24~26/8 結算周托沽+暗湧

2020/08/24 22:23:48 網誌分類: 經濟
24 Aug

港股高開高收呈陽燭, 大舉屠熊,高位見沽壓

24/8 周一恒指收報25551, 升437點~收市U盤最高位

農夫山泉及百勝中國等ipo招股在即,資金流入,港元強勢,美期急升,港股偷步上揚,恆指以全日最高位收市, 按照慣性走勢, 收升月多數會在月尾創即月新高,等破頂升穿25588來擴大周及月波幅

今日大媽狂掃QQ,港股大幅上升主力靠QQ($550整數關囗,$555~$560阻力大),周五公布業績的內銀走勢疲弱,逆市下跌,拉住港股後腿, 皆因內銀內險A股低收,國指大幅跑輸恆指,

科技股大受追捧, 愈升愈有, 升勢凌厲,不過已累積龐大升幅,要慎防超買回吐拖低大市, 近日科技股強勢, 除了因為納指牛氣沖天外, 可能同7/9科技股納入港股指數有關, 亦有機構投資者將ADR阿里換入港股阿里, 阿里表現特別亮麗

按照慣性走勢,恆指通常每周升2~3天, 如今已升了一天,中港股市已同步去到阻力大位25500/10300/3400,升穿亦要看能否站穩, 如港股市強未見頂多數係即市調整或小幅收跌, 如收市跌超過200點就要小心

由於中港股市多數係同步見頂, 港股後市能走多遠就要看上証能否突破3400/3450水平, 美元反彈,已連續兩日收93之上, vhsi恒指恐慌指數上升, 唔係好現象,小心港股高位一瞬即逝

由7月7日見頂26782開始, 恆指最多連升兩天,未見過三連升, 如今恆指已連升兩天, 代表明日港股沽壓大,收跌機會大, 由於中港美三地股市係同步見底頂, 所以港股能走多遠只要睇外圍股市及資金流就會有頭緒, 本周中港企業陸續公佈業績,特別是多家內銀於周五公佈業績, 持貨要小心

{#icono_61}{#icono_61}{#icono_61}{#icono_61}{#icono_61}{#icono_61}{#icono_61}{#icono_61}{#icono_61}{#icono_61}{#icono_61}{#icono_61}{#icono_61}{#icono_61}{#icono_61}{#icono_61}{#icono_61}

港股高開低收, 單日轉向呈陰燭, 高位沽壓加劇, 轉倉高峰期

25/8 周二恒指收報25486, 跌65點

今日港股一如所料收跌, 不過只係即市調整, 午後觸底反彈, 收窄跌幅, 地產板塊沽壓沉重, 內銀弱勢持續, 拖低大市, 通常地產板塊及內銀弱, 港股彈散容易彈高難, 要兩者轉強才能推動大市向上

今日創即月新高25621就掉頭倒跌, 睇RSI及股份表現, 仍有可能跌穿今日低位25352, 因為牛牛大幅上移, 25000~25300有肥牛, 25600~25800熊唔夠肥, 欠缺吸引力, 仲要養下先,

上証受制於3400大位壓住港股, 如失守3350就會拖低港股, 中港美三地股市通常係同步見頂, 如上証未能上企3400, 又或者本周收低於3380, 利淡港股, 要上証爆上3400才能推動港股破頂,

大鱷用拖字訣玩跌下彈下, 結算周未必跟打孖升跌的慣性走勢, 因為未來三天大鱷要轉倉及部署周五的結算位, 後日是結算前夕, 目前牛熊都貼價, 上落都有得開餐, 如未能升穿25621, 或受制於25800, 就要插穿25300向25000進發

港股今日跌唔落, 因為老外大手掃入滬A股, 大媽亦買港股, 互聯互通齊齊出現資金凈流入, QQ雖然高開低收, 一開即插, 但即市低見$537, 冇跌穿昨日低位$535, 仍處上升勢頭, $550~$555有肥熊, $555~$560阻力大, 要QQ突破阻力才能推動港股更上一層樓, QQ回氣後就要上山屠熊, 要留意當QQ見頂, 港股亦會同步見頂,「南方東英恒生科技指數 ETF」(03033)本周五上市, 發行商要掃入相關股份, 科網股當炒, 吸走市場資金

美國十年期債息止跌回升, 人民幣連日上升, 愈走愈強, 港匯亦強勢, 美股愈升愈有, 道指上企28000及納指企穩11000整數關口, 牛氣沖天

今日港股表面上收市跌幅不大, 但整體下跌股份多, 內銀內險地產沽壓仍大, 資金持續由舊經濟股轉投科網股, 唔少股份都見沽壓, 削弱大市向上動力, 農夫山泉招股或會抽走市場資金, 大鱷利用科網股托市, 掩護出貨,

