9月份財經留言版

2020/08/31 18:28:50 網誌分類: 經濟
31 Aug

港股成也上証/QQ, 敗也上証/QQ, 同步尋底頂

恆指連升3個月,按照大鱷操控港股的一貫手法,長升挾淡後就會反艇殺好友,9月可能係轉勢向下月,結算前好友力撐25000/10000,但結算後撐市誘因消失, 9月開新局就要插穿大位來向下擴大月波幅

8月份恒指雖然收升, 但只係表面風光, 其實大市有濃濃的溫水煮蛙式派貨味, 升得好虛, 只係靠QQ.友邦.港交所等多隻權重股托市, 唔少股份都洗倉式下跌, 受讓利政策.業績差, 撥備大增拖累的內銀走勢極度疲弱, 係國指8月率先收跌的主因(預示9月恒指會補跌), 不過科技股及疫情受惠股表現亮麗, 投資者跟紅頂白, 炒股不炒市, 導致強者愈強, 弱股持續捱沽

港股的慣性走勢模式係長升殺淡後就會碌落山, 好友賺賺埋埋都要嘔番出來, 當跌到人人死心, 好友死得七七八八, 大市就會突然轉勢向上, 輪到殺淡友, 好淡通殺, 今次恒指六七八連升3個月, 就要有兩手準備, 慎防大市潛行凶間, 如失守24500就要下試前底24167, 要留意當美股及人民幣 向好趨勢逆轉,就是港股插水之時

