9月份財經留言版

2020/08/31 18:28:50 網誌分類: 經濟
31 Aug

港股成也上証/QQ, 敗也上証/QQ, 同步尋底頂

恆指連升3個月,按照大鱷操控港股的一貫手法,長升挾淡後就會反艇殺好友,9月可能係轉勢向下月,結算前好友力撐25000/10000,但結算後撐市誘因消失, 9月開新局就要插穿大位來向下擴大月波幅

8月份恒指雖然收升, 但只係表面風光, 其實大市有濃濃的溫水煮蛙式派貨味, 升得好虛, 只係靠QQ.友邦.港交所等多隻權重股托市, 唔少股份都洗倉式下跌, 受讓利政策.業績差, 撥備大增拖累的內銀走勢極度疲弱, 係國指8月率先收跌的主因(預示9月恒指會補跌), 不過科技股及疫情受惠股表現亮麗, 投資者跟紅頂白, 炒股不炒市, 導致強者愈強, 弱股持續捱沽

港股的慣性走勢模式係長升殺淡後就會碌落山, 好友賺賺埋埋都要嘔番出來, 當跌到人人死心, 好友死得七七八八, 大市就會突然轉勢向上, 輪到殺淡友, 好淡通殺, 今次恒指六七八連升3個月, 就要有兩手準備, 慎防大市潛行凶間, 如失守24500就要下試前底24167, 要留意當美股及人民幣 向好趨勢逆轉,就是港股插水之時

9~10月是高危月, 企業公布業績後見光死, 大行重新估值, 唔少股份遭洗倉, 拖低港股

2020年第三次水星逆行:10月14日至11月4日

11月3日 美國總統選舉

今個月納入多隻科網股入指數後, 港股生態已改變, 部份慣性走勢亦失效, 炒指數升跌的衍生工具要小心, 大市急升急跌是常態

~~~~~~~~~~~~~~~~~~~~~~~~~~~~~~~~~~~

新股農夫山泉~市場稱為水中茅台.大自然的印鈔機將於8/9登場, 當天美股假期休市

南方東英恒生科技指數ETF(03033)28/8面世

恒生科技指數 ETF(03032)4/9面世

恆指季檢4/9(周五),港股成交會急增

除了造頂兩天有特大波幅外, 近來恒指即市波幅收窄, 由早前的300~500點變成230~300點

~~~~~~~~~~~~~~~~~~~~~~~~~~~~~~~~~~~~~

8月初見底24167後反彈, 17/8見短頂25588後回落, 20/8見底24621後反彈, 31/8見頂25847, 好淡通殺

過去幾個星期恒指梅花間竹.一周升.一周跌.底頂上移尋頂, 但9月第一周轉勢向下, 第二周創新低候後反彈

8月第一周: 24167~25201 跌    收24531
8月第二周: 24272~25490 升    收25183
8月第三周: 24621~25588 跌    收25113
8月第四周: 25186~25749 升    收25422

9月第一周: 24488~25847 跌 收24695 (見頂回落)
9月第二周: 24213~24908 跌 收24503

9月第三周: 如收升, 18/9將會收24503之上, 如跌, 就是連跌3周

保力加通道底+100天線+3月以來上升軌三線匯聚在24550~24700, 落到呢個水平會有一番爭持, 或會先行作出反彈, 然後再插過

其實反映經濟的BDI波羅的海乾散貨指數於8月中已見頂, 當時港股及上証衝到上25588/10495/3456就反艇, 但由於有期指結算因素, 以及兩隻港版納指先後上市, 發行商要掃入相關股份, 好友就借勢咬住高位唔放, 於8月尾最後兩個交易日再伸多兩腳上去創8月新高, 月尾結算後好友已鬆人, 當上証今日失守3400大關, 港股就碌落山, 由高位25847累計回吐千點見24854, 仍未有見底跡象, 上証企唔穩3400, 港股亦企唔穩25000/10000, 按照BDI見頂回落的走勢, 進一步確認港股已於8月見頂25847/10495, 展開尋底之旅, 港股何時觸底回升就要看BDI, 當BDI止跌回升, 重拾升軌, 港股亦會跟住上

今日內銀爆升托市, 反映大鱷有能力操控港股升跌韻律及步伐, 每周高低位有晒劇本, 幾時破底都在大鱷的掌握之中, 牛肥熊瘦利下殺, 明日港股會插到哪個水平就要看上証, 今日大媽反骨, 竟然沽貨走鬼, 每次出現呢種情況就代表內地股市出事

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

港股高開高收呈陽燭, 結束兩連跌, 部署屠熊

11/9 周五恒指收報24503, 升189點(最多上升259點, 一度下跌20點)

