6 月尾部署結算位+水星逆行波動期

2020/06/19 19:34:40 網誌分類: 經濟
19 Jun

2020年第二次水星逆行日期:6月18日至7月12日 金融市場大幅波動的時期

過去幾個月恒指收市位

12月收28189
1月收26312(跌月)
2月收26130(跌月)
3月收23603(跌月)
4月收24643(升月)
5月收22961(跌月)

6月收???(根據歷史統計, 5月插水6月收升)

過去幾星期恒指每周收市位

08/5 24230 跌
15/5 23797 跌
22/5 22930 跌
29/5 22961 升
05/6 24770 升
12/6 24301 跌
19/6 24643 升

26/6 收升/收跌? 正路結算前夕應咬住24643樓上收, 如收跌代表好友縮手, 29/6結算

回顧6月份恒指多次上破25000的走勢, 假突破企唔穩反艇

08/6 24678(低) ~ 25018(高)   收 24776 爆上25000掉頭向下
09/6 24837(低) ~ 25253(高)   收 25057
10/6 24968(低) ~ 25303(高)   收 25049 見頂回落
11/6 24480(低) ~ 25059(高)   收 24480

=========================

港股五窮六不絕, 按照劇本, 6月初沖高回落.月中消化沽壓.回調整固.6月下旬再上, 向上阻力24500.24800~25000(阻力大位), 25303/10224(6月上旬高位), 9/3 下跌裂口阻力(25321~26084), 按照慣性走勢, 如該月收升, 就會在下旬創即月高位, 如未能破頂亦會挑戰前頂,當打回頭就會再尋底

~ 中港美三地股市通常係同步見底頂, 當中美股市見底, 港股亦會跟隨見底, 道指於15/6低見24843後觸底回升, 港股及上証亦同樣在15/6見底23685/9612/2890, 三地股市自此展開反彈浪, 同樣地, 當中美股市見頂, 港股亦會跟隨見頂回落

~ 全球央行放水, 老美推出多項救股市及經濟措施, 水浸市場, 6月港股的升浪如果係由熱錢推動, 當大市於急升後作出大調整, 低位就會有買盤承接, 再炒番上去, 似係大型上落市, 升市不要太樂觀, 跌市亦不要太悲觀, 應市策略係跟住炒波幅, 大升減磅, 大跌執平貨, 博月尾會再挑戰24800~25000

~ 人大常委於6月28~30日加開會議討論「港區國安法」, 假如七一落實法例, 由賤美牽頭的國家(五眼聯盟+歐盟)必定會諸多刁難, 對中港作出制裁, 金融市場必定會出現震盪, 6月港股大幅反彈後, 6月尾及7月獲利沽壓亦會增加, 有蟹貨或短炒博反彈就要好好掌握6月尾的反彈市

~ 恒指由高位25303跌至15/6低位23685, 累計回吐1619點, 已超標完成回吐幅度, 通常插1000~1200點就會反彈, 試完底就會再沖頂, 目前港股正處於尋頂階段, 當沖頂打回頭又會再試底

~ 6月份開局以來升市日數明顯多過跌市, 反映好友佔上風, 應市策略係逢插買上, 等6月下旬踢高就食胡, 因水星逆行期間市況會大幅波動, 不走單邊市, 見升市亦不應過份樂觀, 加上有25/6(端午)及1/7(回歸)兩個公眾假期, 而假期前後例牌大龍鳳, 無論造好抑或造淡, 入市要萬分小心

~ 中港股市今次反彈何時見頂就要看美股/美元/人民幣, 中港股市不能獨自去偷歡, 當恒指由低位23685反彈1000~1200點, 上到24700~24900就要小心, 因為已足夠水位俾大鱷轉身, 要慎防於24800關鍵大位打回頭,

