15~17/9 利淡訊號

2020/09/15 21:32:43 網誌分類: 經濟
15 Sep

港股低開高收, 單日轉向呈陽燭, 大舉屠熊, 24800得而復失

15/9 周二恒指收報24732, 升92點(最多上升186點, 一度下跌18點)

QQ今日高見$538.5, 要QQ破頂才能推動大市向上, 如QQ跌穿$527.5, 就打破了今次反彈浪底部上移的趨勢, 係見頂訊號, 利淡

上証阻力3300, 國指阻力9900, 恒指阻力24800/24908/25000, 今日恒指高見24826, 24800關鍵大位已見沽壓, 不進則退, 未來幾日如無法突破24908, 就要跌穿24556來擴大周波幅, 兩個星期後才結算, 唔知大鱷想在24213~24908磨到幾時才爆邊, 如果大市反彈浪結束, 就要破底跌穿24213來擴大月波幅, 按照慣性走勢, 收跌月會在該月下旬創新低

上周恒指低見24213(上月低位在24167), 以往大鱷推低港股, 都係落到大位就擦身而過, 扮守得住大位, 未食晒肥牛就急彈, 上山屠殺貼價熊, 消化超賣, 待新牛入局, 就會破位而下, 大舉屠牛

恒指已連升3天, 通常連升3~4天就斷纜, 明晚聯儲局公布議息結果, 禍福難料, 因此明日港股避險獲利沽壓會加劇, 短炒反彈要睇位收割, 每周恒指通常升2~3天, 如今已升了2天, 國指連續3天跑輸恒指, 內銀國指弱, 以及牛肥熊瘦拉住港股後腿

過去幾個星期恒指梅花間竹.一周升.一周跌.底頂上移尋頂, 但9月第一周轉勢向下, 連跌兩周, 代表9月由淡友主導大市, 近日只係作出超賣反彈

8月第一周: 24167~25201 跌 收24531
8月第二周: 24272~25490 升 收25183
8月第三周: 24621~25588 跌 收25113
8月第四周: 25186~25749 升 收25422

9月第一周: 24488~25847 跌 收24695 (見頂回落)
9月第二周: 24213~24908 跌 收24503

9月第三周: 如收升, 18/9將會收24503之上, 如跌, 就是連跌3周

 {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71} {#icono_71}

港股沖高回落呈陰燭, 疑似見頂, 部署下殺屠牛

16/9 周三恒指收報24725, 跌7點, 結束三連升, 高位沽壓湧現

本來以為大鱷會玩假突破上周高位24908, 殺埋25000肥熊才見頂, 但今日恒指結束三連升, 連升斷纜利淡, 今日創本周高位24829已見強大沽壓, 聯儲局議息揭盅前都上唔到24908, 議息後就更難上破, QQ受制於$540阻力位, 代表恒指無法上企25000水平, 如明日QQ跌穿$527.5, 利淡, 代表港股反彈浪結束, 要向24213進發, 不過唔知大鱷要拖到幾時才肯插穿8月低位24167, 過去兩周一直扮守得住來吸引股民入市接火棒, 大鱷於9月上旬一直炒窄幅, 恒指在24500穿梭, 方向難辨, 好淡通殺

以往港股出現大跌浪, 見短底後兩三日就會急彈千點, 但今次由低位24213反彈約600點已乏力再進, 大市連升多日但升勢並不全面, 單靠QQ及阿里等幾隻科技股推升, 沒有舊經濟股的支持只係虛火上升, 今次反彈浪已露疲態, 大鱷溫水煮蛙式派貨, 睇股份表現已升到水尾, 有臨危托沽味, 內銀內險繼續捱沽, 建行國壽陰陰跌, 走勢差劣, 削弱大市上升動力, 要舊經濟股幫手推升, 港股才有力上攻

恒指及上証已連跌兩周,走勢疲弱, 不過國指連跌四周,近年國指連跌四周例彈,按照慣性走勢本周中港股市會收升, 周五(18/9)能否收24503/9752之上就要看上証表現, 按照慣性走勢, 星期四五係創周高低位的時間窗口, 預示明日會插穿周一低位24556來創本周新低, 如此一來, 恒指本周就會係先高後低, 收跌, 未必能跟隨國指及上証收升, 今晚聯儲局公布議息結果, 明日港股危

如果一如金大師所說, 8月好友食胡, 9月大鱷在25000附近反手造淡, 上周期指低位在24142, 這麼細的跌幅, 淡友大鱷夠水位食胡嗎? 如果上周期指減倉只係短炒一周的淡友食胡, 淡友大鱷未食大茶飯的話, 後市就要插穿24213/24167/24000來擴大月波幅, 月尾係創月內新低的時間窗口