周三港股出現利好訊號, 今日果然止跌回升, 科技指數結束六連跌, 皆因大媽趁低吸納, 掃QQ.美團等新經濟股來護盤, 下周QQ/上証尋頂, 港股亦會跟隨尋頂, QQ/上証見頂, 港股就要重拾跌勢, QQ向上阻力$520及$540

反彈阻力: 恆指24650~24800,國指9800, 港股沽壓未除, 老外繼續沽A股撤退, 內銀弱勢持續, 拖低國指, 股民成手蟹, 港股全靠大媽護盤支撐, 由於中港美三地股市通常係同步見底, 下周會否隊穿24213就要由美股.上証及QQ指揮

下周二三(15~16/9)聯儲局議息, 股匯債會大幅波動

9月份仍有多隻成份股未除息, 會拖累期指呈低水,

下周五(18/9)中美股市結算

貝萊德旗下 iShares 安碩恒生科技 ETF 將於9月17日(周四)在港交所掛牌上市, 發行商要掃入相關股份, 有助好友於下周初推高大市, 不過周四上市後就不用再掃貨

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

港股低開高收, 單日轉向呈陽燭, 大舉屠熊, 24800得而復失

15/9 周二恒指收報24732, 升92點(最多上升186點, 一度下跌18點)

QQ今日高見$538.5, 要QQ破頂才能推動大市向上, 如QQ跌穿$527.5, 利淡, 代表港股已見頂, 要向24213進發

上証阻力3300, 國指阻力9900, 恒指阻力24800/24908/25000, 今日恒指高見24826, 24800關鍵大位已見沽壓, 不進則退, 未來幾日如無法突破24908, 就要跌穿24556來擴大周波幅,

恒指已連升3天, 通常連升3~4天就斷纜, 明晚聯儲局公布議息結果, 禍福難料, 因此明日港股避險獲利沽壓會加劇, 短炒反彈要睇位收割, 每周恒指通常升2~3天, 如今已升了2天, 上周都係升2天就收工, 國指連續3天跑輸恒指, 內銀國指弱, 以及牛肥熊瘦拉住港股後腿

 {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71}

港股沖高回落呈陰燭, 疑似見頂, 部署下殺屠牛

16/9 周三恒指收報24725, 跌7點, 結束三連升, 高位沽壓湧現

QQ受制於$540阻力位, 代表恒指無法上企25000水平, 如明日QQ跌穿$527.5, 利淡, 代表港股反彈浪結束, 要向24213進發, 不過唔知大鱷要拖到幾時才肯插穿8月低位24167

大市連升多日但升勢並不全面, 單靠QQ及阿里等幾隻科技股推升, 沒有舊經濟股的支持只係虛火上升,要舊經濟股幫手推升, 港股才有力上, 由於本周無法突破上周高位24908, 代表底頂下移的走勢持續, 死貓彈完就要繼續尋底

恒指及上証已連跌兩周,走勢疲弱, 國指連跌四周,近年國指連跌四周例彈,按照慣性走勢本周中港股市理應收升, 不過今晚聯儲局公布議息結果, 明日港股危, 周五(18/9)能否收24503/9752之上就要看上証表現, 按照慣性走勢, 星期四五係創周高低位的時間窗口

測市指標釋出利淡訊號, 牛牛上移, 有下殺誘因, QQ及科技指數疑似見頂, 代表好友逃生門已關上, 聯儲局議息後匯債多數有異動, 淡友或會借勢反擊, 當美元反彈, 就係港股反艇之時, 昨日恒指10天線跌穿100天線, 出現死亡交叉利淡訊號

iShares 安碩恒生科技 ETF 將於明日(周四)在港交所掛牌上市, 科技指數連升4天可能係受發行商掃貨所推動, 上次科技 ETF #3033及#3032上市後, 科技股的大手買盤就消失, 港股就碌落山, 小心今次歷史重演

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

17/9 周四恒指收24340, 大跌384點, 反彈在望

早前按照周線的慣性走勢作出預測, 推算本周中港股市會收升, 因為國指連跌四周,近年國指連跌四周例彈,上証連跌兩周, 亦係連跌兩周後例彈, 即係明天國指會收9752之上, 上証會收3260樓上,

估計明日中港股市都會作出反彈, 因為今年兩次富時指數調動, 當天中港股市都係收升,  今日港股受聯儲局議息後美元急彈所拖累大跌, 不過由於上証本周收升機會極大, 有助穩住港股, 明日國指只要收升43點, 本周收陽收升,

本周好友反擊, 恒指一度收復100天線, 不過目前恒指仍在24213~24908區間內游走, 未爆邊, 大鱷唔想向上突破放生牛牛, 亦唔想向下破底放生熊熊, 亦擔心插穿24167/24000會嚇到股民唔敢入市, 所以炒窄幅殺牛熊, 看來要下周才會爆邊