9~10月是高危月, 企業公布業績後見光死, 大行重新估值, 唔少股份遭洗倉, 拖低港股

2020年第三次水星逆行:10月14日至11月4日

11月3日 美國總統選舉

今個月納入多隻科網股入指數後, 港股生態已改變, 部份慣性走勢亦失效, 炒指數升跌的衍生工具要小心, 大市急升急跌是常態

除了造頂兩天有特大波幅外, 近來恒指即市波幅收窄, 由早前的300~500點變成230~300點

~~~~~~~~~~~~~~~~~~~~~~~~~~~~~~~~~~~~~

8月初見底24167後反彈, 17/8見短頂25588後回落, 20/8見底24621後反彈, 31/8見頂25847, 好淡通殺

過去幾個星期恒指梅花間竹.一周升.一周跌.底頂上移尋頂, 但9月第一周轉勢向下, 第二周創新低候後反彈

8月第一周: 24167~25201 跌    收24531
8月第二周: 24272~25490 升    收25183
8月第三周: 24621~25588 跌    收25113
8月第四周: 25186~25749 升    收25422

9月第一周: 24488~25847 跌 收24695 (見頂回落)
9月第二周: 24213~24908 跌 收24503

9月第三周: 24251~24829 跌, 連跌3周, 好友陣亡, 預示下周會破底

保力加通道底+100天線+3月以來上升軌三線匯聚在24550~24700, 落到呢個水平會有一番爭持, 或會先行作出反彈, 然後再插過

其實反映經濟的BDI波羅的海乾散貨指數於8月中已見頂, 當時港股及上証衝到上25588/10495/3456就反艇, 但由於有期指結算因素, 以及兩隻港版納指先後上市, 發行商要掃入相關股份, 好友就借勢咬住高位唔放, 於8月尾最後兩個交易日再伸多兩腳上去創8月新高, 月尾結算後好友已鬆人, 當上証今日失守3400大關, 港股就碌落山, 由高位25847累計回吐千點見24854, 仍未有見底跡象, 上証企唔穩3400, 港股亦企唔穩25000/10000, 按照BDI見頂回落的走勢, 進一步確認港股已於8月見頂25847/10495, 展開尋底之旅, 港股何時觸底回升就要看BDI, 當BDI止跌回升, 重拾升軌, 港股亦會跟住上

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

港股低開高收, 單日轉向呈陽燭, 大舉屠熊, 24800得而復失

15/9 周二恒指收報24732, 升92點(最多上升186點, 一度下跌18點)

QQ高見$538.5, 要QQ破頂才能推動大市向上, 如QQ跌穿$527.5, 利淡, 代表港股已見頂, 要向24213進發, 恒指已連升3天, 通常連升3~4天就斷纜, 明晚聯儲局公布議息結果, 禍福難料, 因此明日港股避險獲利沽壓會加劇, 短炒反彈要睇位收割, 內銀國指弱, 以及牛肥熊瘦拉住港股後腿

 {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71}

港股沖高回落呈陰燭, 疑似見頂, 部署下殺屠牛

16/9 周三恒指收報24725, 跌7點, 結束三連升, 高位沽壓湧現

QQ受制於$540阻力位, 代表恒指無法上企25000水平, 大市連升多日但升勢並不全面, 單靠QQ及阿里等幾隻科技股推升, 沒有舊經濟股的支持只係虛火上升, 死貓彈完就要繼續尋底

測市指標釋出利淡訊號, 牛牛上移, 有下殺誘因, QQ及科技指數疑似見頂, 代表好友逃生門已關上, 聯儲局議息後匯債多數有異動, 淡友或會借勢反擊, 當美元反彈, 就係港股反艇之時, 昨日恒指10天線跌穿100天線, 出現死亡交叉利淡訊號

港股高開低收, 單日轉向呈大陰燭, 大舉屠牛, 繼續尋底

21/9周一恒指收23950, 暴跌504點, 創月內新低

早已預告上周五富時指數的買盤推高了中港股市, 相關股份今日會回吐, 加上美元急升, 美期下挫, 中美刀來劍往, 四鬼拍門, 大鱷就借勢殺跌, 屠牛和擴大周及月波幅, 不過成交未見增加, 即係未見底

大媽細細力掃QQ來撐市, QQ明顯跑贏大市, 係護盤功臣, 上周QQ守住$510, 如果本周大鱷仍力守, 就代表暫時唔想隊穿23500, 最大支持位在$500, 港股走勢差劣, 仍未有見底跡象, 不過以本周波幅來看, 今個星期未必會全數回補1/6恒指上升裂口23089~23540, 要等養肥牛牛才會見23000, 道指已跌了兩天, 通常跌2~3天就彈, 亦有助穩住港股

老外一開市就沽A股, 拖累上証高開低走, 港股跟住上証碌落山, 明日港股表現主要看上証(內銀內險A股), 因為港股即市多數跟住上証騰上騰落, 如上証失守3300, 就會拖低港股, 要留意科技指數強弱, 要穩住QQ/阿里/科技指數, 才能穩住港股

早已說9~10月係高危, 要減磅, 且戰且退, 博反彈要快閃, 主力做淡, 回顧以往的大小股災, 指數係窒窒步跌, 一路落山一路引好友入局, 股價係跌到你唔信, 全民皆艇, 低處未算低, 要做好防風措施

今日港股沽壓大, 斬倉走鬼洗倉盤令跌勢加劇, 港股破位而下, 呢種走鬼市不會一棍就見底, 向下23800.23500.23000...., 不過23500係大位, 或會有淡友食胡回補空倉, 希望10月才見23000, 市弱周通常升1~2天