近日恒指即市波幅明顯收窄, 只得約200點波幅, 大鱷點穴養牛熊, 過去幾日殺淡友, 靜極思動, 通常幾日細波幅後, 就會突然出現超過400點的大波幅, 今晚聯儲局議息將會是爆邊催化劑, 由於本周無法突破上周高位24908, 代表底頂下移的走勢持續, 死貓彈完就要繼續尋底, 只要守得住24167, 大市又會繼續在24500穿梭

~~~~~~~~~~~~~~~~~~~~~~~~~~~~~~~

周及月波幅未達標

上周恒指低見24213後反彈, 一腳站不穩, 後市要再落去做第二隻腳, 到目前為止9月恒指高低位在24213~25254, 只得1041點月波幅, 遠遠未達標, 不進則退, 後市要插穿24213來擴大月波幅, 回顧過去3年恒指的月波幅, 唔計有一次特細約900點月波幅外, 最細月波幅都有1300點, 代表未來10天24213~25254要爆邊, 如果9月由淡友主導大市, 就應向下爆邊, 港股技術指標利淡, 大底仍未出現的話, 大鱷就不會將港股推得太高, 否則就會俾靚位股民造淡, 亦會放生肥牛及股民的蟹貨

到目前為止本周恒指高低位在24556~24829, 只得273點周波幅, 回顧今年恒指最細周波幅都有530點, 而一般大周波幅有900~1300點, 細周波幅就有550~700點, 目前周波幅遠遠未達標, 如明日跌穿今日低位24635, 代表底頂上移走勢結束, 變為底頂下移, 如插穿周一低位24556就要向前底24213進發,

測市指標釋出利淡訊號, 牛牛上移, 有下殺誘因, QQ及科技指數疑似見頂, 代表好友逃生門已關上, 聯儲局議息後匯債多數有異動, 淡友或會借勢反擊, 當美元反彈, 就係港股反艇之時, 昨日恒指10天線跌穿100天線, 出現死亡交叉利淡訊號

近日IPO及配股活動頻繁, 加上大鱷想派貨, 可能係托市的原因之一, 今日上証創一周高位3302, 港股亦同步創高位24829/9879, 兩地股市亦係同步沖高回落收陰燭, 仍受制於3300/24800/9900, 按照中港股市及QQ同步見頂的慣性走勢, 港股反彈浪已結束, 中港股市會同步尋底

iShares 安碩恒生科技 ETF 將於明日(周四)在港交所掛牌上市, 科技指數連升4天可能係受發行商掃貨所推動, 上次科技 ETF #3033及#3032上市後, 科技股的大手買盤就消失, 港股就碌落山, 小心今次歷史重演

{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}

17/9 周四恒指收24340, 大跌384點, 反彈在望

早前按照周線的慣性走勢作出預測, 推算本周中港股市會收升, 因為國指連跌四周,近年國指連跌四周例彈,上証連跌兩周, 亦係連跌兩周後例彈, 即係明天國指會收9752之上, 上証會收3260樓上,

估計明日中港股市都會作出反彈, 因為今年兩次富時指數調動, 當天中港股市都係收升,  今日港股受聯儲局議息後美元急彈所拖累大跌, 不過由於上証本周收升機會極大, 有助穩住港股, 明日國指只要收升43點, 本周收陽收升, 但下周形勢卻不容樂觀, 因為早已假設9~10月係高危月, 淡友當道, 好友推高大市係逃命, 大方向港股要繼續尋底

本周好友反擊, 恒指一度收復100天線, 不過目前恒指仍在24213~24908區間內游走, 未爆邊, 大鱷唔想向上突破放生牛牛, 亦唔想向下破底放生熊熊, 亦擔心插穿24167/24000會嚇到股民唔敢入市, 所以炒窄幅殺牛熊及臨危托沽, 看來要拖到下周才會爆邊, 要擴大月波幅的話, 就要插穿上周低位24213來擴大月波幅, 不過淡友大鱷要等利淡催化劑才出手

以近日恒指多數有200點即市波幅來看, 只要明日推上24450, 就能避免插穿今日低位24251, 今日港股雖然急跌, 不過大鱷愛食快餐, 所以港股非常拋, 升跌做底頂往往快速完成, 無論造好造淡散戶都要好好掌握

美期下挫拖累今日港股表現, 不過港股已偷步下跌, 今日低見24251, 下面有三關24213/24167/24000可守, 每次落到24300大媽都出手護盤,  侵侵又搞QQ, 如QQ失守$520, 利淡港股

今日恒指收24340, 低見24251, 如果今日造淡熊過夜, 就係博明日破底24213/24167/24000, 機會不大, 因為今日已急挫, 而大鱷/大媽的手法係托住指數來派貨

~~~~~~~~~~~~~~~~~~~~~~~~~~~~

昨日恒指收24725, 如果熊過夜就係博今日上唔到24908, 打回頭就要再試底24213, 所以昨日於24700或今早開市24676時造淡有值博率, 博500點跌幅, 結果今日低見24251, 造淡夠水位食胡