以近日恒指多數有200點即市波幅來看, 只要明日推上24450, 就能避免插穿今日低位24251, 今日港股雖然急跌, 不過大鱷愛食快餐, 所以港股非常拋, 升跌做底頂往往快速完成, 散戶要好好掌握, 造淡亦要快閃, 因為低位有大媽護盤, 每次恒指跌穿24500往往能神奇地走番上去, 有阿爺做後盾, 港股死不了

美期下挫拖累今日港股表現, 不過港股已偷步下跌, 今日低見24251, 下面有三關24213/24167/24000可守, 每次落到24300大媽都出手護盤,  侵侵又搞QQ, 如QQ失守$520, 利淡港股, 不過只要守得住$510及$500兩個大位, 港股就唔落地獄,

今日恒指收24340, 低見24251, 如果今日造淡熊過夜, 就係博明日破底24213/24167/24000, 機會不大, 因為今日已急挫, 而大鱷/大媽的手法係托住指數來派貨, 不會輕易插穿大位, 要上証反艇港股才會潛行凶間, 只要上証企3200, 恒指就應企24000之上

~~~~~~~~~~~~~~~~~~~~~~~~~~~~

昨日恒指收24725, 如果熊過夜就係博今日上唔到24908, 打回頭就要再試底24213, 所以昨日於24700或今早開市24676時造淡有值博率, 博500點跌幅, 結果今日低見24251, 造淡夠水位食胡

以短炒客來看, 通常見大市沖上阻力大位乏力就會造淡, 插落去支持位就會造好博反彈, 低位買上.高位沽, 所以亦唔排除今日有短炒買盤趁低吸納, 現水平博反彈有值博率

目前港股在波動區間24213~24908的下方, 本周下跌空間已收窄, 短炒造淡風險增加, 因為淡友可能已於今日食胡, 港股低位亦有大媽睇場, 而且大市急跌後淡友或會回補空倉, 今日港股跌幅龐大, 係受美期拖累, 已透支了跌幅, 今晚美股下跌已在預期之內, 明日港股再大幅下挫機會細, 恒指有可能收升, 因為恒指本周升了2天, 如果該周由好友主導大市, 通常升3天, 市弱才升2天,

今日(周四)創周低位24251, 符合周四五創周高或低位的慣性走勢, 炒一周期權的大鱷趁美元反彈閃上去93.5借勢推低港股(目前美元沖高回落, 利好股市), 到今日為止恒指高低位24251~24829, 周波幅579點, 過去幾個月如炒細波幅係560~700點

到目前為止, 大部份內地指數周線都收升, 符合早前所說按照慣性走勢本周上証會收升, 表現唔算差, 上証雖然連跌兩天, 收3270, 跌13點, 不過上証通常跌兩日就反彈, 如明日上証彈高, 好友就可借勢反擊, 明日中美股市結算, 好友大鱷亦要畫周線, 富時指數調動, 尾市成交會急增, 會有大龍鳳

回應 (482)
我要發表
裙甩褲甩
裙甩褲甩 2020/09/19 02:31:48 回覆

美國總統選舉加新冠係好大變數,能夠成功選到新總統並能成功過渡,已算係好好消息。

美國分為口罩黨(即拜登民主黨)和非口罩黨(即侵侵共和黨),口罩黨因疫情傾向用郵递投票,而非口罩傾向親身到選舉場地投票(總之就係非常分化)。選舉當晚,選舉場地即場點票,預計共和黨會領先,而郵递投票通常會延遲幾日,民主黨選票要時間先會慢慢增加甚至超前。

吊詭地方係如果侵侵在選舉當晚領先時就跳出嚟搞祝捷會,大鑼旗鼓當鸁咗,之後仲運用總統權力話郵递選票是假的是作弊的,唔承認郵递選票,總之就係用盡洪荒之力霸住總統個位,到時真係唔知點收科,搞個內戰出嚟都唔定。

所以如果侵侵選到,對股市是最好的。如果侵侵輸咗唔肯認,仲發癲搞大龍鳳,到時股市就有排震啦。

中國加油
中國加油 2020/09/19 00:35:02 回覆

中秋=中抽,10月預咗侵侵選唔見,大大抽,得唔得?!

soho*
soho* 2020/09/19 00:14:05 回覆

過去兩周多次插穿24300都收於其上, 樓下牛牛會壯大了膽, 愈養愈肥, 只要有乜風吹草動, 就可一掃光, 又睇下可以撐到幾時, 中秋係大節, 牛牛有冇命食月餅呢?

月尾牛熊通常會特別貼價, 以往都係好淡通殺, 因為月尾大鱷要殺牛熊追數

侵侵禁 QQ Wechat成為淡友殺跌的藉口, 不過今早當QQ急瀉$16.5低見$510.5時, 內銀內險內房等多隻中資股急升抵消了QQ的跌幅, 恒指低見24295即彈, 其後當QQ由低位爬番上去, 內銀任務完成就腳軟, 不過內險仍然彈高高, 今日中資股造好, 可能係受富時指數調動所影響, 通常下一個交易日早市就會作出修正, 相關股份會見沽壓

今日走到隻內險蟹, 鬆綁真係好開心, 套現又炒過

裙甩褲甩
裙甩褲甩 2020/09/18 22:48:23 回覆

新熊落到24641,248樓上的熊都已養得相當肥
今日恆指反彈,近牛見食胡潮格格都減少,但仍然非常肥美
下周大鱷無論是上衝還是下插,都有啖啖肉食

水滴石穿
水滴石穿 2020/09/18 22:07:40 回覆
@soho*...

夢里東海戰雲密

soho*
soho* 2020/09/18 23:50:02 回覆

群兄,

//周升跌次序為「升升升跌升」,4升1跌。//

恒指周升跌次序為「升升跌跌升」,3升2跌 ==> 恒指本周收跌

國指周升跌次序為「升升升跌升」,4升1跌 ==> 國指本周收升

國指9月首周4跌1升, 違反慣性走勢, 上周元帥預測9月下旬會補漲, 升市日數會增加, 結果本周國指4升1跌

通常每周升跌日數係2~3天, 但國指首周反常地跌4天, 所以本周亦反常地升4天

試下學下
試下學下 2020/09/18 20:23:47 回覆

