10~14/8 神奇大位24500~醞釀反彈

10/8周一恒指收報24377, 跌154點, 連跌3天, 反彈在望

上周五港股出現大成交下挫的見底訊號, 今日雖然續跌, 但跌幅已收窄, 亦沒有破底創新低, 係利好訊號, 港股正在醞釀大反彈, 今日老外掃滬股, 大媽亦掃港股,

尋底市每周都會有新低, 尋頂市每周都會有新高, 只要本周冇插穿上周五低位24167/9909, 上周五立秋, 轉節氣後本周港股轉勢向上機會大增, 只要本周升穿上周高位25201/10313就可確認升浪已展開

今日港股欠缺破底催化劑, 跌勢喘定, 收市跌幅不大, 測市指標出現多個利好訊號, 跌至現水平有低位收貨盤, 港股過去兩日底部下移, 但今日底部上移, 冇創新低, 上周老外大媽都走貨, 但今日卻掃貨, vhsi恒指恐慌指數雖然收升, 但升幅大大收窄, 港股沽空連續兩日縮減, 今日低見24267(上日低位24167)見買盤進場

恒指連跌四周, 打破了過去一年連跌三周例彈的慣性走勢, 雖然出現射擊之星利淡形態, 不過恒指跌足四周, 回調時間已足夠, 全城看淡造淡反而要慎防大鱷挾淡, 回顧2017年起, 試過3次連跌四周後都反彈, 只係試過一次連跌五周, 該次五連跌後就作出報復式反彈, 當時為何會彈高? 因為恒指跌了一個多月, 累積龐大跌幅, 超賣, 大鱷乘機挾淡, 淡友回補空倉, 大媽趁低吸納護盤, 當肥牛陣亡, 又或者熊熊大幅下移, 港股就會急彈

~~~~~~~~~~~~~~~~~~~~~~~~~~~~~~

今日恒指收24377, 處於過去一個月波幅區24167~26782的下方, 現水平造淡就係博破底24167落去24000, 向下空間細, 反而向上空間大, 買上具值博率, 自從31/7上証重上3300以來, 就一直咬住唔放, 有無形之手托市, 只要內地股市高企不下, 就會成為港股的後盾

上証力守3350大位, 挑戰3400水平, 利好, 上証/港股/QQ上周五見底後, 今日齊齊冇破底, 係同步, 港股今日冇跟上証升, 可能係詐死, 大鱷壓住港股插多一棍可能係震牛, 以及引淡友熊熊入局, 明日港股有望追落後彈高

按照港股的升跌韻律, 明日(周二)港股會反彈, 元帥上周五分析周線預示月中將會急彈的看法不變, 今日高位24536不會是本周頂, 仍會有高位, 阿爺好.港股好, 因為懷疑上周五立秋已見底，本周炒反彈, 市弱由低位24167彈600~800點, 市強彈1000~1300點挑戰25500, 以閒閒地千點周波幅計, 既然今日唔落去24000, 本周就要上25000來擴大周波幅, 以月波幅計, 守住24000, 上望26000

港股低位見買盤, QQ亦已累積逾一成跌幅, $500附近或會有淡友回補空倉, 連上周走QQ的大媽都趁回吐低吸QQ, 其實唔少分析都指美國打壓微信對QQ盈利冇乜負面影響, 大鱷只係借消息夾硬推低殺好友, QQ係權重龍頭股, 係大鱷操控港股的棋子, 急跌亦會急彈, QQ周三公布業績, 禍福難料

港股高開高收呈陽燭, 秒殺肥熊, 收復10.50.60天線, 結束三連跌

11/8 周二恒指收報24890, 升513點(最多上升654點)

陸續有多國的新型冠狀病毒疫苗已進入人體測試階段, 加上本港確診數字明顯減少, 都利好市場氣氛, 俄羅斯剛註冊全球首隻疫苗, 總統普京說他的女兒已接受了疫苗注射，效果很好, 資金由疫情期間暴漲的科技及宅經濟股流出, 轉投舊經濟股, 推動港股向上, 大市升勢全面, 後市有望更上一層樓, 以大鱷操控港股的能力, 8月下旬重上25500不是夢,

好友發動攻勢, 今日港股爆升, 尾市竟然唔跟上証落山, 反映買盤強勁, 大鱷玩一升到尾, 誓要逼死淡友, 閃上25031, 秒殺肥熊996張, 今日港股雖然收復多條平均線, 指數近高位收, 但唔少股份卻沖高回落, 抹去大部份升幅, 走勢遜指數,

事出必有因, 股市不會無端端止跌急升, 要以中立的態度應市, 不要有看淡的既定立場, 否則每次見到港股急升就會手痕造淡, 因而忽略了大市急升的利好因素, 目前利淡的形勢已起了變化, 連跌斷纜利好, 老外及大媽齊齊掃貨, 人民幣急升, 避險的日圓轉弱, 美國十年期債息連日上升, 重上0.6水平, 資金流利好,

7/7見頂26782展開尋底之旅, 27/7見第一隻腳24527後反彈, 6/8高見25201後再度尋底, 7/8做第二隻腳24167後反彈, 雙腳站穩會彈得更高, 目前港股正處於大反彈浪當中, 不會一棍就收工, 仍有上升空間, 有望突破6/8高位25201

港股一舉收復多條主要平均線, 技術指標改善, 明日港股再創新高抑或反艇就要看上証能否重上3350大位, 以及有冇炒QQ業績買盤, 今日上証沖高回落, 倒插收場, 收3340, 大跌38點, 為今個月首度收3350關鍵位之下, 走勢差劣, 國指今日亦大幅跑輸恒指, 就係俾A股拖累, 全靠本地舊經濟股發力, QQ不但守得住$500冇破底, 更反彈重上$510水平, 港股才得以高收

