽你講得岩唔岩，你嘅儀容、態度、坐姿、笑容，呢啲細微到你考試一緊張就未必再留意嘅野，就好影響考官俾你嘅印象分，所以同學唔好以為呢啲細微野人地唔睇，但其實都好重要，同學要加倍留意。

簡單而言就係，佢對你好感多啲，只要你講野符合邏輯無大錯，俾分都自然鬆手啲，所以最好由你踏入考試室個一刻，都保持微笑（唔好咁假呀下），對考官點一點頭，展示你嘅鬆容同自信！坐低嘅時候，唔好翹腳，唔好腿張開，正常合埋對脾就好了。

坐直啲個人，考試途中千奇唔好轉筆，講野都唔好攞住枝筆係到指，咁樣俾人地感覺會好無禮貌，記得要抄野先拎起支筆，自己講野個時唔好死望住自己張紙，都唔好拎實張紙，要望多啲組員同考官，咁就可以保持眼神交流之外，都自己做多啲手勢幫助表達你嘅言論同投入！咁樣考官就會覺得你好投入係口試嘅過程當中啦！

聽人講野個時雙手握住放係枱面，唔好放大脾，唔好俾個考官以為你好驚驚捉實自己條褲，另外可以稍微側身，配合埋輕輕點頭，示意你真係有聽人講野！至於露肉、頭髮遮住塊面個啲，咁你都唔記得就抵打啦！記住要好好留意啦!

2.十分鐘點準備好？

當然首先要介定到你係咩題型先。共識題？立場題？咁先可以介定到你地嘅討論係要往咩方向發展（最尾係咪要有共識），然後就要介定翻題目嘅重要字眼，例如係「最」「比較」呢啲，自己注意到之外都可以捉下人地有無錯，既然話得係討論，咁就最好有唔同意見先多野講啦，但你又唔可以排除有啲豬隊友唔識轉彎，幾個人都講埋同一個立場。

總結

中文討論要考得高分，除左要你本身有推論能力之外，同埋要注意考試既細節：

• 整潔儀容
• 認真、積極、友善態度
• 善用10分鐘準備時間
• 有條理既發言結構
• 引用正確

當你係每個細節都比其他人做多一步，諗得多少少，慢慢就會累積成為你係試場上既優勢，希望大家睇完呢篇文都會學到少少小組討論既技巧，期待係Tutor Circle尋補Blog再同你見面！

如果大家有補習的需要，不妨考慮搵Tutor Circle尋補幫幫手，經驗豐富，信譽良好，免費服務配對，為學生提供最優質的私人補習導師。

完整版本：中文 說話

1分鐘為你配對過萬好評上門補習平台