月初個平均價到月中參考價低左,燈神梁個網誌有動態計算平均價(即係日日計)

到琴日平均價係245左右,哈哈,玩左成個月都係245

咪甘開心,托托下令散戶無哂危機意識,隨時借口破位就大蟹,所以都係少博反彈睇位加淡/坐淡算,吾洗身水身汗,保證有一定利潤

恆指收市升114點,報24455點/國指收升70點,報9803點

本週國指收升,恆指估中要收跌

今日上證強勢拉動國指收升,恆指已經連跌3週,下週點都要收升啦掛

以期指升跌日數計9月跌10日升4日,但本月合計跌幅吾大,下半月要追數增加收升日數

試左低位吾穿,週週要700點左右波幅,下週要再試25樓

大市在中期下跌軌及3月以來上升軌中形成收窄三角形,繼續未有突破

8-9月大量指數變動,大戶基金經理不斷執倉,成為大市窄幅上落的成因之一

30/9      第三季結算

1-2/10   國慶中秋假期

soho*
soho* 2020/09/18 18:54:41 回覆

試兄/群兄, 近來有大量配股及IPO, 港股不能落地獄, 有無形之手咬住24500神奇大位唔放, 部署結算位, 請問上月恒指/國指結算價以及轉倉水平係幾多?

c6, QQ今早插到落$510.5, 我以為你有入貨

近來阿爸落到$261~$264即彈, 我都有入貨, 阿爸入左國指成份股後, 已成為大鱷操控港股上落的棋子, 與QQ兩兄弟齊上齊落

soho*
soho* 2020/09/18 19:01:42 回覆
@裙甩褲甩...

看來大鱷揀了8月高低位24167~25847兩邊都唔爆的劇本, 力守24000, 所以靠近波動區間下方就買上

雖然今個月恒指炒窄幅, 但個股升跌幅度驚人, 大鱷殺個股倉都好和味

soho*
soho* 2020/09/18 18:10:02 回覆
@門徒...

本周造好造淡都全吃了, 冇牛熊過周末, 入了貨博下周反彈

裙甩褲甩
裙甩褲甩 2020/09/18 16:43:10 回覆
@中國加油...

大鱷都係絕頂高手,同大鱷在期權對賭鸁面細,坐大鱷順風車,鸁其他做long散戶嘅錢會事半功倍,高招 {#iconb_221}

門徒
門徒 2020/09/18 16:40:00 回覆

元帥食左喇,家有要事停一停唔玩喇 {#icons_boy2}你地先前挾我嗰d食左未?

中國加油
中國加油 2020/09/18 16:33:20 回覆

「做long嘅散戶輸晒時間值,睇啱方向都隨時要輸錢。」

所以我好少做Long,多數做Short。

中國加油
中國加油 2020/09/18 16:26:14 回覆

有驚無險,又到星期五,恆指收24455,周跌48(0.20%),24829~24250=578(2.36%)。恐慌指數收20.42。

昨天阿爺出手,500ETF暫停融券買出(沽空),今天由金融股帶動大彈高!

裙甩褲甩
裙甩褲甩 2020/09/18 16:21:15 回覆

周波幅579點屬細波,周跌48點。

周升跌次序為「升升升跌升」,4升1跌。今周升日明顯多於跌日,但指數仍要收跌,顯示淡友一出手就相當狠,而好友的攻擊則未算太強。

樓下的肥肥肥牛實在是大隱患,不過241至242是密集支持區,相信要有壞消息才可一舉攻破防線食肥牛。

裙甩褲甩
裙甩褲甩 2020/09/18 16:10:00 回覆

又係玩細波206點,今周有4日都係玩200點左右日波幅,無驚無險又俾大鱷磨咗唔少期權金,做long嘅散戶輸晒時間值,睇啱方向都隨時要輸錢。

下周係好友淡友決戰周,波幅應該會大番D,有300點日波幅應該唔係奢望。

裙甩褲甩
裙甩褲甩 2020/09/18 14:46:55 回覆
@裙甩褲甩...

應該關富時變動,A股比例由17.5%升至25%是關鍵

根據此前國際指數編制公司富時羅素公布的旗艦指數2020年8月的季度審議結果,富時羅素的旗艦指數富時全球股票指數系列本次將總共新納入150隻中國A股,其中包括12隻大盤A股,19隻中盤A股,114隻小盤A股和5隻微盤A股。同時,本次調整有2隻A股被剔除指數。以上變動將於9月18日收盤后(9月21日開盤前)正式生效。

今年6月,富時全球股票指數系列中A股的納入因子從17.5%升至25%,標志著富時羅素公布的A股納入進程的第一階段完成。

裙甩褲甩
裙甩褲甩 2020/09/18 14:29:50 回覆

下午阿爺有乜消息咁冗奮?

c6
c6 2020/09/18 13:22:12 回覆

soho* 2020/09/18 12:49:54 回覆

今日港股表現看上証.QQ及阿爸(留意科技指數升跌)

阿爺勁

c6
c6 2020/09/18 13:21:01 回覆

大家有冇執屎雞?~
C6👩🏻報告大元帥

無 我唔識執 睇住QQ

soho*
soho* 2020/09/18 12:55:38 回覆

升唔喜.跌唔樂, 大鱷玩牛熊困獸鬥, 好淡通殺

到目前為止今日港股表現符合多個慣性走勢

變數在富時指數調動, 尾市成交會急增

大家有冇執屎雞?

soho*
soho* 2020/09/18 12:51:57 回覆

門師兄造淡食胡未?

裙甩褲甩
裙甩褲甩 2020/09/18 09:26:46 回覆

今周暫時波幅579點,屬於細波,但今日係星期五,加上美期四巫日,今日波幅未必大,可能又係玩悶局,等下周返嚟洗牌嚟過。

關注點係QQ又俾侵侵搞,留意吓佢今日點波動啦

soho*
soho* 2020/09/18 12:49:54 回覆

今日港股表現看上証.QQ及阿爸(留意科技指數升跌)