注意事項:

~ 中港美三地股市通常係同步見底頂, 留意中美股市就知港股何時見底, 目前港股跟住中美股市尋底中

~ 全球多家銀行涉嫌幫助罪犯洗黑錢,協助客戶轉移可疑款項,打擊股市表現, 金融股拖低大市

~ 美元急彈, 人民幣轉弱, 利淡股市, 9~10月係高危月, 災味愈來愈濃, 順勢主力造淡, 博反彈只能快閃, 目前全民皆艇, 港股低位承接力弱, 低處未算低, 股份洗倉式下跌, 大鱷利用科技股來掩護派貨, 臨危托沽, 當科技股都撐唔住, 大市就會急瀉

~ 收跌周多數在周三四五創該周低位, 向下關鍵大位23500, 如失, 向下500點一級, 向上關鍵阻力23800, 當大市嚴重超賣, 後市或會有吻別(後抽), 彈完再插過, 港股底頂下移, 每周都會有新低, 窒窒步跌, 扮見底係震熊引牛, 溫水煮蛙式派貨,

~ 23000~23700有重倉牛, 要買定官才, 牛肥熊瘦會拉住港股後腿, 削弱港股反彈力度

~ 市弱沽壓大, 收跌容易收升難, 高位往往係一瞬即逝, 

~ 1/6恒指上升裂口在23089~23540, 今次跌浪應會全數回補, 美元重上94, 股市冇運行, 當美元見頂回落, 股市就會急彈

~ 市弱通常會在開市後見頂, 午後見即市低位, 市強(或收升)午後見即市高位

~ 尋底市弱難彈高, 當收市升超過200點, 又或者出現連升, 就係轉向訊號, 市弱由低位累計彈500~800點

~ 市弱周恒指通常升1~2天, 周二(22/9)晚上9:31秋分轉節氣, 預示周三係好淡角力日, 23500係好淡勝負關鍵位, 亦做夠千點周波幅, 如好友撐唔住, 9月第四周做足1300點就要見23200

~ 港股即市多數跟上証騰上騰落, 除了受美期影響外, 尾市亦會受歐洲股市開市表現所影響, 美元走強, 利淡股市, 當美元回落, 人民幣上升, 大市(權重個股)嚴重超賣, 就係港股反彈之時

~ 地產板塊弱, 港股弱, 要地產板塊造好, 港股才會好,

~ 只要QQ守住$510, 又或者科技指數造好, 代表大鱷唔想港股深潛, 想托住指數來洗倉, 當QQ失守$510, 港股危, $500係QQ最後防線

~ 炒一周期權淡友多數會在周四五食胡, 淡友當道, 月尾或會再創新低, 要穩住上証, 港股跌勢才會喘定

~ 滬、深港通於9月29日(星期二)至10月8日(星期四)不提供港股通服務, 長假期前大媽正在沽貨套現

~ 明源雲(00909)將於25/9掛牌

~ 市傳內房恒大出事利淡內房內銀股

=================================

28/9 (周一) 結算前夕/轉倉高峰期

29/9 (周二) 期指結算+港股通暫停6天+美國總統選舉首場辯論

30/9 (周三) 黑期結算+基金季結+月結+中秋國慶長假期前夕

1/10 (周四) 民陣大遊行/集會(警方唔批准) ~ 黑暴遍地開花暴動日

===============================

25/9 恒指收23235, 跌75點, 連跌兩天創月內新低, 反彈在望

近日港股跌到阿媽都唔認得, 不過9月最後一周(28~30/9)的3天, 港股不會全跌, 因為

1) 有結算因素, 好友會作出垂死掙扎, 推高結算價

2) 以往月尾最後6天, 多數係3升3跌, 今年多數係2升4跌, 目前恒指(23~25/9)1升2跌, 9月尚有3天, 預示28~30/9(周一二三)當中會有1~2天收升

3) 平保於23/9趁低吸納匯控, 市場解讀為阿爺不會將匯控納入不可靠實體清單, 國壽於21/9通過港股市場以每股平均價$4.2339買入工行H股2000萬股, 涉資8468萬元增持, 阿爺護盤俾股民開開心心過節利好,

4) 港股及唔少權重金融股都跌到走樣, 嚴重超賣, 隨時會作出技術性反彈, 市弱由低位彈500~800點(23124+500~800點=23624~26924), 關鍵阻力位23800

5) 大鱷想預留多少下跌空間俾10月呢? 假設10月仍會創新低, 反正9月的波幅已夠水位俾大鱷轉身, 9月尾就可玩窒窒步勒住來跌, 先行作出反彈, 彈完再隊過

6) 內房恒大否認負面傳聞, 多間大行亦護航唱好, 匯控及恒大沽空高企, 都有挾淡誘因

7) 29/9(周二)係兩條賤美老鬼的首場總統競選辯論大會, 美股近來跌到走樣, 辯論大會前侵侵可能會下令托市, 否則會俾拜登恥笑他的股市政績泡湯, 由於中港美三地股市多數係同步見底, 當美股止跌回升, 好友就有藉口反擊, 本周港股大插插亦有可能係淡友大鱷想係侵侵踢高美股前推低港股食胡

8) 保力加通道底部在23000附近, 加上港股累積龐大跌幅, 或會觸發似樣反彈

9) 過去8個月, 無論該月收升或跌, 恒指最少都升9天, 如今只係升了7天, 所以下周仍有可能升2天

結算前夕好友反擊, 港股超賣反彈

28/9 周一恒指收報23476, 急升240點, 結束兩連跌

上周四道指創新低26537, 拖累上周五上証及港股同步創9月低位, 上周五道指冇再創新低, 中港股市今日亦跟隨冇破底, 中港股市三地股市同步展開反彈, 美元由兩個月高位回順, 失守94.5水平, 下試94, 今日港股急升係有匯市支持, 反彈力度增強, 恒指創9月最大單日升幅, 美期急升, 港股偷步彈高, 大鱷借勢挾淡, 逼淡友回補空倉, 港股一升到尾, 咬住高位唔放,

