8月開局一插即彈.25000穿梭

美中官員據報8月15日會議將審查兩國首階段貿易協議執行情況

7月份恒指先高後低, 走勢差劣, 7月尾落到月內低位, 其後在24500穿梭, 主因係本港疫情惡化+中美交惡+新八國聯軍圍堵中港+黑暴禍港, 商鋪紛紛結業, 旺鋪大幅減租亦乏人問津, 經濟衰退, 百業蕭條, 資金撤出舊經濟股轉投新經濟股, 銀行地產股捱沽拖低指數, 由於美股納指牛氣沖天, 資金流入本港的新經濟股, 但成份股當中舊經濟股佔比重高, 因而拉住港股後腿, 一彈就散

人仔強.阿爺好.港股好

3/8 周一恒指收24458, 跌137點, 連跌3天, 反彈在望,

恒指中期升軌約在24000, 100天線在24258

8月剛開局首日下試上述水平, 低見24250秒殺肥牛即彈, 淡倉食胡, 反手買上, 入貨博反彈, 今日險守100天線, 皆因大位好少一次就失守, 通常要下試幾次才會插穿

內地股市牛味又返來, 上証急升58點收3368, 上企3350關鍵位之上, 有大成交配合升勢, 利好港股, 但恒指不但唔跟升, 仲跌穿上月低位, 破位而下, 唯一解釋係大鱷今日想落山先殺貼價肥牛, 以及想向下擴大周波幅, 然後明日才拗腰抽升, 測市指標出現利好訊號, 預示明日會升穿今日高位24647來向上擴大周波幅, 初生BB熊已下移至24800附近, 向上每百點都有熊仔,

中午匯控公布差劣業績後, 下午港股卻冇跌穿上午低位, 今日恒指雖然跌穿上月低位, 表面上好驚嚇, 但唔少指標股都冇創新低, 係好現象, 可能係淡友回補空倉, 又或者有趁低吸納買盤, 大媽亦掃QQ撐市,

假如今日24250是本周底, 以一般周波幅900~1300點計, 最低消費都要見25150, 20天線約在25100阻力非輕, 按照慣性走勢, 周三四五係創周高位的時間窗口

24250(底) + 900~1300點周波幅 = 25150~25550(本周目標)

人民幣走強連升兩天, 港匯強勢, 美國十年期債息上升, 不過金價亦急升, 內地股市急升, 只要強勢持續, 本周港股有望作出反彈, 畢竟恒指已連跌三周, 大幅跑輸內地股市, 上周港股冇跟內地股市升, 可能與期指結算有關, 唔排除本周港股會追落後,

由去年9月起, 恒指連跌3周例彈, 即係本周會反彈, 現水平買上具值博率, 本周五關鍵位24595/10040, 只要收於其上, 本周收升

港股收復10及50天線, 25000回吐壓力增加

4/8 周二恒指收24946, 大升488點, 結束3連跌

今日高見25062, 挑戰20天線25100受阻而回, 不過周三四五係創周高位的時間窗口, 預示明日會升穿今日高位25062來擴大周波幅, (24250+900(周波幅最低消費)=25150), 20天線在25100會見阻力

今日港股急升, 挾淡味濃, 其實利淡因素仍在, 8月係高危月, 業績公布期, 醜婦終需見家翁, 新八國聯軍圍堵中國, 侵侵打壓中國企業, 向中國 APPS埋手, Tik Tok慘被賤價收購, QQ的APPS亦危, 美國十年期債息昨日彈完今日再下挫, 人民幣結束兩連升, 美國經濟數據差劣, 不過利好因素就係內地醫療隊抵港展開工作, 本港確診數字回落, 港匯強勢持續, 反映資金繼續流入香港, 內地接連公布亮麗經濟數據, 所以內地股市連日上升, 有大成交配合升勢, 亦係港股止跌回升的主因, 而美國經濟差, 示威暴動仍未休止, 不過就有無形之手推高股市, 營造歌舞昇平的假象來提振市場氣氛及消費信心, 以及迷惑選民

港股大方向利淡, 不過短線由於累積龐大跌幅, 作出反彈, 上去吻別大位, 10天線早已跌穿20天線, 發出死亡交叉利淡訊號, 以8月份的月波幅計, 失守25000就要向24000進發, 至於會否回補1/6上升裂口23089~23540就要看上証表現, 阿爺好.港股好, 如果連阿爺都反艇, 港股就危, 只要上証仍處牛市, 就會成為港股的後盾, 當國指連續3日收市失守10000關鍵大位, 就係恒指深潛的前奏