~~~~~~~~~~~~~~~~~~~~~~~~~~~~~~~~~

18/9  陸羽仁: 科投股,特別是幾隻科技巨頭繼續成為拖累大市的主力。包括FAANG和微軟等,全部下挫。Facebook跌3.3%、亞馬遜和Netflix跌超過2.3%、蘋果和Google母公司Alphabet跌約1.6%、微軟跌1%,特斯拉跌4.2%。

值得留意的是上面幾隻科技巨頭是今年推動美股向上的主力,但近期形勢比較惡劣,納指較高位已下跌了9.6%,按定義,要較高位下滑10%以上才算進入調整區域,(但已經非常近),然而,FAANG、微軟和特斯拉等都較高位回吐了12.9%至18%不等,其中蘋果更較高累跌了20.3%,踏入熊市區域。

中國加油
中國加油 2020/09/18 08:57:31 回覆

本周五,美股将迎来今年的第三个“四巫日”(美国市场每年3、6、9、12月的第三个星期五是衍生性金融产品的结算日期),在今年的前两个四巫日中,标普500指数均收跌。

考虑到近期火热的市场交投情绪,本周五或将有万亿级别美股指数和个股期权到期,美国市场届时可能迎来波动剧烈。

另外,摩根大通市场流动专家Nick Panagirtzoglou表示,考虑到一些大型基金存在巨大“再平衡”敞口,估计约2000亿美元的股票将被迫出售,这些大型基金包括美国固定收益养老金基金、日本政府养老金投资基金和挪威石油基金。

据报道,这次四巫日的特别之处有两点:一是未平仓的看跌期权数量远超看涨期权;二是近期散户投资者的期权交易异常火热。

~~~~~~~~~~~~~~~~~~~~~~~~~~~~~

【腾讯控股ADR尾盘直线跳水!又是特朗普出手?传盯上腾讯游戏投资】昨晚,腾讯控股(ADR)尾盘的直线跳水。截至收盘,腾讯控股下跌2.43%。消息面上,据报道,知情人士透露,特朗普政府已要求美国的游戏公司,提供有关其涉及腾讯的数据安全协议信息。由美国财政部主持的美国外国投资委员会CFIUS已致信Epic游戏(Epic Games),拳头游戏(Riot Games)等公司,询问这些公司和腾讯之间,就处理美国人的个人数据的安全协议。