今日港股彈高只係表面風光, 下跌股份比例高, 而且唔少成份股升幅不大, 主力靠匯控死貓彈, 貢獻恒指今日的一半升幅, VHSI恒指恐慌指數上升, 港股危機未除

雖然美股反彈, 不過明日是期指結算, 9月港股由淡友主導, 淡友贏到開巷, 未必肯放手, 或會力壓結算價, 長假期前避險沽壓亦會加劇, 除了科技股外, 亦要留意地產板塊, 地產板塊弱, 港股不會好, 市傳內地監管要求大型內銀控制房貸規模, 消息利淡內房內銀股, 明日起港股通暫停, 港股失去大媽條大水喉 

上周五低見23124, 已回補1/6的大部份上升裂口23089~23540, 尚有少許裂口未回補是後患, 可能拖到10月就會全數回補, 如果大鱷唔想放生23200樓下的肥牛, 今次反彈就不能走得太高(向上阻力23800), 否則會放生好友, 熊熊不斷下移至屠殺範圍, 周三(30/9)非常關鍵, 是黑期結算+基金季結+月結+中秋國慶長假期前夕, 大鱷要畫周線及月線

回應 (740)
我要發表
美味雞煲
美味雞煲 2020/09/30 18:13:27 回覆

群兄, 謝謝你解說ETF, 看來#7500只能短炒, 你懂的真多, 元帥真是班門弄斧了 .....

群兄好pro 👍🏾 大家又長知識。

試兄你MPF瞓身開美股淡倉?邊隻基金咁犀利?可否解釋吓 😂

中国加油
中国加油 2020/09/30 16:18:28 回覆
有惊无险,又到终点,9月恒指收23459,大跌1718(6.82%)。
放完假之后需要注意:
首先,當然係美國總統大選活動,特朗普與拜登的選情,相關消息足以對美股及中、港股市造成大幅波動。
第二,美國經濟消息,尤其是為數逾2.4萬億美元的刺激經濟方案能否順利獲得通過,從而能刺激美國經濟及提振美股氣氛。
第三,可能是全球最大宗的新股集資活動——螞蟻集團將於10月啟動中、港兩地上市計劃,必成市場焦點。9月份資金持續流入港股,基本上就係為認購螞蟻作準備,股民不妨留意在相關新股活動定價前,現成的中資科技股或可來個反彈浪,以起造勢之效。
第四,中國將於10月26日至29日召開第十九屆中央委員會第五次全體會議,期間將研究制定第十四個五年規劃,將為中美之爭下,未來五年中國的發展戰略,提供一幅更清晰的圖畫,並對港股走勢有所啟示。
第五,中美關係的進展,10月上旬美國可能會就制裁包括中、港金融機構的名單,而中國亦會以不可靠實體清單作還擊,到底相關制裁行動對兩地金融業影響有多大,必成市場焦點。
美味雞煲
美味雞煲 2020/09/30 15:58:39 回覆

試下學下
試下學下 2020/09/30 15:08:09 回覆

門兄好小心👍👍👍但個B浪睇怕要見埋227先。3浪未見底

門徒
門徒 2020/09/30 14:44:31 回覆

各路淡軍小心有B浪反彈 {#iconb_319}

中国加油
中国加油 2020/09/30 14:23:12 回覆

今天趁「山狗老伯」反彈,Short Call 38元位,收0.80。2.10%回报。

{#iconb_360}

門徒
門徒 2020/09/30 14:23:24 回覆

彈完未? {#iconb_289}跌啦,諗辦法破233先得 {#iconb_219}

中國加油
中國加油 2020/09/30 12:43:10 回覆

恒指高開273點,甫開升幅曾收窄至173點,見23448點半日低,之後發力,曾飆505點,見23780點,升返10天線(約23705點)即回軟。(跟道指期貨)

soho*
soho* 2020/09/30 11:30:19 回覆

今日港股收升就符合慣性走勢

趁彈高走了一隻蟹貨

soho*
soho* 2020/09/30 13:15:53 回覆

侵侵口才一向好過拜登, 但今日表現麻麻, 拜登表現勝預期, 說話算流暢, 民調顯示今次辯論拜登勝侵侵

侵侵冇禮貌, 時常打斷拜登的發言

Biden to Trump: 'Will you shut up, man?'

每當侵侵詞窮, 就說是中國的錯,

=======================================

30/9 陸羽仁 : 市場關心的事情是特朗普和拜登即將進行的首次電視辯論。從近期多個民調顯示,拜登的支持率已遠勝特朗普。據美國無黨派政治網站270toWin截至昨日的資料,以特朗普和拜登在各州的支持度計算出來的選舉人票,拜登已得到275票,而特朗普只拿到119票,就算他全拿下剩下的支持度不確定州的144票,也贏不到拜登。所以分析相信,只要拜登在大選前不擺烏龍,或者真的睡著了,基本上就可以勝選。

London Capital Group的高級市場分析師Jasper Lawler認為,相對而言,特朗普是對市場更友好的候選人,但現在的情況是拜登很大機會獲勝。這可能會引發一些市場波動,因為投資者會重新考慮特朗普可能連任的可能性。更壞的情況是基於特朗普的作風,假若他敗選,勢將引發爭議,首當其衝的將是新一輪刺激方案的通過受阻。

中國加油
中國加油 2020/09/30 11:15:30 回覆

大鰐咁好屎,放生🐂🐂,彈上來給我沽?

美國總統大選首輪辯論結束,不過分析指特朗普首場電視辯論表現極差,美股期貨現於亞洲開市時段轉跌。

中國加油