~ 大市觸底回升, 轉勢向上, 通常係突然大裂口急升扯住上, 挾屎淡友, 同樣地, 當大市見頂回落, 轉勢向下, 亦會係突然大裂口急挫碌落山, 挾屎好友, 所以持倉過夜係高危, 企錯邊屎得, 當升浪維持一段時間, 好友賺到笑, 大市就會突然轉勢向下, 要好友嘔突盈利, 同樣地, 當跌勢維持一段時間, 淡友賺到笑, 大市就會突然轉勢向上, 要淡友嘔突盈利, 大鱷係唔會俾股民賺錢落袋, 少做少錯, 大賺後就要離場

~ 假設好友會撐埋結算, 6月份恒指期貨大戶加權平均開倉水平22964, 國指期貨大戶加權平均開倉水平9459, 如有回吐, 上証向下支持2900/2850, 恒指向下支持24500/24000/23800.... 向上方面, 上証向上阻力2950/3000, 恒指向上阻力24500/24800~25000, 國指阻力10000~10200, 當RSI上到55~65就要慎防大市掉頭回落

~~~~~~~~~~~~~~~~~~~~~~~~~~~~~~~~~~~

~ 港股於6月份急跌急彈, 仍咬住24000~24500主區間游走, 似係用拖字訣來消化沽壓, 亦俾時間牛熊入局(月中牛熊通殺), 等好消息就會借勢踢高大市屠熊挾淡, 就算有壞消息推低大市, 落山屠牛後, 低位亦會有大媽護盤, 急挫後往往能收復失地, 不過結算後就要小心, 因為仍未知7月好友淡友誰主浮沉

~ 回顧11/5恒指高見24766後, 受港版國安法消息拖累, 碌左落22519, 不過踏入6月就反覆急升, 彈到上25303見頂回落, 中國外交部及特首先後表示港股收復失地, 正正反映國安法無損香港投資環境及信心, 好明顯係大媽及中資托市的功勞, 不過斷估阿爺不會一直托下去

~ 按照大鱷的習性, 大市於尋頂受阻而回, 通常會插落去食1~2口貼價牛, 震牛引熊, 然後才重拾升軌, 繼續尋頂之旅, 如吃多過3口牛, 就可能係反彈浪結束, 轉為尋底市

~ 今個月基金半年結, 所以基金經理有誘因踢高股價出貨埋年結, 估計基金股表現較佳, 不會雞犬皆升, 水星逆行18/6~12/7, 期間必定會消息紊亂, 金融市場會大幅波動, 以前水逆多數見股市暴跌, 但近年已改變, 有急升亦有急跌, 散戶要好好掌握

~ 今次水逆撞正國安法亦是天意, 所以國安法必定會在水逆期間宣佈正式落實, 估計最快有可能在七一生效, 就算港股有震盪, 斷估阿爺會護盤, 15/6中港股市大插, 已見大媽出手掃貨, 有阿爺撐腰, 所以6月份好友佔優勢, 只係要擔心美元及人民幣匯價的變化, 會影響熱錢去向, 如熱錢撤退, 連大媽都頂唔住

~ 為何5月尾網誌寫港股五窮六不絕? 因為根據統計, 5月恒指大跌超過3%的話, 6月就會係收升居多, 所以6月會收22961之上, 只要上証守得住2900/2850, 港股急跌亦會急彈, 不過18/6~12/7水星逆行, 橫跨六七月, 股民入市要萬分小心, 由於國安法有可能在七一生效, 估計好友會在七一前盡量推高大市獲利鬆人, 因為擔心7月份西方國家會制裁中國及香港

~ 炒即市可睇三大快速測市指標(上証/人民幣/互聯互通~老外及大媽手影), 以及睇QQ和地產板塊, 就能估算當天大市走勢, 地產板塊強弱反映港股升跌動力

~ 炒一周期權的大鱷(好友淡友)多數會在周四五食胡, 所以周四五就係呢D短炒大鱷出手的日子, 按照慣性走勢, 無論該周收升或跌, 多數會在周三四五創該周高或低位, 以周線來看, 恒指通常升1~2周就回落, 過去5個月未見過連升3周

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

19/6周五恒指收24643, 升178點線

下周港股將會進入月尾6天市況,如市強,升市日數會多過跌市日數,不會3升3跌, 如跌市日數多過升市, 就代表好友縮手, 未來兩周有兩個公眾假期, 假期前後例牌大龍鳳, 應市策略係上破24500就一路升一路沽貨減磅, 因為24800~25000阻力非輕, 升穿都難以企穩,

目前恒指已收復10.20.50及60天線, 而國指亦已收復10.20.50.60及100天線, 呈利好形態, 港股近日在24500/9800穿梭, 一般來說, 當大市橫行一段時間, 消化沽壓後多數係向上突破, 而見頂後就會急跌, 殺完淡友殺好友

按照慣性走勢, 港股6月收升機會極大, 國安法出台, 基金埋半年結, 都有維穩托市誘因, 自從3/6收復24000以來, 只係試過一次收市跌穿24000, 翌日即收復失地, 反映好友咬住24000唔放, 今日更進一步收復24500及50天線, 部署高位結算, 不過結算後就要小心托市誘因消失

