令人尊敬的巴士車長

           昨天 上午十時正， 在瑪麗醫院站 ，坐91號巴士 往香港仔。

          剛坐定, 巴士平穩地開出 ,沿途經過 「薄扶林村」,「華富邨」 巴士司機都是小心翼翼地,望著倒後鏡,待乘客坐定後才開車。

          轉眼間去到「田灣」， 有一個揸住拐杖的老人家， 行得歪歪扯扯，震騰騰，司 機関心地問她去邊度，她答去覆診。

          巴士司機提醒她，有一個空位比較近，小心 看著她坐下，才 平穩地 開車。

              我坐的位置剛好清楚看到司機倒後鏡 ，看到他每站都小心翼翼地開車的整個過程，心中暖洋洋，人間有情， 誰說不是。

            去到香港仔 「稻香」飲茶，己是十時半，匆匆灌水，準備埋單， 有兩 人搭檯，其中一個大隻佬 望著排隊結數的 人，大聲地講粗口 ，鬧這班人 是窮人，為了慳幾蚊， 好似小學生咁排隊結數， 他就是為了怕排隊，寧願 貴些 也要十一點半正價時段才 飲茶 。

           跟著他大聲地說: 人人都說香港仔有很多有錢人， 你睇， 為咗慳幾蚊好似小學生咁排隊結數 ， 正 窮鬼 ，香港仔連一間大金鋪都冇，「 富臨酒家」個老細喺香港仔也蝕到趴喺度， 你睇下 ，嗰班人結完數都唔走，霸住張枱，有乜唔死，正窮鬼。

         我起身望望這位仁兄 ，大概五十歲左右，面圓圓  身材粗壯，頸帶金鏈 手有手鏈 ，我惹不起，還是走為上着了。

        十人九品， 遇著好人如沐春風 遇著惡人 ， 走為上著， 有選擇權的人， 還是 萬事大吉的。

圖。 91 號巴士田灣站。