~~~~~~~~~~~~~~~~~~~~~~~~~~~~~

人民币汇率持续走强。8月份,人民币汇率累计上涨1.84%。自5月低点以来,短短3个多月,人民币汇率已反弹超过3600个基点。(對中國的外貿出口不利)

~~~~~~~~~~~~~~~~~~~~~~~~~~~~~

c6
c6 2020/09/18 08:46:49 回覆

大元帥評論金句

👍👍👍👍👍👍

~iShares 安碩恒生科技 ETF 將於明日(周四)在港交所掛牌上市, 科技指數連升4天可能係受發行商掃貨所推動, 上次科技 ETF #3033及#3032上市後, 科技股的大手買盤就消失, 港股就碌落山, 小心今次歷史重演~

大元帥早就知大🐊🐊陰謀

c6
c6 2020/09/18 08:42:52 回覆

試下學下 2020/09/18 08:37:53 回覆

4期結算。指數調整(9月成日有)

我博今日週線收跌。連跌3週。等下週吻別25樓清埋熊熊🐻🐻個市就時晨到落地獄

試下學下大師早晨

下週吻別25樓今日留低買上

這個劇本非常好👍希望大🐊🐊跟你

c6
c6 2020/09/18 08:39:42 回覆
@soho*...

大元帥及各位早晨

咁早發表財經評論

辛苦你了💕謝謝🙏

試下學下
試下學下 2020/09/18 08:37:53 回覆

4期結算。指數調整(9月成日有)

我博今日週線收跌。連跌3週。等下週吻別25樓清埋熊熊🐻🐻個市就時晨到落地獄

c6
c6 2020/09/18 08:35:14 回覆

裙甩褲甩 2020/09/17 23:45:36 回覆

新熊落到24750,近熊在增肥中
今日大陰燭向下,散戶勇敢入近牛去接刀搏反彈,近牛非常肥美,令大鱷垂唌三尺,照牛熊走勢聽日有機再夾好友一次

屠牛正🔪🔪🔪

謝謝🙏牛熊大師評論

c6
c6 2020/09/18 08:31:19 回覆

水滴石穿 2020/09/17 22:16:01 回覆
@soho*...

元帥,我用期權代替打機 XD

期權代替打機

要用好多錢囉

soho*
soho* 2020/09/18 01:07:41 回覆

明日(周五)富時指數調動, 或會扭曲了相關股份及港股的升跌規律

每逢富時指數調動, 港股成交都會急增, 係好淡大鱷角力的日子

明日是大鱷畫圖日, 關鍵位24503/24213/24167, 要看大鱷守關的功力

到周四為止, 大部份內地股市周線都收升, 表現唔算差, 國指今日收9732(上周五收9752), 明日國指升跌關鍵在上証, 老外今日走滬A股

大家有冇富時指數調動的新聞?

中國加油
中國加油 2020/09/18 00:55:00 回覆

美国至9月12日当周初请失业金人数录得86万人,为连续第三周降至100万人下方,创自3月14日以来新低。尽管有些人会因为当周初请人数连续第三周低于100万而感到欣慰,但该数字录得86万,仍是疫情前正常水平的四倍多,也远高于金融危机崩溃时期的任何一周的峰值。

中國加油
中國加油 2020/09/18 00:34:11 回覆

【交易所暂停“500ETF”融券卖出,什么信号?】深交所官网发布《关于暂停“500ETF”融券卖出的公告》。对此,有投资者质疑,“500ETF”融券余量近期迅速增加,是否说明有大资金正在进场做空?对此,业内人士认为不必过度担忧。嘉实中证500ETF融券余量迅速扩张只是个别现象,并非所有ETF融券规模都出现扩大。(上证报)

阿爺出👋?

中國加油
中國加油 2020/09/18 00:21:26 回覆

周線暫跌162點(0.66%),所以未到死人冧樓的時候!

裙甩褲甩
裙甩褲甩 2020/09/17 23:45:36 回覆

新熊落到24750,近熊在增肥中
今日大陰燭向下,散戶勇敢入近牛去接刀搏反彈,近牛非常肥美,令大鱷垂唌三尺,照牛熊走勢聽日有機再夾好友一次

美味雞煲
美味雞煲 2020/09/17 23:15:09 回覆
@soho*...

元帥...... 買平熊壞習慣改5 到 🙈🙈🙈 因為買咗隻貼價熊所以避震走 🤣 今日有熊過夜.... 25008點收回 🙈 

中兄,400x 300 收到 😂👍🏾