15/6道指低見24843止跌回升, 惟16/6高見26611見頂回落, 連日下跌,

15/6恒指低見23685止跌回升, 16/6跟隨道指創高位24534後打回頭, 19/6再伸一腳上去高見24776後回落,

15/6國指低見9612止跌回升, 16/6跟隨道指創高位9943後打回頭, 19/6再伸一腳上去19/6高見10034後回落,

15/6上証低見2890止跌回升, 惟19/6高見2973受阻而回,

16/6港股跟隨美股創6月下旬高位24534/9943後掉頭回落, 但19/6受富時調動/納入A股的技術性買盤帶動, 上証創逾4個月多新高2973, 推動港股跟隨創6月下旬新高, 今日流入A股的資金大得不尋常, 比以往富時調動成交還要多, 要看看下周上証能否再創新高, 就知港股能否再衝24800/10000水平

上証創4個多月以來高位係有跡可尋, 有數據顯示雖然踏入2020年武漢爆發新冠疫情, 但外資卻持續大舉流入中國股市及債市, 與特朗普的撤離中國的國策背道而馳, 有分析指是外資看好內地經濟增長, 只要內地股市續創新高, 就可推動港股向上, 按照慣性走勢, 6月份港股每次回吐後都能收復失地並升突, 可能係好友推高派貨

下周一(22/6)工行及中石油除息, 技術上會拖低指數約75點, 周二起(23~26/6)港股通(滬深)因端午假期關閉, 大媽收工, 大鱷玩晒

================================

重上魔咒位24500/50天線

24500及50天線都係魔咒位, 每次升穿都站不穩, 月尾想突破25000樓上就要中美股市都破頂而上, 才能推動港股爆上, 雖然有大媽護盤, 但日圓及美元雙雙走強, 會對股市構成壓力, 跟住匯市走勢來炒港股上落, 高位減磅, 不過趁回吐就要買上, 因為國安法出台, 阿爺會托市, 加上全球央行放水, 熱錢充斥市場, 企業回購/ipo/配股/基金半年結, 都有利股市走高, 波羅的海乾散货指數(BDI)踏入6月就日日升, 亦係炒經濟復蘇

根據中港美三地股市同步見底頂的慣性走勢, 下周能否升穿今日高位24776就要看QQ能否升穿今日高位265.6, 以及上証及美股能否破頂而上

港股目前正處於水星逆行高危時期, 撞正日蝕, 新冠疫情惡化, 亦有端午及七一回歸兩個假期(假期前後例牌大龍鳳), 更有國安法以及西方國家制裁措施, 阿爺向內銀開刀逼讓利, 睇過去一周港股表現, 個別股份表現亮麗, 似係基金踢高埋年結及挾淡, 以及好友踢上去高位食胡

一如網誌所說, 5月份多次上破24500及50天線都企唔穩, 反映呢個水平阻力非輕, 財演多數看升穿關鍵位要收市站穩3天, 但我就要睇5天才收貨, 否則只係假突破

回顧恒指上次亦只係在5~10/6收於24500樓上4天(果然企唔到5天), 跟住就插水, 代表6月上旬升穿24500只係假突破, 試水溫

近來觀察美元/人民幣/港股的關連性, 當美元走強上企97挑戰98水平, 恒指就難以站穩24500, 要向24000進發, 當美元走弱下試/失守97, 恒指就會踢上去

當美國十年期債息向上走, 股市好, 當美國十年期債息下行, 股市危

當美國十年期債息處於 0.6x 水平, 股市危

(債息於9/6起反覆下跌, 30/6債息由0.627止跌回升, 代表市場風險胃納上升, 資金由債市轉入股市, 中港美股亦同步觸底反彈, 重拾升軌)

當美國十年期債息處於 0.8x 水平, 股市好

(8/6債息由0.9水平掉頭回落, 代表市場恐慌情緒升溫, 當天美股見頂, 9~10/6中港股市見頂)

牛熊分佈對港股的影響力遠遠不及美元及人民幣的威力, 晚上美國的消息會左右美元走勢, 從而影響翌日港股表現, 所以炒即市快閃(有時半日已變天)較安全, 過夜係高危, 升跌難料, 翌日未必能延續當天的走勢

=================================

2020/06/19 陸Sir 叫避開內銀股:

阿爺最近出新招,向賺到盤滿砵滿的銀行業開刀,實行「財富再分配」,中國國務院常務會議日前提出要求,要金融業全年向各類企業合理讓利1.5萬億元人民幣,做法包括引導利率下行、發放優惠利率貸款、實施貸款延期還本付息、減少銀行收費等等。

銀行的利潤,按今年第一季計,全年會有2.4萬億元,從中要扣起1.5萬億元,對銀行業利潤當然影響很大,買內銀股,就要小心啦,我建議要避開內銀股。另一方面,此政策對大市整體卻有助力,假設1.5萬億元讓利大多數反映進A股市場,就以市盈率(P/E)10倍計,即時變成可增加15萬億元市值

