250天線獲利盤湧現

250天線獲利盤湧現

~ 資金湧入內地股市, 7月初上証破位而上, 價量齊升靚爆鏡, 由6月中至3/7已連升3周, 創今年最長連升記錄, 上証牛氣沖天, 按照中港股市同步的慣性走勢, 港股亦會跟隨上証飛天,

~ 居安思危, 在股市急升之際亦要有兩手準備, 由於中港美三地股市係同步見底頂, 只要留意中美股市就知港股何時掉頭回落, 當大市急升後或會有後抽, 又或者見頂回落, 要預先制定應市策略, 趁大升減磅, 趁回吐就要吸貨博下一波升浪, 當指標股QQ見頂, 港股亦見頂, 當大市回吐, 見QQ見底, 港股亦見底

~ 上証收復3000大關後愈升愈有, 不過當上破3400後已露疲態, 阿爺打壓非法孖展, 出口術為股市降溫, 社保及企業相繼減持A股, 都窒礙了升勢, 而QQ及多隻中資股都有減持/配股活動, 導致港股升抵26800/11000關口就打回頭, 港股見頂後就反覆向下尋底

回顧6~7/7港股成交分別高達$2508億及$2400億, 極為罕見的天量成交, 就是這兩天突破26000及26500兩個關鍵阻力大位, 創出新高26782後單日轉向呈大陰燭, 見頂味濃, 大成交沖頂冇好下場, 其後由8/7起跌下彈下扮跌唔落其實係臨危托沽, 好友可能已食胡, 如果7月港股係6月的翻版, 全月走勢就會係低高低高, 換句話說, 7月第一浸升浪結束後就要進入消化期, 7月下旬就會再上攻

中港美三地股市通常係同步見底頂, 6/7道指見頂26297, 7/7港股見頂26782/10934, 上証最強, 拖到9/7才見頂3457, 三地股市7月初呢浸升幅已完結, 熱錢匆匆來, 亦會匆匆而去, 股市急升亦會急跌, 所以已一再提醒大家, 升市不要太樂觀, 跌市不要太悲觀, 只係上落市, 港股7月能否再闖高峰就要睇中美股市會否破頂

~~~~~~~~~~~~~~~~~~~~~~~~~~~

~ 既然7月開局港股及上証以超大成交突破關鍵阻力大位25000/10000/3000, 好友理應力守這水平, 資金市逆勢操作係高危動作, 但淡友於7月初日日衝入去造淡, 結果港股果然飛左出外太空, 淡友節節敗退, 其實2/7剛升穿25000元帥已吹雞買上, 當時預測會上26000來擴大月波幅, 因為上破關鍵大位, 挾淡回補空倉及落後股補漲, 上升動力可以十分驚人, 最終去到26800關口才腳軟, 7月開局短短4天已屠熊9325張殺淡友, 大鱷食飽就變臉, 部署殺好友, 可惜散戶往往在升勢初期不願入市, 見升到開巷, 慢幾拍才入市接火棒, 又要坐艇或止蝕

~ 太陽底下無新事, 歷史正不斷地重演, 6月開局恒指連日急升2342點就於10/6見頂, 7月開局升勢正正是6月初的翻版, 7/7高見26782創新高後就掉頭向下, 由29/6低位累計上升2634點, 單計7月就升2355點, 月初第一浸升幅已達標, 7月初升幅竟然與6月初相約, 絕不會是巧合,

6/7上升裂口在25453~25543是後患, 回補機會大, 至於另一個上升裂口25124~25182則不宜全數回補, 如回補代表升浪完結, 好友已撤退, 淡友已奪回主導權, 有港區國安法的托市盤, 估計大媽會睇場

大市於7/7見頂26782回落, 連升斷纜利淡, 近日於26100穿梭, 短線再買上值博率低, 博大市調整更有勝算, 因為後市仍會再下試25800水平, 如有利淡消息, 或會回補25500水平的上升裂口, 到時又可再買上, 未見頂前不宜造淡, 但當大市出現見頂訊號造淡就有值博率, 博落去回補6/7的上升裂口25453~25543, 如有調整, 由高位26782-1000~1200=25582~25782(回吐目標)

~ 2020年第二次水星逆行日期：6月18日至7月12日 金融市場大幅波動的時期, 水星逆行期間必定會消息紊亂, 金融市場會大幅波動, 以前水逆多數見股市暴跌, 但近年已改變, 有急升亦有急跌, 7月份港股雖然爆上26000樓上, 但畢竟處於水逆期, 不會順風順水由月頭升到月尾, 本港疫情爆發第二波拖低股市亦會拖累市場氣氛