水滴石穿
水滴石穿 2020/09/17 22:16:01 回覆
@soho*...

元帥,我用期權代替打機 XD

c6
c6 2020/09/17 22:08:22 回覆

大元帥👀淡

我都要唔心急

等QQ理想價😊

c6
c6 2020/09/17 22:05:57 回覆

大元帥預測

大元帥👍👍👍
料事如神百發百中

iShares 安碩恒生科技 ETF 將於明日(周四)在港交所掛牌上市, 科技指數連升4天可能係受發行商掃貨所推動, 上次科技 ETF #3033及#3032上市後, 科技股的大手買盤就消失, 港股就碌落山, 小心今次歷史重演

大元帥教導

好彩唔貪心

一早走QQ

soho*
soho* 2020/09/17 22:28:16 回覆

水滴兄, 炒股已經感到厭倦, 所以唔想學期權, 已說過9月且戰且退,

過去幾年每逢見到港股出現大型跌浪, 博反彈都係要快閃, 由於股價底頂下移, 高位一瞬即逝, 散戶貪平入貨, 但卻掛高位沽貨, 梗係走唔到, 結果搞到成手蟹, 到股災時就冇錢低吸

昨晚睇見納指反向ETF收$3.81, 靚價, 打算今早入貨, 可惜大幅高開, 入唔到, 原來納指期貨急挫, 炒股真係要當機立斷, 昨日冇睇即市, 所以冇入貨, 走寶

soho*
soho* 2020/09/17 21:31:35 回覆

群兄, 相信大家對大市看法都有一個共識, 就係唔知大鱷想托住大市在24167~25000磨幾耐, 弱彈600~800點, 強彈千點, 不過無論點彈, 彈完都係要插穿24000, 看淡9~10月,

soho*
soho* 2020/09/17 21:12:37 回覆

<匯港通訊> 《路透》報道,美國 國際半導體產業協會警告特朗普政府,切勿把中國晶片商中芯國際(00981)納入貿易黑名單,因為制裁行動可能對美國晶片業帶來傷害, 打擊美國的市場領導地位。根據資料,美國晶片界每年向中芯提供價值50億美元的材料。

c6
c6 2020/09/17 20:49:22 回覆

好開心🥳

唔見咗個留言

竟然可以重現

好肚餓 🍚🍚

c6
c6 2020/09/17 20:45:10 回覆

謝謝🙏各位財經評論

實在🥳太精彩👍👏

做完功課 肚餓要飯飯🍚

一天時間實在太少了 不夠用

大元帥的❤️🩸網誌今晚用💕睇

soho*
soho* 2020/09/17 21:47:00 回覆

貼價牛熊

都話左雞煲股感強, 可惜多次睇中方向都敗走, 問題出在即日鮮, 好多時都係下午入場, 根本唔夠時間炒即市, 而大鱷又好鍾意尾市踢高, 結果往往俾大鱷震走唔敢過夜, 早已建議計埋過夜的值博率, 將貼價熊換中或遠熊過夜, 不要止蝕離場

曾說過恒指六七八月連升3個月, 不利愛造淡的煲煲, 踏入9月就係煲煲的天下, 要預早制定應市策略

以昨日為例, 恒指收25725, 上下500點距離屠殺範圍的牛熊都屬高危, 今日下殺500點低見24250, 貼價牛牛係死不足惜, 向上方面, 25200熊防守力亦不足, 俾我會揀25500或25800樓上的熊, 因為200及250天線在25450~25700

如果煲煲昨日不是老想著25200貼價熊, 改為諗25500樓上的熊熊, 就不會因為擔心25200被屠而錯失造淡良機

老實講, 元帥炒即日鮮牛熊都感到吃力, 所以少炒了, 因為港股即市無啦啦跟住上証飛天遁地, 亦要跟住美期上落, 好難估港股升跌, 炒即日鮮勝算低, 炒大方向反而更易掌握, 向上阻力重重, 50天線在25000, 1/9高位25254, 8月高位在25847, 買牛熊就睇住來炒

裙甩褲甩
裙甩褲甩 2020/09/17 20:37:24 回覆

中國民間自發反制美國霸權行動

有中國企業禁員工用蘋果iPhone,違者直接開除

美國對華為的封殺令於9月15日生效,不少國際晶片大廠都已停止向華為提供晶片等零件,對華為的手機業務造成打擊。中國江蘇鹽城一間酒廠為了撐華為及對抗美國,當日貼出公告要求所有員工限期改用國產手機,購買 Apple iPhone 的人士則會辭退。