目前港股在波動區間24213~24908的下方, 本周下跌空間已收窄, 因為淡友可能已於今日食胡, 港股低位亦有大媽睇場, 而且大市急跌後淡友或會回補空倉, 今日港股跌幅龐大, 係受美期拖累, 已透支了跌幅, 今晚美股下跌已在預期之內, 明日港股再大幅下挫機會細, 恒指有可能收升, 因為恒指本周升了2天, 如果該周由好友主導大市, 通常升3天, 市弱才升2天, 不過以底頂下移, 每周都會有新低來看, 下周就要插穿24213來擴大月波幅

今日(周四)創周低位24251, 符合周四五創周高或低位的慣性走勢, 炒一周期權的大鱷趁美元反彈閃上去93.5借勢推低港股(目前美元沖高回落, 利好今日港股), 到今日為止恒指高低位24251~24829, 周波幅579點, 過去幾個月如炒細波幅係560~700點

到目前為止, 大部份內地指數周線都收升, 符合早前所說按照慣性走勢本周上証會收升, 表現唔算差, 上証雖然連跌兩天, 收3270, 跌13點, 不過上証通常跌兩日就反彈, 如明日上証彈高, 好友就可借勢反擊, 明日中美股市結算, 好友大鱷亦要畫周線, 富時指數調動, 尾市成交會急增, 會有大龍鳳

本周恒指一度收復100天線, 但動力不足, 高位一瞬即逝, 恒指已失守所有平均線, 目前恒指仍在24213~24908區間內游走, 月波幅未達標, 看來要拖到下周等利淡催化劑才會爆邊,牛肥熊瘦是後患, 科技股領跌, 侵侵又搞QQ, 如QQ失守$520, 利淡港股, 日圓走強, 人民幣下跌, 結束五連升

====================================

<匯港通訊> 螞蟻集團擬於10月中旬進行 A+H 上市,傳計劃集資規模逾300億美元(逾2340億港元),有望超越2019年集資逾290億美元的沙地阿美,成為歷來最大新股集資。螞蟻申請上科創板下周五(18/9)審議

農夫山泉將會於9月21日收市後被納入恒生綜合指數、恒生綜合行業指數-必需性消費、恒生綜合大型股指數、恒生綜合大中型股指數,以及恒生消費品製造及服務業指數。即有望入港股通

美國周日20/9起禁線上平台分發 TikTok 及 WeChat

美國對華為制裁將於15/9生效

TikTok 將由15/9起被禁制與美國公司交易,甲骨文就 TikTok 美業務建議有效期至9月20日

聯儲局將於9月15~16日(周二三)舉行議息會議, 通常股匯債都會有異動

16/9蘋果公司產品發布會

周五(18/9)美股四巫日結算, 內地股指期貨結算

~~~~~~~~~~~~~~~~~~~~~~~~~~~~~~~~~~~

新股農夫山泉~市場稱為水中茅台.大自然的印鈔機於8/9登場, 當天美股假期休市

南方東英恒生科技指數ETF(03033)28/8面世

恒生科技指數 ETF(03032)4/9面世

恆指季檢4/9(周五),港股成交會急增

最新回應

中国加油
中国加油 2020/09/30
有惊无险,又到终点,9月恒指收23459,大跌1718(6.82%)。
放完假之后需要注意:
首先,當然係美國總統大選活動,特朗普與拜登的選情,相關消息足以對美股及中、港股市造成大幅波動。
第二,美國經濟消息,尤其是為數逾2.4萬億美元的刺激經濟方案能否順利獲得通過,從而能刺激美國經濟及提振美股氣氛。
第三,可能是全球最大宗的新股集資活動——螞蟻集團將於10月啟動中、港兩地上市計劃,必成市場焦點。9月份資金持續流入港股,基本上就係為認購螞蟻作準備,股民不妨留意在相關新股活動定價前,現成的中資科技股或可來個反彈浪,以起造勢之效。
第四,中國將於10月26日至29日召開第十九屆中央委員會第五次全體會議,期間將研究制定第十四個五年規劃,將為中美之爭下,未來五年中國的發展戰略,提供一幅更清晰的圖畫,並對港股走勢有所啟示。
第五,中美關係的進展,10月上旬美國可能會就制裁包括中、港金融機構的名單,而中國亦會以不可靠實體清單作還擊,到底相關制裁行動對兩地金融業影響有多大,必成市場焦點。
美味雞煲
美味雞煲 2020/09/30

試下學下
試下學下 2020/09/30

門兄好小心👍👍👍但個B浪睇怕要見埋227先。3浪未見底

門徒
門徒 2020/09/30

各路淡軍小心有B浪反彈 {#iconb_319}