~~~~~~~~~~~~~~~~~~~~~~~~~~~~~~~~~~~

按照中港美三地股市同步見底頂的慣性走勢, 上証已見頂3409, 如今就要看今晚道指能否創新高, 推動港股明日破頂25031/10244, 一如昨日所說, 由於上周港股冇跟內地股市升, 大幅跑輸內地股市, 所以本周港股有可能追落後, 目前樓上有貼價肥熊, 極具吸引力, 不過瘦牛亦上移至24650的屠殺範圍, 24200~24600只得幾十隻牛, 欠缺吸引力, 熊肥牛瘦, 加上資金流入舊經濟股追落後, 亦係港股今日高企不下的原因之一

目前高低位24272~25031, 周波幅只得759點, 未達標, 預示未來3天仍要向上或向下爆邊來擴大周波幅, 如果上周五立秋港股已見底, 本周就不應破底, 千點周波幅最低消費都要見25300, 做足1300點就要見25500~25600, 好友今日佔上風, 炒一周期權的好友通常不會在周初食胡, 如果本周收升, 代表周三四五會創新高

上証阻力3400, 恒指阻力25000/25300/25500, 道指連升七天, 嚴重超買, 28000關口阻力非輕, 升勢隨時斷纜, 強勢的納指亦率先連日下挫, 納指亦一如元帥所料於11000整數關口打回頭, 今日港股急升, 但科技股卻大幅跑輸大市, 累積龐大升幅的科技股止賺換馬盤出籠, QQ業績仍存變數, 禍福難料, 港股飛天抑或遁地就要看QQ, 如QQ再下試$500, 港股就危, 如QQ重上$520則有助港股破頂

12/8 周三恒指收報25244, 升353點, 連升兩天有暗湧, 高位沽壓加劇

恒指連續兩日急升, 但卻有暗湧, VHSI恒指恐慌指數上升, 升跌股份比例反映獲利沽壓已湧現, 大鱷出緊貨, 又玩換馬, 可能有短炒好友大鱷食胡, 因為多隻指標股已升抵阻力位, 要慎防明日先高後低, 秒殺肥熊即回, 如果大市未見頂多數係一插即彈, 小幅收跌或即市完成調整, 市強回吐500~800點又或者下試關鍵支持位就會重拾升軌

按照慣性走勢明日會升穿今日高位25291創本周新高, 肥熊在25300~25550, 不過再上只得瘦熊, 欠缺吸引力, 要養下先, 估計25500關口沽壓會加劇, 因為明日已經係第三棍飛天, 累積龐大升幅, 臨近周末, 做夠周波幅短炒止賺盤會出籠, 未來兩天恒指不會全升, 今日尾市升過龍, 明日收跌機會大, 上証創本月新低3263, 收3319, 連跌兩天, 3300失而復得, 失守3350大位, 走勢已轉弱, 要重上3350才能脫險