據內媒消息,江蘇鹽城的首府酒業有限公司 15 日貼出公告,表示為了保證公司和員工信息安全,使用 Apple 手機的員工,限定 30 日內更換為國產品牌手機,否則必須主動離職;員工不得購買 Apple 手機,違者直接辭退,如果購買華為品牌手機,將提供按零售價格給予 15% 補貼。內地媒體記者致電該公司,證實通告屬實。酒廠負責人表示:「那是我們的內部規定,和外面的人沒有關係」、「作為一個中國人,我支持國產手機品牌不行嗎?我們說的也很清楚,是保證公司和員工的信息安全」,又稱「如果大家價值觀都不一樣,那如何在一起創業呢?」

c6
c6 2020/09/17 20:27:49 回覆
裙甩褲甩 2020/09/17 16:11:22 回覆

大鱷呢個禮拜真係好俾心機畫靚幅圖,頭三日先試頂做周高位,點玩都衝唔過上周高位(即向淡),之後就碌落山做周低位。這一轉由低位24213的反彈,彈到24824就完結,彈咗611點啱啱夠弱彈的波幅(即600至800點)。

241至242係密集支持區,跌破241要落去23樓先企得穩。

之前在242至250磨咗10日向下爆邊即係話呢10日大鱷在派緊貨,派夠貨就碌落山。如以上假設成立,大鱷平均派貨價是246,通常要有1000點先夠大鱷轉身,即呢一轉低位起碼要去到236。

高高手謝謝🙏分析

原來要留意咁多👍

~之前在242至250磨咗10日~

你真厲害👍👍👍咁都留意到

🙏謝謝🙏你對大家的好💕💕

中國加油
中國加油 2020/09/17 18:34:24 回覆

滙控股價今日再下跌2.6%,收市報30.9元,最低曾見30.8元,股價創52週新低,不計及除淨因素,乃金融海嘯以來最低水平。

恒指今日從100天線回落,以「大陰燭」蒸發過去一星期的升幅,從簡單一點的角度看,近來港股處於「升市成交少,跌市成交大」,走勢上實不容樂觀。

目前宜先留意8月低位24,167點之支持,一旦失守,恒指於短期後市有可能下試23,500點水平或甚至面臨較深之調整。

中國加油
中國加油 2020/09/17 16:50:05 回覆

股民心理:如果以陰謀論計,特朗普為咗連任一定會撑住𠴱市。如果選唔到上證就會大升!

中國股諺:天量見天價,地量見地價。

瀏覽更多回應 正在載入...
user

最新回應

裙甩褲甩
裙甩褲甩 2020/09/19

美國總統選舉加新冠係好大變數,能夠成功選到新總統並能成功過渡,已算係好好消息。

美國分為口罩黨(即拜登民主黨)和非口罩黨(即侵侵共和黨),口罩黨因疫情傾向用郵递投票,而非口罩傾向親身到選舉場地投票(總之就係非常分化)。選舉當晚,選舉場地即場點票,預計共和黨會領先,而郵递投票通常會延遲幾日,民主黨選票要時間先會慢慢增加甚至超前。

吊詭地方係如果侵侵在選舉當晚領先時就跳出嚟搞祝捷會,大鑼旗鼓當鸁咗,之後仲運用總統權力話郵递選票是假的是作弊的,唔承認郵递選票,總之就係用盡洪荒之力霸住總統個位,到時真係唔知點收科,搞個內戰出嚟都唔定。

所以如果侵侵選到,對股市是最好的。如果侵侵輸咗唔肯認,仲發癲搞大龍鳳,到時股市就有排震啦。

中國加油
中國加油 2020/09/19

中秋=中抽,10月預咗侵侵選唔見,大大抽,得唔得?!

soho*
soho* 2020/09/19

過去兩周多次插穿24300都收於其上, 樓下牛牛會壯大了膽, 愈養愈肥, 只要有乜風吹草動, 就可一掃光, 又睇下可以撐到幾時, 中秋係大節, 牛牛有冇命食月餅呢?

月尾牛熊通常會特別貼價, 以往都係好淡通殺, 因為月尾大鱷要殺牛熊追數

侵侵禁 QQ Wechat成為淡友殺跌的藉口, 不過今早當QQ急瀉$16.5低見$510.5時, 內銀內險內房等多隻中資股急升抵消了QQ的跌幅, 恒指低見24295即彈, 其後當QQ由低位爬番上去, 內銀任務完成就腳軟, 不過內險仍然彈高高, 今日中資股造好, 可能係受富時指數調動所影響, 通常下一個交易日早市就會作出修正, 相關股份會見沽壓

今日走到隻內險蟹, 鬆綁真係好開心, 套現又炒過

裙甩褲甩
裙甩褲甩 2020/09/18

新熊落到24641,248樓上的熊都已養得相當肥
今日恆指反彈,近牛見食胡潮格格都減少,但仍然非常肥美
下周大鱷無論是上衝還是下插,都有啖啖肉食