中港股市通常係同步見頂, 留意上証會否於3390打回頭, QQ/上証見頂, 港股亦會見頂

熱錢來也匆匆.去也匆匆, 要看美元走弱是否促使資金流入新興市場, 造就資金市

當資金流走, 支持位都撐唔住

當資金流入, 阻力位都攔唔住

目前港股正處反彈勢頭, 按照慣性走勢, 試完底就會再沖頂, 吻別25000, 沖頂打回頭就要再尋底, 即係會隊穿昨日低位24250, 以月波幅來看, 24250未必係7月大底, 只係本周的短底, 因為失守25000就要向24000進發, 至於何時破底見24000就要睇上証, 因為中港股市通常係同步見底頂, 只要上証強勢持續, 繼續尋頂, 就會扯住港股上山, 當上証見頂, 港股就要落山, 

以周波幅來看, 本周暫時不會跌穿周一低位24250, 不過 20天線阻力非輕, 如沖高打回頭就要下破24250來擴大月波幅, 如果跟上月走勢, 月初見頂後就會碌落山, 8月係業績期, 昨日匯控公布差劣業績, 下周QQ業績後會否見光死亦難料

~~~~~~~~~~~~~~~~~~~~~~~~~~~~~~~~~~~

25000好淡分界線

目前中港股市正處反彈階段, 本周收升機會大, 即係本周五會收24595/10040之上, 應市策略係候低買上, 於阻力在20天線約在25100水平獲利, 如打回頭就要繼續尋底, 向23800~24000進發

老外大手掃A股, 推動中港股市向上, 今日大鱷趁內地股市急升借勢逼淡友回補空倉來幫手推高大市, 順道屠熊844張, 秒殺肥熊即回, 整體牛熊分布係牛多熊少, 25200樓上只得瘦熊, 相反, 24200樓下牛牛肥到漏油, 會拉住港股後腿, 貼價牛牛亦大幅上移

上證收報3371, 呈陰燭, 今日兩度挑戰3390皆受阻而回, 代表3400阻力大, 獲利沽壓增加, 上證通常升3~4日就回吐, 如今已連升3天, 如回吐守3350問題不大, 調整後會再闖高峰, 如失守3350, 代表市況轉弱

7/7港股見頂回落, 展開下跌浪, 本周一(3/8)止跌回升, 重拾尋頂之旅, 今日收復10及50天線, 利好, 全靠老外大手掃A股, 推高相關H股, 大媽買QQ, 可能係炒業績, QQ下周三(12/8)公布業績, QQ未見頂, 港股亦未見頂, 當QQ掉頭回落, 港股升浪亦完結

本周開局1升1跌, 仲有3個交易日, 按照慣性走勢未來3日不會全升

每周升跌日數通常係升2~3天, 市強升3天, 市弱升2天, 今年只係試過一次一周升4天, 以目前消息面唔似日日升

今日中港股市沖高已見獲利盤湧現, 預示明日沽壓會持續, 通常市強買盤勁就會即市完成調整, 市弱就會跌超過200點, 如急瀉就係見頂訊號

5/8 周三恒指收25102, 升156點, 兩連升獲利沽壓大增

昨日說過按照慣性走勢周三四五不會全升, 所以估計今天沽壓加劇或會收跌, 結果今日收升, 既然今日收升, 那麼明天收跌機會大增, 可能大鱷明天仍想伸多一腳上去才落山, 所以今日夾硬推高QQ來撐市,

港股連升兩天, 收升周多數會在周四或五創新高, 預示明日會升穿今日高位25167, 不過本周恒指波幅已進入達標範圍, 已夠水位俾好友轉身, 亦已升抵反彈目標25150, 代表大市隨時會調整, 周五是立秋, 轉節氣預示有大變

本周玩左3日, 2升1跌, 仲有2個交易日, 按照慣性走勢未來2日(周四五)不會全升, 隨時會見頂回落, 每周升跌日數通常係升2~3天, 市強升3天, 市弱升2天, 如今已升了2天, 25200樓上熊唔夠肥, 相反, 小牛已大幅上移至24750水平, 由於本周好友會力守24595, 肥牛在24200暫時冇乜生命危險

25000係好淡角力關鍵位, 今日上企隨即引來獲利沽壓, 指標股表現欠佳, 今日老外沽A股, 內銀內險A走弱, 拖累相關H股全面逆市下跌, 人仔強通常內地金融股亦走強, 但今日卻走弱, 極為反常, 代表大市有暗湧, 大媽亦走貨, 一眾指標股都出現利淡訊號, 人民幣強爆急升290點子, 收6.9530, 利好, 但國指卻跑輸恒指, 唔係好現象, 代表大鱷正在出貨,

上証連升4天, 但今日成交已縮減, 上証通常升3~4天就回落, 港股連升2天, 明日中港股市仍會有沽壓, 隨時會回吐, 市強即市調整或小幅收跌, 市弱會跌超過200點, 中港股市通常係同步見頂, 留意上証會否於3390打回頭, 當QQ/上証見頂, 港股亦會見頂

向下支持:

10及50天線在24700~24800, 上周五收24595, 前底在24250(肥牛區)

向上阻力:

25100(20天線), 25300~23500