中國加油 2020/09/30 10:57:04 回覆

今天大蛋糕的原因:

中國國家統計局公布,9月份中國製造業採購經理指數(PMI)為51.5,預期51.3,較8月上升0.5個百分點,表明製造業景氣有所回升。(創半年新高)

中國9月財新製造業採購經理指數(PMI)報53,預期53.1,前值53.1。

試下學下
試下學下 2020/09/30 09:50:32 回覆

賤侵比拜登講到技窮,好開心,要比天收

撥亂反正👍👍👍👏👏👏

試下學下
試下學下 2020/09/30 09:39:25 回覆

今日應該要彈週高來季結,為下月預留波幅區,順手食下熊掌

睇到238先,大🐊🐊無甘好放生肥牛,記得前年2018年的半年結升500點收市,7月一開局就倒插嘔突

跟著開局插突再彈,好計👏👏

中國加油
中國加油 2020/09/30 00:19:39 回覆

10月按2000點最低消費:24300~23300~22300,唔知會先爆哪一邊?

3690今天245接了貨,已經雙倍Short Call :10月235位,收期權金15元每股,有6.38%回報。10月250位,收期權金9元每股,有3.60%回報。(如成功过關,成本可以攤薄到226)

{#iconb_346}

裙甩褲甩
裙甩褲甩 2020/09/29 23:17:42 回覆

新熊落到23608,近熊23700-23759區間開始肥美。
新牛上到23250非常貼價,今日跌市又見散戶好友撲入場接刀,近牛幾乎格格都見增長,23150樓下牛仔非常肥美。大鱷今日高開即掉頭,似乎唔想放呢批肥牛。
今日大鱷繼續食齋,未有殺牛熊。

中國加油
中國加油 2020/09/29 21:15:25 回覆
@水滴石穿...

山狗老伯」雖然是內銀股的宇宙最強,今天已穿250天,一有反彈就要Short Call X2!(A50中權重約7%,所以咁硬正?)

水滴石穿
水滴石穿 2020/09/29 20:36:41 回覆

上午SC QQ,下午SP 招商銀行

中國加油
中國加油 2020/09/29 20:14:00 回覆

全市最硬正的內銀股:「山狗老伯」今天終於大跌,我會沽到32元才收手!

{#iconb_386}

soho*
soho* 2020/09/29 18:46:33 回覆

哈))) 門師兄強勢回歸, 熊軍又多一員猛將

中國加油
中國加油 2020/09/29 17:23:23 回覆
港股在期指結算日先升後跌,成交大縮。承接美股升勢,恒生指數早段升125點,高見23,601點後反覆回落,收市報23,275點,跌200點或0.85%;國企指數收報9,281點,跌101點或1.09%;科技指數7,000點關得而復失,收報6,977點,跌1點或0.02%。港股通暫停,主板全日成交進一步縮至858億港元。
市傳滙豐控股出售法國零售業務談判已至最後階段,或要倒貼45億元予買家。滙控早段再漲近2%後回吐,並以全日低位30元收市,跌2.6%,拖低恒指45點。旗下恒生銀行及交通銀行亦回吐3.1%及4.2%,是表現最差兩隻藍籌。
大型科網股先升後回,阿里巴巴收升0.7%;騰訊倒跌0.1%;小米集團及美團點評跌0.7%及1%。至於分拆京東健康上市的京東集團有追捧,股價收升1.8%。
傳內地監管機構要求大型銀行控制個人住房按揭貸款等房地產貸款規模,內銀及內房股捱沽。招商銀行急挫6%;郵儲銀行跌2.7%;四大內銀股跌1.2%至3.2%。
內房股華潤置地跌2.5%;碧桂園跌1.9%;世茂集團及萬科跌1.7%;中國海外跌1.2%。
隔晚美股做好,但市場仍觀望今晚美國總統特朗普與民主黨總統候選人拜登的辯論會,美股相信要待辯論結果完結後才有明確方向。
中國加油
中國加油 2020/09/29 17:17:13 回覆

恆指結算日收23275-200(0.85%),美股A股升,大鰐壓低結算,正撲街。假期關係成交縮到只有859億。波幅指數23.59。

c6
c6 2020/09/29 15:56:06 回覆
@中國加油...

高高手

謝謝🙏貼貼

QQ就快頂唔住

唔知點解心情壞壞

中國加油
中國加油 2020/09/29 15:38:20 回覆

今天內銀股大跌的原因!

內地昨日有報道指,大型商業銀行收到通知,要求銀行壓降、控制個人住房按揭貸款等房地產貸款規模,多家大行新增涉房貸款佔比降至30%以下,內銀股沽壓大。

招行(03968)表現最差,一度挫5.9%,低見35.8元,現造36.15元,仍插5%,成交有7.65億元。

交行(03328)也降3.7%;光大銀行(06818)降3.1%;郵儲銀行(01658)跌1.9%;民生銀行(01988)跌1.4%。

至於工行(01398)跌1.7%;農行(01288)跌2.8%;中行(03988)跌1.2%;建行(00939)下滑1.6%。

房企融資日趨收緊,上日有內地媒體報道,有大行收到通知,監管機構近期要求大型商業銀行壓降、控制個人住房按揭貸款等房地產貸款規模,多家大行新增涉房貸款佔比降至30%以下。

華北地區一間大行人士指出,近期壓縮房地產開發貸款投放規模,但個人按揭貸款政策未有改變,此輪房地產金融政策收緊,主要針對房地產發展商,對個人申請房貸影響不大。

對於內地制定「三條紅線」作為房地產融資指標,星展香港認為,內房企業將會減少搶地,加快賣樓改善財務狀況,預期內房股股價短期受壓。