科技指數ETF於月尾登場/期指結算, 7/9恒指季檢調動, 都會令相關股份及指數升跌特別難預測, 未必跟基本因素及慣性走勢上落, 今日港股小幅收跌, 但四大板塊有三個板塊收跌, 沽壓沉重, 測市指標出現利淡訊號, 睇整睇股份表現大市明明不應跌這麼少, 大市似升非升, 似跌非跌, 在25400穿梭養牛熊, 為了結算/轉倉力撐, 偶爾插一棍, 就會扭曲了慣性升跌韻律, 結算周升跌最飄忽, 散戶入市要小心, 少做少錯 

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

轉倉高峰期, 港股不進則退, 部署屠牛

26/8 周三恒指收報25491, 升5點(最多上升117點, 一度下跌126點)

恒指今日高見25603(昨日頂部25621), 頂部下移, 如果見頂回落, 呢兩日大市窄幅橫行就係引好友入局及派貨, 不過大鱷一直咬住高位唔放, 連續3日在25400窄幅穿梭, 好明顯是為了轉倉及部署高位結算,

港股跌唔落, 呢幾日引左大量牛牛入局, 目前本周波幅25352~25621, 周波幅未達標, 不進則退, 要向下爆邊來擴大周波幅, 貼價牛命危, 25000~25300牛牛愈養愈肥, 肥過25600~25800熊仔, 令下殺誘因增加, 不過10天線在25300, 20.50.60天線在25000~25100, 睇下好友會否撐埋結算

上証大跌43點收3329, 失守3350關鍵位, 連跌兩天, 過去一個月上証跌兩日例彈, 大鱷會否落山先屠牛再上攻屠熊, 就要看上証(內銀內險A股)能否彈高, 推動港股向上,

上証與恒指同步於昨日(周二)見頂3408/25621, 上証今日跌勢加劇, 港股好難獨自去偷歡上去爆頂, AH股同步, 港股亦要跟住上証落山, 不過由於上周恒指違反慣性走勢冇跟上証收升, 所以本周恒指亦有可能補漲收升, 企25113之上, 10.20.50.60天線匯集在25000~25300, 今個月由好友主導, 估計結算前好友會力守, 要有極淡消息才會插穿25000關鍵大位

港股雖然收升, 但唔少股份跌幅大, 整體下跌股份非常多, 唔係好現象, 似係用科網股掩護派貨, 大市有暗湧, 幸好QQ底部持續上移, 尋頂勢頭仍佳, 暫受制於$555~560阻力大位, 要QQ突破阻力位, 才能推動港股向上, 大媽大手掃QQ利好港股, 可惜內銀內險弱勢持續, 拖低大市

過去18個交易日, 恒指9升9跌, 好淡通殺, 8月份還餘下3個交易日, 由於沽壓大, 好友推升已感吃力, 今日夾硬小幅收升, 浪費了一個升市額度, 按照慣性走勢, 未來3天可能升1~2天

港股收升只係假象, 睇港股主板股票表現, 下跌股份多得不尋常, 有臨危托沽味,
上升       622  16%  
下跌      1103  28% 

27/8周四(結算前夕)

28/8周五(結算日+科技指數ETF登場+周線畫圖日)

31/8周一(黑期結算+基金月結+MSCI 指數調動)

最新回應

中国加油
中国加油 2020/09/30
有惊无险,又到终点,9月恒指收23459,大跌1718(6.82%)。
放完假之后需要注意:
首先,當然係美國總統大選活動,特朗普與拜登的選情,相關消息足以對美股及中、港股市造成大幅波動。
第二,美國經濟消息,尤其是為數逾2.4萬億美元的刺激經濟方案能否順利獲得通過,從而能刺激美國經濟及提振美股氣氛。
第三,可能是全球最大宗的新股集資活動——螞蟻集團將於10月啟動中、港兩地上市計劃,必成市場焦點。9月份資金持續流入港股,基本上就係為認購螞蟻作準備,股民不妨留意在相關新股活動定價前,現成的中資科技股或可來個反彈浪,以起造勢之效。
第四,中國將於10月26日至29日召開第十九屆中央委員會第五次全體會議,期間將研究制定第十四個五年規劃,將為中美之爭下,未來五年中國的發展戰略,提供一幅更清晰的圖畫,並對港股走勢有所啟示。
第五,中美關係的進展,10月上旬美國可能會就制裁包括中、港金融機構的名單,而中國亦會以不可靠實體清單作還擊,到底相關制裁行動對兩地金融業影響有多大,必成市場焦點。
美味雞煲
美味雞煲 2020/09/30

試下學下
試下學下 2020/09/30

門兄好小心👍👍👍但個B浪睇怕要見埋227先。3浪未見底

門徒
門徒 2020/09/30

各路淡軍小心有B浪反彈 {#iconb_319}