{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}

港股急跌急彈呈陽燭, 大舉屠牛熊, 好淡通殺

23/6 周二恒指收報24907, 升396點~收市U盤最高位, 一度下跌326點

國指收報9993, 升114點~收市U盤最高位, 一度下跌142點, 國指大幅跑輸恒指

俾老美官員及特朗普唱雙簧講及中美貿易所影響, 今日港股先急插屠牛, 後急彈屠熊, 好淡通殺, 雖然最終大幅高收, 但亦不應對後市太樂觀,因為經此一插, 相信好友對後市會有戒心, 投資者亦會擔心後市仍有震盪, 估計明日會爭相沽貨, 假期前後例牌大龍鳳, 港股通(滬深)由今日起休市3天, 周五(26/6)內地休市, 港股冇大媽護盤, 要靠好友大鱷撐埋結算

按照慣性走勢, 今日收24800關鍵位樓上, 代表好友準備伸多一腳上去屠熊, 以及擴大周波幅, 根據上次衝上25000的走勢, 爆上去會站不穩碌番落去

明日打開逃生門就要好好掌握, 水星逆行股市不會單邊向上, 目前 RSI 已去到55~65的高危範圍, 代表大市隨時見頂回落, 我會繼續走貨減磅, 因為假期前後例牌大龍鳳, 未來幾個交易日必定會大幅波動,

6月份恒指期貨大戶加權平均開倉水平在22964, 其實上破24500好友已大賺, 冇必要飛出外太空, 近日指標股QQ及友邦升到嘭嘭聲, 但雙雙去到關鍵阻力大位$500及$75, 代表港股已升到水尾,按照慣性走勢, 當QQ見頂, 港股亦見頂

牛熊分佈方面, 25000肥熊要買定官才, 但25050~25300只得瘦熊, 前頂25303阻力大, 美股走高但避險的黃金受追捧, 唔係好現象, 港股大升但升跌股份相若, 升勢並不全面, 靠QQ來掩護派貨,

美元見底,作勢向上,日圓走強, 華南地區、長江、廣東、廣西、湖南及重慶等26個省市汛情帶來的洪澇災害, 拖累內地經濟, 美國印度南韓等多個國家疫情惡化, 都是大市的隱憂, 不過好友點都會撐埋6月, 月尾走好倉及正股, 候低再買上

6月股市升得多, 小心高處不勝寒, 迷你標普指數期貨空倉高達30萬張, 為2011年以來最多, 這麼多沽空就要小心, 要留意標普能否守住3000關鍵大位, 19/6美股四巫結算完成, 好友或會食胡, 希望撐埋基金半年結, 不過7月美股會更加風高浪急, 美國夾硬重啟經濟令新冠逆情進一步惡化, 美股雖然大升, 但急升亦會急跌, 要有兩手準備, 要慎防利淡消息會刺激美元反彈, 人仔/股市就會受壓

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

結算前夕港股低開低收呈陰燭, 繼續尋底

26/6 周五恒指收報24550, 跌231點(最多下跌244點)

國指收報9853, 跌83點(最多下跌86點), 國指跑贏恒指

影響港股主要睇資金流, 美國10年期債息顯示資金撤離股市, 通常美元升, 人仔及股市就會跌,

過去一周中港股市基金走資202億元,環球股票基金亦出現走資,果然係踢高出貨埋半年結,根本唔使拖到6月最後一天

日前美元走弱時,我已預告當出現突發利淡消息,刺激美元急彈,股市就會反艇,造好要止賺,慎防大市調頭向下

今個月好友一直咬住24000-24500主區間,大鱷托住指數來派貨,要假設6月尾有心人會護盤,撐埋結算:

~ 期指結算、季結、月結、半年結

~ 國安法托市盤

最新回應

soho*
soho* 2020/08/08

美國年輕人本來就討厭侵侵,覺得他的荒誕行為已令美國成為國際笑話,只得中老美國佬或白痴(例如信侵侵去飲及注射清潔劑的蠢豬)才會撐侵侵

年輕人非常喜歡上Tik Tok,但後生仔愛搞鬼,早前他們在Tik Tok 建議預約侵侵競選造勢集會門票,並放飛機不出席,搞到造勢大會 空蕩蕩 超樣衰

侵侵遷怒於Tik Tok,所以用國家安全為理由夾硬封殺, 如此一來就惹怒了年輕人,因為 Tik Tok主要用戶是學生,估計他將會失去這些年輕人及其家人的選票 

年輕人說手機上所有apps都能獲取 個人 信息,早已沒有私隱可言,唔認同侵侵說中國apps有問題, 所以對侵侵封殺Tik Tok非常反感

soho*
soho* 2020/08/08

元帥已通過一條叫做《要網友貢獻法案》, 由今日起, 大家來訪後入市買賣, 要將盈利三成上繳至元帥於獅子銀行戶口 123~456789~888 {#icono0_17}

如拒絕繳費, 一律封殺, 不得在此留言