~~~~~~~~~~~~~~~~~~~~~~~~~~~~~

【今年以来299只新股已发行 共募资3746.55亿元】统计显示,以发行日期为基准,截至9月29日,今年以来共有299家公司首发募资,累计募资金额达3746.55亿元,单家公司平均募集资金12.53亿元。分区间来看,募资金额超10亿元的有85家,其中,募资金额超百亿元的有3家,募资金额5亿元至10亿元的有106家,募集资金在5亿元以下的有108家。

國內真的有咁多水?就來抽干!

c6
c6 2020/09/29 15:14:21 回覆

試下學下 2020/09/29 13:56:38 回覆

門兄真係淡友首領來,每次都選對時機出場 {#iconb_21}

美股琴晚彈穿左下跌軌,今晚要修正,月線圖甘樣衰點彈都彈吾到收陽

港股3浪似跌勢未盡,期結日高開來結算,搞到張圖高開低收勁衰樣

9月壓盡來收,10月上半場玩蟻螞爬上天堂假象,等水星逆行再深潛地獄,股災月波幅要有3000點以上劇本,一係就急彈急插複雜4浪,一樣要創新低,Chok住來陰跌,熊三特徵

配合埋年底到轉新一年開局要有年波幅.港股環球股市危險度極高

感謝高高手

精彩財經評

c6
c6 2020/09/29 15:08:15 回覆
@中國加油...

無理由

內銀差過廢豐

唔知道點解釋

內銀跌到咁 心痛

門徒
門徒 2020/09/29 14:38:12 回覆

試兄投机既野方向固然要啱,但timeing都好重要 {#iconb_257}

試下學下
試下學下 2020/09/29 13:56:38 回覆

門兄真係淡友首領來,每次都選對時機出場 {#iconb_21}

美股琴晚彈穿左下跌軌,今晚要修正,月線圖甘樣衰點彈都彈吾到收陽

港股3浪似跌勢未盡,期結日高開來結算,搞到張圖高開低收勁衰樣

9月壓盡來收,10月上半場玩蟻螞爬上天堂假象,等水星逆行再深潛地獄,股災月波幅要有3000點以上劇本,一係就急彈急插複雜4浪,一樣要創新低,Chok住來陰跌,熊三特徵

配合埋年底到轉新一年開局要有年波幅.港股環球股市危險度極高

門徒
門徒 2020/09/29 13:38:45 回覆

入左隻熊唔得閒睇 {#iconb_268}肥左

門徒
門徒 2020/09/29 13:37:10 回覆

熊三夠胆就捕捉每次反彈 {#iconb_223}我受你

中國加油
中國加油 2020/09/29 11:55:54 回覆

內銀股沒有最低,只有更低:939,$4.99;1398,$4.00;3988,$2.40。

廢豐好倉,30元位Call,0.55入,2.05走。

{#iconb_340}

裙甩褲甩
裙甩褲甩 2020/09/28 23:45:50 回覆

明天期指結算,由於幾乎整個九月都係跌市,大鱷手上應該都係淡倉,因此大鱷未必想明天的結算價飛天(見財化水),估計明天早上及下午初段會壓住個市,以反覆偏淡為主。當結算價敲定後,下午中後段大鱷放手兼開十月新倉,個市應該有得繼續反彈。

裙甩褲甩
裙甩褲甩 2020/09/28 23:35:20 回覆

個市開始做反彈,但散戶未即時轉到mode,繼續加沽,近熊增肥不少
近牛上到23160,近牛依然相當肥美,題近一格肥牛在23100至23149
今日大鱷食齋日,無殺牛熊

中國加油
中國加油 2020/09/28 23:08:36 回覆

「我照舊加淡開淡,博第4季大跌特跌,坐到賺為止」

小心特朗普出招,大挾特挾!

中國加油
中國加油 2020/09/28 22:45:21 回覆

恒大系全線急升成大市另一焦點,中國恒大分拆物管業務上市獲批,股價飆20.6%,收報16.62元;恒大汽車亦大漲兩成,收報20.25元;恒騰網絡升9.8%,收報0.28元。

真的大到不能倒?