本周冇跌穿上周低位, 扭轉過去一個月每周有新低, 底部下移尋底趨勢, 本周底部上移, 全周埋單收升機會大, 進一步確認上周五立秋轉勢向上的預測, QQ業績雖然勝預期, 不過明日禍福難料, 因為QQ山上只得瘦熊, 山腳卻有肥牛, 會拉住QQ後腿

向上阻力:

25000, 前頂25201(競價造頂), 25500(整數大位), 25700~25800(200.250天線)

向下支持:

25000(整數大位), 24800(關鍵位), 24531(上周五收市位), 前底24272/24167

恒指高開低收, 單日轉向呈陰燭, 秒殺肥熊即回, 即市調整

13/8 周四恒指收25230, 跌13點, 結束兩連升

11/8道指見頂28154, 當天上証亦見頂3409, 今日(13/8)港股見短頂25490/10311, 閃上去好明顯是為了屠熊及擴大周波幅, 按照中港美三地股市同步見頂的慣性走勢, 所以競價大幅高開即插, 單日轉向, 秒殺肥熊趙完鬆, 不過VHSI恒指恐慌指數大跌4.19%, 唔驚, 人民幣連升3天, 美國十年期債息殺上0.7%, 資金流利好, 港股似係消化急升後的沽壓, 回調整固後會再上, 重上25500不難

如果恒指只係見短頂, 作出正常調整, 由今日高位回吐500點就要下試25000的支持力, 守得住就會重拾升軌, 24700~24900係多條平均線所在, 對大市構成支持力,

今日恒指爆上創高位後倒跌收場, 不過冇跌入肉, 係大鱷慣常造市的手法, 畫大陰燭引淡友入局, 但其實收市跌幅不大, 仍咬住月內高位附近, 如市強又或者大鱷仍想爆頂, 就要守住25000, 如潛得太深不妙