~~~~~~~~~~~~~~~~~~~~~~~~~

陸羽仁: 陀地收黑錢

有多名美國參議員見認為一些公司在疫情期間賺錢太多,要回籠一些給政府,昨日在國會動議一條「Make Billionaires Pay Act」(可以叫做《要億萬富豪找數法案》),建議在2020年3月18日至1月2021年期間賺到億元以上的,要繳交60%的一次性稅款給政府,用以補償政府醫療方面的支出。(係唔係好似黑幫陀地要坐地分肥呢?)

有傳媒披露,自3月18日以來,共有467個億萬富豪共賺得7310億美元,如果法案通過,截至目前為止,亞馬遜老板貝索斯要交稅428億美元;特斯拉的馬斯克要交275億美元;Facebook的朱克伯格丁交228億美元;沃爾瑪的沃爾頓家族要交129億美元。

真開心, 狗咬狗骨, 向死朱仔開刀, 我舉腳贊成, 唔知呢班被侵侵政府逼害的人會否投票俾侵侵

{#iconb_354}

soho*
soho* 2020/08/08

賤美與一眾走狗國狼狽為奸, 當我聽到侵侵加走狗國的關稅, 我就會好心涼, 爽爽! {#icono0_3}

門徒
門徒 2020/08/08

乜仲有得跌咩? {#iconb_65}