試下學下
試下學下 2020/09/28 22:29:15 回覆

大戶真識食,但吾知食夠牛未,上半兩邊牛熊都旗鼓相當,個市甘CHOK反而仲多人賭

我照舊加淡開淡,博第4季大跌特跌,坐到賺為止 {#iconb_386}

中國加油
中國加油 2020/09/28 17:43:21 回覆

【收评:三大指数表现弱势沪指跌0.1% 节前效应显现】截止收盘,沪指报3217.53点,跌0.06%,成交额为2097亿元(上一交易日成交额为2207亿元);深成指报12760.93点,跌0.42%,成交额为3306亿元(上一交易日成交额为3487亿元);创指报2521.25点,跌0.75%,成交额为1596亿元(上一交易日成交额为1714亿元)。

恒指收23476,成交933億。(本周只有3日市,加上北水周二(29日)開始暫停,料大市反彈動力不大,相信恒指10天線約23,900點已有一定阻力。)

中國加油
中國加油 2020/09/28 17:07:08 回覆

【Now財經台】滙控(00005)上周認真慘情,於中美兩國角力下,「兩面不是人」,面臨被中方制裁危機,股價跌至世紀供股價的28元水平。

這隻曾經是香港股民的「愛股」,股價風光時,曾經為「紅底股」,但竟然跌至廿多元,當然令一眾股民「心傷透」!

但正當股民「欲哭無淚」時,滙控的中資股東平保(02318)就趁低位增持,上周以逾三億元增持滙控,持股量增至8%,超越美國基金貝萊德(BlackRock),成為滙控最大單一股東。

《彭博》引述平保回應指,正與滙控商談恢復派息,並對公司前景充滿信心。

有平保「加持」,滙控今日股價「翻生」,重上30元水平,最多升近一成一,高見31.3元。

不過,滙控今次是「低位死貓彈」,抑或股價真的見底回升呢?就難以判斷了.....

我認為今天升得太急!(上星期做的期權好倉已經食糊)

裙甩褲甩
裙甩褲甩 2020/09/28 16:14:29 回覆

上周每日低位都一直下破下移,今周返嚟終於打破,今日止咗跌唔駛再尋底。

這轉的低位在23124,最低消費反彈600點都去到237,過兩日10天MA應該也落到237附近,暫時期望九月收於此附近,十月洗牌重新再玩。

中國加油
中國加油 2020/09/28 12:23:32 回覆
虛擬銀行的競爭,以後傳統銀行肯定會沒啖好食!
螞蟻集團旗下的螞蟻銀行(香港)宣布,周一(28日)起正式開業,成為香港第6家正式投入服務的虛擬銀行。
市民由即日起,可以下載該行的手機應用程式,僅憑香港永久居民身份證,最快需時3分鐘便可成功開戶,並可即時體驗每周七天、每天二十四小時的全天候銀行服務,包括本地轉帳以及年利率高達2.5厘的「存款寶」活期儲蓄存款。AlipayHK用戶可在服務推出後,直接透過電子錢包內的螞蟻銀行(香港)小程式遙距開設該行的帳戶。
螞蟻銀行(香港)表示,短期內將與本地電子錢包AlipayHK合作,創造「隨時隨地、觸手可及消費理財」的銀行體驗,為客戶提供更便捷服務。
裙甩褲甩
裙甩褲甩 2020/09/28 11:54:21 回覆
@中國加油...

豐豐,港股呢輪反彈靠晒你啦,加油  {#iconb_293}

中國加油
中國加油 2020/09/28 11:41:24 回覆

廢豐終于絕地反擊!

{#iconb_340}

水滴石穿
水滴石穿 2020/09/28 08:39:48 回覆

殘股有無翻身日?

廢豐,需要割去歐美膿包,或者分拆大中華業務才能獲得新生,把門口那對獅子改作食鉄獸可再輝煌50年。

中資銀行等,要相信周期、鐘擺和均值回顧。巴菲特的成功,原因之一在于他的賽道是美國國運上升,所以歷盡起伏會繼續向上,而他的智慧在這個賽道上跑得比別人更快更穩。

如果信中國國運的上升期,再看AH差價,會發現H股指數還是追隨中國國運最優良的工具。

試下學下
試下學下 2020/09/28 08:00:43 回覆

元帥,侵侵選吾選到都注定今年底到明年初都係好亂的時間,天文現象,政治大事都集中係E段時間,

港股跟A股愈來愈密切,股神果招買ETF係港股明顯吾掂

指數太多殘股,一係就炒到天價先入,新手想發達愈來愈難

取易不取難,繼續世界投資

近日番工太忙太累,吾做大市分析 {#iconb_262}

水滴石穿
水滴石穿 2020/09/28 07:54:27 回覆
@soho*...