~~~~~~~~~~~~~~~~~~~~~~~~~~~

~ 6月初恒指七連升的升幅反而少過今次四連升，好友似乎趕時間，想拿拿林推高大市食胡鬆人, 回顧6月初連日急升, 不過由10/6起就碌落山, 大鱷殺完淡友殺好友, 好淡通殺, 如果7月初是6月上旬的翻版, 同樣於上旬就見頂回落, 好友就要睇住日程食胡, 即係10/7就危，月中係回吐的時間窗口, 待完成調整就會重拾升軌

6月初恒指日日高開推升, 當大市見頂後就低開, 作出大調整, 而7月初亦同樣是日日高開, 換句話說, 往後當出現競價低開就係淡友反擊訊號

~ 當大市升到開巷, 淡友死得七七八八, 貼價牛登場, 就係大市回吐之時, 9/7(周四)就會有貼價牛上市, 好友小心了, 大好友元帥已食胡鬆人短線變身快閃淡友, 因為由7/7起測市指標不斷出現利淡訊號, 有臨危托沽味, 每周升市日數通常係2~3天, 而6~10/7的一周到目前為止3升1跌, 尚欠1日跌市, 預示10/7(周五)收跌機會大

~ 本周(6~10/7)恒指收升已無懸念, 即係連升兩周, 但下周(13~17/7)就要小心, 因為由1月中起, 恒指未試過連升三周, 所以下周(13~17/7)收跌機會大