由於恒指月波幅未達標, 今日高位25490不會是8月大頂, 只係短頂, 不過要等25500樓上熊熊養肥, 以及上証/美股彈高, 港股才能再闖高峰, 8月份港股玩左兩個星期, 本周波幅已達標, 重上25000水平, 好友力撐本周收陽收升, 本周收升已無懸念, 明日是畫周線的日子, 恒指終於結束四周跌勢, 而國指連升兩周, 本周一如所料於上周五立秋後轉勢向上,

~~~~~~~~~~~~~~~~~~~~~~~~~~~~~~~~~~

明日例牌有周末有沽壓效應, 每逢臨近周末侵侵都亂講野, 今次周末有中美貿談, 禍福難料, 要有兩手準備, 今日港股夾硬踢上去全靠跌到殘的舊經濟股彈高來撐市, 近日地產股走強, 對大市起支持作用, 今日恒指跌幅收窄亦係多得地產股力撐, 地產股強.港股好

QQ是港股溫度計, 與恒指見頂底及升跌同步, 走勢已率先轉弱, 資金由QQ轉投即將染藍的阿里巴巴, QQ係大鱷操控港股上落的棋子, QQ何時止跌回升具啟示作用, 早前QQ跌穿$520, 就會守住$510, 一插即彈, 不過近來走勢已轉弱, 底頂下移, 高位一瞬即逝, 自從7/8插穿$500低見$499.4後每次彈上$520都企唔穩, 反映沽壓沉重, $500樓下肥牛一直拉住QQ後腿, 要看好友能否守得住前底$499.4, 滬大媽今日亦有買QQ

恆指今日收25230, 拋離低位24167約千點，上月收24595, 仍有上升空間，今日高位25490不會是大頂，無論點震，回吐後都要再上，就算遇上壞消息插水，低位可能係一瞬即逝，後市要上250天線來擴大月波幅，減少短炒，候低買上，入定貨過夜，等食大茶飯

5/8恒指收25102, 對比今日收25230, 我查看多隻指標股表現, 發覺今次重上25000的市底比月初強, 買盤亦較積極和分散, 並非集中幾隻股份來推高大市, 可能係價值投資者吸貨

我認為8月份上証有望收升, 不過無論上証8月份是升是跌, 8月份港股都有條件追落後收升, 即係31/8收24595/10040之上, 連升3個月, 因為7月份港股大幅跑輸內地股市, 主因係7月港股受到港區國安法的走鬼盤拖累, 全月抹去大部份升幅

本周恒指高低位24272~25490, 周波幅1217點, 符合900~1300點周波幅的慣性走勢,
按照尋頂市的慣性走勢, 大市見短頂後回吐, 震完倉就會破頂而上, 即係下周上証及港股都會破頂創8月新高, 趁回吐入貨博下周大反彈

過去幾周恒指高低位及該周升跌:
25543~26782 升
24920~26103 跌
24598~25779 跌
24527~25197 跌
24167~25201 跌

24272~25490 升 ~ 轉勢向上, 全周收升機會極大

==================================

24500神奇大位

2020年第三次水星逆行水逆日期：10月14日至11月4日

10月水星逆行金融市場及政局或會有大變, 3/11美國總統大選前或會有避險盤出籠, 所以我估大鱷會於8~9月上攻, 所以10月最危, 目前跟風順勢炒上, 亦要睇位收割

港股正處於反覆向上尋頂階段, 國指正在儲力突破250天線, 只要國企收10300之上, 有望推動恒指上25500, 以大鱷一貫操控大市的手法, 在關鍵阻力位前湧下湧下, 俾時間淡友入局, 當出現利好消息就會失驚無神急升挾淡, 逼淡友回補空倉

唔講短線，宏觀一點來分析港股走勢, 翻查過去十年恆指的年波幅，最大年波幅是8000~9000點，試過5次，按此推算，今年恆指高低位21139~29175，年波幅8035點已達標，3月及5月出現高低腳21139/22519, 雙腳站穩隨即展開反彈浪，6~7月連升兩個月，有望升埋8月，即係連升3個月，所以不要時常擔心8月會再插穿23000落去再探底，大鱷點捨得賤價出貨益股民, 大插未係時候

自從6月中恆指重上24000並站穩，自此一直咬住唔放，7月份恆指於24000～25000見買盤承接，價值投資者可能已進場，24167是8月底部機會大，8月份就算破底也不應插穿24000,

7月份多次說24500係神奇大位, 5月下旬阿爺放風立港區國安法, 就係由24500附近兩棍直插落22519, 但一個多星期後就重上24500水平, 回顧2019及2018年, 恒指的年度低位分別是24896及24540, 而今年3月股災低見21139, 但3個星期後就神奇地重上24500, 反映價值投資者認為24500樓下係筍價, 紛紛趁低吸納

回顧8月上旬恒指創8月新低24167(跌穿7月低位24527), 當天國指亦創8月新低9909, 不過冇跌穿7月低位9789, 反映國指強勢, 恒指才得以守住24000, 而國指走強是因為上証力守3300水平, 因為7月初國指低見9789時, 上証是在3000水平, 既然上証升呢, AH股相關性高, 所以國指亦升呢

14/8 周五恒指收25183, 跌47點, 連跌兩天, 反彈在望

呢兩日港股回調整固, 消化沽壓, 震完倉就會再上, 由於本周已做夠波幅, 所以大鱷刻意於25500關前詐死扮升唔上, 目的係引淡友入局, 結果25500及25800熊養到肥肥白白, 尋頂市每周都會有新高, 下周有望升穿本周高位25490, 向25800進發, 如向上受阻, 或會插穿25000來擴大周波幅, 不過要有強烈利淡催化劑才能成事, 因為目前港股由好友主導, 多條重要平均線匯聚在24900~25000, 加上內地股市強勢, 都對港股構成支持力

當QQ完成調整(最好守住前底$499.4), 又或者國指上企10300, 港股上升動力就會增強, 沽空增加至13.59%, 為今個月最高水平, 大鱷成功引淡友入局, 下周有挾淡誘因,

老外及大媽齊齊掃貨, 老外見上証回吐低見3302大手掃A股, 上証急升39點, 收3360, 重上3350關鍵大位, 上証觸底回升, 單日轉向, 表現亮麗, 下周有望挑戰前頂3409, 到時港股亦會同步破頂, 挑戰25500肥熊區, 現水平向上空間大, 港股技術指標明顯改善, 按照大鱷的習性, 下周初開新局就會出手挾淡, 淡友熊熊命危