IPO還是一個勝率游戲

認購倍數神話破滅,只能保證不大蝕,不能保證升。下一個看保薦人神話和行業神話(生物醫藥+物管)什麽時候破滅。

裙甩褲甩
裙甩褲甩 2020/09/28 00:45:13 回覆

實施國安法後香港進入二次回歸,五眼不斷攻擊中國及香港,呢轉跌市有外資撒退身影,外資走中資頂上,平保連廢豐殘股都大手吸納,可見阿爺俾中資嘅維穩任務。

要走嘅始終要走,要嚟嘅始終要嚟,平常心待之。如相信don't fight the fed,如相信大印銀紙會吹脹資產市場,那就要等待股票轉入強者手,才能開展下一波升浪。

soho*
soho* 2020/09/27 16:05:27 回覆

28/9 (周一) 結算前夕

29/9 (周二) 期指結算+港股通暫停6天+美國總統選舉首場辯論

30/9 (周三) 黑期結算+基金季結+月結+中秋國慶長假期前夕

1/10 (周四) 民陣大遊行/集會(警方唔批准)

soho*
soho* 2020/09/27 23:46:37 回覆

水滴兄, 看來你們抽新股好搵過短炒, 我又抽唔到明源雲, 上次我有追入短炒過幾次農夫山泉, 但今次冇炒雲, 抽唔到就算數 {#icono0_37}

群兄, 謝謝你解說ETF, 看來#7500只能短炒, 你懂的真多, 元帥真是班門弄斧了

{#iconb_261}

soho*
soho* 2020/09/27 23:53:31 回覆

試兄, 美股近來連場暴跌之後, 我本來估29/9之前美股會急彈, 但以為係星期一才彈, 結果上周五已彈高

點解我認為美股會反彈呢? 因為29/9係兩條賤美老鬼的首場總統競選辯論大會, 一直以來, 美國班腦生草的選民都愛睇SHOW, 非常重視第一場的候選人交峰戰, 所以我估29/9辯論大會前侵侵會下令托市, 否則會俾拜登恥笑他的股市政績泡湯

上周五是否侵侵護盤呢? 我唔識分析美股, 我只係睇到上周五美股急升但成交縮, 少過早前幾天大插時的成交

這三千多間美企係刻意於大選前攻擊侵侵非法加關稅, 相信係想影響侵侵的選情

一波未平, 一波又起, 侵侵未搞完華為, 又開另一條戰線, 搞中芯, 這當然不是好事, 但從另一個角度來看, 侵侵全面制裁華為及中芯, 牽連甚廣, 必定會傷害唔少歐美企業, 在疫情導致經濟衰退的不景氣下, 是落井下石, 物極必反,侵侵走火入魔, 誓必會引發更多反侵侵的聲音, 甚至要訴諸法庭

soho*
soho* 2020/09/27 16:48:53 回覆

加油兄, 唔少權重金融股都跌到走樣, 只要淡友肯回補空倉, 亦可觸發急彈, 但老外狂沽A股, 拖低港股, 所以上周五彈散

上周三(23/9)是匯控以及恒指唯一收升的一天, 原來當天北水掃匯控係平保出手, 當天匯控創25年新低$27.5後倒升, 平保已成為匯控最大股東, 其實近日中資股回購增加了

大鱷想預留多少下跌空間俾10月呢? 假設10月仍會創新低, 9月就要勒住來跌, 問題係近來似係有拆倉撤資潮, 沽壓太大, 連大鱷都撐唔住

目前恒指月波幅2130點已達標, 上周五低位23124, 假如你係造淡9月的淡友大鱷, 會持有淡倉過中秋國慶長假期, 抑或趁隊穿23200食胡呢?

瀏覽更多回應 正在載入...
user

最新回應

美味雞煲
美味雞煲 2020/09/30

群兄, 謝謝你解說ETF, 看來#7500只能短炒, 你懂的真多, 元帥真是班門弄斧了 .....

群兄好pro 👍🏾 大家又長知識。

試兄你MPF瞓身開美股淡倉?邊隻基金咁犀利?可否解釋吓 😂

中国加油
中国加油 2020/09/30
有惊无险,又到终点,9月恒指收23459,大跌1718(6.82%)。
放完假之后需要注意:
首先,當然係美國總統大選活動,特朗普與拜登的選情,相關消息足以對美股及中、港股市造成大幅波動。
第二,美國經濟消息,尤其是為數逾2.4萬億美元的刺激經濟方案能否順利獲得通過,從而能刺激美國經濟及提振美股氣氛。
第三,可能是全球最大宗的新股集資活動——螞蟻集團將於10月啟動中、港兩地上市計劃,必成市場焦點。9月份資金持續流入港股,基本上就係為認購螞蟻作準備,股民不妨留意在相關新股活動定價前,現成的中資科技股或可來個反彈浪,以起造勢之效。
第四,中國將於10月26日至29日召開第十九屆中央委員會第五次全體會議,期間將研究制定第十四個五年規劃,將為中美之爭下,未來五年中國的發展戰略,提供一幅更清晰的圖畫,並對港股走勢有所啟示。
第五,中美關係的進展,10月上旬美國可能會就制裁包括中、港金融機構的名單,而中國亦會以不可靠實體清單作還擊,到底相關制裁行動對兩地金融業影響有多大,必成市場焦點。
美味雞煲
美味雞煲 2020/09/30

試下學下
試下學下 2020/09/30

門兄好小心👍👍👍但個B浪睇怕要見埋227先。3浪未見底