~ 外圍唔少國家疫情惡化, 有醫學報告顯示新冠肺炎已變種, 變得更具傳染力, 死亡率更高, 香港突然爆發第二波 肺炎疫情, 本地不同社區有越來越多人受感染， 學校再度停課, 地產股等受累板塊會拖低大市, 美國牽頭的西方國家陸續公佈制裁中港措施, 聽聞會向銀行及中概股開刀, 利淡相關股份

~~~~~~~~~~~~~~~~~~~~~~~~~~~

~ 當股市熱炒, 淡友輸到怕, 唔敢再造淡, 人人向上望, 就要止賺獲利, 要有心理準備淡友反擊, 市況會突然逆轉, 熱錢炒作的市況往往係急升急跌，一個二個都食快餐，股民千年蟹貨出籠，當大市累積龐大升幅，有乜風吹草動就會争相沽貨獲利, 今個月股市熱炒, 人人蜂湧入市, 個個有得賺, 誰來埋單呢? 大鱷愛好淡通殺, 所以有得賺就要獲利, 否則當市況逆轉, 就會貪字變個貧, 紙上富貴, 一場歡喜一場空

~ 居安思危, 7月初中港股市升勢過急呈超買, 代表升穿26000後沽壓大增, 好友或會食胡鎖定利潤, RSI已升抵70樓上的高危區, 預示大市會隨時作出調整, 因為資金市升勢過急, 累積龐大升幅, 一個強烈利淡消息亦可令大市突然急跌, 大鱷通常係好淡通殺, 好友的盈利未袋穩就要嘔番出來, 輪到淡友威威

~ 港股四連升於7/7斷纜, 發出第一個警號, 市強回吐600~800點, 市弱回吐1000~1200點就會反彈, 結果累計下跌933點, 8/7低見25849就反彈, 但超買情況依然, 即係彈完會再跌過, 如果買盤強, 回吐後就會見掃貨盤, 市強只會作出即市調整或小幅收跌, 如下跌超過200點或出現連跌不妙, 代表好友已縮手, 淡友反擊

~ 月中美企業績公布期, 股市必定會大幅波動, 美國銀行股打頭陣, 跟住就係17/7微軟.24/7亞馬遜.30/7面書.31/7蘋果

~ 7/7創新高26782後, 單日轉向低收, 超樣衰, 恒指四連升於26800關口斷纜, 代表好友對再買上有戒心,其實月波幅已達標, 已夠水位俾好友轉身, 本周恒指波幅1239點(25543~26782)亦已做夠周波幅, 未來幾日炒上落市及消化沽壓, 恒指250天線關鍵大位想站穩殊不容易, 如果好友仍未放手, 或會在250天線穿梭, 令股民無所適從, 大鱷就可好淡通殺

~ 資金市特徵是水到股市就會升到你唔信, 買盤強, 有好消息就爆升, 對壞消息冇反應, 股市照升可也, 不過當資金流走, 大市就會失驚無神急挫, 對壞消息有強烈反應, 就代表市況已轉弱, 買盤已縮手

~ 美元/人民幣匯價反映資金流, 近日美元失守97, 股市彈高高, 不過仍守得住96.3支持大位, 如果美元止跌回升, 股市又會反艇, 美國十年債息在0.6~0.7%游走, 代表股市有隱憂, 要重上0.7%才安全

~ 目前雖然美元日圓走弱, 人仔港匯強爆, 但亦要慎防資金流有變, 當上証(內地權重金融股)大幅回吐, 港股就會落山, 當人人唱好大市, 就要逆向思維, 作出兩手準備

7月份大戶加權平均開倉水平分別為24352/9757

當美國十年期債息向上走, 股市好, 當美國十年期債息下行, 股市危

=================================

10/7 周五恒指收報25727, 大跌482點(最多下跌640點)

國指收報10541, 大跌240點(最多下跌309點), 國指大幅跑輸恒指

周五(10/7)下午恒指低見25570(大跌640點), 當時我說淡倉食胡, 造淡唔過周末, 因為7月由好友主導, 造淡只係偶一為之, 未來一周起係美企業績公布, 而有研究發現抗病毒藥物瑞德西韋有助新型肺炎患者病情及降低死亡率, 利好美股氣氛

過去一周我趁反彈走貨炒波幅, 於周四(9/7)造淡, 周五(10/7)食胡, 下周我會分注補貨, 不過會縮倉, 唔會好似7月初這麼進取, 因為肺炎於本港社區大爆發, 或會影響市場氣氛, 為防出現突發利淡消息, 我會預留子彈執平貨，以周波波幅來看，下周一反彈完或會插穿今日低位25570

~ 好友可能會守住6/7的上升裂口25453~25543, 萬一打穿, 仲有3/7上升裂口25124~25182撐住

~ 周五(10/7)低位25570已跌近6/7上升裂口頂

~ 月初高位26782 - 1000~1200(回吐幅度)= 25582~25782(本周回吐目標已達)

~ 回顧7月開局以來, 升市日數多, 跌市日數少, 過去7日恒指5升2跌, 反映有好友睇場, 一回吐就會有買盤趁低吸納, 而恒指兩次都係大幅回吐, 7/7那次係一插即彈, 要看今次是連跌抑或速彈

回顧周二(7/7)收市恒指大跌363點, 翌日即彈, 冇連跌

周五(10/7)收市恒指大跌482點, 如果都係唔連跌, 下周一就會反彈, 就算彈唔起, 以目前水浸市場的形勢, 亦會有買盤進場, 畢竟恒指已由高位回吐1239點

假設7月由好友及大媽主導大市, 造淡只能快閃, 趁回吐買上, 所以下周我會分注補回上周沽出的股份, 主力入內險/新經濟股, 但要看新經濟股會否受制裁政策拖累, 暫時唔買內銀, 因為擔心侵侵的制裁措施